ملف شامل عن الاستعداد لرمضان باذن الله

تسلميلى يارب يا احلى ايمى على تشجيعك ياقمر
يالا مستنين موضوعك انتى كمان ولا مش ناويه تبقى معانا فى المسابقه

ربنا يخليكى ليا يارب لاة ان شاء الله ابقى معاكم ربنا يسهل

الموضوع هاااااااايل يا فطومة ربنا يئويكى وكل عام وانتم بخير وربنا يسترها معاكى يا سهيلة وتعدى ايام رمضان عليكى حلوة يارب اما انا زعلانة عشان مش حاعرف ارتب شقتى قبل رمضان عشان عاملة عمرة فى الشقة مع انى دايما باجهز شقتى قبل رمضان يالا ربنا يوفقنا جميعا وكل عام وانتم بخييييييييييير

كل سنه وانتم بالف خير يا بنات يا رب ويكون بخير وبركه علي بيوتنا جميعا يارب

وانتم كلكم بخير وصحه وسعاده يارب ودايما فى رضا من ربنا

الجزء الثانى


تجهيز الاكل وتخزينه





اولا طبعا تموين رمضان عايز ميزانيه لوحده عشان كده ممكن وانتى بتجيبى الطلبات كل اسبوع تزودى عليهم شوية حاجات من بتاعة رمضان شويه بشويه عشان ماتحسيش بيهم والراجل يقلبها نكد من كتر المصاريف واحده واحده ولا خبطه جامده





فى ناس بتحب انها توضب الاكل وتخزنه فى الفريزر وهو جاهز وفى ناس بتحب تعمل الاكل اول باول

حنتكلم عن الاتنين ان شاء الله للى عايزه تخزن فى الفريزر والى عايزه تعمله اول باول حنقولها ازاى تجهز معظم الحاجات الى توفر معاها وقت وماتخليش تحضير الفطار ياخد منها وقت طويل باذن الله
وكل واحده تختار الى يناسبها باذن الله






البلححيبقى جميل جدا لو كل يوم من دلوقتى لحد رمضان لو قعدتى تفصصى شويه بشويه لحد ماتخلصى الكميه الى بتقضيكى ط.ول رمضان تفصيص بحيث انه يكون جاهز على النقع علطوووووول


العصيرممكن تعمليه يبقى جاهز على الشرب وتعبيه فى ازايز وعلى الفريزر وتطلعيه على الشرب مش حيجراله اى حاجه
وممكن انك توضبى الماده الخام بتاعته وتخزنيها فى الفريزر وتطلعيها على الخلاط مع الميه والسكر
وحنتكلم عن انواع العصاير واحده واحده

التمر هندى حتنقعيه لمدة 8 ساعات وفى ناس بتغليه بس يادوبك يغلى شويه وتشيليه زى ماتحبى فى كميه ميه بسيطه عشان يكون مركز وبعدين تصفيه من الميه وتزوديه سكر وتحطيه فى الفريز ووقت الشرب تطلعيه وتزوديه ميه
كوب التمر هندى بيحتاج 8 كوبايات ماء ننقعه فى كوب او اتنين ونزود الباقى عند الشرب

قمر الدين حتنقعيه فى الميه لفه او اتنين بردو شويه مش كتير وتسيبيه لتانى يوم وبعدين تضربيه فى الخلاط حيكون تقيل قوى حنضيف عليه السكر ونعينه فى برطمانات ونطلعه يادوبك نزود ميه

وممكن نعمل عصير مشمش بدل قمر الدين حتفصصى المشمش وتطلعى البذر وبعدين تسلقيه كويس قى شوية ميه لحد مايكون طرى وبعدين تضربيه فى الخلاط مع الميه الى سلقتيه فيها والسكر وتخزينيه فى الفريزر

تمر هندى بالكركديهحتنقعى كمية من التمر هندى ومعاها كميه مساوية من الكركديه
ممكن تنقعيهم فى ميه مغليه اول ماتطفى عليها النار وتسيبيها لحد ماتبرد وتعبيها
الربع كيلو من كل نوع بيحتاجو لتر ماء مغلى
وتجهزى شربات زى بتاع الكنافه بس يكون خفيف عباره عن 2 كوب ماء وكوب ونص سكر وتعبيه هو كمان وتحطيه فى التلاجه ووقت الشرب تخلطيهم على البعض وترجى كويس عشان يمتزجو مع بعض


