اكلات مصريه ميه فى الميه( اكلات ستو وماما )

mariana.ibram كتب:تسلم ايديكى ياهبه دااحنا كدا هنببى ستات بيت شاطرين اووووى

نوريتينى يا مريانا ومرسى ع مشاركتك معانا يا قمر يارب ديما تبقى متبعانا وطبعا انا وراكوا وراكوا لغايه ما نبقى ستات بيوت نكسر الدنيا محدش يبقى زينا ههههههههههههه

مرسى يا قمر ع مرورك

nodaa كتب: يا هوبا ع سد الحنك ربنا يخليكى
وطبعا العدس مفيش نقاش عليه ويا سلام بقا لو معاه بصل وطماطم مخللة بالتوم والكمون والخل واووووووووووووووووووووعى وشك واديها نوووم بعد كده هاااااااا مين هياكل معاياااااااااااااااااا

انتى تؤمرى يا قمر اى حاجه عاوزاها قوليها ع طول وهتلاقى طربقه عمايلها ومعلش اما تلاقونى اتأخر يبقى مش ببقى موجوده ع النت اختى مستغلياه عشان بتذاكر عليه
وانا طبعا هاكل محدش يقدر يقاوم الكشرى ههههههههههه

candymemo كتب:ايه الحلاوة دي انا معقول لما هطلب حاجة هلاقيها بالسرعة والحلاوة دي ؟ تسلمي يا هوبة يارب تسلم الايادي انا ههريكي بقى طلبات هههههههه
لا وكمان سد الحنك ماشاء الله

ههههههههههه انتى الاحلى يا قمر وطبعا باذن الله اى حاجه هتطلبيها هتلاقيها تنزل طريقه عملها ع طول باذن الله واطلبى زى مانتى عاوزه انتى تؤمرى منورانى يا قمرايه

طريقه عمل الكشرى المصرى


المقادير

*كيس مكرونه صغيره
*كيس مكرونه اسبكتى
* كيلو رز
* شعريه شعر
*نص كيلو عدس بجبه
*صلصه طماطم
* حمص شامى
* عدد 3 بصله مقطعه شرايح هلاليه
* توم مدقوق
*خل
* شطه / ملح / كزبره ناشفه
*معلقتين دقيق
*زيت

الطريقه

- نغمس البصل فى الدقيق ونحمره لغايه ما يبقى وردى ونحطه ع ورق يمص الزيت
- ناخد الزيت الى مكان البصل وناخد منه جزء لتحمير الشعريه بلون وردى ونسقط الرز ونحط ليه كميه الميه المناسبه لتسويته
- نغلى ميه ويكون فيها معلقه زيت صغيره ونسلق فيها المكرونه الصغيره وبعد ما تبقى فى نص السوى نسقط المكرونه الاسبكتى لانها بتاخد وقت اقل من المكرونه الصغيره ده عشان مش تعجن وبعد ما يكمل سويهم الاتنين نحطهم فى مصفى ونشطفهم من النشا ونحط عليهم معلقه زيت صغيره المتبقى من تحمير البصل وقليل جدا من الملح والفلفل الاسمر
- نسلق العدس ونحطه فى مصفى
- نسلق الحمص الشامى ونحطه فى مصفى
- ناخد شويه زيت المتبقى من تحمير البصل ونحمر فيه التوم لحد ما تبقى صفرا ونحط عليها صلصله الطماطم ونسيبها لحد ما تتسبك ونحط عليها قليل جدا من الملح والفلفل الاسمر
- لعمل بقى دقه الخل / نيب ازازه ونحط فيها مقدار من الميه وعليهم شويه خل والكزبره والشطه والملح ونرجهم جامد
- لعمل دقه الشطه / نجيب معلقه زيت من المتبقى من البصل ونحمر شويه شطه ونحط عليها معلقه صلصه بعد تخفيفها شويه بمعلقه ميه ونسيبها نص دقيقه ونرفعها من ع النار

طريقه التقديم

نجيب طبق ونغرف الرز بشعريه الاول وبعدين المكرونه وبعدين العدس وبعدين نرش صلصه الطماطم وبعدين نرش البصل مع معلقه حمص الشام ونحط بقى دقه الخل والشطه حسب الرغبه
وبالهنا والشفا

sozanbadr كتب:تسلم ايديكى فتحتى شهيتى للاكل :

يا قمر منورانا وانا ان اول مشاركه ليكى هنا فى الموضوع منورانا يا قمر ويارب تنبسطى فى وسطينا باذن الله يا قمر

طريقه عمل الكشرى الاصفر

المقادير

* نص ك عدس اصفر
* 1 ك رز ابيض
* بصله مقطعه صغير /حسب الرغبه
* ملح
* زيت او سمن
الطريقه

- ننقى العدس والرز ونخلطهم ع بعض ونغسلهم ونسيبهم يتصفوا فى مصفى
- نقدح الزيت او السمن ونحط كميه الميه الكافيه لتسويه خليط الرز والعدس واما تغلى نسقط الخليط او ما يشرب الميه نوطى النار ونقلبه ونسيبه لحد ما يستوى نهائى ويتردد
- نحمر البصله فى شويه زيت صغيرين لحد ما تبقى اصفر او وردى شويه ونحطهم ع الكشرى ونقلبه وطبعا لو مش عاوزه البصل مفيش مشاكل هو طعمه بيبقى حلو اوى فى الحالتين
- نقدمه بقى فى طبق وياسلام لو جمبه بطاطس صوابع محمره وسلطه خضرا وبيض مسلوق وبتنجان مخلل او محمر ونعيش هههههههههههههه اكله معتبره بعزها اوى الاكله دى :lol:

يارب تعجبكوا ونورونى بارائكوا ;)

هاااااااا يا جماعه انا هنزل محشى بكره باذن الله عاوزه رايكوا وتقوليلى تحبوا اى نوع محشى مستنياكوا عاوزه ادخل بكره باذن الله الاقى رايكوا ;) ;)

موضوع جامد جدا يا هوبا برافوا عليكي وشكلك ست بيت شاطرة ربنا يجازيكي خير على الموضوع ده لانك اكيد فيدتي ناس كتير
وبالنسبه لموضوع المحشي اكيد محشي ورق العنب لاني بموووووووووووووت فيه ومش باكل غيره اصلا

منورانى يا بوتى مرسى يا قمرايه ع مشاركتك ومتابعتك معانا وانا عندى حكايه الطبخ دى هوايه بحب كده اوى وبحب اقف فى المطبخ واحب اما اعمل حاجه الكل لازم يشهد بجمالها ههههههههههههههه بس فى نفس الوقت لو فى ملاحظات مبزعلش وبحاول اعدل يعنى لازم كده وكده وانتوا كمان لازم تحبوا الطبخ ومش تتطبخوا لانه واجب عليكوا لاة لانها بتبقى افضل اما تبقى معموله بحب فعلا والله ليلى علوى مغلطتش ااما قالت كده فى فيلم حب البنات ههههههههههههههههههههههههه بس دى حقيقه فعلا
وانا كمان بمووووووووووت فى ورق العنب وباذن الله هنزله اول حاجه نورتينى يا قمر ويارب تبقى متابعانا ديما

شكرا ياحبيبة على ارسالك طريقة الكشري لي