عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

mona yones كتب:

حبيبة قلبى مشكلتك مش ظاهرة عندى ياريت ياحبيبتى تكتبيها تانى

hoba mohamed كتب:تسلمى يا مريانا يا قمر ع مساعدتك لينا انتى بجد بنوته زى العسل
قولك بقى ع مشكلتى وبجد زهقت منها انا شعرى مقصف جدا من قدام ومن طروفه وهايش ومن ورا مش مقصف اوى بس مجعد يعنى حاله شعرى لا يرسى لها هههههههههههههه وكمان فاضل ع فرحى كام شهر كده عاوزه اشوفله حل اصل مش بحب الفرد لانى جربته وبهدلى شعرى اكتر وخف خالص يعنى عاوزه حل طبيعى عاوزه طريقه وومجربه ومضمونه اعملها ليه عشان يطرى والتقصيف يروح منه وكام نصيحه كده اعملها خاصه لحاله شعرى معلش يا قمر طولت عليكى ح

ولا طولتلى ولا حاجة ياحبيبة قلبى ياهوبه انتى تؤمرى بس
اول حاجة انا شعرى كان اكتر منك كدا لدرجة مكنتش بطيقه ههههههه بس جربتله حاجات كتير وكلها نفعت انا هقولك اللى عملته وانتى اختارى اللى عايزاة بس فى الاول ياهوبه اسالى دكتور الرجيم بتاعك اذاكان الرجيم بياثر على شعرك ولا لا؟
اول حاجة استعملتله زيت الحشيش دابيطول ويتقل اوى بس مشكلته بينشف عشان كدا اخلطى معاه زيت دابر املا مش هينشف ودا شهربالظبط هتلاقى شعرك طول
تانى حاجة استعملتها زيت التوم دا بيتقل وينبت ويطول استعملته12يوم كل يوم احطه على شعرى وادلك فروة راسى ربع ساعه وبعد كدا احط فوطة سخنه وبعد ساعه اغسل شرى بالشامبو وبعد ال12يوم استعملته مرة فى الاسبوع بس تخصصى يوم متغيرهوش
لو عايزة حاجة تحفه وتطرى اوى وتعالج الشعر يبقى الماسك بتاع صفار البيض دا رووووووووعة اشترى زيت توم من العطار
اعملى صفارة او صفارتين بيض وعليهم ملعقة عسل نحل وحطى زيت توم واى زيت عندك وتحطيه على شعرك وتلبسى كيس وتلفى طرحه كبيرة او ايشارب عشان شعرك يسخن وتسبيه على شعرك3او4ساعات دا بينعم اوى وبيعالج بس من تالت مرة هتحسى بالنتيجة شعرك هيبقى روعة
بصى بقى الماسك الحففففففففه حاولى تعمليه وانا بنصح بيه ناس كتيرة اوى
تخلطى زيت حشيش على زيت توم على زيت لوز حلو على زيت سمسم على زيت خروع على زيت زيتون على زيت دابر املا الذهبى [وحطى برضو زيت زيتون دابرفاتيكا وزيت لوز وزيت جوز هند دابر فاتيكا برضو زيادة على الزيوت دى لان مفعولهم خطير]تخلطيهم على بعض وتحطيهم فى برطمان وتقطعى عليهم قرن فلفل رومى اخضر او قرنين حاولى تكترى يعنى الفلفل وتسبيهم مع بعض 10ايام وبعد كدا تصفيه وترمى الفلفل وتشيلى الزيوت فى برطمان وعحطى عليهم شوية بذور حلبه حصى[ريحتها مش حلوة ممكن تجيبى محلب مطحون مفعوله احسن من الحلبه بكتير]وتحطيه مع الزيوت
هتستعملى الخلطة دى كدا::--
تحطى صفارة بيض او صفارتين حسب طول شعرك وملعقة عسل نحل وتحطى عليهم شةية زيوت من الخلطة دى وتخلطيهم مع بعض وتحطيهم على شعرك وتلمى شعرك بمشبك بس متسريحهوش اول ماتحطى الخلطة تلمى شعرك وتلبسى كيس بلاستيك ولتلفى طرحه كبيرة المهم عشان شعرك يسخن وتسبيه4او5ساعات وقبل ماتغسلى شعرك بربع ساعه تفكى الكيس عشان شعرك يتهوا وبعدكدا فكى المشبك واشطفى شعرك لغاية ماالماسك ينزل من شعرك وبعد كدا تغسلى شعرك بصابونة النابلسى من عند العطار وبعدكدا حطى شامبو[لانك لوغسلتيه بشامبو على طول من غير الصابون شعرك مش هيعمل رغوة وازازة الشامبو هتخلص وبرضو شعرك مش هيتغسل هههههههه] وتعمليلة حمام كريم وتنشطفيه وتنشفى شعرك
افضل حمام كريم بوناويل بالقمح وبروفيتامين ب5دا مع الاستمرار بيعالج الشعر لانه بيحتوى على مادةالبانثينول اللى بتعالج الشعر وياسلام لواستخدمتى شامبو لونا بالبانثينول للشعر الجاف يبقى رووووووعة لان الشامبو بانثينول وحمام كريم بوناويل بالبانثينول فال2مع بعض تحفه
عشان شعرك ميبقاش هايش::--
بعد ماتغسلى شعرك دوميه كذا مرة[طاقيه]يعنى مثلا تدومية وبعد4ساعات تقلبيه الناحيه التانية وبعد4ساعات تقلبيه واول مايتفرد خالص ويبقى زى المسشور من الدوامة ادهنيه حته كريم صغيرة متكتريش[واوعى تدهنى شعرك وهو مبلول لانه كدا بيتكسر وبيهيش لكن بعد ماتدوميه كذا مرة تدهنيه حته صغيرة وتلميه بتوكه لتحتزى ديل حصان بس متشديهوش اوى يعنى يبقى مرتاح وتقعدى بيه فى البيت كدا وقبل ماتنامى دوميه تانى وبكدا شعرك هيبقى حلو جدا ومتقصيش اطراف شعرك كل شهر لا قصيه كل3شهور احسن
بالنسة للتقصف اللى من قدام::--
كل شهر قصى حته صغيرة اوى اوى وبكدا هتعالجيه من غير مايقصر
وكمان كلى فلفل رومى اخضر على اد ماتقدرى دا بيطول الشعر اوى وفى حاجة كمان انا عملتها خلت شعرى روعة لودا مش بيتعارض مع الرجيم بتاعك يبقى كل ليلة تجيبى علبه زبادى وتعصرى عليها نقطتين ليمون وتاكليها مع قرن فلفل لمدة15يوم انا قريتها الوصفة دى وفعلا جربتها وفعلا طلعت بتطول الشعر
اى حاجة صعبه او مش فاهمها ايعتيلى اللى مش فاهماه ياهوبه ياقمر

