عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

السلام عليكم بجد انا بااهنيكم بالمنتدى الجميل اوى ومفيد جدا انا عندى مشكله غريبه اوى اول مره تجيلى شعرى فيه زى حبوب او زى مايكون متعور وفيه قشر فى حتت معينه ومش عارفه ايه الحل سالت دكتور ادانى مضاد حيوى وخلصته ومفيش فايده ياربت تفيدينى لحسن انا قلقانه اوووووى

بوسى كاات كتب:بصى يا قمر انا مش عارفة احدد نوع شعرى اولا وانا صغيرة كان تقييييييييييييييييل جدا وناعم المهم احد العيون اللى مش لطيفة دمرت شعرى ومن ساعتها بقى خفيف جدا ولما مش بحط عليه زيت او كريم بيبقى هايش جدا وفى نفس الوقت فيه قشرة الحمد لله هو ناعم ولما بلفه بيبقى جميل انا عايزة حاجة تطوله وتتقله والقشرة كمان معلش طولت عليكى وهتعبك معاى

لاياحبيبتى ولاطولتى ولا حاجة انا هنا فى خدمتك ياحبيبتى

بالنسبة للقشرة::--
موضوعها سهل متقلقيش فى طرق كتيرة جدا تخلصك منها
اول طريقة ودى سهلة وناس كتيرة جربتها ومضمونة بس بتنشف الشعر شوية
بعد غسل شعرك هتجيبى لتر ماء وتضيفى عليه ملعقة كبيرة او ملعقتين خل ابيض وتشطفى بيه شعرك وتكررى الحكاية دى كل ماتغسلى شعرك
فى طريقة تانى انك تحطى ملعقتين خل تفاح على ست ملاعق ماء وكل ليلة تدهنى فرةة راسك منها وتصحى تشطفى شعرك
تالت طريقة سهلة جدا وبسيطه هتجيبى زعتر او نعناع وتنقعيه فى ماء لمدة24ساعه تاخدى ملعقة زعتر وتنقعيها فى كوياية ماء لمدة24ساعه وبعد كدا تصفيه وكل يوم قبل ماتنامى تدلكى فروة راسك بالمحلول لمدة15يوم
اختارى اللى تحبيه منها

بالنسبة لحاجة تطول وتتقل شعرك::--

اهم حاجة زيت التوم لان انا جربته ونبتلى شعرى ومنع سقوطة بصى ركزى معايا وهقولك ازاى شعرك طول وغزر وبقى خيال محدش صدق
اول حاجة:-
جيبت زيت التوم ازازة صغيرة من عندالعطار واستعملتها ان كل يوم احطه على شعرك وادلك فروة راسى بالراحه لمدة ربع ساعه وبعدكا تحطى فوطة سخنه على شعرك لمدة ساعه وكل ماتبرد تسخنيها تانى وبعدكدا تغسلى شعرك وتكررى الحكاية دى لمدة 12يوم وبعد مايخلصوا ال12يوم تعملى الحكاية دى مرة فى الاسبوع وتخصصى يوم زى السبت مثا وكل سبت تعملى حكاية زيت التوم لمدة شهرين
لومش هتقدر تعملى ال12يوم خلاص اعمليه مرتين فى الاسبوع لمدة شهر وتخصصى يومين متغيرهومش زى مثلا السبت والتلات وبعد مايخلص الشهر تعمليها مرة فى الاسبوع زى السبت كل سبت تعمايها لمدة شهرين
وهتلاقى شعرك نبت وبطل يقع وطول كمان
بعدماتخلصى حكاية زيت التوم تستعملى كل اسبوع عليه زبادى وصفارة او صفارتين بيض وملعقة عسل نحل وشوية زيت توم ومعاه زيت تانى او زيت التوم لوحدة وتعملى كدا يوم فى الاسبوع برضو تخصصى يوم متغيرهوش لمدة شهرين هتلاقى شعرك بقى روووووعة
ولوكنتى بتشربى شاى او قهوه امتنعى عنههم او مرة فى الاسبوع اشربيه لان السبب فى وقوع الشعر وتقصفة وصدقينى دا عن تجربه من ساعه مابطلت الشاى وشعرى بقى يبطل يقع
وكمان كلى فلفل اخضر رومى كتير جدا كترى منه فى كل اكلة حطى معاها فلفل
وكمان لوتقدى تاكلى فصين توم الصبح ماشى لومش هتقرى فى علبة برشام توم بتتباع فى الصيدليه ب13جنية تاخدى برشامه على الريق كل صبح وبعدكدا تفطرى صدقينى هتلاقى شعرك اتغير وبقى روعة ودى تجربتى وطبعا استعملت زيوت تانى وخلطات كتيرة
ومنهم خلطه انك تخلظى كذا زيت على بعض ولازم يكون وسطهم زيت توم او ممكن زيت الزيتون وزيت التوم لوحده مع قرن فلفل وتسبيهم10ايام وبعدكدا تصفي الزيوت من الفلفل وترمى الفلفل وتشيلى الزيوت وتحطى عليهم محلب مطحون روووووعة بينعم ويطول اوى وتسبيه مع الزيوت وبعدكدا تستعمليه مرة فىى الاسبوع مع صفارة البيض والعسل وتستعمليه مرة واحدة فى الاسبوع

