ملف شامل عن الاستعداد لرمضان باذن الله

فووووول يا جامد تسلم ايدك على تعبك يا فطومة

من عيونى ان شاء الله اجيبلكم احلى اطباق الفول باذن الله وحدورلك على الفول بالليه ده يا ام جنه
انا اول مره اسمع عنه انا كمان
تسلمولى يارب ياقمرات

تسلم لينا عيونك يا احلى بطة فى الدنيا واحنا مستنيين اصلل الصراحة الفول ده اللى بيخليكى تستحملى ههههههههههههههههههههه لازم تدبيها بليل عشان تقدرى تقاومى الصوم الصبح ههههههههههههههه فبدعى بقى فى الفول

تسلم ايديك يا فاطمه فعلا الفول بيبقي مهم اوى فى رمضان جزاكى الله كل خير انا سمعت عن الفول اللى بالليه ده اللى اعرفه انهم بدل السمنه او الزيت بيحطوا الليه سايحه بس انا بقرف اوى منها فى اى حاجه

فاطمة الزهراء كتب:من عيونى ان شاء الله اجيبلكم احلى اطباق الفول باذن الله وحدورلك على الفول بالليه ده يا ام جنه
انا اول مره اسمع عنه انا كمان
تسلمولى يارب ياقمرات

بدييييييييييييييي ففففففففففووووووووووووووووول

وكمان طعمية




راح موت لحتى دوقها

خايفة اتجوز ويجيني بعين الولد ههههههههههههه

بجد جميل جدا يافاطمه ربنا يقويكي ويجعله في ميزان حسناتك يارب وميرسي لدعواتكم

انتى تؤمرى يا ايمى ياحبيبة قلبى ان شاء الله الاطباق الى اجيبها تعجبك باذن الله

وانتى يانفرتيتى تسلميلى يارب ياحبيبة قلبى وبجد بجد نورتى الموضوع وان شاء الله ام جنه تكون عرفت الفول بالليه بيتعمل ازاى بس على فكره الليه بتدى طعم للاكل جدا بس انا ماجربتهاش فى الفول لما تجربيها يا ام جنه ابقى قوليلى

نور بس كده فول وطعميه بسيطه ايه رأيك اجيبهملك من ايطاليا وانا نازله مصر بالباخره هى بتعدى الاول على سوريا وبعدين مصر ابقى اعدى اديكى الفول والطعميه كمان
بس انا اعرف ان انتم كمان عندكم طعميه بس بالحمص


سهيله تسلمى يارب سعيده انه عجبك حبيبة قلبى

أطباق الفول اللذيذة

لعيون احلى اميرات جبت شوية اطباق فول يارب تعجبكم



فول بالرمان

نسخن الفول مع شوية ميه وزيت ونضيف الملح والتوابل والليمون وبعدين نغرفه فى طبق التقديم ونضيف عليه
بصل مفروم ناعم
بقدونس مفروم ناعم
حب رمان
وطماطم
وثوم حسب الرغبه



طاجن الفول بالبيض

نجيب طاسه كبيره نحط فيها زيت ونحطها على النار ونقطع بصل ونسيبه يصفر نحط ثوم مفروم ونقلب وبعدين نحط طماطم مقطعه مكعبات ونحط صلصة طماطم مع فلفل اخضر ونحط الملح والتوابل ونسيبها على النار لحد ماتتسبك وبعد مانشيلها من على النار نضيف بقدونس اخضر مفروم ناعم وكزيره خضراء وشبت ونضيف الفول نقلب كويس وبعدين نجيب طاجن او صينيه نحطهم فيه ونكسر البيض على الوش بيضه فى كل ناحيه من الصينيه واوعى تقلبى ترشى على البيض رشة فلفل ويدخل الفرن لحد مالبيض يستوى



الفول بالبيض

حنسوى البيض فى الزبده عادى زى مابنعمله وبعدين نضيف الفول والملح والبهارات



فول باللحمه المفرومه

نحط فى الطاسه شوية زيت ونحطها على النار ونحط فيها فلفل رومى مقطع وثوم مفروم وبعدين نحط الصلصه مع البهارات ثم اللحمه المفرومه ولما تستوى نحط الفول والملح



الفول بالزيت الحار ( زيت بذرة الكتان )

