عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

مشكووووووووووووووووووووووووور

خنساء العصر الحديث كتب:بسم الله الرحمن الرحيم
السلام عليكم بصراحه انا عندى مشكله كبيره جدا فى شعرى فارجوكى تساعدينى من سنه تقريبا كان شعرى طويل وتقيل جدا وناعم بس بصراحه مش ناعم اوى بس مش خشن وكان اى حد بيحسدنى على شعرى بس للاسف مره كنت بقص شعرى ومن هذا الوقت مطولش تانى وكمان بدا ينزل جامد جدا وساعات بتكون فيه قشره وبقى مقصف ووحش اوى وجاف جدا مش عارفه ايه السبب ممكن علشان كن فيه فتره عندى فيها ظروف مهتمتش اوى بيه كالمعتاد بس بقالى مده طويله بهتم بيه جدا وبحاول ارجعه زى الاول بس للاسف مفيش امل وبالعكس
انا مش عارفه اعمل ايه جربت شويه وصفات بس منفعتش نفسى يرجع فعلا تانى زى الاول ويرجع يطول تانى بس مش عاوزه اجرب حاجه تبوظه بجد نفسى يطول تاانى علشان هو حالي قصير جدا جد واى حد يبزعلنى اوى لو شافه ممكن تجاوبينى بسرعه لو سمحت
وجزاك الله كل خير

ان شاء الله ياحبيبتى يرجع زى الاول واحسن كمان بس المهم انك تمشى على الخطوات اللى هقولهالك بالظبط

اول حاجة لازم تعمليها تستعملى زيت التوم عشان هو اللى هينبت شعرك وبكدا هيرجع تقيل وكثيف زى ال1
تشترى زيت التوم من عند العطار
هتستخدميه12يوم ورا بعض كل يوم تدهنى شعرك وتدلكى فروة راسك ربع ساعه بس تدلكى بخفه وبهدوء وبعد كدا تحطى فوطة سخنه على راسك لمدة ساعه وكل ماتبرد تسخنيها تانى وبعد الساعه تغسلى شعرك بشامبو وياريت يكون شامبو مناسب للاستعمال اليومى زى لونا او دوف وممكن تغسليه بصابون ناببلسى بزيت الزيتون من عند العطار
وبعد مايخلصةوا ال12يوم تستعمليه مرة فى الاسبوع لمدة شهرين بس لازم تخصصى يوم معين تغسلى فيه شعرك متغيرهوش يعنى مثلا تخصصى يوم السبت يبقى كل سبت تعملى شعرك بزيت التوم بالطريقة اللى قولنا عليها
وبكدا هتلاقى شعرك نبت وطول كمان

بعد ماتخلص مدة استعمال زيت التوم

تستعملى الوصفات دى
مرة فى الاسبوع تستعملى صفارة بيض او صفارتين على حسب طول شعرك وتحطى عليه ملعقة عسل نحل وتحطى عليه نقط زيت توم وزيت ويتون وزيت خروع وزيت جوز هند تحطيهم على شعرك وتلبسى كيس بلاستيك وتلفى شعرك بشال او طرحة كبيرة وتقيلة عشان شعرك يسخن وتسبية4ساعات وبعدكدا تغسلية
وهتلاقى شعرك فى اقل من3شهور من الوصفة دى طول جداااااااااا

وفى وصفة احلى وهتطول شعرك جدااااااا
تجيبى زيت حشيش وزيت توم وزيت دابر املا الذهبى[لوشعرك بنى او العادى لوشعرك اسود]وزيت زيتون وزيت خروع وزيت لوز وزيت سمسم واى زيوت عند حطيهم واخلطيهم بكميات متساوية[لومعندكيش يبقى كفاية زيت زيتون بس لوزيوت اكتؤ هتبقى النتيجة اسرع واحلى]وحطيهم فى علبة وقطعى عليهم فلفل اخضر واقفل البرطمان عليهم لمدة10ايام بعدكدا تصفى الزيت وتحطيه فى علبه وترمى الفلفل وتيبى من عند العطار محلب مطحون[لانه روووووووعة بيطول ويكثف اوى]وتحطيه على الزيوت دى وتسبيه مدة8ايام وبعدكدا تستعمليه يوم معين فى الاسبوع متغيرهوش

عندك طريقتين للاستعمال اختارى منهم واحدة
اول طريقة::--
تجيبى صفارة او صفارتين بيض وملعقة عسل وشوية من الزيوت دى وتخلطيهم وتحطيهم على شعرك وتلبسى كيس بلاستيك وتلفى شال كبير عليه وتسبيه لمدة5ساعات او4ساعات وبعدكدا تغسلى شعرك
تانى طريقة::--تدهني الزيوت دى على شعرك عادى وتدلكى فروة راسك وبعد كدا تلبسى كيس وشال وتسبية7او8ساعات ويعد كدا تغسلية

