اكلات مصريه ميه فى الميه( اكلات ستو وماما )

تسلم ايديكي يا هوبا على كل الاكلات دي ومنتظرين منك المزيد

الله يسلمك يا قمر نورتينى بجد ومرسى ع تشجيعك

طريقه عمل الشكشوووووووووكه

انا حاسه ان طبعا فى بنات كتير هتقول ايه هى الشكشوكه دى وممكن فى بنات تعرفها هى اكله حلوه اوى وسهله جدا ومش بتاخد اى وقت ومش مكلفه كمان ممكن تتعمل فى الفطار او الغدا لو عاوزه تطبخى حاجه بسرعه وممكن فى العشا يعنى اكله ثلاثيه الابعاد هههههههه

المقادير


4 بيضات

عدد 2 طماطم ( مقطعه مكعبات صغيره )

عدد 1 او 2 فلفل رومى اخضر ( مقطعه مكعبات صغيره )

ملح/فلفل اسمر /زيت


طريقه العمل


نقدح الزيت ونحمر فيه البصل لحد ما يدبل ونحط فوقه الفلفل الاخضر ياخد تشويحه مع البصل وبعد ما نلاحظ ان البصل بقى لونه اصفر نحط مكعبات الطماطم ونسيبها اما تتسبك شويه
نرب بقى البيض بالملح بتاعنا والفلفل الاسمر ونحطه فوق التسبيكه ونفضل نقلب عشان مش تلزق ولحد ما نحس انها نشفت من اى ميه فيها ونشيلها من ع النار ( انا بسيبها لحد ما تلدع شويه بتعطى طعم حلو اوى فيها تلدع مش تتحرق هههههههه انا بحبها كده انتوا ممكن تسيبوها لحد تنشف من اى ميه بس )

وتتقدم بقى مع عيش ومخلل وبطاطس محمره وبتنجان مقلى
وبالهنا والشفا ;)

ازيك يا هوبا اخبارك اايه عاوزة اسالك على طريقه عمل مكرونه تكون جديده وطعمها حلو وفي نفس الوقت تكون خفيفه ومتخنش
اصل احنا عندنا كرتونه مكرونه قلم ومش عارفين نعمل بيها ايه وزهقت من المكرونه بالبشاميل والله يخليكي ابعديني عن السي فود عشان مش بحبه

yaso كتب:

موضوع رائع ومفيد جدا وواضح ان انتى استاذة وست بيت هايلة ربنا يكرمك على مجهودك الرائع ومنتظرين الجديد

يا قمر ع مرورك الجميل المميز نورتينى بجد

poty poty كتب:ازيك يا هوبا اخبارك اايه عاوزة اسالك على طريقه عمل مكرونه تكون جديده وطعمها حلو وفي نفس الوقت تكون خفيفه ومتخنش
اصل احنا عندنا كرتونه مكرونه قلم ومش عارفين نعمل بيها ايه وزهقت من المكرونه بالبشاميل والله يخليكي ابعديني عن السي فود عشان مش بحبه

تمام الحمدلله يا قمر ومرسى ع سؤالك وحاضر يا بنوته يا قمرايه انتى تؤمرى انا عندى كام طريقه كده سهلين وطعمهم حلو اوى هنزلهوملك
نورتينى بجد يا قمر وتسلمى ع تواصلك ديما

فكره الموضوع هايله جدا بجد تساعدي بيها البنات الشاطرين الى زى حالاتى ومش بيعرفوا يطبخوا

بجد ياهوبه ربنا يكرمك على الموضوع دا هستفاد منه اووووووووووى

ربنا يخليكوا يا بنات ويارب ديما تستفيدوا واى حاجه عاوزين طريقتها قولولى وانا هنزلها وحتى لو مش عارفه طريقتها هبحث ليكوا عليها نورتونى بجد بمروركوا ومرسى ع تشجيعكوا