عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

كليوباترا كتب:مريانه فين يا بنات انا قللقت عليها هي دخلت قريب ولا لا طمنونى

ميرسى ليكى ياكوكى ياحبيبتى وانا دخلت فعلا بس الموبايل كان فى مشكلة ومش متظبط بس لما اتظبط رجعت المنتدى تانى

روان كتب:

كليوباترا كتب:يارب يطمنى عليكم جميعا الحمد لله يا رورو وتسلم ايديكم كلكم ويجعله ربنا في ميزان حسناتنا جميعا يارب

ميرسي يا حبيبتي انا لقيت الاستفسارات كترت اوي اليومين دول وماريو مش ردت قلت ارد عليهم لحد ما تيجي
ربنا يرجعها بالسلامه

ميرسى ليكى يارورو ياحبيبتى تعبتك معايا اوى ربنا يجازيكى كل خير ياحبيبتى

ارجوكم فيدوني في موضوع قشرة الراس علشان انا جربت كل الزيوت و الوصفات و الشامبوهات الطبية و غير الطبية الخاصة بالقشرة و عندي قشرة صيف و شتا و شعري بقي شكله وحش جدا. و انا عايزة اعمل وصفات تانية لتغذية شعري و تطويله و تنعيمة و مش عارفه . عايزة حل ارجوكم

حطي ديتول الاخضر للنظافه الشخصيه علي راسك
او خل التفاح بس اهم حاجه مركز بجد تاثيرهم جامد
وكمان القشره غير الموسميه دي لازم تعملي ليها الكلام دا كل فتره
تاني حاجه مينفعكيش خلطات فيها دهنيات لان دي هتكتر القشره اوي عندك
استعملي زيت بيرفيكت من الصيدليه بينعم الشعر وبينبته ويوقف التساقط
واهم حاجه انه بيقضي علي القشره ودا طلبك
مفاجأه زيت بيرفكت لعلاج جميع انواع سقوط الشعرPERFECT

انا شعرى خفيف كتير كتير كتير وبيتساقط وجربت معاة حجات كتير بدى وصفة

roaa22 كتب:انا عندي مشـــــــــــــــكله وهي القشرة ومش عارفة اعمل ايه يا ريت تســـــــــــــــــاعديني

بصى ياحبيبتى استخدمى شامبو للقشرة زى كلير مثلل
وهاتى زعتر واملى منه ملعقة كبيرة على كوباية ميه وافضلى اغليهم على النار كتير وبعدكدا حطيهم ف بخاخه او ازازة برفان فاضية ورشى كل صبح وليل ودلكى فروة راسك بالراحه

yassmin كتب:ممكن اعرف المحلب المطحون سعره فى حدود اد ايه و متشكره جدا

المحلي المطحون دا هتلاقيه عند اى عطار وهو رخيص ممكن تجيبى بجنيه او اتنين جنيه او اكتر براحتك

بوسي ابراهيم كتب:تسلمي يا روان علي اهتمامك وعلي ردودك وربنا يطمنا علي مريانا
اية رأيك في الحنة بيقولو بتتقل الشعر الكلام دة صح والا غلط انا قولت اجرب مش هخسر حاجة وكمان قولت ازود فايدتها واحط عليها املج مطحون وزيت سمسم مثلا اية رأيك اجرب

ازيك يابوسبوس ياحبيبتى
بصى ياقلبى مادام بتثولى ان شعرك مبقيش يقع زى الاول كملى بزيت التوم وهو هينبت
وكمان فى زيت اسمه بيرفيكت روان بتقول انه حلو ونبت شعرها بس بصراحه انا مجربتوش
بالنسبة للحنه انا مجربتهاش بس واحدة صاحبتى كانت بتستعمل حنه شعرها دلوقتى طويل وغزير جدا

بوسي ابراهيم كتب:ممكن يا روان تنزليلنا موضوع الزبادي بالعسل بالثوم دة بتاع مريانا عشان بدور علية مش لاقياه وياريت تقوليلي اذا كان حلو بجد والا لا يعني تفتكري مع الاستمرار هيجيب نتيجة فعلا

بصى ياحبيبتى انتى هتجيبى علبة زبادى وتحطى عليها ملعقة عسل و5نقط زيت توم وتخلطيهم كويس لغاية مايبقى زى الكريمه وتحطيهم على شعرك وتلبسى كيس نايلون وتلفى طرحه كبيرة عشان يسخن وبعد ساعتين اغسليه دا بيطول وبيمنع التساقط وبينعم

ذات الشامة كتب:[center]السلام عليكم وحمه الله وبركاته
بصراحة مش عارفه ابتدى واقول ايه عن شعرى
بس ممكن اقولك حكايتى معاه من صغرى
وعمرى سنتين خالى اخدنى للحلاق الرجالى وحلقلى شعرى بالموس على اساس ان شعرى حلو وان الحلق هيتقله
بس اللى حصل العكس
وزى البنات الصغيرين كنت بغير من بنات خالتى علشان هم بيقصوا شعرهم وانا لا
ودونى لكوافير بجد كان اعمش مش بهذر لا بجد كان عنده حاجة غلط فى عينه
النتيجة ان شعرى باظ خالص
ولما كبرت عملت علاج كميائى لشعرى حوالى تلات مرات
ومن وقتها شعرى لا بيطول ولا بيكون كويس
مش هقولك مقصف وبس
لا شعرى بيقع من جدرة ومش كدا وبس لا دا كمان
الشعرايه مخاصمة نفسها يعنى بلاقيها مقسومة مرتين وتلاته واربعه وكمان بيتقطع لوحدة
روحت لدكاترة كتير
دا غير الوصفات الطبيعيه وفى الاخر قالولى قوصى اطراف شعرك بالموس
وعالجيه بالكيراتين الطبيعى
بالله عليكم حد يفيدنى لأنى بجد مكسوفه من شعرى كتير
ومش عارفه اعمله اى شئ
نسيت أقولك واحد من الدكاترة قالى ان دا عامل وراثى
وواحد تانى قالى ان العلاج الكيميائى واللى بتفرد الشعر مش مضرة

ولايهمك ياحبيبتى كل حاجة هتتصلح وشعرك هيبقى حلو جدااا وهتفتخرى بيه مش هتتكسفى منه بس طلبى منك انك تواظبى على اللى هقولة ومتهمليش
اول حاجة
هتخصصى يومين فى الاسبوع زى مثلا السبت والتلات
هتخلى يوم السبت لزيت التوم ويوم االتلات للوصفة التانية اللى هقولك عليها

1زيت التوم هتشتريه من عند العطار وتدهنى فروة راسك وتدلكى بالراحه وتلبسى كيس نايلون وتلفى شعرك بايشارب كبي وبعد ساعتين اغسليه

2الوصفة دى
Http://www.wasafatcleopatra.com/t9965p30-topic

وهتجيبى زعتر وتملى ملعقة كبيرة على كوب ماء كبير وتغليهم وتحطيهم فى بخاخه او ازازة برفان وكل يوم صبح وليل ترشى على فروة راسك وتدلكى بالراحه