رد: عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

10.07.11 20:42

لاموريه كتب:انا شعرى خفيف جدا من قدام
وبشوف فروة الراس ياريت لو فى وصفة لتقوية الشعر عشان هو لونه خفيف مش باين بنى ولا اسود

بصى ياحبيبتى استعملى زيت التوم هيقوى شعرك جدا
اشترى زيت توم من عند العطار
واستعمليه مرتين فى الاسبوع لمدة شهر وبعدكدا مرة فى الاسبوع لمدة شهرين
خدى بالك اليوم اللى تستعملى فيه التوم متغيرهوش يعنى لو استعملتيه يوم سبت وتلات يبقى كل اسبوع تستعمليه كل سبت وتلات وهكذا

طريقة استعمالة::--
ادهنى فروة راسك ودلكى فروة راسك بالراحه لمدة ربع ساعه وبعدكدا البسى كيس وايشارب واغسلى شعرك بعد ساعه ونص او ساعتين

10.07.11 21:11

sarsora shabaan كتب:لامورية
انتي حالتك النفسية مستقرة ولا لا
اكلك متوازن؟؟؟
اعتناءك بشعرك صح؟؟؟؟
فالغالب النصايح هتبقي ادعكي المنطقة الخفيفة بالثوم
بس عشان يجيب نتيجة لازم تجاوبي علي ال 3 اسئلة دول

يسلم مرورك واجابتك ياساره ياقلبى

10.07.11 21:14

كليوباترا كتب:تسللمى يا ساره ربنا يجازيكيى الف خير بجد معلشي يا بنات هي ميريانه مشغوله علشان الامتحانات انا هرد بالنيابه عنها يا قمرات ان شاء الله ترجع لنا بالف سلامه باذن الله

بصوا السقوط حلكم في الزيوووووووووت معلشي بتنشف بس هنعمل بعدها حمامات كريم بمعنى نعمل اسبوع حمام زيت واسبوع حمام كريم بحيث نغذي ونطري السقوط والحتت الفاضيه اللي قدام بالاخص حاله نفسيه وتغذيه لازم الحاجات ديه تتحل الاول تماموبعدين الثوووووووووم لدرجه انه بيعالج الثعلبه كمان في ناس في التعلبه بتجرح الثعلبه وتدعكها بالثوم وفعلا بتخف سبحان الله فالحل اننا نستخدم مجموعه زيوت مغذيه

اما بقي الهيشان واللمعان والتقل والطول فالنخاع يا اميرات الحل الرهيب بس مش مره طبعا بالاستمرار ضرورى جداااااااااااااااا الكلام عام يا اميرات للكل النخاع من عند الجزار اللي تستحمله هيفرق معاها كتير بيطول جدا وبيتقل جدااااااااااااا وبيغذى ده عن تجارب ناس كتير بس اللي تستحمله ولازم لو خفيف اوي ممكن يكون في قشره خدوا بالكم بتدمر الشعر كمان لازم استشاره دكتور لو بيقع جامد اوى خدوا بالكم

يسلم مرورك وردك ياكوكى ياحبيبتى

10.07.11 21:46

boky كتب:انا شعرى خفيف جدا وجاف جدا وهايش باستمرار ومش عارفة اعمل اية وبعمل حمام زيت مرتين فى الاسبوع زى ما قولتى وفى الصيف مش عارفة اية اللى بيحصلةوكمان عندى قشرةفى شعرى ممكن تقوللى حل بالله عليكى ضرورى والدهان للشعر حلو ولا لاسواء كان (زيت -كريم).جزاكى الله خيرا

