ملف شامل عن الاستعداد لرمضان باذن الله

تسلمى يا فطوم تاعبينك معانا لكن والله حاجات حلوة ومفيدة

تسلمولى يارب ياحبايب قلبى على تشجيعكم ويارب يكون فعلا الموضوع جميل ويفيد الجميع يارب
وان شاء الله بكره مكملين باذن الله

رائعه يابطوطه ياجميله

تسلمى يارورو ياقمر

الفووووووووووووووووووووووووووووووووووووول

الفول المدمس




طريقة تدميس الفول






الاول لازم تختارى حبة الفول

لونها فاتح
كبيره ومكوره كده وجميله
عليها القيمه يعنى

اول خطوه تنقعى الفول من 6 ساعات مش اقل من 4 ساعات على اقل تقدير ويفضل ان الميه الى تنقيعها فيه تكون سخنه جدا وكميه كفايه

النقع مهم جدا لان الحبوب الناشفه زى الفول والترمس بيكون فيها مواد سامه بتذوب فى الماء
والميه السخنه يقال انها السبب فى انه مايسمرش


تانى خطوه حتصفيه من ميته وتحطيه فى حله وتحطى عليه ميه سخنه تانى وتسيبيه يغلى غلوتين وبعدين تصفيه من الميه دى وتسيبيه يبرد

ثالث خطوة تحطيه فى اناء عمييييييييييييييق زى مثلا غلاية لبن كبيره وتضيفى عليه لو هو ربع كيلو فول معلقة رز ومعلقة عدس
وتضيفى اضافتك الى تحبيها طماطم ثوم شرايح ليمون فى ناس بتضيف بصل او جزر
وتزوديله ميه سخنه بتغلى
وتعلقيه على النار على اقل نار عندك لازم تكون هاديه جداااااااااااااااااااااااا
وفى ناس بتجيب سخان مخصوص للتدميس




حتسيبيه يستوى على مهله فى انواع بيوصل سواها ل 10 ساعات وكل مايحتاج ميه حتزوديه ميه سخنه بتغلى

زى ماقلنا فى ناس بتقول عشان مايسودش
وكمان لو لقيتى حاجه بنى على الوش شيليه بردو بيقولو انك لو سبتيها حتخليه يسود
ويقال انك لو زودتيه بيكنج بودر او بيكربونات صوديوم معلقه صغيره حيخليه يستووى بسرعه وقشرته تكون طريه
عشان يكون ابيض زودى على الفول فول مدشوش



بعد مايبرد حتعبيه فى اكياس وتحطيه فى الفريزر وتطلعيه كيس بكيس وتعمليه بالطريقه الى تحبيها





وبالهنا والشفا


انا جوعت قوى شكلى حقوم اعملى طبق



تحبو يا اميرات المره الجايه ان شاء الله نتكلم عن اطباق وطرق مختلفه للفول
ولا ندخل فى اللحوم وتتبيلها وحفظها

ربنا يكرمك يا فطومه بجد لا عايزين طرق مختلفه للفول لاننا بنزهق في رمضان من الفول العادي بجد مش ممكن موضوع حسسنى ان رمضان بجماله جه انا مبسوطه بيه اوي اوي ربنا يجازيكى الف خير يارب

الله حلو اوى يا بطتى تسلم ايدك وكملى الفول عشان فعلا بنزهق منه فى رمضان

ربنا يكرمكم يارب ياحبايب قلبى على كلامكم الحلو وتشجيعكم ومتابعاتكم
وان شاء الله حجبلكم احلى اطباق فول باذن الله لان فعلا التنوع بيكون مطلوب
وربنا يجعل رمضانا السنه دى وكل سنه كله طاعه ورضا من ربنا يارب ويسعدنا جميعا يارب

حلو قوي يابطة ربنا يقويكي يارب هااااااااااااااااتي جميع انواع الفولاللي عندك امبارح شفت فمسلسل حاجة اسمها فول باللية فعلا في كدة ولاده كلام مسلسلات