اهم حاجة كمان تجيبى زعتر وتملى ملعقة كبيرة وتحطيها فى كوب ماء وتسبيهم منقعوين لمدة24ساعه وبعد كدا تصفى الزعتر وتاخدى المية تحطيها فى بخاخه[او ازازة برفان بس تكونى غسلتيها كويس]وكل ليلة قبل ماتنامى ترشى فروة راسك وتدلكيها بالراحه وبهدوء وتنامى وكل يوم كدا عشان يزيل القشرة وكمان يكثف شعرك ويمنع تساقطة

شوية نصائح

1لوبتشربى شاى او كولا او قهوة او بيبسى كتير لا خففى منه يعنى مرة فى الاسبوع كفاية

2كلى فلفل اخضر رومى على اد ماتقدرى كلى كتير

3استعملى حمام كريم بوناويل بالقمح وبرو فيتامين ب5لانه بيعالج الشعر

4ياريت تستعملى شامبو لونا بانثينول للشعر الجاف لانه بيعالج شعرك

وربنا يوفقك ياحبيبتى واسفة على التاخير فى الرد سامحينى

ميروووووووووووووووووووووووووو ليه مش رديتى عليا

emy ghanem كتب:ازيك يا ميرو يا سكر ربنا يقدرك وتفضلى تساعدينا كدة على طول ههههههههه ويوفقك يارب ونشرب الكوكا كولا لما تنجحى لازم كلنا نشرب بدل الشاى ماشى :lol: بقولك بقى يا مريانا ياحبيبتى انا بقى طول عمرى شعرى خفيف يعنى مش تقيل اوى كويس متوسط يعنى يمكن زى نينه يعنى انا طالعة ليها او يمكن تغذية بس بتهيقلى زى نينه انا كنت شوفت ليكى وصفة انها بتقل الشعر حتى الخفيف بسبب الوراثة بس انا كنت الحمد لله شعرى كويس ومش مضايقنى وانا اصلا شعرى ناعم مش خشن ومش وحش بس المشكلة بقى انى استخدمت زيت الزيتون فترة 3 شهور استعمله كاستخدام زيت للشعر عادى او كريم كل ما اغسل شعرى احطه خصوصا ان شعرى بيحب الزيت اكتر من الكريم المهم انا لقيت فروة شعرى ضعفت اوى وخف شعرى اكتر بكتييييييييييييير وبقى نص شعرى الاول اللى من الاصل كان خفيف بس كان كويس لكن دلوقتى بقى قليل خالص وخف وقصف وضعف وفروة شعرى بقت بتوجعنى اوى وكان لونها وردى وكانت بتوجعنى اوى وشعرى باظ خالص بس هو ناعم بس مقصف اووووووى وخفيف جدا المهم روحت للدكتور كتب ليا ستابيل وبرشام كدة وخلصتهم ومش حاسة باى فرق عادى بس فروة شعرى هى اللى بطلت توجعنى انا كنت قريت قبل كدة ان الزيت الزيتون بيضعف الشعر والفروة لو مش اتسخن وكتره بيعمل كدة وانا مش كنت اعرف كان شديد على شعرى اوى وكمان لفة الطرح طول النهار يمكن ده اللى اثر اوى المهم انا عارفة انى طولت عليكى يا مريانا بس عملت مرة واحدة نخاع من الجزار وحطيت زيت صبار وصفار بيضة دول اللى كانوا موجدين عندى خصوصا انى بشتغل ومش فاضية غير يوم الجمعة وعملته اعمل ايه تانى مريانا انا جبت زيت لوز على جوز الهند من الكابتن وجبت زيت خروع برضه اسمه الكابتن قوليلى طريقة اعملها كل اسبوع تنجز وترجع شعرى زى الاول واحسن ياريت يعنى بس مش هقدراعمل الا يوم الجمعة بس لان زيت التوم ده ممكن كل يوم او مرتين بس برضه مش هينفع وريحتى هتبقى يعععععع فى الشغل اه نسيت اقولك انا عصرت توم وبصل وحطيت عليهم صفار بيضة وزيت صبار وحطيت على شعرى الجمعة اللى قبل اللى فاتت وتانى جمعه عملت النخاع قوليى استقر على ايه ويعمل مفعول بسرعة وتقله ويطوله اكتر مستنياكى مريانا
ايه ده كله اللى انا كتبته انا عارفة انك يا مريانا لما تشوفى كلامى هتقفلى الصفحة من طولها :lol:

