التعامل مع الزوج من الالف للياء بمشاركات الاميرات الحائرات وتجاربهم

المشكلة يا كوكي اني سألته قبل كده عشان عارفة ان ابوه ماري منيب بالظبط يمكن انيل
سألته هيتدخل في حياتنا
لو اتفقنا علي حاجة و هو قال عكسها هتنفذ كلام مين
و قالي انا شخصيتي مستقلة انا محدش يملي عليا افعالي و كلام من ده كتير
و من اول موقف
بكلمة من ابوه
نفذ اللي ابوه عاوزه


اعمل ايه بقي انا


عامل قدامي شخصية بقي و كلمتي بتمشي و الكلام ده
بس بكلمة من ابوه بيقلب

تسلموا ليه يا بنات يارب ميمو راحت فين ههههههههههههه ساره وامانى يارب يخليكم ليه يا حبيبي عايزه اكلمكم علي مذاكره العيال بعد كده بس بالنسبه لساره عايزه افهم الموقف اكتر هوه ايه اللي نفذه بالظبط اصلا انك تساليه ده غلط لانه طبعا هيقول كده المواقف يا بنات ابلغ دليل بدون توجيه اساله طبعا تعتبر بديههيه تفتكري اي راجل هيقولك اه بمشي كلام بابا وبعدين القرار اللي اخده ونفذه ليه خطورته ايه فهمينى اكتر علشان اقدر ارد صح

اخته ثانوية عامة
و لعبية اصلا
و اتفق معايا انه هينزل شهر 2 السنة دي عشان نعمل الشبكة
و قالي انه شخصية مستقلة و ان باباه هيكلم بابا عشان يتفقه
محدش اتكلم
باباه جه كلم ماما و قال لا مافيش شبكة و نبقي نعملها مع الفرح
لما سألته قالي اه ماينفعش عشان اخته ثانوية عامة
مع ان وقت قراءة الفاتحة كانت برضو ثانوية عامة
يعني مش كنت في KG1
و فجأة كبرت يعني
قلتله ايه اللي غير كلامك ده انت مأجل معاد نزولك شهرين عشان الشبكة
قالي لا مادام بابا قال كلمة ماينفعش اراجعه فيها
قلتله يعني واللي عمله ابوك ده ينفع
بيلغي الحاجة بمزاجه و شغل امر واقع
ردوده كلها كانت كأنه مغلوب علي امره
و وعدني اننا هنسكن في شقة برا
طلعنا هنسكن مع ابوه
في نفس العمارة
و اتفقنا هشتغل بعد الجواز رجع و قال لا
بعد ماكان موافق
برضو بسبب ابوه
و وعوووووووووووووود كتير عن حياتنا و جوازنا
و باظت كلها
والسبب ابوه

صباح الخير عليكم جميعا
كوكى انا اهوه موجودة بس البنت كانت تعبانه شويه والحمدلله احسن دالوقتى وبعد كده هندخل على امتحانات الاولاد مع انهم مغلبينى خالص
وحشتونى وحشتونى كتير كتير..........
على فكرة كلامك هايل وانا معاكى فى كل كلمه بالرغم من ان بصراحه حماتى ملهاش فى حاجه هيه بس ممكن تتدلع على ابنها علشان يجيب ويجيب ويصرف ومشمهم فى الاخر هيه عايزه الحاجه ديه ولا لا وتتدلع عليه اه يا رجلى ودلك يا حبيبى يعنى من الاخر بتعمل اللى انا بحاول وبتعلم اعمله وعلى ما اجى انا اعمله مع جوزى تكون امه عملته خلاص واكون انا قديمه ههههههههههههههههههههه