بصى ياحبيبتى بالنسبة للشعر الخفيف اعملى زيت التوم مرتين فى الاسبوع لمدة شهر وبعدكدا مرة فى الاسبوع لمدة شهرين بس خدى بالك اليوم اللى هتستعملى فيه زيت التوم متغيرهوش يعنى لواستعملتيه سبت وتلات يبقى كل اسبوع تستعمليه سبت وتلات وهكذا
هتستعمليه ازاى؟
تدهنى فروة راسك بس بلاش شعرك وتدلكى فروة راسك بالراحه لمدة ربع ساعه وبعدكدا البسى كيس وايشارب كبير وبعد ساعه ونص او ساعتين اغسلى شعرك بشامبو خفيف على الشعر زى لونا بالبانثينول للشعر الجاف
~~~~~~~~~~~~~~~~~~~~~~~~~~~
بالنسبة للصيف اقعدى فى الحر استغنى عن المروحة واتكييف شويه عشان شعرك يسخن ويعرق وبكدا هتفيدك جدا فى القشرة
~~~~~~~~~~~~~~~~~
لوعندك استعداد تستخدمى الحنه قوليلى وهقولك على طريقتها وكدا كل مشاكل شعرك هتتحل
~~~~~~~~~~~~~~~~~~~~~
بالنسة للدهان فهو حلو جدا للشعر بس بلاش انك تكترى منه يعنى حته صغيرة منه كويس وبلاش تحطى زيت على الشعر وتقفى فى الشمس لانه بيقصف الشعر وبينشفة وبيهيشه لكن لوهتستعملى الزيت كدهان عادى يبقى اتجنبى الشمس خالص بلاش تعرضى شعرك ليها

10.07.11 21:54

شاهستا كتب:انا شعرى مجعد وخشن وكمان قصيرومقصف وبيتساقط<br>ومش عارفه اعمل ايه<br>بعمله حمام كريم مرتين فى الاسبوع بقى طرى شويه بس مش عايز يطول ابدا ياريت تشوفيولى حل وتبعتبولى وجزاكم الله خيرا<br> <img src="http://r٢٨.imgfast.net/users/٢٨١٤/٣٧/٥٠/٧٤/smiles/٣٦٤٢٤٣.gif" smilieid="١٧" border="٠">  <br>

بصى ياقلبى شعرك كله مشاكله هتنحل بالوصفة دى
Http://www.wasafatcleopatra.com/t9965p30-topic

10.07.11 22:07

dewww كتب: مشكله شعرى انه مموج وبيتساقط وكمان ناشف حتى لما بحط كريم بعد تسريحه تانى يوم ايرجع تانى زى مكان هوكان الاول مقصف بس انا روحت اللدكتور ادنى ادويه وانا قصيت اطرافه حسيت ان التقصيف والحمد لله راح بس طبعا الكسل وحش اوى لكن اكتر حاجه مضيقنى انه ناشف
ارجوكى قولىىى اعمل ايه وبجد ميرسى ع هذا المنتدى اللى اكثر من روعه ومفيد جدا وجزال الله خيرا

احنا مبسوطين اوى ياحبيبة قلبى لانك معانا ومنورانا فى المنتدى
بصى ياحبيبتى لو شعرك ناشف بس يبقى استعملى الوصفة دى
Http://www.wasafatcleopatra.com/t9965p30-topic
استعمليها مرة واحدة فى الاسبوع واغسلى شعرك بشامبو خفيف للشعر زى لونا بالبانثينول للشعر الجاف او شامبو بانتين للاطراف الجافة واعملى حمام كريم بوناويل بالقمح وبروفيتامين ب5
واغسلى شعرك مرة واحدة فى الاسبوع كفايه
بس حبيبتى قوليلى شعرك ناشف بس ولابيتساقط برضو؟؟؟ Question

10.07.11 22:10

sarsora shabaan كتب:بعد اذنك يا كليوبترا هحاول اساعدك فالمشكلات دي
بوكي
هنفترض ان اهم تلات مشكلات بالنسبة للشعر محلولين و برضو مشكلة الشعر متحليتش
الشعر الخفيف علاجه من ناحيتين دوائي و طبيعي
الدوائي في دوا اسمه بنتوجار فالصيدلية ده جميل جدا و عن تجربة و مع الثوم و النخاع
الشعر الجاف و اكيد هايش الحل بتاعه حمامات زيت و كريم
بس الزيت يفضل زيت الخروع و زيت الزيتون
و علاج القشرة في اما شامبو هيد اند شولدرز و لسرعة العلاج اغسلي شعرك بيه 3 مرات فالاسبوع لمده اسبوعين و الاسبوع اللي بعده مرتين فالاسبوع و بعد كده مرة واحدةفالاسبوع و خلال اسبوع الاولاني هتلاقي القشرة بتختفي بس هتكملي باقي الشهر عشان القشرة ماترجعش تاني

يسلم مرورك وردك ياسارة ياحبيبة قلبى

10.07.11 22:14

sarsora shabaan كتب:شاهيستا
علاجك في اكتر من اتجاه
الشعر الخشن علاجه زيوت و كريمات
غيري نوع الزيت والكريم اللي بتستخدميهم يمكن جلد الفروة الراس مش قابلهم
هاتي اللي بيبقي بالعسل لانه مفيد جدا
شعرك قصير دي علاجها مع النخاع انك تدعكي فروة راسك كل يوم الصبح لمده ربع ساعة في اتجاه دائري ده بيساعد علي تدفق دم اعلي للفروة و بالتالي احسن تغذية و اسرع فالنمو و كمان معاكي كبسول بنتوجار فالصيدلية مفيد جدا
مقصف و بيقع ده عيب تغذية اولا و نفسية ثانيا
خلي اكلك في سلطة كتير و خضروات كتير و اشربي مية مش اقل من 6 كوبايات فاليوم مع معلقتين عسل نحل و معلقة عسل اسود و ان شاء الله خلال اسبوع هتلاحظي الفرق

يسلم مرورك ياسارة ياحبيبة قلبى

10.07.11 22:21

sarsora shabaan كتب:dewww
الشعر الناشف علاجه فالزيوت و حسب نوع شعرك هيكون الزيت المناسب
و ممكن تكون انتي شعرك جاف و بتستخدمي شامبو للشعر الدهني و ده اللي بيخلي الشعر ينشف لان تركيبة الشامبو للشعر الدهني انه يسحب الزيوت و الدهون من الشعرة فبالتالي بينشف اكتر و بيقصف
شوفي الاول نوع الشامبو بتاعك
استخدمي بلسم دوف ده هيطري شعرك شوية مع الزيوت و الكريمات و هاتي اللي فيها زيت الخروع او زيت الزيتون او عسل

يسلم مرورك ياساره ياحبيبة قلبى ولردك الرائع

10.07.11 22:25

نور حمص كتب:انا شعري كتير الحمد لله وفيه جعدة خفيفة
بس المشكلة بيطول بصعوبة جدا وبقصف كتير ...
شو اعمل..؟

بصى يانور ياقلبى اعملى الوصفة دى هتلاقى شعرك طول بسرعه جدا
Http://www.wasafatcleopatra.com/t9965p30-topic