لاياحبيبة قلبى انتى تؤمرى ياقلبى بس كنت برد على المشكلة اللى قبلك معلش ياحبيبتى اتاخرت عليكى اعذرينى وسامحينى
عارفة المشكلة انك مش فاضية الا يوم الجمعه س عشان كدا هقولك الوصفات اللى تناسب يوم واحد فى الاسبوع بس فى الاول عايزة اقولك انى مجربتش النخاع بصراحه فمش عارفة النتيجة بتاعته وزيت التوم ريحته خفيفه وبمجرد انك تغسلى شعرك الريحة يتختفى تماما
اول حاجة استعملى زيت التوم لمدة شهرين او ثلاثة شهورمرة فى الاسبوع اللى هو يوم الجمعه تحطي الزيت على شعرك وتدلكى فروة راسك بالراحه خالص ربع ساعه وتحظى فوطة سخنه مرتين كدا وبعدكدا البسى كيس ولفى شعرك بحاجة كبيرة اوى عشان شعرك يسخن لمدة ساعه وبعدكدا اغسلية بشامبو وياريت يكون شامبو لونا للشعر الجاف روووووعة وخفيف يعنى مبيسببش تساقط الشعر
بعد مايخلصوا الشهرين او ال3شهور هتلاحظى شعرك نبت وطول شوية
بعدكدا تستعملى صفارة بيضه عليها ملعقة عسل وعليهم كام نقطة زيت توم وزيت خروع من عند العطار وتخلطيهم وتحطيهم على شعرك وتلبسى كيس وتلفى شعرك بحاجة كبيرة عشان يسخن وتسبية3او4ساعات وبعدكدا تغسلى شعرك
وتستعمليهم لمدة 3شهور دى برضو بتكثف الشعر وتطولة وبصراحه الخلطةدا انا جربتها ولغاية دلوقتى مش قادرة استغنى عنها حلوة اوى بس انا بعمله بطريقة تانى يعنى زيوت كتيرة خدى بالك عشان تعمليها
تجيبى زيت زيتون وزيت خروع وزيت توم وزيت حشيش وزيت لوز وزيت سمسم وزيت جوز الهند وزيت ذرة واخلطيهم على بعض بكميات متساوية وقطعى عليهم فلفل اخضر واحد بارد وواحد حار واخلطيهم مع الزيت وحطيهم كلهم فى علبه واقفلى العلبه وسبيهم لمدة10ايام بعد كدا تصفيهم وتدوسى على الفلفل برضو هتلاقيه طلع زيتوبعدكدا ترمى الفلفل وتاخدى الزيوت تحطيهم فى علبه وتحطى عليهم محلب مطحون من عند العطار وتسبيهم 8ايام مخلوطين مع بعض وبعد كدا تستعمليهم انك تعملى صفارة بيض وملعق عسل وشوية من الزيوت دى وتحطى كيس على شعرك وتلفى عليه حاجة كبيرة عشان شعرك يسخن وتسبيهم8ساعات وبعدكدا تغسلى شعرك
اهم حاجة تجيبى زعتر وتملى كوب ماء وتحطى علية ملعقة كبيرةمليانة زعتر وتنقعيهم24ساعه وبعدكدا صفى المية وحطيها فى بخاخه او ازازة برفان فاضية تكون عندك بس تكونى غسلتيها كويس وكل ليلة قبل ماتنامى ترشى فروة راسك وتدلكى بالراحه 10دقايق وتنامى دا هيغذى شعرك وهيكثفة وهيزيل اى قشرة فى شعرك بصراحه دا رووووعة
فى حاجة تانى بيبقى بنوى التمر بس متجربيهاش الا لماانا اجربها عشان كدا كدا انا هجربها وبعدكدا هقولك النتيجة
اهم حاجة تاكلى فلفل اخضر كتير جدا ومتشربيش شاى او قهوة الا مرة فى الاسبوع عشان بيسبب تساقط الشعر وخفته
ومعلش ياايمى ياقمراية اتاخرت عليكى متزعليش منى ياحبيبتى

عمرى ما اقدر ازعل منك يا مريومة يا حبيبة قلبى ربنا يعينك علينا :lol: وتسلميلى ياقمر عندنا فلفل احمر رومى بس طعمه معسل وجميل ينفع زى الاخضر هههههههههههه
بقولك بقى يا مريومة انا هحاول على اد ما اقدراستعمل كل ده انتى عارفة الشغل اه صحيح ايه رايك لو عصرت التوم والبصل وخدت اللى طلع منهم مع زيت الخروع مع زيت اللوز مع زيت جوز الهند مع النخاع مع البيضة وعصرت عليهم كمان فلفل وحطيت ده كله ايه رايك ولا بلاش لحاجة تبطل مفعول حاجة تانية اصلى عايزة اخلص 3 شهور دى بعيدة اوى وعايزة احط كل حاجة يوم الجمعه بس ههههههههههههههه انا عارفة انك اتخنقتى منى مريومة بس ايه رايك فى وصفتى الجامدة هههههههه دى كل حاجة اللى موجود عندى ولا بلاش واقوم انا مجربة وبعدين اقولكم الطريقة دى لو عملت مفعول بس طبعا مفعول مش ابقى قرعة لو عملت مفعول يطول ويتقل شعرى ههههههههههه قوليلى ايه رايك فى المكونات اللى قلت ليكى عليها دى ولو شايفة انه مش ينفع بلاش بس راعى انى مستعجلة ومعنديش وقت

