عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

hayam younes كتب:السلام عليكم انا مشكلتي اختي الفاضلة تكمن في انني بصبغ شعري باللون الاشقر و انا عمري 24 سنة مع العلم ان سني الان 39 سنة و ذلك خلى جدور شعري متقصفة و شعري على طول جاف و اصبح يتساقط و لا يزيد في الطول و ده مسبب الي مشكلة فلو تكرمتي اختي و اعطتيني حل اكون جد شارة
1 كيف اجعل شعري اشقر بالحاجات الطبيعية.
2 وصفة لمعالجة التقصف.
3 وصفة للمعان .
4 وصفة لمنع التساقط و تكثيفه.
5 وصفة لتطويله.
و شكرا جزيلا اختي الفاضلة

طبعا ياحبيبتى الصبغه بتبهدل الشعر وتقصفة وتسببلة تساقط بس ولايهمك انتى اعملى الخطوات اللى هكتبهالك وانتى ان شاءالله شعرك هيرجع احلى من الاول

1عشان تصبغى شعرك بالحاجات الطبيعيه ادخلى على اللينكات دى اللى هكتبهالك
وصفة تخلى شعرك اشقر
Http://www.wasafatcleopatra.com/montada-fv/topic-t4174.htm

ودى وصفة تخلى شعرك ذهبى
Http://www.wasafatcleopatra.com/montada-fv/topic-t6914.htm
ادخلى على اللينكات

تانى حاجة عشان شعرك يرجع تقيل وكثيف
استعملى زيت التوم اشتريه من عند العطار
واستخدميه12يوم ورا بعض يعنى كل يوم حطى زيت التوم على شعرك ودلكى فروة راسك بخفه لمدة ربع ساعه وبعدكدا حطى فوطة سخنة لمدة ساعه وبعدكدا اغسلى شعرك بس لازم تستخدمى شامبو مناسب للاستعمال اليومى وبعدمايخلصوا ال12يوم استخدميه مرة فىالاسبوع لمدة شهرين بس لازم تخصصى يوم متغيرهوش يعنى تخصصى يوم السبت مثلا وتستعملى فيه زيت التوم زى ماقوبنا
لومش هتقدرى تستخدميه12يوم ورا بعض خلاص استعملبه مرتين فى لاسبوع لمدة شهر يعنى خصصى يومين فى الاسبوع متغيرهومش يعنى مثلا سبت وثلاثاء يبقى كل اسبوع تعملى زيت التوم على شعرك كل سبت وثلاثاء لمدة شهر وبعدكدا تستعمليه مرة فى الاسبوع لمدة شهرين وبرضو تخصصى يوم فى الاسبوع متغيرهوش يعنى لوخصثتى يوم السبت يبقى كل سبت تعملى زيت التوم على شعرك وخلال الفترة دى هتلاقى شعرك نبت وطول جداااا
وبعدماتخلص فترة استخدام زيت التوم تعملى بقى الماسكات اللى هكتبها دى عشان تعالجى شعرك من التقصف ويبقى ناعم وبيلمع

اول ماسك دا حلو جدا تستخدمى علبة زبادى وتحطى عليها صفارة او صفارتين وتحطى عليها ملعقة عسل وتحطى نقطتين زيت توم ونقطتين زيت خروع ونقطتين زيت زيتون ولومش عندم الزيوت دى يبقى مفاية زيت التوم او اى زيت[ممكن تستعملى الماسك دا من غير زبادى تعملى صفارة بيض او صفارتين وعسل وزيوت وتخلطيهم يعنى مش مهم الزبادى اهم حاجة صفارة البيض]وبعد ماتخلطى الوصفة دى تحطيها على شعرك وتلبسى كيس بلاستيك وبعد كدا تلفى شعرك بشال او طرحه كبيرة عشان شعرك يسخن وتسيبيه على شعرك3او4ساعات وبعد تفكيه الكيس وتشطفى شعرك كويس وبعدكدا تحطى شامبو وتعملى حمام كريم والوصفة دى تعمليها يوم معين فى الاسبوع يعنى مثلا كل سبت لمدة 3شهور وخلال فترة3اسابيع فقط هتلاقى شعرك ناعم وبقى روعة بس المهم الوصفة دى تستعمليها 3شهور او اكتر