om-moomen كتب:السلام عليكم انا مشكلتى ان شعرى خفيف جدا ومهما ااقصه مش بيطول خال بيفضل على نفس القصر بتاع القصه اللى قصتها ياريت تلاقلاقولى اى حل ليه لانى اتعقدت منه خلالالالالالاص

بصى ياحبيبتى لازم الاو لوكنتى بتحبى تشربى شاى كتير لازم تقللى منه انا من ساعه مابطلت الشاى والقهوة وشعرى بطل يقع وطول جدا
بالنسبة للماسكات والزيوت
عندك زيت الحشيش دا بيطول جدا بس مشكلته بينشف وممكن تخلطى معاه زيت دابر املا هينعم مش هينشف
فى الماسك اللى بستعمله دلوقتى خلطت زيت حشيش وزيت زيتون وزيت لوز وزيت خروع وزيت سمسم وزيت دابر املا وزيت توم واى زيوت عندك وبعدكدا حطيتهم فى برطمان وقطعت عليه فلفل اخضر وسيبتهم عشر ايام وبعدكدا صفيتهم من الفلفل
وشيلت الزيوت فى برطمان وحطيت عليه شوية محلب مطحون رووووووعة وبيطول اوى وينعم
وبستعملهم ازاى؟؟
بجيب صفارة بيض وملعقة عسل واحط عليهم شوية من خلطة الزيوت دى واخلطهم ببعض واحطهم على شعرى والبس كيس بلاستيك والف شال او ايشارب كبير واسيبهم3او4ساعات على شعرى دا بيطول جدااااااااااا
لومش هتقدرى على الخلطة دى ممكن تعملى زيت زيتون وزيت توم وتحطيهم مع قرن فلفل وتحطيهم لمدة عشر ايام وتصفى الزيت وتحطى شوية محلب مطحون وتستخدميه مع صفارة بيص وملعقة عسل وتحطى شوية زيت من الزيت دا بتاع الفلفل وتحطيهم على شعرك وتلبسى كيس بلاستيك وتلفى شعرك باشرب او طرحه كبيرة عشان شعرك يسخن وبعد3او4ساعات تغسليه وحاولى تجيبى حمام كريم بوناويل بالقمح وبروفيتامين ب5عشان بيغذى وبيطول وتحطيه على شعرك بعد غسله لمدة 5دقايق وتشطفيه
بس اهم حاجة تخصصى يوم معين فى الاسبوع ومتغيرهوش خالص يعنى مثلا تخصصى السبت يبقى كل سبت تعملى الخلطة دى وخلال شهرين الى 3شهور هتلاقى شعرك طول بسرعه جدا وتقل كمان

تسلمى يا مريانا يا قمر ع مساعدتك لينا انتى بجد بنوته زى العسل
قولك بقى ع مشكلتى وبجد زهقت منها انا شعرى مقصف جدا من قدام ومن طروفه وهايش ومن ورا مش مقصف اوى بس مجعد يعنى حاله شعرى لا يرسى لها هههههههههههههه وكمان فاضل ع فرحى كام شهر كده عاوزه اشوفله حل اصل مش بحب الفرد لانى جربته وبهدلى شعرى اكتر وخف خالص يعنى عاوزه حل طبيعى عاوزه طريقه وومجربه ومضمونه اعملها ليه عشان يطرى والتقصيف يروح منه وكام نصيحه كده اعملها خاصه لحاله شعرى معلش يا قمر طولت عليكى ح

nahr.elhaya كتب:انا شعرى فيه قشرة باستمرار على طول و متهيالى ان ده اللى مخليه خفيف ومقصف ومش بيطول لانه دايما مخنوق من القشرة اعمل ايه انا احترت كتيرررررررررر ودورت كتيرررررررر وشعرى بقى تعبان اوى بعد م كان مفيش زيه بالله عليكم حد يساعدنى