الفراوله حتغسليها وتشيلى الاوراق الخضرا منها وبعد ماتجف من الميه كويس تقطعيها وتعبيها فى اكياس بلاستك جافه وتخزنيها فى الفريزر وتطلعيها على الخلاط وتزوديها الميه والسكر


المانجا حنتقيها جامده وانتى بتشتريها وبعدين تقشريها وتقطعيها شرائح عريضه وترشى عليها عصير ليمون وبعدين تعبيها فى اكياس بلاستك جافه وفى الفريزر


الجوافه حتغسليها وبعدين تقطعيها وتشيلى البذر منها وترشى عليها ليمون وسكر وتعبيها فى اكياس بلاستك وفى الفريزر


التفاح حتغسليه وتقشريه وتقطعيه وترشى عليه ليمون وسكر وتعبى فى اكياس بلاستك وعلى الفريزر



الخوخ والمشمش حتغسليهم وبعدين تحطيهم فى ميه مغليه يادوبك ثوانى وتيليهم وتحطيهم فى ميه مثلجه وبعدين تقشريهم وتقطعيهم وتضيفى عليهم ليمون وسكر وتخزنيهم فى اكياس بلاستك فى الفريزر


كل انواع الفاكهه دى ممكن انك بعد ماتقطعيها تضربيها فى الخلاط مع شوية ميه وسكر وتخزنيها فى الفريزر وتبقى تطلعيها من الفريزر وتزوديها ميه زى ماتحبى


السوبيا
حتجيبى نص كوب لبن نيدو بودرة (ناشف من العلبة على طول او 2 الى 3 اكياس صغيرة )
ونص كيلو سكر
و2 باكو فانيليا
نصف كيلو حليب بارد
روح او ريحة جوز الهند الخام هنحتاج منها حوالى ثلاث من ملاعق صغيرة ( بتيجى فى ازازه صغيره من عند العطار )
10 كوب ماء

ضعى السكر و اللبن البودرة و الفانيليا فى الخلاط وهما زى ماهما جاففين وشغليه لدقائق عشان المكونات تخلط
ضعى الحليب السائل و كمية ريحة جوز الهند و شغلى الخلاط
وبعد كده ضيفى الماء كله واخلطى كله مع بعض كويس

الخروب حتجيبى كميه من الخروب وتضيفى عليها نفس الكميه من السكر يعني لو هتعملي كوبايتين خروب بتحطي معاهم كوبايتين سكر، وبتسيبيهم على النار لغاية ما تحسي إنهم بقوا شبه الكراميل شوية، وبعد كده ضيفي عليهم المية، بحيث إنك لو هتحطي كوب واحد من الخروب، تضيفي عليهم 3 أو 4 كوبايات مية، وسيبيهم لغاية ما يغلوا على النار وبعد كده شيليهم من على النار، وسيبيهم لغاية ما يبردوا وبعد كده صفّيهم، وقسّميهم على أكياس أو زجاجات بلاستيك وشيليهم في الفريزر.

الدوم بنفس طريقة الخروب

العرقسوس حتجيبى العرقسوس وتحطى عليه رشه بسيطه من بيكربونات الصوديوم وبعدين تحطى عليهم شويه صغيرين جدا ميه وتعجنيهم بيها وبعدين تحطيهم فى الشمس لحدمايغمقو بياخدو حوالى ساعتين وبعدين تعبيهم فى شاشه وتربطيها وتحطيها فى الميه وتسيبيها شويه وبعدين تعصرى الشاشه كويس بعد ماتطلعيها
بس اعتقد ان العرقسوس ماينفعش يتخزن يعنى على الشرب علطول

الليمون ممكن تعصريه وتحفظى عصيره عشان تعملى بيه عصير الليمون مع النعاع الاخضر بيكون منعش





احنا كده خلصنا اول حلقه من الجزء التانى

لكن لسه فى كلام كتييييييييييييييييييييييييييييييير


تابعونى التقيل لسه جاى حتنكلم ان شاء الله عن الصلصه والخضروات وحفظهم فى الحلقه الجايه ان شاء الله

فكرة حلوة ومجهود رائع الله يعطيكي العافية يارب

مش ممكن بجد مكنتش متخيله انه هيبقي رائع كده تسلمي يا احلي فاطمه استفدنا منه بجد كل سنه وانتى وولادك بالف خير يارب العالمين

تحححححححححححححححححححححححححفه
ربنا يكرمك يافطومه
ويقويكى ياقمر

ربنا يباركلى فيكم يارب على الكلام الحلو ده يارب ويباركلكم فى اولادكم انتم كمان يارب
وينفع الناس بالموضوع ده يارب