وصفة تانى ودى حلوة جدا بتطول وتكثف وتنعم اوى

تخلطى زيت حشيش وزيت خروع وزيت زيتون وزيت لوز وزيت سمسم واى زيوت عندك اخلطيهم كلهم مع بعض[لومش عندك الزيوت دى يبقى اخلى زيت توم وزيت خروع وزيت زيتون] بس يكونوا كميات متساوية وبعدكدا حطيهم فى برطمان وقطعى عليهم فلفل اخضر قرن او قرنين واقفلى العلبه وسيبيهم لمدة10ايام وبعد كدا صفى الزيت من الفلفل وارمى الفلفل وشيلى الزيوت فى علبه وحطى عليهم شوية محلب مطحون واخلطيه مع الزيوت عشان رووووووعة بيكثف ويطول اوى وينعم
تستخدمى الخلطه دى كدا::-
تعملى صفارة او صفارتين بيض وملعقة عسل وشوية زيوت من الخلطة دى وتلبسى كيس وتلفى شعرك بشال او طرحه كبيرة عشان شعرك يدفى وتسبيه اكبر وقت على شعرك 5او6ساعات وممكن اكتر من كدا وبعدكدا تغسلى شعرك بشامبو وتعملى حمام كريم
وممكن تستعملى الخلطة دى الزيوت من غير صفارة البيض والعسل يعنى تدهنى شعرك بالزيوت وتلبسى كيس وطرحه وبعد6ساعات نغسليه بس بصراحه لو عملتى صفارة البيض والعسل مع الزيوت هتبقى النتيجة اسرع واروع

شوية نصايح حاولى تعمليها لنتيجه احلى لشعرك
1حاولى تشترى حمام كريم بوناويل بالقمح وبروفيتامين ب5لانه بيعالج الشعر جداااااااااا[لو متعرفيهوش قوليلى وهبعتلك اللينك بتاعه]

2لازم تتغذى وتاكلى كويس لان جمال الشعر وصحته بتتحقق من تغذية الجسم

3اشربى كل يوم كيس خميرة دى بتغذى الشعر جدا وتمنع تساقطه

4حاولى تستعملى شامبو لونا بالبانثينول للشعر الجاف لانه فعلا رووووووووعة[لومتعرفيهوش ابعتلك اللينك بتاعه]لواستخدمتى شامبو لونا للشعر الجاف مع حمام كريم بوناويل ببروتين القمح وبرو فيتامين ب5هيبقى شعرك فعلا روعة لان انا بستخدمهم وشعرى فعلا روعة

اى حاجة ياحبيبتى محتاجاها او مش فاهماها قوليلى وهرد عليكى

jasi كتب:بجد معلوماتك هايلة جزاكى الله خيرا انا شعرى تقريبا نموة وف بعد ما قصيتة من كام سنة وبقى فيف جدا انا بجد بقيت بكرهة وكمان انا زهقت من الوصفات لانها مش بتجيب اى نتيجة فجبت زيت جدايل المطول عايزة اعرف ياقمر طريقةاحسن استخدام لية ونتيجتة ممكن تظهر بعد قد اية

بصى ياحبيبتى احسن طريقة ليه انك تستعمليه مرتين فى الاسبوع مره مرة لزيت جدايل المطول ومرة لزيت جدايل المقوى دى افضل طريقة لومش عندك زيت جدايل المقوى خلاص استعمليه مرتين فى الاسبوع زيت جدايل المطول تحطيه على شعرك وتلفى فوطة سخنه وممكن لومش هتقدرى على الفوطة السخنه ممكن تلبسى كيس وتلفى ايشارب او طرحه كبيرة عشان شعرك يسخن والمسامات تتفتح وتمتص الزيت وتسبيه على شعرك3ساعات ولوتقدرى تسبيه اكتر من كدا يبقى كويس جدا
طبعا مع المداومة هتلاقى شعرك طول جدا بس المهم المداومة

بصى هقولك اقتراح حلو جدا هاتى علبه او ازازة فاضية وحطى فيها شوية زيت جدايل صغيرين وعليهم شوية محلب مطحون[لانه روووعة بجد بيطول ويكثف]واخلطيهم فى البرطمان وبعد8ايام استعمليه على شعرك مرتين فى الاسبوع بس اهم حاجة لازم شوية زيت جدايل صغيرين عشان للتجربه فقط ولومنفعش على شعرك خلاص استعملى الزيت لوحدة من غير المحلب

hayam younes كتب:سلام انا توصلت برسالة بتقول فيه رد على سؤال بس اول ما بضغط على الرابط بخش على الصفحة و ما بلاقي الرد بس السؤال اعمل ايه و شكرا

