التعامل مع الزوج من الالف للياء بمشاركات الاميرات الحائرات وتجاربهم

صباح الخير .....
تسلم ايديكىيا حبيبتى .....والله يا كوكى انا مش بندم ابدا على حاجه عملتها
وحماتى انا معنديش مشكله فيها خالص لانها مريضه مسكينه ومش بدقق معاها سنها كمان كبير بالعكس انا بعمل كل اللى هيه عايزاه ده انا كمان بروح اصرف لها المعاش وفلوسها كلها معايا وانا اللى كمان عملتلها اجرءات المعاش ده لما حماى توفى يعنى انا اللى اهتميت بيها محدش تانى اهتم من اولادها ........ بس كل الحكايه انى بعد الولاده دالوقتى عندى بيبى صغير وعندى طفلين تانين . يعنى مشغوله زى ما انتى عارفه يعنى مش هقدر اتحمل عبء تانى ...ولما قولت انى مش هقدر وكفايه عليه اعباء الاولاد وخاصة ان زوجى طول النهار برة ومش بيرجع غير على النوم يعنى انا اللى فى وش المدفع .....تصدقى يكون الرد ايه لما اقول انى مش هقدر : والله يا كوكى قالى باللفظ ......ليه هو انتى يعنى بتعملى ايه : ولا هيه امى محتاجه ايه ؟؟؟؟؟؟ مش قادرة اقولك انى بينى وبين نفسى فى اللحظه دى قررت انى لازم اصر انى مش هكلف نفسى بحاجه انا مش هقدر اعملها ...... بس ربك والحق احيانا انا بعمل من نفسى من غير تكليف يعنى اكله حلوة يعنى :
المهم يا كوكى مش ده موضوعنا ...الراجل هو موضوعنا
تصدقى انا كنت لسه هنزل السوبر ماركت علشان اشترى شوية حاجات فى البيت علشان متزليش لجوزى يجيبلى حاجه ... بس بعد ما قريت كلامك مش هنزل ......
كملى الله يكرمك عايزة اعرف واجباتى ايه تانى علشان مكررش الغط ...
تعرفى يوم الجمعه يعنى اجازة اليك اند الاولاد كانت عايزة تخرج وزهقانه ولما قالوا
لابوهم ..... قالهم مش قادر وبردان مش هنزل
النهارده وهو نازل الشغل يقولى انا النهاردة هتأخر علشان خارج مع اصحابى لانى من زمان مش شوفتهم
بذمتك اعمل ايه اتجنن ولا اتجنن
ردى عليه الله يكرمك كلمينى لاحس هنفجر من الغيظ
كوكى متتاخريش عليه علشان بعد الموقف ده ......هقولك على موقف تانى يحرق الدم
كملى
كملى

يا عيني يا ميمو
والله صعبتي عليا
لالالالالالالالالالالالالالالالا
خلاص بقي اتعلمي ليكي ايه و عليكي ايه
و الطلبات يا ابلتي كوكي بقي
اسبوع و اسبوع
عليه انه يعرف ان ده دوره الاسبوع ده
كل طلبات البيت عليه
و كده يبقي شارك غصب عنه
وانا ولا كأني موجوده
كفاية عليا اقول البيت ناقصه ايه
هو بقي يجيب و يشيل و يطلع و ينزل
هههههههههههههههههههههههههههههههههه
بس طبعا للرجل مثل حظ الانثيين
يبقي انا اسبوع و هو اسبوعين
هههههههههههههههههههههههههههههههههههههه
شريرة انا مش كده

ميمو يا حبيبتى هدخلكم بليل واتكلم معاكم لان الولاد طول ما هما صاحيين مش بعرف ارتب افكارى وكمان ابنى عنده امتحانات اعذرونى يا بنات انا عارفه كل كلمه بتقوليها يا ميمو كانى قعده معاكي صدقينى سهل اصلاحه كل الحاجات ديه بسيطه صدقونى قابله للتغيير وانتى شخصيتك قويه طبعا هتقولي ليه لا انا بقولك اه اللي تتحمل المسئوليه ديه تبقي قويه جدا بس عايزه توجهي القوه لاسعاد نفسك اكتر وبعدها تحطي الاخرين وحتى ل بالتساوي لكن نفسك اقل لا يمكن هتبقي سعيده وانا معاكم هنعدل المسار باذن الله هكملكم يا بنات من عنيه ايه كمان تعمليه وايه متعملهوش
بصي يا ميمو في حاله الخروج في سياسه الظن علي الودان امر من السحر والعيال مش بيتوصي زقي العيال عليه ي واختاري مكان بيحبه لو مقدرتيش عليه المره ديه جربي مره تانيه وثالثه وشوفى مكان بيحبه مره في التانيه هيستجيب اصبروا يا بنات ومش كل حاجه تغيظك خليكى جبل وصممي علي رايك من غير خنااااااااااااااااق وريه انك زهقانه او زعلانه بطريقتك وبرقه حتى لو طنش اول مره مع الوقت صدقونى بيتغير بس ابداوا بالتغيير لازم قبل كل ده وعايزه تغيري جوزك هقولكم لما تبداي متبادايش بقرارات صعبه وبس لا لا لازم تبداي بنفسك شكلا ومضمونا وده هقولكم عليه انهرده بليل


