التعامل مع الزوج من الالف للياء بمشاركات الاميرات الحائرات وتجاربهم

ياااااااااااااااااااااااااااااااارب يا كوكي
تسلمييييييييييييييييلي يا حياتي علي نصايحك و مناقشتك و اراءك الرائعة دي
ماتحرمش منك ابدا

كوكى حبيبتى انا مبسوطه جدا بلقب تؤمك دى
ربنا يديم محبتنا

سرسوره حبيبتى انا عايزه اقولك حاجه من الاخر
مافيش مفر من صلاه الاستخاره
ولكن عايزه اقولك كلمه واحده
ماتحمليش نفسك فوق طاقتك
ومادمتوا كلكم متضايقين كده
ايه اللى يجبرك على الاستمرار
استخيرى واعرفى انك لسه على البر ولسه صغيوره
وحتى لو كبيره
الكرامه والراحه والاطمئنان
فبل الحب
وربنا يسعدك ياحبيبتى

ميرسييييييييييييييييي يا رورو
لا انا لسه صغنونة
يادوب 22 سنة بس

بالمصاصة ببقي 6 سنين
ههههههههههههههههههههههههههههههههه


ما هو فعلا ان شاء الله هصلي استخارة
و ربنا يقدم الخير كله


ميرسييييييييييييييييييييييييييييي علي ارائكم بجد
ماتحرمش منكو ابدا

كوكى انتى فعلا عندك حق فى كل كلمه قولتيها::
سارة لازم تصلى صلاة استخارة مع عدم تقديم اى تنازلات ومتجيش ابدا على نفسك ولسه بنقول متحمليش نفسك اكتر من طاقتها لان بعد كده بيبقىء حق مكتسب
وربنا يصلحلك الحال يا رب يا سارة
كوكى انا وحشنى كلامك اوووووى وتوجيهاتك حسه انى من غيرك نقصنى حاجه
انا كمان اتعودت على سارة ورورو
يا كوكى ::انا احيانا بحس انى متلخبطه ومش عارفه اتصرف فى مواقف معينه ويظهر انى من كتر ما عودت نفسى انى اجى عليها بقىء ادمان مش عارفه ابطله بس بحاول.....وكمان فيه مواقف كتير ببقىء عايزة افتح فيها كلام مع زوجى حاجات هو عملها بس ضيقتنى جدددا بس بحس انها ممكن تكون نكدا ......


كنت عايزة اسالك يا كوكى لما الراجل يكون بيشتغل مع ست ويكون هو مديرها وبعد طول يوم عمل ويرجع يكلمها بعد مواعيد العمل بالنصف ساعه ويمكن اكتر هل دى ممكن تكون علاقة صداقه بريئه ولا ممكن تكون ايه مش عارفه

انا حاسه انى مشوشه بس ممكن حدا يرد عليه ويفسرلى الموضوع ده هل كده تجاوز ولا انا ست نكديه وبدور على النكد الله يخليكى يا كوكيه ردى عليه رورو .سارة لو حد عنده رد يقولى؟؟؟؟؟؟؟