معلش ياحبيبتى انا اتاخرت عليكى فى الرد اعذرينى معلش لانى مضغوطة عشان المذاكرة
انا يعتذرلك على التاخير واى حاجة محتاجاها او مش فاهماها فى مشاكل الشعر ابعتيلى وهرد عليكى

mariana.ibram كتب:

hoba mohamed كتب:تسلمى يا مريانا يا قمر ع مساعدتك لينا انتى بجد بنوته زى العسل
قولك بقى ع مشكلتى وبجد زهقت منها انا شعرى مقصف جدا من قدام ومن طروفه وهايش ومن ورا مش مقصف اوى بس مجعد يعنى حاله شعرى لا يرسى لها هههههههههههههه وكمان فاضل ع فرحى كام شهر كده عاوزه اشوفله حل اصل مش بحب الفرد لانى جربته وبهدلى شعرى اكتر وخف خالص يعنى عاوزه حل طبيعى عاوزه طريقه وومجربه ومضمونه اعملها ليه عشان يطرى والتقصيف يروح منه وكام نصيحه كده اعملها خاصه لحاله شعرى معلش يا قمر طولت عليكى ح

ولا طولتلى ولا حاجة ياحبيبة قلبى ياهوبه انتى تؤمرى بس
اول حاجة انا شعرى كان اكتر منك كدا لدرجة مكنتش بطيقه ههههههه بس جربتله حاجات كتير وكلها نفعت انا هقولك اللى عملته وانتى اختارى اللى عايزاة بس فى الاول ياهوبه اسالى دكتور الرجيم بتاعك اذاكان الرجيم بياثر على شعرك ولا لا؟
اول حاجة استعملتله زيت الحشيش دابيطول ويتقل اوى بس مشكلته بينشف عشان كدا اخلطى معاه زيت دابر املا مش هينشف ودا شهربالظبط هتلاقى شعرك طول
تانى حاجة استعملتها زيت التوم دا بيتقل وينبت ويطول استعملته12يوم كل يوم احطه على شعرى وادلك فروة راسى ربع ساعه وبعد كدا احط فوطة سخنه وبعد ساعه اغسل شرى بالشامبو وبعد ال12يوم استعملته مرة فى الاسبوع بس تخصصى يوم متغيرهوش
لو عايزة حاجة تحفه وتطرى اوى وتعالج الشعر يبقى الماسك بتاع صفار البيض دا رووووووووعة اشترى زيت توم من العطار
اعملى صفارة او صفارتين بيض وعليهم ملعقة عسل نحل وحطى زيت توم واى زيت عندك وتحطيه على شعرك وتلبسى كيس وتلفى طرحه كبيرة او ايشارب عشان شعرك يسخن وتسبيه على شعرك3او4ساعات دا بينعم اوى وبيعالج بس من تالت مرة هتحسى بالنتيجة شعرك هيبقى روعة
بصى بقى الماسك الحففففففففه حاولى تعمليه وانا بنصح بيه ناس كتيرة اوى
تخلطى زيت حشيش على زيت توم على زيت لوز حلو على زيت سمسم على زيت خروع على زيت زيتون على زيت دابر املا الذهبى [وحطى برضو زيت زيتون دابرفاتيكا وزيت لوز وزيت جوز هند دابر فاتيكا برضو زيادة على الزيوت دى لان مفعولهم خطير]تخلطيهم على بعض وتحطيهم فى برطمان وتقطعى عليهم قرن فلفل رومى اخضر او قرنين حاولى تكترى يعنى الفلفل وتسبيهم مع بعض 10ايام وبعد كدا تصفيه وترمى الفلفل وتشيلى الزيوت فى برطمان وعحطى عليهم شوية بذور حلبه حصى[ريحتها مش حلوة ممكن تجيبى محلب مطحون مفعوله احسن من الحلبه بكتير]وتحطيه مع الزيوت
هتستعملى الخلطة دى كدا::--
تحطى صفارة بيض او صفارتين حسب طول شعرك وملعقة عسل نحل وتحطى عليهم شةية زيوت من الخلطة دى وتخلطيهم مع بعض وتحطيهم على شعرك وتلمى شعرك بمشبك بس متسريحهوش اول ماتحطى الخلطة تلمى شعرك وتلبسى كيس بلاستيك ولتلفى طرحه كبيرة المهم عشان شعرك يسخن وتسبيه4او5ساعات وقبل ماتغسلى شعرك بربع ساعه تفكى الكيس عشان شعرك يتهوا وبعدكدا فكى المشبك واشطفى شعرك لغاية ماالماسك ينزل من شعرك وبعد كدا تغسلى شعرك بصابونة النابلسى من عند العطار وبعدكدا حطى شامبو[لانك لوغسلتيه بشامبو على طول من غير الصابون شعرك مش هيعمل رغوة وازازة الشامبو هتخلص وبرضو شعرك مش هيتغسل هههههههه] وتعمليلة حمام كريم وتنشطفيه وتنشفى شعرك
افضل حمام كريم بوناويل بالقمح وبروفيتامين ب5دا مع الاستمرار بيعالج الشعر لانه بيحتوى على مادةالبانثينول اللى بتعالج الشعر وياسلام لواستخدمتى شامبو لونا بالبانثينول للشعر الجاف يبقى رووووووعة لان الشامبو بانثينول وحمام كريم بوناويل بالبانثينول فال2مع بعض تحفه
عشان شعرك ميبقاش هايش::--
بعد ماتغسلى شعرك دوميه كذا مرة[طاقيه]يعنى مثلا تدومية وبعد4ساعات تقلبيه الناحيه التانية وبعد4ساعات تقلبيه واول مايتفرد خالص ويبقى زى المسشور من الدوامة ادهنيه حته كريم صغيرة متكتريش[واوعى تدهنى شعرك وهو مبلول لانه كدا بيتكسر وبيهيش لكن بعد ماتدوميه كذا مرة تدهنيه حته صغيرة وتلميه بتوكه لتحتزى ديل حصان بس متشديهوش اوى يعنى يبقى مرتاح وتقعدى بيه فى البيت كدا وقبل ماتنامى دوميه تانى وبكدا شعرك هيبقى حلو جدا ومتقصيش اطراف شعرك كل شهر لا قصيه كل3شهور احسن
بالنسة للتقصف اللى من قدام::--
كل شهر قصى حته صغيرة اوى اوى وبكدا هتعالجيه من غير مايقصر
وكمان كلى فلفل رومى اخضر على اد ماتقدرى دا بيطول الشعر اوى وفى حاجة كمان انا عملتها خلت شعرى روعة لودا مش بيتعارض مع الرجيم بتاعك يبقى كل ليلة تجيبى علبه زبادى وتعصرى عليها نقطتين ليمون وتاكليها مع قرن فلفل لمدة15يوم انا قريتها الوصفة دى وفعلا جربتها وفعلا طلعت بتطول الشعر
اى حاجة صعبه او مش فاهمها ايعتيلى اللى مش فاهماه ياهوبه ياقمر