ساره السكر بتاعه المنتدي والذ بنوته هههههههههههههه مش هينفع الافتري بتهيالك هههههههههههه دول يفتروا علي بلد ههههه الوسط حلو يا ساره علشان ميطفشي ههههههههههههههه
ونزولك معاه ضروري ليه علشان تختاري اللي يناسب بيتك الرجاله مش بتعرف تنقي الكويس ورخيص فى نفس الوقت وكمان علشان ميزهقشي ويحس انك محملاه فوق طاقته ويحس بيكي معاه في كل حاجه ميعرفش يستغنى عنك مهم اوي اوي ديه يا بنات العزله اللي بتحصل بين الازواج ديه بتبقي وحشه اوي هوه ينزل يشتري لوحده مش هتلاقيها حلوه وممله ليه وكمان بعد فتره انتى هتحسي انك معزوله وفي حاجات لو كاتباهه في الورقه وملقاهاش مش هيعرف يجيب ليها بديل تانى
خير الامور الوسط يا بنات علشان نعيش الطرفين مبسوطين متنسوش بردوا ان رضا الزوج سبب دخولنا الجنه مش عايزين نبقي مفتريين ههههههههههههههههه بس محدش كمان يفتري علينا تمام ولا ايه ؟؟؟؟؟

كوكى حبيبتى انا متوافقه معاكى فى كل الاراء
الوسط فى كل شئ كويس
انا عن نفسى بعمل كده
وانا مقنعه جدا بالمثل اللى بيقول
جوزى على ماتعوديه
بس مع ذلك
ماتيئسيش ياميمو
حاولى وانا واثقه ان كلام كوكى هيفيدك كتير
وياسرسوره بلاش القسوه
لان القسوه بتولد الجفاء
زى مااحنا بنحب انهم يشاركونا لازم احنا كمان نشاركهم
ودايما بقول ربنا يهدينا ويهديهم

والله يا جماعه كلامكم بيدينى الثقه ويمكن حبة امل
نحاول مرة 15 يمكن يكون فيه احسن
والله برضوة انا مش مع الافترا لان انا جوزى عندى برضوة ومع كل الحاجات الوحشه هو برضوة فيه حاجات كويسه علشان الواحد يقول اللى ليه واللى عليه
هو من ناحية الفلوس سخى
جداااااااا
بس المهم تسيبيه فى حاله ومتنكديش عليه لا خروج ولا مسئولية ولاغيرةهستناكى يا كوكى .....هستناكوا كلكم باليل

حبيبه قلبى الحياه مش كلها فلوس
بس انه يبقى سخى دى اكيد ميزه
تحمدى ربنا عليها
بس زى ماكوكى قالتلك حببيه فى الاماكن اللى تروحيها
حاولى تفهمى الاولاد انهم لازم مايضايقهوش
ويحاولوا مايتخانقوش
سهلى عليه الامور
حاولى تجيبيله هديه رقيقه واكتبيله على كارت رومانسى كده
حبيبى ارجوك كل مااطلبه منك ان تحترم انوثتى
لان الانثى بطبيعتها ضعيفه
وانا الان ضعيفه امامك
فاحتوينى وقوينى بيك
وربنا يسعدك ياجميل

ساره السكر بتاعه المنتدي والذ بنوته هههههههههههههه مش هينفع الافتري
بتهيالك هههههههههههه دول يفتروا علي بلد ههههه


يوه بقي يا ابلتي بتكثف بقي الله
ههههههههههههههههههههههههههههه
انا فرحااااااااااااااااااااااااااااااانة انك شايفاني الذ بنوتة و سكر المنتدي
بس حقيقي ده نابع من حبي ليكو بس



ايييييييييييييييييييه ده
مش هعرف افتري عليه و اطلع عينيه؟؟!!!!!!!!!!! ايه ده امال امارس هوايتي المفضلة دي علي مين؟؟؟
اتجوز اتنين واحد افقعله مرارته والتاني افتري عليه بقي ولا ايه
لا انا عاوزة واحد فول اوبشن
هههههههههههههههههههههههههههههههههههه

لا طبعا ده كله هزار في هزار
انا بحترم جدا الرجل ( انا قلت رجل مش مذكر ها ) و بحترم مكانته كزوج في حياة المرأة
بس ده مايمنعش يعني من حين للتاني كده امارس هوايتي المفضلة دي
لازم يبقي في اكشن
هههههههههههههههههههههههههههههههههههه

