رد: عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

30.12.11 15:44

بصوا ياا حلي اميرات من كل المشاكل اللي قريتها

المشكله لتساقط الشعر حلها مع الاستمرار يا بنات محدش يزهق ممكن تبقي بالسنه واكتر مش من مره الاكل التغذيه مهم اوي وممكن لو عندكم انيميا او فطريات في الشعر تعمل كده او قشره بتوقع الشعر لازم لو في اي هرش او حرقان تستشيروا دكتور جلديه
حمامات الزيت وهاتوا الزيوت اللي بتقوي الشعر زي زيت الثوم زيت الخروع الجرجير النخاع زيت زيتون وهكذا اخلطوهم من عند العطار وادهنوهم واعملوا حمام زيت ل 20 دقيقه مع فوطه سخنه والشعر مغسول طبعا اسبوعيا علي الاقل وكمان النخاع لا يعلي عليه بس اللي تستحمله
وطريقته بالتفصيل من هنا
http://www.wasafatcleopatra.com/t1924-topic

بالنسبه للهيشان والتقصيف لازم الشعر يتقص اطرافه باستمرار علي الاقل مره شهريا
تمام وونبدا نغذيه داخليه وخارجيا بمعنى الفكهه والخضار وكل الحاجات الي فيها فيتامين
وبعدين للهيشان في حمام كريم رائع بيوبوينت بالنخاع للهيشان والجفاف الشديد رااااائع بيحسن الشعر ونعومته جدا مع انك لما تطلعي تدهنى سيرم علي الشعر علشان بيقلل الهيشان وبيدي لامعه وبيقلل التقصيف

والمساج لفروه الراس يا بنات مهم اوي اوي

والاميره حبيبتى اللي بتقول اتحسد اقري قران علي شعرك ايات الحسد وايات الشفا يا قمر
بالتمليس عليه

كل ده ولو منفعشي في حل خلوه في الاخر وخاصه للاطفال هوه الكيراتين ويكون من حد موثوق بالنسبه للشعرهم اتحرق وباظ لازم يتعالج ويتقص اللي اتحرق لانه مش هيتعدل خلاص وتعالجي الجديد وبالنسبه للاطفال جربي معاها حمام كريم بيوبوينت بالنخاع والسيرم هيحسنه ويسهل تسريحه جدا
ده من تجاربي يا اميرات وهتضطر اقفل الموضوع مؤقتا وهنرجع نفتحه تانى لما مريانه حبيبتى تخلص امتحانات

08.04.13 16:51

تم الفتح من جديد لرجوع اميرتنا القمر مريانا تسلم ايديكي يا احلي مريانا مجهود روعه

08.04.13 17:15

بسم الله

اولا انا شعري دهني وبيقع علي طول لدرجه ان بقيت اشوف جلد راسي كأني في حاله صلع هو بيطول لكن في فرغات كتير قوي الشعرايه ضعيفه ولما بتقع بتقع من الجدر
جربت حاجات كتير زيت زيتون ووصفات طبيه ورحت لاكتر من دكتور والحلول اللي قدموها ماجابتش نتيجه واللي منها جابت نتيجه لكن اول ماوقفتها ضعف تاني ووقع
الدهون اللي في شعرب بتخليه ناعم وبيتلبك لما مااغسلهوش اسبوع مثلا.
الايام دي كمان انا بعمل رجيم عشان اخس من شهر 11 اللي فات وقصيت شعري في الفتره دي مرتين وبيطول لكن مابيكترش .
وشكرا

08.04.13 17:33

انا عضوة جديدة في المنتدي عندي مشكلتين الاولي ان شعري خفيف ونفسي يتقل شوية التانية نفسي اخس حوالي 10 كيلو ومش قادرة لاني مبعرفش التزم بالرجيم بس لو اعشاب تخسيس بقدر يارب الاقي عندكو اللي يريحنيمن مشاكلي

20.04.13 15:57

كليوباترا كتب:تم الفتح من جديد لرجوع اميرتنا القمر مريانا تسلم ايديكي يا احلي مريانا مجهود روعه

ربنا يخليكى كوكى

20.04.13 16:00

ام حنين ويحيي كتب: انا عضوة جديدة في المنتدي عندي مشكلتين الاولي ان شعري خفيف ونفسي يتقل شوية التانية نفسي اخس حوالي 10 كيلو ومش قادرة لاني مبعرفش التزم بالرجيم بس لو اعشاب تخسيس بقدر يارب الاقي عندكو اللي يريحنيمن مشاكلي

بالنسبة ان شعرك خفيف
استعملى زيت التوم ياقمر خصصى يومين ف الاسبوع زى السبت والتلات
يوم السبت اعملى زيت التوم وسبيه ساعه ع شعرك والتلات ادهنى زيت الخروع وسبيه ساعتين ع شعرك
بالنسبة للمشكلة التانية حد من الاميرات هيساعدك فيه

20.04.13 16:04

Rasha Abdullah كتب:بسم الله

اولا انا شعري دهني وبيقع علي طول لدرجه ان بقيت اشوف جلد راسي كأني في حاله صلع هو بيطول لكن في فرغات كتير قوي الشعرايه ضعيفه ولما بتقع بتقع من الجدر
جربت حاجات كتير زيت زيتون ووصفات طبيه ورحت لاكتر من دكتور والحلول اللي قدموها ماجابتش نتيجه واللي منها جابت نتيجه لكن اول ماوقفتها ضعف تاني ووقع
الدهون اللي في شعرب بتخليه ناعم وبيتلبك لما مااغسلهوش اسبوع مثلا.
الايام دي كمان انا بعمل رجيم عشان اخس من شهر 11 اللي فات وقصيت شعري في الفتره دي مرتين وبيطول لكن مابيكترش .
وشكرا

بالنسبة للدهون ال ف شعرك لازم تستخدمى الحنه لانها بتنظم افراز الدهون استعمليها كل15يوم
بالنسبة لشعرك الخفيف بيقع هاتى زيت توم كل يوم ادهنى ساعه ع شعرك والبسى بونيه بعد كدا اغسليه بشامبو خفيف زى شامبو لونا وبعد ال10ايام حددى يوم ف الاسبوع متغيرهوش زى مثلا كل سبت حطى زيت توم بنفس الطريقة واغسلى
واشترى زيت بردهان املا الهندى واعملى حمام زيت كل يوم تلات وخلال شهر اضمنلك ان شعرك هيبطل يقع