بصى ياحبيبتى هى القشرة امرها سهل بس عايزة شوية اهتمام
اختارى شامبو للقشرة ويكون مناسب لشعرك
تانى حل فى كذا طريقة هقولهالك واختارى الطريقة اللى تناسبك
اول طريقة:-
انك بعد ماتغسلى شعرك تضيفى ملعقة الى ملعقتين خل ابيض فى لتر ميه وتشطفى بيه شعرك وتكررى الطريقة دى كل مرة تغسلى فيها شعرك بس الطريقة دى بتنشف الشعر
تانى طريقه::--
تحطى ملعقتين خل تفاح على ست ملاعق ميه وتدهنى بيهم فروة راسك قبل ماتنامى ولماتصحى تشطفى شعرك وتكررى الحكاية ى تانى يوم
تالت طريقة تجيبى زعتر او نعناع وتنقعيه فى ميه لمدة24ساعه تاخدة ملعقة كبيرة مملوءة زعتر وتنقعيها فى كوب ماء بارد لمدة24ساعه وبعد كدا تصفيه وتاخدى المية تحطيها فى برطمان وكل ليلة تدلكى فروة راسك لمدة 15يوم
والافضل فى الطريقة دى يكون زعتر لانه بيزيل القشرة وييقوى جذور الشعر

sara nona كتب:انا شعرى كويس تقله حلو بس مشكلته انه متدرج ملولو كده مش عارفه اشفله معنى تانى مع ان فتلته ناعمه اوى يعنى لما بيتسرح مش ملكك ولا حاجه بستعمل انضف الشامبوهات بس مش بلفه بصراحه عشان الوقت كسل بقى وكده نفسى فى حل نهائى

حبيبتى يعنى انتى قصدك انه متساوى يعنى طول واحد بس ملولو ولا انتى قصاه مدرج زى طبقات بس بيتلولو ومش بيطلع كويس؟؟
حبيبتى وضحى اكتر وانا هقولك الحل
بس فى حل مؤقت لغاية ماتوضحيلى اكتر وهو انك تغسليه بشامبو بعد كدا بتجيبى حمام كريم اسمه بوناويل بالقمح وبروفيتامين ب5داحلو جدا وبيغذى الشعر وبيفرده مع الاستمرار وبعد مابتنشفيه تلفيه دوامة [طاقيه]هيبقى مفرود وزى المسشور بس تدوميه وتقلبيه كذا مرة يعنى تدومية وبعدكدا لما ينشف تقلبيه الناحيه التانية واربع سعات كدا وتدوميه الناحية التانية لغاية ماتلاقيه اتفرد بس خدى بالك متدهنيش شعرك كريم او زيت وهو مبلول لانه بيتكسر لكن بعدماينشف ادهنيه حته غيرة ومتكتريش

ريري رأفت كتب:بصى بقه لو سمحتى انا عايزه كل الحلول المتاحه للشعرلانى تعبت جربت حاجات كتييييييييييييييييييييييييييييييييييييييييييييير ومافيش فايده
نفسى فى حل نهائى وسريع

بصى ياحبيبتى فى حلول كتيرة وماسكات حلوة اوى قولسلى مشكلة شعرك بالظبط وانا هقولك على حل نهائى وسريع

تسلم ايدك يا اميره علي كل النصائح الحلوه دي
وانا كنت عايزه اعرف شويه حاجات بس اميرات منتدانا او اسرتنا الطيبه سالوها
اشكرك علي اهتمامك بينا يا احلي اميره

ayaessam كتب:السلام عليكم بجد انا بااهنيكم بالمنتدى الجميل اوى ومفيد جدا انا عندى مشكله غريبه اوى اول مره تجيلى شعرى فيه زى حبوب او زى مايكون متعور وفيه قشر فى حتت معينه ومش عارفه ايه الحل سالت دكتور ادانى مضاد حيوى وخلصته ومفيش فايده ياربت تفيدينى لحسن انا قلقانه اوووووى

بصى ياحبيبتى لازم تهتمى بشعرك يعنى متحكيش فيه ولازم تهويه فى البيت يعنى حاولى متغطيش شعرك فى البيت
وعندك شامبو نيزورال ممكن تستعمليه بس الافضل انك تستعملى شامبو بوفيديون ايودين
تستخدميه مرتين اسبوعيا لمدة8اسابيع وبعدكدا مرة فى الاسبوع تحطيه على شعرك لمدة5دقائق وبعدكدا تشطفيه وتراقبى النتائج
وعدم استعمال اى مستحضر للشعر خلال الفترة دى
دورى على الشامبو دا كويس لكن لوملقيتهوش فى علاج كلير مش الشامبو لا دا زى علاج الازازة بتاعته اد كفة الايد وفى حدود23جنيه وتستخدميه زى ماموجود عندك فى النشرة اللى هتلاقيها جوه العلبه
وطمنينى ياحبيبتى وان شاءالله الحبوب تختفى نهائى