والله يا رورو من ناحية الاولاد مفيش مضايقه خالص وهما زى النسمه
هو بيقول لا يعنى لا مفيش مناقشه.... ده من ناحية الاولاد
الهديه .... بقى يا اختى رورو
اخر هديه جبتها كانت فى عيد زواجنا وكان رده اول ما شافها قالى سعرها كام دى
لالالالالا غاليه اووووووى ومش تستاهل رجعيها..زز.
والله مش بفترى وده اللى حصل بالظبط ..... ومن غيظى روحت علشان ابدلها بحاجه ليه لان طبعا مش ظريفه انى ارجع الحاجه وكانت ملفوفه هديه شيك فى علبه ظريفه ............


ده انا قولتله مرة نفسى فى وردة مجرد وردة بلاش هديه بفلوس كتير
كان قالى انا خلاص حبيت مرة وخلصت كل الرومنسيه اللى عندى
تقولى ايه بقى
والنبى يا رورو انتى طيبه شكلك .............
:اسعدنى تواجدكم :
جزاك الله خيرا

الله عليكي يا ميمو
انا كده شكلي هقشر بطاطس جنب امي ولا اني اتجوز

لا تحملي نفسك اكتر من طاقتك الا باختيارك وليس بضغط من الاخرين

ههههههههههههه يا ساره شكلك اتعقد
يا ميمو ده الطبيعي يا بنتى هقولكم حاجه يا بنات انتوا اللي بتفتحوا المواضيع
اجزاء مهمه في الجواز قبل الجواز واللي بشوفه في كل البنات انهم فاهمين ان الجواز هيبقي فيه درجه رومانسيه عاليه طبعا لازم قبل الجواز تفهموا حاجه مهمه علشان اللي بيحصل لينا كلنا اننا بنتصدم بارض الواقع بمعنى انك فاهمه ان العشا هيبقي علي شموع وانه هيجيب لك هديه وهوه راجل وورده لما تزعلي ويفتح لك الشقه ويقولك وحشانى لو نزلتى تجيبي حاجه من السوبر ماركت اه في رومانسيه بس بصور تانيه من نظر الزوج زي ميمو ما قالت بالظبط السخاء في الطلبات يعنى مش مخليكي محتاجه حاجه ده الحب والرومانسيه في نظره يعنى عملى بمعنى ان بتاكلي كويس بيتك مش محتاج حاجه وهكذا الراجل عملي يا بنات اللي اقولك بقي انه راجل مش كويس وغير قابل للتغيير الا بهدايه من عند ربنا البخل يا بنات ده طبع وبيبقي بخيل في كل حاجه ان كان مشاعر او فلوس بيبقي اصعب زوج ابعدوا عنه تماما والزوج ابو عين زايغه دول اسوا نوعين اي حد تانى قابل للترويض

يعنى من الاخر الرجاله عمليه ده خلقه ربنا لو اتقبلتوا الفكره ديه يا بنات هتلاقوا الحياه اظرف كتير وهتشوفى الحلو ولو هوه مش بيحب الخروج مش اخر الدنيا بس لازم تتوسطنوا يعنى مش هنلاقيه تعبان اوي ونضغط عليه يخرج وبردوا الاولاد محتاجين يخرجوا بردوا اقول خير الامور الوسط وبالتدريج