جزاك الله كل خير بجد تسلمى يا عسوله وربنا يخليكى لينا ان شاء الله هبدا فى اقرب وقت علشان الامتحانات انتى عارفه وهبلغك بالاخبار اول باول وميرسى اوووووووووووووووى علشان بجد انا نفسى شعرى يطول ويرجع زى الاول وانا متاسفه لو كنت تعبتك معايا

معلش يا قموره كنت عاوزه اسال هو سؤال رخم شويه بس قصدك بعد انتهاء مده التوم يعنى بعد الشهرين وال12يوم ولا بعد ال12 يوم بس
علشان دى مده طويله ممكن استعمل الوصفات خلال الشهرين بعد اما يعدى ال12 يوم ولا لا
وميرسى اوى ليكى ومعلش بتعبك معايا يا عسوله

jasi كتب:ربنا يخليكى لينا يامريانة ياقمراية انتى
ويجعل دة كلة ف ميزان حسناتك

ميرسى ياحبيبة قلبى على الدعوة الجميلة دى واى حاجة عايزاها قوليلى ياحبيبتى انتى تؤمرى

emy ghanem كتب:عمرى ما اقدر ازعل منك يا مريومة يا حبيبة قلبى ربنا يعينك علينا :lol: وتسلميلى ياقمر عندنا فلفل احمر رومى بس طعمه معسل وجميل ينفع زى الاخضر هههههههههههه
بقولك بقى يا مريومة انا هحاول على اد ما اقدراستعمل كل ده انتى عارفة الشغل اه صحيح ايه رايك لو عصرت التوم والبصل وخدت اللى طلع منهم مع زيت الخروع مع زيت اللوز مع زيت جوز الهند مع النخاع مع البيضة وعصرت عليهم كمان فلفل وحطيت ده كله ايه رايك ولا بلاش لحاجة تبطل مفعول حاجة تانية اصلى عايزة اخلص 3 شهور دى بعيدة اوى وعايزة احط كل حاجة يوم الجمعه بس ههههههههههههههه انا عارفة انك اتخنقتى منى مريومة بس ايه رايك فى وصفتى الجامدة هههههههه دى كل حاجة اللى موجود عندى ولا بلاش واقوم انا مجربة وبعدين اقولكم الطريقة دى لو عملت مفعول بس طبعا مفعول مش ابقى قرعة لو عملت مفعول يطول ويتقل شعرى ههههههههههه قوليلى ايه رايك فى المكونات اللى قلت ليكى عليها دى ولو شايفة انه مش ينفع بلاش بس راعى انى مستعجلة ومعنديش وقت

بصى ياايمى ياحبييتى التوم لوحده بيبقى مفعوله اسرع
انا من رايى اشترى ازازة زيت توم وازازة زيت بصل عشان بيبقوا مركزين واخلطي منهم نص ازازة توم ونص ازازة بصل وحطيهم ف علبة وحدهم واخلطيهم وحطي منهم على شعرك ودلكى فروة راسك وحطى فوطة سخنه وبعد ساعتين اغسلى شعرك لمدة شهر ونص وبعدكدا اعملى الخلطة اللى انتى بتقوليهم بس ياحبيبتى اخلطى فيهم زيت توم وزيت بصل وحطى الزيوت كلهم على بعض بكميات متساوية وحطى عليهم شوية محلب مطحون واستعمليهم ب8ايام عشان المحلب دا فظيع ونتيجته سريعه ومتنسيش كل يوم بالليل ترشى زعتر زى ماقولتلك وكمان لماتعملى الخلطة مع البيضه خدى بالك صفارة البيضة مش البيضة كلها ياحبيبتى وابقى طمنينى وقوليلى النتيجة

خنساء العصر الحديث كتب:جزاك الله كل خير بجد تسلمى يا عسوله وربنا يخليكى لينا ان شاء الله هبدا فى اقرب وقت علشان الامتحانات انتى عارفه وهبلغك بالاخبار اول باول وميرسى اوووووووووووووووى علشان بجد انا نفسى شعرى يطول ويرجع زى الاول وانا متاسفه لو كنت تعبتك معايا

بس خدى بالك ياحبيبتى متعمليش اسبوع واسبوع تكسلى تعملى فيه عايزة شعرك يرجع ويبقى احلى من الاول اعملى الخطوات والطرق بالظبط