تسلمى يا مريانه يا سكر انتى ع اهتمامك وانا هجرب الوصفات دى تسلمى يارب وجزاكى الله كل خير

يسلم مرورك ياهوبه ياقمر واى حاجة انا فى خدمتك ياقمر

وااااااااو وصفات تخفة بجد تسلم ايدك وشكرا علي تعبك ياقمر

sweetmannga كتب:وااااااااو وصفات تخفة بجد تسلم ايدك وشكرا علي تعبك ياقمر

يسلم مرورك ياحبيبتى واى حاجة عايزاها انا فى خدمتك :flower:

بسم الله الرحمن الرحيم
السلام عليكم بصراحه انا عندى مشكله كبيره جدا فى شعرى فارجوكى تساعدينى من سنه تقريبا كان شعرى طويل وتقيل جدا وناعم بس بصراحه مش ناعم اوى بس مش خشن وكان اى حد بيحسدنى على شعرى بس للاسف مره كنت بقص شعرى ومن هذا الوقت مطولش تانى وكمان بدا ينزل جامد جدا وساعات بتكون فيه قشره وبقى مقصف ووحش اوى وجاف جدا مش عارفه ايه السبب ممكن علشان كن فيه فتره عندى فيها ظروف مهتمتش اوى بيه كالمعتاد بس بقالى مده طويله بهتم بيه جدا وبحاول ارجعه زى الاول بس للاسف مفيش امل وبالعكس
انا مش عارفه اعمل ايه جربت شويه وصفات بس منفعتش نفسى يرجع فعلا تانى زى الاول ويرجع يطول تانى بس مش عاوزه اجرب حاجه تبوظه بجد نفسى يطول تاانى علشان هو حالي قصير جدا جد واى حد يبزعلنى اوى لو شافه ممكن تجاوبينى بسرعه لو سمحت
وجزاك الله كل خير

ربنا يخليكى لينا يامريانة ياقمراية انتى
ويجعل دة كلة ف ميزان حسناتك