روفان كتب:تسلم ايدك يا اميره علي كل النصائح الحلوه دي
وانا كنت عايزه اعرف شويه حاجات بس اميرات منتدانا او اسرتنا الطيبه سالوها
اشكرك علي اهتمامك بينا يا احلي اميره

يسلم مرورك ياحبيبتى وكفاية انك دخلتى نورتى الموضوع واى حاجة عايزاها عن الشعر تعالى اكتبيها وانا هرد عليها ياحبيبتى

السلام عليكم كيفيكم يابنات ان شاء الله بخير
انا مشكلتى فى شعرى فردتة اكتر من مرة بالجلات وهذا الشىء اثر كتييييييييير على شعرى واجهدة وقصفة واصبح خفيف جدا من تساقطة
نفسى الاقى حل حتى يرجع تقيل وقوى وصحى ويمنع تساقطة وتقصيفة

mariana.ibram كتب:

بوسى كاات كتب:بصى يا قمر انا مش عارفة احدد نوع شعرى اولا وانا صغيرة كان تقييييييييييييييييل جدا وناعم المهم احد العيون اللى مش لطيفة دمرت شعرى ومن ساعتها بقى خفيف جدا ولما مش بحط عليه زيت او كريم بيبقى هايش جدا وفى نفس الوقت فيه قشرة الحمد لله هو ناعم ولما بلفه بيبقى جميل انا عايزة حاجة تطوله وتتقله والقشرة كمان معلش طولت عليكى وهتعبك معاى

