اكلات مصريه ميه فى الميه( اكلات ستو وماما )

طريقه عمل كشك الماظ


المقادير

2كوب لبن -1كوب شوربه فراخ دسمه او العكس 2 كوب شوربه فراخ و 1 كوب لبن
-3ملاعق دقيق - بصله مقطعه قطع صغيره
-ملعقه سمن -
قطع فراخ من الصدور مسلوقه /حسب الرغبه
- ملح- فلفل

الطريقه

- ندوب الدقيق فى اللبن والشوربه ونصفيه بالمصفى السلك


-نحطه ع النار ونسيبه لحد ما بغلى ويتخن زى المهلبيه كده
ويضبط الملح ويوضع الفلفل نضع قطع الفراخ

تحمر البصله ونحط نصها فى الكشك
ونغرف الكشك فى الاطباق ونحط باقى البصل على الوش نقدمه سخن اوى بارد حسب الرغبه جنب الدمعه

الدمعه حسب الرغبه برده

طريقه عمل الدمعه بقى

طريقة عمل الدمعة
نحمر 2 فص توم فى معلقة زيت و نحط فوقها 2 معلقة كبيره صلصة طماطم و ملح و فلفل وشويه ميه أوشوربه ونقلب لحد ما تدوب الصلصة ونسيبها تغلى دقيقتين و تترفع من فوق النار وتتقدم مع الكشك وممكن مع الرز الأبيض و الملوخية الخضرا أو أى حاجه حسب الرغبة
و بالهنا و الشفا
و أتمنى أن يعجبكم

طريقه عمل الشركسيه


المقادير:
نص دجاجة .
قلب خبز توست .
ملح وفلفل
50جم عين مكسرات عين جمل أو جوز .
جرام واحد فلفل حصى .
نص كيلو لبن .
نص بصلة .
قطعة جزر وعود كرفس وعود كرات

الطريقة:
نسلق نص الفرخه فى الميه بعد وضع البصل والجزر والكرفس والكرات والفلفل الحصى لغايه ما تستوى .

ننشل الفرخه من الميه ونصفى المرقة ونحطها على النار حتى تقل كميتها ونحط قلب خبزالتوست وعين الجمل أو الجوز والحليب والملح والفلفل نضربهم كلهم فى الخلاط .

عند التقديم نحط الفراخ فى طبق التقديم وفوقها صلصة الشركسية ونحط ع الوش عين الجمل او الجوز وتقدم

طبعا نزيد الكميه ع حسب الرغبه لو فرخه كامله مثلا نزيد الضعف وهكذا
يارب تعجبكوا

طريقه عمل البصاره



المقادير
ربع ك فول جاف بدون قشره
ربطتين كزبرة خضراء
بصلة
عدد من فصوص التوم حسب الرغبة
قليل من النعناع الجاف
ملح و فلفل حسب الذوق
- للتقلية عدد من فصوص التوم او بصله مقطعه شرائح هلاليه او صغير مع كزبرة جافة
كميه صغيره من الزيت او السمن
معلقه سمسم / حسب الرغبه

الطريقة:

ننضف الفول و نضيف كمية من الميه كافية لسلقه نضيف الكزبرة الخضرا و النعناع و البصلة و التوم نتجنب حط اى معلقه اثناء تسويه الخليط عشان يستوى الفول كويس ونسيبه لحد ما يستوى كويس جدا
بعد تمام التسويه نسيبه يبرد شويه وبعدين نضربه فى الخلاط
نعيد الخليط للنارشويه و يتبل بالملح و الفلفل حسب الرغبه
نعمل التقلية بالتوم او البصله مع الكزبرةالنشفه المدقوقين كويس ونحمره فى شويه زيت صغيرين او سمنه وبعدين نزين بيه وش الطبق مع رش شويه سمسم وتتقدم بارده او سخنه حسب الرغبه

البصاره جاهزه للاكل
;)

