التعامل مع الزوج من الالف للياء بمشاركات الاميرات الحائرات وتجاربهم

كلامك سكر ياكوكى
تسلميلنا ياقمر

والله ياكوكى انتى زى العسل وانا بحبك فى الله

كملى واحنا معاكى فى كل كلامك

وانتى ياميمو معلش جربى فكره الكارت دى يمكن تجيب فايده مع ورده حتى
انا فعلا حاسه قد ايه ردت فعله لما جبتيله الهديه كانت قاسيه
بس معلش والله فعلا كل او معظم الرجاله بعد الجواز بيبقوا عمليين جدااااااااااااااااااااا
حبيبتى انا مش طيبه خالص
ههههههههههههههههههههههه
انا قبل مااتجوز كان اكتر شئ ايوه شئ بكرهه فى الكون هو الراجل
وصدقينى معرفش ليه
كانوا زميلاتى بيقولولى اكيد فى حاجه عقدتك
بس والله لاه خالص
انا كده لوحدى مابحبهمش
بس حكم القوى بقه
هههههههههههههههههههه
ربنا يهنيكى ويهنينا

الله عليكو وانتو حلوين كده
لالالالالالالالالالالا كوكي انتي بتبوظي مهامي العظيمة في اني افقع مرارته
و حياتي يا كوكي وانتي بتتكلمي عن امه اتكلمي ان ابوه كمان
اصل اللي المفروض تطلع عيني مش حماتي
حمايا
بلييييييييييييييييييييييييييييييز و ياريت ياريت كمان تشرحيلنا ايه اللي المفروض يتعمل لو اتفقنا علي حاجة و بكلمة من الاب يرجع في كلامه

تسلموا يارب ليه يا حبيبى انتوا اللي مشجعنى اكمل بجد رورو حبي رايك سليم هي تجرب كل الطرق لازم منفقدشي الامل امال احنا عايشين ليه ومن الاخر كل راجل ليه نقطه ضعف لو مراته عرفتها هتكسب الدنيا كلها بس طبعا ده مش بيحصل الا بالتجربه يا بنات فجربي افكار مختلفه وبردوا ممكن مش كل اللي بقوله صح ممكن يجيب نتيجه عكسيه كل واحده يا بنات قريه جوزها اكتر من اي حد بس ممكن نلفت نظرها لطريقه افضل للتعامل

هرتب افكاري واجيلكم ان شاء الله يارب اكون بفيد ونقدر نحسن ونهدي حياتنا اكتر يارب

والله انا بجد بشكركم كلكم
انتوا متعرفوش انا حالتى اتغيرت اد ايه بعد ما قريت كلامكم ده
وفعلا ده انعكس على حياتى كلها وكمان على جوزى
بعد ما كنت خلاص نويت انى اركز مع اولادى وانسى خالص تصرفات زوجى واكبر وارمى واعيش والحورات دى
رجعت تانى افكر وارتب حياتى واول حاجه عملتها اتصلت بزوجى اطمئن عليه فى شغله واعرف هيرجع امتى يعنى وكلمتين حلوين .....

سارة حبيبتى متتعقديش انتى على الاقل حظك كويس انك بتعرفى الحاجات دى قبل الزواج وبتعرفى الحلول وايه اللى ليكى وايه اللى عليكى
وعلى كل حال ربنا يصلحلك الحال

كوكى انتى فعلا كلامك صح جدااااااااا وكمان هجرب فكرة الكارت مش هبخل عليه بحاجه ابداااااااا
انا فعلا محتاجه مشوريتكم باستمرار وحواركم معايا
والله المستعان مستنيه الجديد عندكم كملى يا كوكى والنبى
كملى

يااااااااااااااااااااااااااااارب ييسرلك الحال يا ميمو ياااااااااااااااااااااارب
و ان شاء الله هتيجي بنتيجة
و هتيجي تبشرينا كمان

كوكى انتى فين انا فى انتظارك
لعل المانع خير ان شاء الله
:سلمت يداكى:

معلشي يا حبيبي عند ابنى امتحانات فمش مركزه اوى اليومين دول سامحونى اتاخرت عليكم

بالنسبه للحمي بقي عندي راي يمكن يكون عكس اراء ناس كتير اوي او حماكي نفس الكلام اللي هذكره منطبق علي الاتنين
في نظري الشخصي الحماه لا تمثل اهميه كبيره في حياه الزوجه يعنى لو حماتك از حماكي وحش ده مش بيعنى ان حياتك هتبقي وحشه
طبعا انتم مستغربيين كلامي هقولكم ليه اي حماه يا بنات في الاول بتبقي خايفه موت من البنت اللي جايه تكون ناويه تسرق ابنها وتقومه عليها وتقطعه عنها لازم في الاول في الخطوبه والجواز تلاقي معامله غريبه ده اكيد لغايه متسبتي العكس وده دورك انك تطمنيها لازم تتودي ليها وتكلميها باحترام وتفوتى كل مشكله بتحصل كبري دماغك مااااااااااااعدا اختياراتك في العفش وغيره الشبكه ده تصري عليه بردوا بهدوء ده قبل الجواز الخوف بقي مش من حماتك الخوف يكون هوه شخصيته ضعيفه لحد انه لازم يمشي كلامهم ده القلق تمام وافرضي هوه مثلا بيرضيكي بدون ما يعرفهم بردوا مش مشكله المهم انه بياخد القرار لوحده في فرق كبير اوي بين ابن امه زي ما بيقولوا او ابوه مش فارقه وبين انه مش بيحب يغضبوا عليه طبعا الفرق كبير يععنى مش حلو انك تلاقيه بيقف قدامهم ويغضبوا عليه والمواقف بتظهر الفرق
هتتحطي في اختبارات كتير متتضايقيش طبيعي لحد ما يمر الازمه الاوليه بين الحماه ومراه ابنها وحتى في اول سنه جواز
طيب ايه بقي اللي تاخدي بالك منه متعوديش حد علي خدمه متواصله مش عليكي يعنى تشتري طلبات حماتك مثلا باستمرار او لو في نفس العماره تطلعي باستمرار تعملي ليها طلبتها او تغسلي ليها طباق او تعملي الاكل ده هيشكل عبا عليكي مستقبلي بدون ما تحسي وكمان هوه مش هيشعر بمدي التعب بتاعك اعملي كده بس علي فترات اكله حلوه مره مع زياره كيكه فاهمين قصدي يا بنات من الاخر ابعدوا عن تعويض الاخرين علي واجبات مش بتاعتك مره اقدر مره لا مش ممكن انسان علي نفس الوتيره طول عمره هيتعودوا وبعد كده هتلامي علي التقصير معع انه مش واجبك اصلا

وصدقونى الرجاله بتتخنق بجد من مامتك قالت ليه وعملت ليه وهيغلطك مهما كان مقتنع انها هي اللي غلطان متحسسيهوش ابدا انكم ند للند يعنى انت بتحبنى اكتر ولا هي بتحب اكلي اكتر ولا اكلها متدخليش في اي مقارنات ولا تقولي ليه مباشره انت بتسمع كلامها ومش بتسمع منى ممتلفتيش نظره ابدا لاي مشكله بينك وبينها صدقونى السنين بتدوب الجفا اللي في الاول
وبعدين ديما قولي له كلمت مامتك انهرده اسال علي اختك فكريه بمناسبتهم اسالي عليهم وهما عيانين بس انا مش بفضل انك تزوريهم لوحدك يعنى لو جوزك مثلا عنده نبطشيات دكتور او غيره اجلي الزياره لما يجي لكن لو مسافر بالشهور لازم طبعا تزوريهم للموده طبعا بس قللي الاحتكاك المباشر اللي ملوش لازمه وعمرك ما تتكلمى علي سلفتك ابدا وحش معاهم حتى لو هما مش بيحبوها خدي بالك هيلف الوقت ويقولوا غيرانه منها بالعكس اسكتى مفيهاش حاجه في نظري لما تروحي تتغذي عندهم انك تغسلي الطباق مش شرط كل مره لو تعبانه متتغطيش علي نفسك وبلاش باستمرا ر علشان التعود بردوا يعنى اعملي كل حاجه بالمعقووووووووووال
لو راح لمامته اديلوا مساحته لو حابب يتكلم معاها لوحدهم متحسسيهمش انك مراقباهم ولما يكلمها في التليفون سيبيه بردوا وديما اتكلمى عليها كويس بلاش اللاصقه بتاعه الستات اللي انا عارفاهه لما يكلم مامته ههههههههههه او اخته ديه بتضايقهم جدا صدقينى لو حسوكي مش حشاريه ورايك بيعجبهم الله بعد كده هتلاقيهم بيحكوا ليكي انتى ويمكن انتى اللي تحكيلوا ده كله ذكاء الست مع الهدوء مع مساحه الحريه مطلوبه
وكمان نسيت راجع من الشغل وعدي علي مامته وجي قرفان بلاش اه منتا عديت عليها طبعا قالت لك عليه ايه قومتك عليه ههههههههههههههههه
ده مصيبه كبيره ممكن يكون فعلا مخنوق من تصرف ليها انت بقي تزودي الطينه بله وميحكيش ليكي اهدي كده واصبري علي رزقك الرجاله بيجيلها فتره بيتخنق ونفسه يحكي لحد لو حسك مامته وهتديله في جنابه مش هيحي ليكي زي الاطفال بالظبط لكن الصاحبه اللي بتهديه علي اهله ختى لو مخنوق منهم وبتعالج الامور بحكمه هتبقي سره وغطاه اي سؤال في موضوضع الحماه انا معاكم يا بنات هااااااااااااااااا؟؟؟؟

ومستنيه تعليقاتكم بجد اللي بتسعدنى
ميمو بجد انا مبسوووووووووووطه موت انك حياتك بقت اهدي وهتبقي اهدي كمان ان شاء الله صدقينى

رائعه ياكوكي رائعه

انا قراتها كلها جميله جميله.......شوفي انا متزوجه من كتيييييييييييير بس اتعلمت منك حاجات جميله

وكمان من ردود الاميرات....ربنا يبارك فيكوا يارب

وانا مستنيه

مستنيه

مسنيه