لاياحبيبتى ولاطولتى ولا حاجة انا هنا فى خدمتك ياحبيبتى

بالنسبة للقشرة::--
موضوعها سهل متقلقيش فى طرق كتيرة جدا تخلصك منها
اول طريقة ودى سهلة وناس كتيرة جربتها ومضمونة بس بتنشف الشعر شوية
بعد غسل شعرك هتجيبى لتر ماء وتضيفى عليه ملعقة كبيرة او ملعقتين خل ابيض وتشطفى بيه شعرك وتكررى الحكاية دى كل ماتغسلى شعرك
فى طريقة تانى انك تحطى ملعقتين خل تفاح على ست ملاعق ماء وكل ليلة تدهنى فرةة راسك منها وتصحى تشطفى شعرك
تالت طريقة سهلة جدا وبسيطه هتجيبى زعتر او نعناع وتنقعيه فى ماء لمدة48ساعه وبعد كدا تصفيه وكل يوم قبل ماتنامى تدلكى فروة راسك بالمحلول لمدة15يوم
اختارى اللى تحبيه منها

بالنسبة لحاجة تطول وتتقل شعرك::--

اهم حاجة زيت التوم لان انا جربته ونبتلى شعرى ومنع سقوطة بصى ركزى معايا وهقولك ازاى شعرك طول وغزر وبقى خيال محدش صدق
اول حاجة:-
جيبت زيت التوم ازازة صغيرة من عندالعطار واستعملتها ان كل يوم احطه على شعرك وادلك فروة راسى بالراحه لمدة ربع ساعه وبعدكا تحطى فوطة سخنه على شعرك لمدة ساعه وكل ماتبرد تسخنيها تانى وبعدكدا تغسلى شعرك وتكررى الحكاية دى لمدة 12يوم وبعد مايخلصوا ال12يوم تعملى الحكاية دى مرة فى الاسبوع وتخصصى يوم زى السبت مثا وكل سبت تعملى حكاية زيت التوم لمدة شهرين
لومش هتقدر تعملى ال12يوم خلاص اعمليه مرتين فى الاسبوع لمدة شهر وتخصصى يومين متغيرهومش زى مثلا السبت والتلات وبعد مايخلص الشهر تعمليها مرة فى الاسبوع زى السبت كل سبت تعمايها لمدة شهرين
وهتلاقى شعرك نبت وبطل يقع وطول كمان
بعدماتخلصى حكاية زيت التوم تستعملى كل اسبوع عليه زبادى وصفارة او صفارتين بيض وملعقة عسل نحل وشوية زيت توم ومعاه زيت تانى او زيت التوم لوحدة وتعملى كدا يوم فى الاسبوع برضو تخصصى يوم متغيرهوش لمدة شهرين هتلاقى شعرك بقى روووووعة
ولوكنتى بتشربى شاى او قهوه امتنعى عنههم او مرة فى الاسبوع اشربيه لان السبب فى وقوع الشعر وتقصفة وصدقينى دا عن تجربه من ساعه مابطلت الشاى وشعرى بقى يبطل يقع
وكمان كلى فلفل اخضر رومى كتير جدا كترى منه فى كل اكلة حطى معاها فلفل
وكمان لوتقدى تاكلى فصين توم الصبح ماشى لومش هتقرى فى علبة برشام توم بتتباع فى الصيدليه ب13جنية تاخدى برشامه على الريق كل صبح وبعدكدا تفطرى صدقينى هتلاقى شعرك اتغير وبقى روعة ودى تجربتى وطبعا استعملت زيوت تانى وخلطات كتيرة
ومنهم خلطه انك تخلظى كذا زيت على بعض ولازم يكون وسطهم زيت توم او ممكن زيت الزيتون وزيت التوم لوحده مع قرن فلفل وتسبيهم10ايام وبعدكدا تصفي الزيوت من الفلفل وترمى الفلفل وتشيلى الزيوت وتحطى عليهم محلب مطحون روووووعة بينعم ويطول اوى وتسبيه مع الزيوت وبعدكدا تستعمليه مرة فىى الاسبوع مع صفارة البيض والعسل وتستعمليه مرة واحدة فى الاسبوع

بجد انتى زى العسل وعندك معلومات هايلة بل كنوز ربنا يكرمك ويحققلك كل امانيكى

السلام عليكم انا مشكلتي اختي الفاضلة تكمن في انني بصبغ شعري باللون الاشقر و انا عمري 24 سنة مع العلم ان سني الان 39 سنة و ذلك خلى جدور شعري متقصفة و شعري على طول جاف و اصبح يتساقط و لا يزيد في الطول و ده مسبب الي مشكلة فلو تكرمتي اختي و اعطتيني حل اكون جد شارة
1 كيف اجعل شعري اشقر بالحاجات الطبيعية.
2 وصفة لمعالجة التقصف.
3 وصفة للمعان .
4 وصفة لمنع التساقط و تكثيفه.
5 وصفة لتطويله.
و شكرا جزيلا اختي الفاضلة

