عايزه حد يشجعنى على العباده فى رمضان عشان اطلع منه ان شاء الله معتوقه من النار مين حتساعدنى وتعتق معايا من النار باذن الله

مين يابنات تساعدنى وتشجعنى على العباده فى الشهر المبارك ده

تراويح

قرأن

صوم

صلاة

ذكر

صدقه

وغيرها حاجات كتير عايزين نعملها لوجه الله تعالى ونستغل الايام المباركه دى

ايه رايكم نعمل جدول وبالدرجات وكل واحده تدخل تقول عملت كام درجه انا كنت نزلت واحد فى موضوعى وممكن نعمل واحد تانى خاص برمضان

والى عندها اى فكره نشجع بيها بعض تدخل تقولنا عليها خلينا نكون صحبه فى الله بجد



الجدول



اولا _ ركعتى الفجر وصلاة الصبح واذكار بعد الصلاة والاستغفار 20 مره والصلاه على النبى 20 مره

10 درجات

ثانيا _ اذكار الصباح وتحاةلى تقضى الوقت لحد الشروق فى قرأة القرأن والذكر

5 درجات

ثالثا _ صلاة الضحى

5 درجات

رابعا _ سنة الظهر القبليه وصلاة الظهر وسنة الظهر البعديه واذكار الصلاة والاستغفار 20 مره والصلاة على النبى 20 مره
10 درجات

خامسا _ صلاة العصر واذكار الصلاه والاستغفار 20 مره والصلاة على النبى 20 مره

10 درجات

سادسا _ اذكار المساء

5 درجات

سابعا _ صلاة المغرب وسنتها واذكار الصلاه والاستغفار 20 مره والصلاه على النبى 20 مره

10 درجات

ثامنا _ صلاة العشاء وسنتها والاذكار بعد الصلاه والاستغفار 20 مره والصلاه على النبى 20 مره

10 درجات

تاسعا _ صلاة التراويح بجزء من القرأن

10 درجات

عاشرا _ قرأة مالا يقل عن جزئين قرأن ده غير الى فى التراويح توزعيها طوال اليوم بعد الفجر بعد العصر وهكذا ولو زودتى يبقى افضل وافضل

10 درجات

الحادى عشر _ عمل خير او صدقه

5 درجات

الثانى عشر _ المحافظه على الذكر طوال اليوم و عدم تضيع الوقت فى مايغضب الله

10 درجات


كده يكون المجموع 100 درجه حنحاول نكملها كل يوم وندخل نقول جمعنا كام درجه كل يوم عشان نشجع بعض
والى عندها اضافه تقولها

انا يا فطومه نفسي انزل بث مباشر للحرم كل يوم ونصلي معاهم العشاء حتى حد يعرف مواقع والتراويح وكده عايزين بث مباشر ولقيت بنات علي الفيس عملين عرفه صوتيه وبيحفظوا فيها وتجويد بس بعتلهم يارب يردوا عليه ويشاركونا معاهم

ياريت فعلا ياكليوباترا
ربنا يكرمك ياحبيبتى
عايزين شغل جامد رمضان ده ان شاء الله

أيوة بجد حلو انك تعملى جدول ونمشى عليه, ياريييييييييييييت
هيكون محفز لينا, ونكون شجعنا بعض

عايزين جدول والله انا هروح اصلي التراويح
وجايه حفزتوني والله

فكرة حلوة اوى و انا معاكم ان شاء الله

برافوا علي افكارك يافاطمه جميله جدا جدا ان شاء الله هاكون معاكم
وانتم وحشتوني جدا في الايام الماضيه

انا صليت التراويح وقراءت سوره البقره

الله اكبر عليكم كلكم خلاص ان شاء الله حالا حنزل جدول ونمشى عليه كلنا

انا نزلت الجدول فوق يابنات