لو الموضوع عجبكوا ارجو التقييم ;) ;)

طريقه عمل سد الحنك

انا نقلاه الصراحه لانى مش عملته قبل كده :oops:

بالصور اهو للعلم لينا كلنا



سد الحنك من الأكلات المصرية الشعبية


المقادير
_____
2ملعقة كبيرة سمن ويفضل البلدي
2 ملعقة كبيرة سمسم
4\3 كوب دقيق
4\3 كوب سكر
1كوب ماء




الطريقة
_____


يجهز محلول السكر قبل البدء في العمل وذلك بإذابة السكر في الماء


يسخن السمن ويحمر السمسم




ثم يوضع الدقيق ويقلب ونستمر في التقليب ويفضل استخدام ملعقة ذات يد طويلة , حتى لا تصل الحرارة لأيدينا








بمجرد أن يتلون الدقيق ويصبح لونه بني فاتح نطفي النار ونضع خليط السكر بالماء
ونقلب حتى يتماسك الخليط








نشكله وهو ساخن بالملعقة كالتالي :
نملأ الملعقة بجزء منه ونساوي بملعقة أخرى نفس الحجم , حتى يأخذ شكل الملعقة
اذا صعبت علينا هذه الخطوة ممكن استعمال ملعقة واحدة وتسوية الخليط باليد












وبالهنا والشفا




الوصفه منقووووووووله
;)

طبعا احنا داخلين ع الشتا فانا جبت اكله شتويه تماااااااام وبتعمل مفعول خيالى كانك قاعد فى فرن ههههههههههههههه طبعا عارفينها وهى
العدس الشووووربه المعتبر

طريقه عمل العدس الشوربه

المقادير

1/ ربع ك عدس اصفر

2/ جزره متوسطه الحجم

3/ بصله متوسطه الحجم

4/بطاطسايه صغيره / حسب الرغبه

5/ عدد 2 او3 فصوص توم كبيره

6/شعريه شعر والكميه حسب الرغبه (ويفضل كميه الشعريه متبقاش كتير اوى عشان مش تلظلظ اما تستوى :D
7/ شطه وملح

8/ طماطمايه واحده متوسطه الحجم

9/كميه قليله زيت وسمنه

10/ للتقليه 2 فص توم مدقوق وبصله صغيره مبشوره
الطريقه

نجيب حله ونحط فيها العدس بعد تنضيفه وغسله والجزر متقطع شرايح رقيقه عشان يستوى كويس والبطاطسايه مقطعه مكعبات والبصله تتقطع اربعه والطماطمايه مقطعه اربعه والتوم ونحط كميه ميه كافيه لسلقه ونحط الحله ع النار وبعد ما يستوى العدس كويس نسيب الخليط يبرد شويه ونضربه فى الخلاط
نحط الزيت والسمنه فى حله ونسخنه ونحمر الشعريه لغايه ما تبقى وردى نحط الخليط فوقه ونقلب كويس عشان الشعريه مش تلزق فى ارضيه الحله لحد ما الشعريه تستوى ونحط الملح والشطه حسب الرغبه
نحمر البصله فى شويه زيت صغيرين لحد ما تصفر نحط التوم عليه لحد ما ياخدوا الاتنين لون وردى ونحطهم ع وش الحله ونغطيها
نقدمه فى طبق ونزينه بورق بقدونس
وبالهنا والشفا ;)

يالا يا بنات بقى عاوزه رايكوا فى الاكلات الى نزلت شجعوووووووووووووونى

حلوة يا هبهوبة وبتاعة سد الحنك دى حلوة :lol:

يا ايمى منورانى والله وانا عارفه ان سد الحنك جايه ع هواكى تموتى انتى فى الحاجات الحلوه ;) وايه رايك فى العدس اكلتنا المفضله هههههههههه ;)

يا جامد موضوع تحفه بجد تم التقييييم طبعا