طيب بقي اخفف حمولي ازاى يا بنات وفي نفس الوقت ارضيه علشان يا ميمو الرد اللي بتقوليه طبيعي اوي علي موضوع مامته قلتلك قبل ما تحكي لما بتقولي له تعبت بيرد عليكي يقول ايه ده شئ مكرر في كل البيوت وانتى فاهمه لو معملتيش مش هنعرف نعمل هههههههههههههههههه ده الطبيعي طيب ايه الحل
اولا انا احب اقول نقطه مهمه اوي انت ناويه تقدمي تضحيات وده بكرره لاي حد بيشتكي انه تعب من تحمل المسئوليه في رجاله هي اللي بتضغط عليكي لفعل كذا او كذا ده اللي صعب لكن لما يكون انتى اللي حسه ان ده عمل انسانى او او اي كان فكرك متحسبيهوش ابدا علي تقديم التضحيه مش صح قدامك حل من اتنين وده يمكن بيضايق اللي بقولها كده يا ايما تعملي بدون انتظار مقابل او متعمليش هقولكم ليه لو انتى بتعملي ومتخيله هيبوس ايديكي ليل ونهار ويقولك انت الست الاول اللي مقدرشي استغنى عنها فده حلم لن يحدث طيب يبقي تعملي ومتنتظريش لاني بشوف بقي الخناق والقلق بيبدا من هنا هي منهاره زيك يا ميمو من رد فعله وانه مش بيقدر حلو وتقوله انت مش مقدر تضحياتى ويوه علي الكلام وممكن توصل لاكتئاب واكتر طيب تعمل ايه بداتى التضحيات ومش عجبك رد فعله وقفيها بدون ذكر اي تهديد لتوقيفها او بانك مش مقدر فعاقبك لا لا
لان كده غلط جدا لان هتسمعي ما لا يسر هههههههههههههه وقفي التضحيات ما دمتى مش قادره تتحملي وقفي تضحيات بدون ابداء اسباب لان اصلا اللي مش واجبك وبتعمليه لا يستحق الاعتذار عن عدم تاديته فانسحبي بهدوء يوم بقي ما يقولك اعملي كذا او كذا هيبقي بجميله وهيحس انه طلب منك وبراحتك وحسب مقدرتك وحسب صحه عمل الموضوع لو الموضوع تقيل عليكي كست ومش من واجبك اعتذري بادب يا بنات وبهدوء وبلاش بردوا الخناق والرد االشديد هوه انتت فاكرانى راجل وحوار جامد اعتذار بهدوء هتعملي الشئ ده هيبقي بجميله وبيختلف كتير اوي اوي لما يجي يطلب منك وتعملي الحاجه ولما تعمليها من نفسك صدقونى بتفرق كتير اوي اعملي طلبه هيحس بفرق رهيب وهيحس انك بتطيعه وتساعديه وبناءا عن رغبته لو حصل اي حاجه مش هيقولك انا مقولتلكيش تعملي وكمان انتى هتحسي براحه نفسيه انه حاسس بقيمتك وطلب منك هتتحل المشكله اسرع مما تتخيلي لا تحملي نفسك اكتر من طاقتك الا باختيارك وليس بضغط من الاخرين

طولوا بالكم يا بنات وكل ديه مشاكل بسيطه الا بقي لو واحده جت قالت ليه جوزي بيمشي مع ستات او حرمنى من الاكل والشرب ومش بيصرف ومبهدلنى ضرب وغيره ده اللي بيبقي الحل صعب جدا لانها طباع فكل ده طبيعي في كل البيوت علشان كده ليه حل ومهما كنتي متجوزه من سنين سهل الحل
بردوا طيب هتغيري بدون تغيير من نفسك لا يمكن

طيب بصيتى لنفسك انتى اخر مره عملتى شعرك امتى جبتى لانجيري حل جبتى لبس بناتى لذيذ وروش غيرتى لون شعرك حطيتى مكياج في البيت هاااااااااااااااااااااا فكروا شويه مشغولين في الواجبات طيب لو جوزك انت تنازلتى عن شويه من اللي بتعمليه مش من واجباتك اللي بتعمليه اوفر عن اللي اتفرض عليكي ده يرضي ربنا انا يشوفك مش حلوه او مش واخده بالك من نفسك هتقولي ليه انا واخده بالي لا يمكن تكونى واخده بالك من نفسك وانتى مطحوووووونه وبتقدمي كل التضحيات للعالم كله بدون ما تشوفي نفسك دلعي نفسك شويه ولما يرجع يلاقيكي فريش ولذيذه صدقينى احسن ليه من الف تضحيه وده شرع ربنا
بمعنى الواجبات الرئيسيه ايه

1-اولا راحته في بيته يعنى ميجيش من بري تقابليه بهوليله العيال
2-تكوني مهياه ليه البيت النظيف ان كنتي بتنظفيه بنفسك او لو هو ميسر بتجيبي عامله نظافه ده موضوع التنظيف ده لينا 3-فيه حوار مطول بردوا بس يلاقي بيته نظيف اي كانت الطريقه
4-اكله معمول ميجيش ميلاقيش اكل
5-شكلك جميل وشعرك متسرح وبتجددي في نفسك باستمرار علشان ميزهقشي
6-لما يمرض تراعيه ومتسيبوهوش ابدا
تمتصي غضبه وحزنه لو عنده اي مشاكل 7-
8- تعاملي اهله احسن معامله ومتعامليش امه ند للند مهما كانت تصرفتها حلوه او وحشه وده بردوا هكلمكم فيه مطول باذن الله ربنا يقدرنى ويكون بقولكم الراي الصائب ونقدر نحسن من حياتنا
9-رعايه الاولاد وبناء شخصيتهم بامومه وحنان واهتمام
10- مشاركته في الازمات الماديه بالصبر ولا تعايريه ولا تزودي طلباتك بل تقللي من طلباتك وتهيالي الولاد للظروف وتفهميهم انها فتره وهتعدي
معلشي طولت عليكم بس هكمل معاكم باذن الله يارب يسعدكم جميعا يارب