حنسخن الفول الاول على النار وبعدين نضيف الزيت الحار والملح والبهارات وممكن نزود بقدونس لو عايزيين



فول بالخلطه

نحط فى طاسه على النار زيت مع بصل نحمره ثم ثوم ثم طماطم ومعجون طماطم وبعد ماتتسبك نضيف الفول والملح والبهارات ونشيله من على النار ونجهز الخلطه
الخلطه عباره عن معلقة جبنه سايله او معلقة زبادى بدل الجبنه مع 3 معالق طحينه وشوية ميه نقلبهم كويس ونحطهم على وش الفول بعد مانغرفه فى طبق التقديم



فول بالثوم والصلصه

نحمر الثوم المفروم فى شوية زيت وبعدين نضيف الصلصه تتسبك وبعدين نضيف الفول والملح والبهارات والليمون



فول بالكمون

حنسخن الفول وبعدين نضيف الزيت والملح والكمون والليمون



فول بالدقه

حنسخن الفول ونكون محضرين الدقه وهى عباره عن ثوم مفروم وملح وكمون وشطه وليمون وكركم وزيت وخل
وبعدين نضيف الدقه على الفول ونقلب



فول بالطماطم

الاول نسخن الفول وبعدين نضيف عليه طماطم مقطعه مكعبات صغبره ونضيف الملح والهارات



فول بالطحينه والزيت

حنسخن الفول ونضيف عليه الزيت والملح والكمون والطحينه



فول بالبشاميل

نسخن الفول ونحط عليه ملح وفلفل وبعدين نحطه فى الصينيه ونحط على الوش البشاميل وندخله الفرن لحد مالبشاميل يتحمر



فول بالحمص

حنحمر فى طاسه ثوم مفروم وبعدين نضيف عليه مقدار متساوى من الفول والحمص وبعدين نضيف الملح والبهارات والليمون وياريت لو زيت زيتون كمان



فول بالسلطه

حنسجن الفول ونضيفله الملح والبهارات والليمون ونغرفه فى طبق ونضيف عليه طماطم مقطع وفلفل اخضر وبقدونس وممكن كمان خيار وخس لو عايزين



فول بالبسطرمه

نقطع البسطرمه قطع صغيره ونشوحها فى البصل الى متشوح فى الزيت وبعدين نضيف البقدونس والصلصه ومكعبات الطماطم والبهارات ونسيبهم يتسبكو ثم نضيف الفول ونقلب



فول بالزبده

نسخن الفول ونضيفله حتة زبده وملح وفلفل اسمر



فول بالليه

حنستخدم الليه بدل الزيت او الزبده



فول بالفلفل الاخضر

نحمر فص ثوم ونضيف مكعبات الفلفل وبعدين نضيف الفول والملح والبهارات وممكن نزود صلصه وليمون



فول بالسجق

يقطع السجق الى شرائح سمك نص سم ويسخن الزيت ونضيف له السجق ويحمر لمدة 5 دقائق ويضاف اليه الفول والملح والفلفل ويترك 5 دقائق اخرى ثم يرفع من على النار ونضيف عصير الليمون



الفول النابت


حنجيب الفول الناشف وهو حب زى ماهو



ننقعه فى ميه طول الليل وبعدين تطلعيه فى ميه وتحطيه فى حتة قماش مبلوله لحد ماينبت



وبعدين تقشريه وفصصيه او لا زى ماتحبى وتحطيه فى الشوربه يستوى وتزودى فصين توم مفرومين
وماتنسيش الملح والكمون وياسلام لو زودتى عند الاكل الليمون والزيت الحار او زيت الزيتون




أطباق الفول الاخضر



فى الوصفات دى ممكن نستخدمه بقشره لو هو طرى بس بعد مانزيل الاطراف والخيط الجانبى وبعدين نقطعه حتت

او ممكن نفصصه




الفول الاخضر باللحم والصلصة :

المقادير:
لحم مسلوق نصف سلق
فول أخضر مجهز
بصلة مخروطة ناعم
2 فص ثوم مفروم ناعم
عصير طماطم
سمن
ملح وتوابل وكمون
مقدار من الشوربة
الطريقة :
تقلب البصلة في السمن ومع الفول ويضاف الثوم ويقلب الجميع حتى يذبل قليلا
يضاف عصير الطماطم ويترك يتسبك قليلا
تضاف الشوربة والتوابل ويترك ليكمل النضج مع اللحم .