سرسوره حبيبتى ازيك ......متفضليش كل شويه تقوليله ابوك ابوك لاحسن الرجاله دول تقولى شمال يعملو يمين
لو هو فعلا بيمشى ورررا كلام ابوه .....يبقىء حاولى متلفتيش نظرة للنقطه دى
وحاولى تحسسسيه انه هو اللى بيأخد كل قرراراته من نفسه علشان تقدرى تدى مساحه لنفسك انك تقدرى تتناقشى معاه وتقنعيه برايك لكن لو قولتى ابوك مش هتقدرى تغيرى القرار ولا هتقدرى تناقشى ....والله المستعان
ونستنى نشوف ايه راى كوكى هيه البيك بوس وادينا بنتعلم ..
كوكى انا مستنيه كلامك اللى زى السكر وكان عندى كلام كتييييير اوى كنت عايزة اخد رايك فيه ......بس شويه شويه .....لما نعرف ايه رايك فى كلام سرسورا

كوكى حبيبتى ازيك وازيكم يااحلى اميرات
انا موافقاكى جدا فى الرائ بالنسبه للحموات
كله بيعغتمد على شخصيه الزوج وشخصيه الست كمان
يعنى لو الواحده شخصيه ضعيفه يبقى مش هتعرف تعمل حاجه
والشخصيه القويه مش شرط تبقى
زينا وهركليز
لاه بالعقل
انا هحكلكم تجلربتى على السريع
وانا كنت ومازلت بتصرف فيها تقريبا زى ماكوكى بتحكى
اتفاق فى الرائ دايما
ههههههههههه
فى الاول عرفت انى هتجوز فى بيت عيله
وده كان بالنسبه ليا مستحيل مش لانى مش هقدر اتعامل
لاه ده انا جامده قوووووووووى واعجبكم
ههههههههههههه
ولكن لانى مش بحب الاختلاط الكتير واللىم الوش لازمه
قلت مش هينفع قالولى انتى هتبقى لوحده
او زى مابيقولوا معزوله
يعنى كل واحد فى شقته
اقتنعت الى حد ما لافتناعى بزوجى ربنا يخليهولى ويهديهولى قولوا امين
ههههههههههههههههههه
اتجوزت
وكانت مشكلتى اكتر مع سلايفى وزوجاتهم اللى كانوا بيأثروا على حماتى
لانى بطبيعى انى كنت فى الامتياز يعنى بنزل كل يوم من 7.30
وكمان انا حملت فى محمد علطول
فكنت باجى اترمى على السرير
واحضر الاكل بسرعه
وكل ده بالاضافه لانى قلتلكم مش بحب اللت والعجن الكتير
جوزى كان بيجى على العشا
كنا بنتغدى
وممكن حماتى تيجى تقعد معانا شويه
وكنا بنقعد معاهم يوم الاجازه شويه زى مابنروح عند بيت بابا
بالتعود ايوه بالتعود
عرفوا طريقتى واتعودوا عليها
فلما كنت بعمل حاجه غير المئلوفه
كانوا بيتبسطوا بيها جدا
فهمنى يعنى الحاجات اللى كانوا عايزنى اعملها اجبارى
بقيت لما بعملها بيشكرونى
وهكذا جالنا السفر سافرت ويمكن تكون النميزه الوحيده فى السفر
هى الخصوصيه والقرب
ربنا ييسر لنا جميعا امورنا
وياسرسوره ماتقلوليلوش باباك وباباك
بس فى حاجات لاتتنازلى عنها ابدا
زى الشغل مثلا
ماينفعش يشرط عليكى عدم الشغل بعد مالكان موافق
انا مقتنعه ان اى واحده عاقله استحاله هتبدى شفغلها على بيتها واولادها
بس ده يبقى بااختيارها ولما تحب ترجع ترجع
وربنا ييسرلك الامور
انا طولت جدددددددددددددددددا عليكم اعزرونى

ساره انا مش عجبنى موقفك خالص بصراحه بصي يا حبيبتى انتى مش المفروض تجيبي سيره باباه فاهمانى بس مينفعشي بردوا يبقي ملوش كلمه ده مش حلو انه بيرجع في كلامه خدي موقف كنتي وبينى انك زعلانه قللي كلامك بيه او ردي بتقل شويه كنتي واوعي تقولي ما باباك قال اقولك ليه حتى ده لو عيب فيه بيداريه وبيتكسف منه فخلاص انتي عرفتيه وبقي امر واقع وعادي بقي بعد كده هيقول بابا بيقول الرجاله محدش يجي معاهم وش ابدا