بجد معلوماتك هايلة جزاكى الله خيرا انا شعرى تقريبا نموة وف بعد ما قصيتة من كام سنة وبقى فيف جدا انا بجد بقيت بكرهة وكمان انا زهقت من الوصفات لانها مش بتجيب اى نتيجة فجبت زيت جدايل المطول عايزة اعرف ياقمر طريقةاحسن استخدام لية ونتيجتة ممكن تظهر بعد قد اية

walaazidan كتب: السلام عليكم كيفيكم يابنات ان شاء الله بخير
انا مشكلتى فى شعرى فردتة اكتر من مرة بالجلات وهذا الشىء اثر كتييييييييير على شعرى واجهدة وقصفة واصبح خفيف جدا من تساقطة
نفسى الاقى حل حتى يرجع تقيل وقوى وصحى ويمنع تساقطة وتقصيفة

بصى ياحبيبتى اول حاجة لازم تشترى حمام كريم بوناويل بالقمح وبرو فيتامين ب5لانه بيعالج الشعر عشان يخلصه من اثر الفرد اللى اثر على شعرك
تانى حاجة لازم تستخدمى زيت توم لانه بينبت الشعر وبكدا شعرك هيتقل ويغزر
وطريقة استخدامه كل يوم تدهنى شعرك بالزيت وتدلكى فروة راسك لمدة ربع ساعه ويعدكدا تحطى فوطة سخنه لمده ساعه وبعدكدا تغسليه بالشامبو وتكرر الحكاية دى لمدة12يوم وبعد مايخلصوا ال12يوم تستخدميه مرة ف الاسبوع وتخصصى يوم ميتغيرش يعنى لواستعملتيه يوم السبت يبقى كل سبت تستخدمى زيت التوم ودا لمدة شهرين وهتلاقى ان شعرك نبت وطول ومبقيش يسقط ودا لمدة شهرين تستخدمى زيت التوم وبعد الشهرين لمايخلصوا تستعملى الوصفات اللى هكتبها دلوقتى
لازم تستخدمى صفارة البيض لانها بتعالج الشعر الجاف والطريقة::--
تستخدمى علبة زبادى وصفارة او صفارتين بيض حسب طول شعرك وتخلطى عليهم ملعقة عسل وتخلطيهم مع بعض وتحطى عليهم كام نقطةزيت توم واى زيت عندك تانى ولومعندكيش زيوت تانى يبقى تحطى زيت توم بس
وممكن تعملى الوصفة دى من غير الزبادى يعنى كفاية صفارة بيض وهس وزيوت
تالت طريقة ودى روووووووعه بتطول الشعر اوى اوى
اخلطى كل الزيوت اللى عندك فى البيت بكميات متساوية مع قرن فلفل اخضر وكترى الفلفل ولومعندكيش زيوت يبقى تخلطى زيت زيتون مع زيت توم اوزيت زيتون فقط مع قرن فلفل اخضر وتحطيهم فى علبه وتسبيهم لمدة10ايام وبعد ال10ايام تصفى الزيوت من الفلفل وترمى الفلفل وتشيلى الزيوت وتحطى عليهم شوية محلب مطحون لانه بيطول ويغزر وينعم اوووى وتستخدمى الوصفة دى مرة فى الاسبوع وتخصصى يوم متغيرهوش يعنى لواستعملتيها السبت يبقى كل سبت تستخدميه لمدة3شهور وانتىهتلاقى شعرك اصبح رووووعه
بس لازم تهتمى بنظام غذائك وتاكلى فلفل اخضر بارد او حار تاكلى كتييييبر على اد ماتقدرى
وفى اكياس خميرةلوتقدرى كل يوم تشربى فى الصبح كوب ماء بخميرة او لبن بخميرة دا بيغذى الشعر اوى
ولواى حاجة صعبه مش فاهماها ابعتيهالى تانى ياحبيبتى

سلام انا توصلت برسالة بتقول فيه رد على سؤال بس اول ما بضغط على الرابط بخش على الصفحة و ما بلاقي الرد بس السؤال اعمل ايه و شكرا

بجد انتى زى العسل وعندك معلومات هايلة بل كنوز ربنا يكرمك ويحققلك كل امانيكى [/quote]
من كتر ماجربت فى شعرى يابوسى اتعلمت واى حاجة ياحبيبتى محتاجاها قوليلى وهرد عليكى