بصي يا حبيبتى بامانه ربنا مش بصدق صداقه الراجل والست ديه طيب افرضي شكيتى تعملي ايه انا بجد حاسه انك لازم تجددي اوي من نفسك وتشغليه بعيد عن طلبات البيت حاولي تشغليه انه يكلمها باي طريقه ومتفضليش مشغوله بالعيال اوي طول النهار لازم تنيميهم بدري الواضح ان جوزك حاصل عنده مشكله خدي بالك المعامله مع الموضوع اللي بتقوليه ده خطر طيب تعملي ايه جددي في كل حاجه اعتبرينى اختك بجد محتاج تغيير واسلوب كلامك متضغطيش عليها لما يرجع الشغل في مشاكل العيال علي اد ما تقدري ومتتناقشيش معاه كتير في الموضوع ده لانه هيتمسك اكتر عند اهملي الموضوع ده وركزي اهتمامك عليه مش عارفه الفكره ديه قابله للتنفيذ عندك ولا لا لو عندك اخت او مامتك ودي العيال يباتوا عندهم وروحوا قضوا داي يوز في اي فندق اعملي فكره مطرقعه ومتبينيش انك شكه للحظه وتابعيه بس الموضوع مقلق لازم تاخدي من نفسك اكتر غيري استايلك اكتر وطريقه حوارك من الاخر دلعي نفسك وياريت لو تعرفي الشخصيه ديه وتشوفي ايه اللي ممكن يكون شده انه يكلمها وممكن يكون بردوا شغل حسب طبيعه شغله بس انا مش بحب اسلوب التنويم اقولك لا عادي ونرجع نقول ياريت اللي جري ما كان مش هتخسري حاجه لما تزودي اهتمامك بنفسك وحاوليه تشوفي ايه المشكله بينكم بدون عتاب متعتبيهوش خالص كفايه عتاب انسي اللي فات اعتبري نفسك متجوزه جديد لانقاذ جوازك واتعلمي من جديد ازاى تبدي نفسك وتبقي مرحه ليه وليكي وتنسي النكد احساسه انك نكديه بسبب اللي قلت قبل كده العبا عليكي كبير وهوه مش بيشيل وفي نفس الوقت مش مدلعاه هيروح يبص بري ويقول اصلها طول النهار نكديه وشايله طاجن ستها صدقونى الراجل بيهموا الدلع اكتر بكتيييييييييييييير من انك تتحملي مسئوليته لو شيلتي كل الاحمال اللي عليه ومدلعتيهوش مش هيفضل يحبك الدلع مش انى اشيل عنه الواجبات بتاعته لا الدلع اسلوب طريقه مكياج برفيوم بيحبه وحاجات تانيه كتير التجديد في العلاقه الخاصه بينكم وركزي فيها شويه ممكن تكونى اهملتيها سوري لانى اضفت الموضوع ده بس مهم اوي يا بنات الجواز لا يخلو من الاهتمام بالصغيره والكبيره اكسري الملل والنكد بسرعه روشي نفسك اضحكي خليه يرجع يلاقيكي قمر ورايقه عارفه انك فتره امتحانات بس داخلين علي اجازه خلاص لازم تتغيري انزلي غيري لون شعرك متكسليش بجد وشوفي المواضيع اللي بيحب يتكلم فيها يعنى من الاخر دلعيه وريحي نفسك شويه من شيل الهم والبيت وغيره حتى لو قصرتي شويه في البيت حاولي تركزي معاه شويه وبلغينى بالتطور هل انتى الحياه بقت اهدي المكالمات قلت عايزاكي بجد تنسي خالص اي حاجه مضايقاكي منه متعتبيش علي اللي فات خلاص انتى عرفتى ان الغلط مشترك يبقي نلحق نعالجه ونركز معاه ممكن يصدك متبينيش اني عامله كده ليك فاهمانى هيتقل لا انا عايزاه يحس انك اتغيرتى من جواكي وبقيتى فرفوشه ونسيتى النكد لو لقيتى اي حاجه هتنكد عليكي بجد عدي في سرك ومتتناقشيش معاه في ساعتها وسيبيه لما تهدي وبعدين لو ضروري عاتبيه في هدوء انا عارفه ان المووضوع مش سهل بس ما دام ظاهر ست لا ناخد بالنا ونهدي اللعب اوي منشدش علشان الحبل ميتقطعشي ويمكن يكون ده نحذير من ربنا علشان يفوقك لنفسك وتنسي الضغوط وتبداي حياه جديده وميكونشي في حاجه بس علشان تقربوا من بعض المهم احنا مش خسرانين حاجه يالا وريني التغيير وحتى لو مقلكيش حلو اوعي تياسي بيخدوا بالهم الله وبيعملوا مطنشين بس هتفرق معاه انا لاحظت كتير الست اللي شايله الهم وشايله هم ولادها علطوال ومتبهدله وراهم هي للاسف اللي جوزها بيهرب منها بحجه انتى نكديه عايزين نبطل الحجه ديه ونكبر دماغنا شويه يارب يهدي لك الحال يارب بس يا حبيبتى ارجوكي لا تعاتبيهه في اي حاجه فاتت او تحاسبيه في الفتره ديه لو فعلا هوه في حاجه ممكن يكون زي الطفل بيهرب من الخوف لو زودتى النصح هيبعد اكتر اتعاملي معاه ططفل الفتره االجيه وبعدين هتجربي كل الطرق لحد ما تحطي ايدك علي نقطه ضعفه بس وهنا هتبقي عارفه ازاى تشدي وازاى ترخي لازم متبقيش علي وتيره واحده تزهق لا ولا شده علطول ولا مكبره دماغك علطول حبه حبه وطمنيني بجد انا بقيت بفكر معاكي علطول كانك اختى بالظبط