يبقي الحل دلوقتى انك تتناقشي في القصص اللي انتى عايزاهه ومتجيبيش سيره حد يعنى خلاص اجل شهرين مش قضيه بس الشغل كل القضايا اللي مضايقاكى المفروض تقولى له انا زعلانه لانى مش بحب الراجل اللي بيرجع في كلامه وان لازم تفكر كويس قبل ما تقولي حاجه حتى لو قلتلي ادينى وقت افكر احسن مترجع في كلامك الا طبعا لو ظروف قهريه والشغل قولي له انك حسب احساسك انتى ومجهودك هتقدري ولا لا
لاني انا اصلا مش من انصار عمل المراه اوي علي فكره زوده هتكلم معاكم فيه وبقول كده ليه مع انى اشتغلت كتير اوي المهم مش موضوعنا بس ساعات بتبقي مضطره ناقصك حاجات كتير وهو مش مقدوره يجيبها لان امكانياته كشاب كده او زهقانه لدرجه الخانقه او ليكي طموح عملي بس مش علي حساب بيتك كل واحده ادري بنفسها ففهميه ان القرار ده قرارك وحسب ظروف البيت ونفسيتك علشان بردوا ميقولشي منتى كنت عايزه تشتغلي انا بحب االبنت ديما تسيب مجال الشغل ده تلعب فيه بس طبعا قولي له القرار هنبقي مع بعض نتشاور لو قصرت معاكي هتقولي طبطبي بردوا ومش هتراجع لو انا حسيت اني مقصره في البيت مش عارفه النقطه ديه عرت اوصلها ليكي ولا لا
مش علشلن ساره بس اي بنت مقبله علي الجواز قرار الشغل ده بيعمل مشاكل كتير فحتى نقط اللي ممكن تقصر قبل الجواز بينك وبينه ممكن بعد الجواز بتتاكل عادي بس علي الاقل هترجعي تقولي محنا متفقين مفيش مانع ان باباكي يقولها ليه بطريقه ظرريفه في وسط الحوارات ما دام باباه ليه قرار شاركي بابكي شويه هتلاقيه بيسحب باباه لانه هيخاف انك تدخلي الناس زي ما هووه بيدخل هيجي يقولك وباباكي بيتكلم ليه في الموضوع ده قولي له معرفشي تلاقيه من خوفه عليه ومقدرش اكسر كلمته ههههههههههههه عيدي عليه الكلمه هيحس بيها من غير ما تقولي ليه باباك فاهمه قصدي هي مره كفايه ده لو حصل الترتبيب ده بس لازم تبينى اعتراضك علي اللي انتى مش عايزاه وتسري عليه زي ما رورو قالت انا معاها جدا الموضوع تعود يا بنات صدقونى
وبراحه يا ساره حتى لو هو شد في الكلام اسحبي بعيد لحد ما يهدي وسيبيه يفكر وبطلي تجيبي سيره باباه خالص هيبقي امر واقع صدقينى هقولك زي ايه مع فارق الموقف بعد الشر عليك زي اللي بتعرف ان واحده بتلف علي جوزها وانه مايل ليها هتعمل ايه لو قالت ليه يبقي حفاظا علي كرامتها تطلب الطلاق ويبقي خلاص ضربت كل حاجه بعرض الحائط واستسلمت وساعتها هيبقي مغمي عليه وهيطلق بمنتهي السلاسه
يا ايما تعرفه انها عارفه وتعيش بدون كرامه قدامه مجبوره ويبقي امر واقع ومش هيتكسف منها وطز فيكي ويبقي عينى عينك
الحل الامثل بقي لو هتكمل معاها تعمل نفسها مش شايفه وتحارب التانيه وهوه ميعرفشي علشان هيفضل احساس الخوف جواه محجمه لغايه ما يعقل او هي متبقاش مستحمله لكن لو صارحته خلاص الكسوف هيروح وطز في اي حد مع الفتارق بعد الشر عليكي التطنيش في المرحله ديه مثالي لو مضايقك وشويه جفاف في الحوار لو مش راضي يسمعك فتره الدلع والضغط الهادي لازم يكون موجود لو قلك مثلا هوه كده ومفيش مناقشه خلاص اقفلي الموضوع بس زعلانه بقي ولغايه ميجي يقولك مالك بطريقه حلوه انا قلقانه من تصرفاتك خايفه كلام رقيق مش مهاجمه بردوا وهتمشي لكن تسكتى وتقولي ابقيب ساعتها يحلها ربنا لا لا لا