يخنة الفول الاخضر باللحم :

المقادير

كيلو فول اخضر
نصف كيلو لحمة موزات غنم
10 أكواب ماء لسلق اللحمة
8فصوص ثوم
كزبرة خضراء
ملعقه صغيرة ملح
نصف ملعقه صغيره بهار
نصف كوب سمنه او زيت نباتي

طريقة التحضير :

نغسل الفول وننقعه بالماء حتى لا يسود لونه
ندق الثوم دقاً ناعماً مع رشة ملح
ننقي الكزبره الخضراء ونفرمها فرما ناعما ونغسلها ونصفيها جيدا
ندق الكزبرة مع الثوم
نغسل اللحمه
نضع اللحمه في الحله ونضيف الماء ونتركها على نار قويه حتى تغلي
ثم نتركها على نار متوسطة الحرارة حتى يتم استواء اللحمه
نصفي الفول من الماء
نضع السمن او الزيت على نار هادئة ونقلي الثوم والكزبرة ثم نضيف الفول الأخضر ونغطيه
نترك الفول حتى حتى ينشف الماء
نضيف اللحمة والملح والبهار ونحرك
نضيف ماء اللحمة تدريجيا حسب الحاجه ثم نتركه على نار هادئة حتى ينضج الفول



الطبق الثالث :الفول الاخضر المقلي بالزيت:

المقادير
كيلوغرام من الفول الأخضر.
رأس كبير من الثوم.
بصلتان متوسّطتان.
ربع كوب من زيت الزيتون.
ملعقة طعام من معجون الطماطم.
نصف ملعقة صغيرة من الفلفل الحلو.
رشّة من الملح والفلفل والبهار الحلو.
ماء لطهو الفول.

طريقة الطهي :
يغسل الفول ويقطع إلى 3 أو4 أجزاء حسب حجمه ويصفى في مصفاة.
يوضع زيت الزيتون في قدر ويسخن جيدا.
يضاف إليه الثوم المقشّر إلى فصوص ويقلى في الزيت، وفي منتصف عملية القلي يضاف البصل المفروم ويتابع القلي مع التحريك حتى يصبح البصل شفافا وشاحبا.
يضاف الفول إلى القدر ويقلى الكل.
يضاف معجون الطماطم والملح والبهار الحلو والفلفل الحلو ويخلط الكل جيّدا.
يسخن بعض الماء ويضاف إلى الخضار أثناء طهوها حتى يغمرها تماما.
تترك القدر لمدة 10 دقائق فوق نار متوسطة، ثم يترك محتواها يغلي برفق لمدة نصف ساعة حتى ينضج الفول ويصبح طريا عند لمسه.
إذا كان الماء رقيقا جدا، يجب فتح غطاء القدر وطهو المزيج لبعض الوقت حتى تصبح الصلصة كثيفة.
يقدم الطبق باردا أو فاترا.



الطبق الرابع الفول الاخضر باللبن الزبادي

المقادير
كيلو فول اخضر
نصف كيلو مكعبات لحم مع العظم
5 علب زبادى
مكعب ماجى
بيضه
ملعقة طعام نشا
ملح
ليمون

الطريقه
نسلق اللحم مع البصل
نغلى الفول مع ماء وملح
فى طبق اخر نضع الزبادى والبيض والنشا والليمون والماجى والملح ونضربهم فى الخلاط او بالمضرب ثم نضعهم على النار ونزود شوربة لحمه مع استمرار التقليب الى ان يغلى
ثم نزودلهم الفول واللحمه بعد تمام سواهم







كده نكون خلصنا موضوع الفول بس لسه ماخلصناش الجزء ده لسه لنا بقيه


تابعونى الحلقه الجايه مع اللحوم
ان شاء الله

ممممممممممممممممممممم كل ده للفل بس ومعقولة قيتي فعلا في حاجة اسمها فول باللية انا متهيالي صعب ويبقي تقيل قوي في اكله انا بس استغربت لما سمعتها بس تسلمي

تسلمى انتى يا ام جنه يارب