تسلمي يا ميمو انا كمان خلاص اتعودت علي النقاش معاكو بجد
بحس انه حيوي جدا و مثمر

بصي يا ستي

ممكن شغله يكون فعلا بيتطلب انه يتابع حاجات حتي بعد انتهاء فترة العمل الرسمية بس السؤال بقي
ده كل يوم؟؟؟
ولا كل قد ايه
لما بيتكلم بيقفل عليه و محدش يدخل و حظر تجوال و كده ولا عادي

انتي اللي عارفة الاجابات دي
شغله ممكن فعلا يتطلب المتابعات بعد انتهاء الدوام ولا لا

و علي مانلاقي الاجابات دي مش هنضرب اخماس في اسداس

اعملي خطة صغيرة بس بالتدريج ليقول اتجوزت واحدة مجنونة
ابعتي الولاد مرة عند تيتة و يباتو هناك و هاتي انتي قميص نوم سخن
و شوية دلع بقي كأنك ليلة الدخلة مع فارق انه حاجز الخجل طار خلاص

لو بتشتغلي خدي اجازة اسبوع مثلا و غيري شوية في ترتيب البيت
و خلي الاولاد عند جدتهم او خالتهم عمتهم اي حد من القرايب تستأمني ولادك عنده هناك
و هاتي شوية قمصان متنوعة
غيري لون شعرك
لو فاتح غمقيه لو غامق فتحيه

لو لقيتيه بيتكلم فالتليفون ادفعيه انتي بنفسك انه هو اللي يقفل

ازااااااااااااااااي

هاتي قميص نوم بس اللي هو بقي
اكيد انتي فاهمة هو بيحب لون ايه و شكل ايه

روحي عليه و هو بيتكلم
خلي ريحة بارفانك تسبقك
و موسيقي هادية
و روحي لحد عنده
و اقعدي جنبه و هو بيتكلم عادي ولا كأنك سامعة هو بيقول ايه
ان شاء الله يكون بيناقش قرار وزاري
مش مهم
كله ممكن يتأجل
فكري في نفسك و فيه بس
لمسة علي الشعر
بوسة علي الجبين
حركة كده
حركة كده
يعني قصدي خليه يشتاق انه يقفل فالمكالمة عشانك

و سيبيه و امشي

و ربنا لو تلج هيسيح في ايديك

و داومي علي كده شوية و بعدين بقي لما ترجعي الشغل لو بتشتغلي هتلاقيه مابيصدق يرجعلك عشان يرجع يدوق من الجنة اللي عيشتيه فيها

زوريه فالمكتب و شوفي السيكرتيرة دي بتلبس ايه بتحط برفان ايه
و اعملي زيها بس بلمساتك انتي

فهمتيني
انا بحاول اوصلك الفكرة حسب مفهومي المتواضع لما احط نفسي مكانك هعمل ايه

صح جدا يا ساره يا جامد هوه ده جبتى من الاخر تروشه ههههههههههههههه لحد ما يعرفشي يروح يتكلم في حته وبعدين هوه الكلام بيبقي واضح يا جماعه لما بيكلم حد عادي هيتمشي في الشقه هيبقي صوته عالي ميبقاش بصفه دوريه ليها علامات اي ست تفهمها ركزي يا ميمو هتفهمي وساره بجد ردها عجبنى جدا برافو عليكي يا ساره يارب يهد ليكي الحال يا حبيبتى يارب

ميرسييييييييييييييييييييييييييييييييييييييي يا كوكي
ماتتخيليش انا كنت حاطة ايدي علي قلبي و خايفة ليطلع كلامي خارج و مش مؤدب
مع اني حاولت بشتي الطرق يعني اني بس المح و اكيد هي بقي زوجة و هتفهم

ميرسيييييييييييييييييييييييي يا كوكي بجد ماتعرفيش انا انبسط اوي ازاي لما قلتي ان رايي عجبك
ده معناه اني الحمدلله عرفت اعملها صح

اني احط نفسي مكان صاحب المشكلة و اعرف ازاي احلها
ربنل يخليكي ليا يا كوكي ياااااااااااااااااارب

ياميمو ياحبيبتى ربنا ييسرلك الحال
كلام كوكى وسرسوره صح جدا
وانا كمان مابقتنعش ولا برتاح للصداقه والكلام الكتير بين الراجل والست
شوفى العلامات اللى قالولك عليها
مع انى اصلا مش مقتنعه بالكلام من اصله مادام مواعيد الشغل خلصت
وكل واحد روح بيته
استعينى بربنه وصلى وادعى كتير ان ربنا يهديهولك
وبلاش نكد
وجددى حياتك زى ماقالولك
وربنا يسمعنا عنك كل خير