اكلات مصريه ميه فى الميه( اكلات ستو وماما )

يعنى عدد المشاهده بيزيد كل شويه مفيش رد واحد عشان تعرفونى اكمل ولا لا ولا الموضوع شكله مش ليه لزمه اصلا

لا موضوع جامد ابدئى فيه وانا من رايى انك تنزلى اكلات وبرضه لو فى حد عايز اكلة معينة يبعتلك بس كدا وربنا يعزك

انا من راي تنزلي كل الاكلات

نزلى يا هبة يلا انتى عرفينى بحب الاكل اتكلى على الله :lol:

موضوع جميل والله انا نفسي اعرف كذا طريقة لعمل السمك الفيلية :flower:

موضوع حلو بس انا رايى نزلى انتى الاكلات عشان ممكن يكون فى اكلات احنا اصلا نسينها فتفكرينا بيها

نورتونى كلكم يا قمرات وانا خلاص هنزل الاكلات زى ما تحبوا
وهبتدى بطرق عمل السمك الفليه الى طلبته losem2006 انتى تؤمرى يا قمر

السمك الفيليه المحمر

المقادير
8 شرائح سمك فيليه
2 ملعقة كبيرة ثوم , مدقوق
2/1 كوب عصير ليمون
زيت للقلي
2/1 1 كوب دقيق
2 ملعقة كبيرة كمون
ملح و فلفل
طريقة الطهى
نخلط التوم المدقوق مع الملح والفلفل والكمون وعصير اللمون في وعايه صغيره.
نغمس شرايح السمك في خلطة التوم و تتغطي كويس . نعمل قطعات سطحية بطرف السكينه في لحم السمك وندخل بيها شويه من التتبيله .نسيبها لتتبل في وعايه متغطيه لمدة ساعتين على الاقل.
نحط الدقيق في طبق. نغمس شرايح السمك في الدقيق لغايه ما تتغطى كويس

نقدح الزيت على نار عالية في طاسة متوسطة. نقلى شرايح السمك على الجانبين لغايه ما تبقى لونها بني ذهبي. تتصفى على ورق لامتصاص الزيت الزياده. تتقدم فورا. نزينها بورق البقدونس و شرائح الليمون.

الله تحفه يا بنات كشك الماز اللى بيجى فى افلام زمان ده كشك عادى ولا ايه وعايزين شركسيه اكلات البشوات بقا بجد هدور يمكن القى الاسامى ديه تحفه يا هوبا افكارك حلوه جدااااااااااااااااا