ميمو حبيبتى تسلمي لينا يارب الف الف الف سلامه علي ولادك العيال كلهم مطحونيين علي مهلك واحنا مستنيينك مش هنزل كتير في الموضوع الا لما تفضي معانا باذن الله هكتب علي خفيف

رورو حبيبه قلبي وتوامتى ههههههههههههه بجد انا بحس اني انا اللي بتكلم تجربه لكل بنت يا بنات حماتها معاها في نفس البيت ده اللي بقوله يا رورو بس مش بعرف اوصف يومها بالظبط زيك صح جدا الاحساس بانك مشغوله من طرف حماتك وانك باستمرار وراكي حاجه حتى لو فاضيه هتبقي العيشه حلوه لكن لو فتحتى الباب والعيال بقي من هنا لهنا والقعده متوحه زي ما بسمع بتبقي الكارثه برافو عليكي الركيا بنات علي البنت صدقونى تبين لجوزها انها نشغوله وطول النهار بتشتغل ومن الاول ومعرفتشي تروح او تنزل يلهم علشان كده حتى لو هي نايمه في الاول خلاص هيتعودوا ان ده طبعك زي ما رورو قالت الا بقي لو كسرتى الموضوع ده وبقي سداح مداح مش عايزه اقولك هيبقي ازاى زعل الاول بيبقي خفيف وجوزك بيقولها هي طبعا كده اللا بقي لو عملتى كده وبطلتى اه ما انتى اتلويتى ما مانتى مقموصه هههههههههههههههه يوه هتسمعي الدرر فبلاش من الاول كل حاجه في اولها صعب واخرها سهل والعكس لو استسهلتى في الاول يووووووووووه الاخر بيبقي مستحيل مش صعب

بردوا ساره نسيت السبب ايه ف يانه هيعيش مع اهله وتغيير الاتفاق رورو اقنعها باتفاق مش اخد القرار مع نفسه فهمانى لازم تبقي مقتنعه مش مضغوط عليكي وتاخدي تعهدات بالحياه اللي انتى عايزاهه وبابكي لازم يدخل ويقوله موضوع التدخل عامه من غير سيره باباه بمعنى انت عارف ان السكن العائلي مش بيبقي سهل وانا مديها لراجل يصونها ومتاكد منك بابكي بقي لا يعلي علي اسلوبه اكيد ويحط ليه نقط السكن العائلي ضروري جدا اللي انتى عايزاهه وقولي لباباكي ايه هي علشان يعرف يركز علي اللي بيضايقك

ميمو و رورو و كوكي
ميرسييييييييييييييييييييييييييييييييييييييييييييييييييييييييييييييييييي ليكو
والله والله انا عملت كل اللي بتقولوا عليه ده
و جبتها بالمحايلة
و قلت خلاص اساير الموجة المرة دي
مش مشكلة
و قلت خلاص لما يرجع هتفاهم معاه لواحدينا
لقيت من يومين باباه كلم جدي
اصل باباه و بابايا اخوات
و اتهمنا زور في 50 مشكلة
و وقع العيلة كلها في بعضها


و اتهمني انا كمان في كلام ماقولتوش
و الاخ المحترم خطيبي
واقف موقف المتفرج


و الدنيا كلكعت خالص
و سبحان الله
كنت قبلها بيوم بقول لماما اني هديله فرصة تانية يبينلي فيها انه له كلمة و انه هيعرف يسعدني بعيد عن سلطة ابوه

