اكلات مصريه ميه فى الميه( اكلات ستو وماما )

طرق عمل المكرونه الاقلام

هى كلها طرق سهله اوى ومش متعبه وكتغيير لطبخها انا عن نفسى اما بزهق من البشامل بعملها كده

المكرونه بالجبنه


المقادير



كيس مكرونه اقلام

ربع كيلو جبنه رومى مبشوره / او جبنه موزريلا

ملح / فلفل اسمر / زيت او سمن او زيده ويفضل زبده

طرقه العمل


نسلق المكرونه ونصفيها ومش نشطفها من النشا ونحط فوقها الزيت او نسيح السمن او الزبده ونرشها فوقها ونحط الملح والفلفل حسب الرغبه ونقلب ربع كميه الجبنه مع المكرونه بكل المكونات ونحطها فى صينيه مناسبه ونساوبها ونضغط عليها بالمعلقه ونقوم رشين الجبنه الموزريلا او الرومى المبشوره وندخلها الفرن ونراقبها لحد ما وشها يتحمر ونطلعها من الفرن وتقدم سخنه
بجد بيبقى طعهمها حلو اوى اوى



**********************
المكرونه باللحمه المفرومه


المقادير

كيس مكرونه

ربع كيلو لحمه مفرومه

عدد 1بصله كبيره مبشوره

عدد 1 فلفل رومى

كيس صلصه او ربع كيلو طماطم

عدد 2 فص توم مدقوقين

ملح/ فلفل اسمر/ زيت


طريقه العمل



نسلق المكرونه ونشطفها من النشا ونحط فوقها معلقه زيت صغيره ونقلبها عشان مش تلزق فى بعضها

نعصج اللحمه المفرومه بتحمير البصله المبشوره فى الزيت لحد ما تبقى لونها اصفر ونحط فوقها اللحمه المفرومه وكوبايه مبه عشان تستوى كويس ومش تتعب المعده

نشوح الفلفل فى الزيت وبعد نضيف التوم لحد ما يبقى لونه اصفر ونحط فوقها الصلصه بعد تخفيفها شويه بميه او ربع كيلو الطماطم المضروب فى الخلاط ونسيبها تتسبك

بعد تسبيك الطماطم نقلب معاها المكرونه ونضيف معاهم اللحمه المفرومه ونقلبهم مع بعض كويس مع اضافه الملح والفلفل الاسمر حسب الرغبه ونسيبها ع النار شويه ونوطى عليها تتردد وتقدم سخنه

وبالهنا والشفا

;)

بارك الله لكي ووفققي في مهمتك

7elw 2awy kman law sm7ty ana 3la wesh gwaz3ayza 2baa set bet shtra zaykom keda

تسلم الايادى لذيذه

جزاكى الله خيرا انا رايى انك تعملى الاثنين تنزلى اكلات ولو فى حد عايز اكله تنزليها وياريت نتابع بحيث اللى عندها اكله بطريقه اخرى تنزلها

هوبه موضوع رائع يستحق الوسام وتسلموا كلكم علي المجهود الرائع ربنا يكرمكم يارب

الفكرة رائعةجدا ربنا يوفقك

موضوع حلو اوى ومتهيالى انك تنزلى اكلات علطول