تاني يوم فوجأت بالكلام ده

والعيلة مقلوبة من ساعتها
و بابا قرر خلاص مش هنكمل سوا
هو بس يرجع من برا
و هنشوف رد فعله

لما يسمع الكلام ده
والله عمل موقف يثبت انه راجل و له كلمة
كان بها

معملش و فضل متمسك بموقفه المتخاذل
يبقي معطلكش

و كمان للاضافة
ابوه عمال يقوله كلام عني كدب في كدب
هتقولوا عرفت منين
هقولكوا
انا و هو متعودين لو متخاصمين حتي او بعاد عن بعض
بنحط علي الفيس اغنية
يا عتاب و بتكون هي فاتحة الكلام بينا للصلح
يا حب
يا شوق
كده يعني


بعد الكلام اللي اتقال ده
لقيته حاططلي اغنية للفراق

و دلوقتي انا مكنتش عاوزة اكبر اي خناقة بينا و ادخل الكبار فيها
بس اعمل ايييييييييييييه في ابوه اللي داخل لوحده كده و في خطيبي اللي راضي بتدخل ابوه
و لما امي اتدخلت
باعتبارها خالته

زعلو و اتقمصوا
والدنيا قامت برضو


ياااااااااااااااااااااااااه
ده انا بقالي شهرين و زياده في خناقات و مشاكل بسببهم

اعمل ايه بقي في دول

والله انا كان عندي استعداد اني اتغاضي عن اي كلام باباه اتدخل و قاله
بس عارفة لو كان بس عمل اي موقف يثبتلي اني مخطوبة لراجل مش شخشيخة؟؟؟
اي موقف


للاسف ولا اي موقف خالص
و مش بتبلي عليه ابدا والله لا
بس ده كان باين من قبل الخطوبة بفترة
وانا بقول عادي
مش مشكلة

نعديها المرة دي


كذا خطوة قلنا هنعملها


و اول ما ابوه يقول لا يبقي لا
مافيش نقاش
مافيش جدال

لا بدون سبب او بسبب
مش فارقة

و سكت كتير و قلت مش مشكلة عديها

و جبتها باكتر من اسلوب اني بتضايق من كده

و عملت زعلانة
و صالحني
و كبرت دماغي كتير
عن حاجات كتير


بس يلغيلي موضوع شغلي و تكليفي
و هو نفسه كان عاوز ياخد تكليفه تاني
بعد ماكان رفضه

وابوه لما يشوفني لابسة فستان جميل جدا و حلو اوي و مايكونش جاب لبنته زيه
و اكون انا احلي واحدة فالقاعدة
لاااااااااااااااااااااازم يكرهني فاللي انا لابساه
و يطلع فيه القطط الفاطسانا

و الانيل
الاقي الباشا خطيبي بيشاركه

ياااااااااااااااااااااه يا كوكي
حاجااااااااااااااااااات كتير اوي حصلت فالسنة و نص دول

خلتني اكرهه و اكره الخطوبة دي

والله العظيم يا كوكي انا فالسنة و نص دول كبرت دماغي عن حاجات كتير
بس تعبت بقي
مافيش ولا موقف وقف فيه جنبي
ولا موقف ساندني

سوري بجد اني طولت عليكو

لا يا بنتى سوري وطولتى ايه احنا اخواتك طيب بصي صلي استخاره ووقف الاحتكاك بين باباكي وباباه لفتره علي اد ما تقدروا وفعلا زي ما باباكي قال خد موقف كان بها مخدش موقف مينفعششي هتتعذبي وتتبهدلي ليه يا حبيبتى استني المهم صلي كتير صلاه الاستخاره وربنا هيوضح لك الاموريمكن يرجع ويفكر في اتصرفاته متعرفيش الناس بتتغير في ثانيه وادعي قولى يارب اكتب لي الخير وسيبيها لربنا يا ما المشاكل في الاول ولو بيحبك هيتنازل شويه وانتى شويه علشان الدنيا تمشي لكن انتي متتنزليش كله لازم تنازل من الطرفين يارب يهدي ليكي الحال يارب