عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

نوننا كتب:وانا متعقده من شعري جدا زمان كان طويل جدا زغزير لدرجة اني كنت بكره اسرحه من التعب اللي كنت بشوفه فيه دلوقتي بقي حالته محزنه جدا ضعيف جدا جدا وخفيف وفاضي من قدام ومازال بيفضي قربت اصلع تقريبا كده .. وقصير مش راضي يطول خالص .. ولو مالفيتهوش بيبقي منكوش وناشف وشكله بيعقدني نفسي اظبطه قبل فرحي ربنا يكرمها يارب اللي تقوللي علي حلول مجربه

اهم حاجة الحالة النفسيه هتزعلى على شعرك عمره ماهيبقى كويس لكن انسيه من تفكيرك هتلاقيه اتظبط
بصى عايزاكى مشى زى اللى هقولهولك بالظبط
خصصى يوم السبت لزيت التوم ادهنية على فروة راسك بس ودلكى ربع ساعه بالراحه والبسى كيس وايشارب ومتقعديش تحت مروحة او فى اوضة مكيفة لا اقعدى فى اوضة كدا عشان فروة راسك تسخن وبعد ساعه ونص او ساعتين اغسلى شعرك بشامبو لونا بالبانثينول للشعرالجاف هيغذى شعرك جدا
~~~~~~~~~~~~~~~~~~~~~~~~~~
يوم الاتنين قبل ماتنامى ادهنى الوصفة دى
Http://www.wasafatcleopatra.com/t9965p30-topic
ونامى ولما تصحى الصبح اغسلى شعرك
~~~~~~~~~~~~~~~~~~~~~~~~
اشترى برشام نيوترشن فوريو هير
هو غالى شوية الشريط ب12ج انا باخده ظبط شعرى خالص
~~~~~~~~~~~~~~~~~~
وحاولى تستفادى بالحر دا يعنى استغنى عن المروحة والتكييف شوية وخليكى فى الحر عشان الدورة الدموية توصل للشعر اسرع وكمان دلكى سعرك اكتر من مرة بس التدليك يكون بالراحه
امشى على كلامى دا وفى اقل من شهرين هتلاقى شهرك اتحسن خالصوعلى ضمانتى

sherren كتب:انا كنت عامله شعري حنه فرد من شهر ٩ الي فات ودلوقتي شعري بقي مقصف خالص من منابت الشعر الي اطرافه اعمل ايه

بصى ياحبيبتى بلاش تستخدمى الحنه دى تانى واستعملى الوصفةدى
Http://www.wasafatcleopatra.com/t9965p30-topic

mona _rose كتب: يا جماعة انا جبت مكواة كنت فى الاول بستعملها بيكون شعرى ناشف واحط ليه كريم وبعد كدا اخد كل خصلة واكويها وكان بيبقى تحفة لكن بقالى مرتين اعمله كدا مش بيطلع حلو وبعد الكوى بشويه الاقى شعرى رجع اتجعد تانى انا زعلانة اوووووووووى ممكن تقوليلى ايه السبب؟

السبب ياحبيبتى ان شعرك ضعف من كتر استعمال المكواة
استعملى الوصفة دى عشان تقوى شعرك ويبقى حلو
Http://www.wasafatcleopatra.com/t9965p30-topic

أميرة تامر كتب:بصي انا عملت زيث التوم بس حطيت علية زيت زيتون ماشي
بس انا جبت بعشرة جنة زيت ثوم بس كانو شوية صغيرين اوي هو عغالي ولا اية

ايوة ياحبيبتى غالى لانه مفيد جدااااااا للشعر

نوننا كتب:انا سالت سؤال ومحدش رد بليز ارجو الرد .. عايزه حل لشعري تعبني نفسيا بجد دايما هايش جدا من قدان ومقصف هو من ورا ناعم بس من قدام ضايع خالص ونفسي يطول ويتقل انا عملت النخاع مره واحده استمر عليه كام مره عشان نتيجته تبان وايه احسن ليا الكريمات ولا الزيوت وممكمن اسم شئ معين استعمله وسامبو كمان للشعر الهايش

انا رديت عليكى ياحبيبة قلبى ومعلش اتاخرت عليكى فى الرد عشان ظروف الامتحانات

ماريانا جبتلك وصفه هتعمليها كل 15 يوم شعرك هيطول بسرعه جدا
جيبي برطمان زجاج وحطي فيه 3 معالق صغيره قرفه ونص البرطمان سبرتو ابيض
بس يكون برطمان صغير قد بتاع المايونيز كدا
وغطيهم وسيبيهم 15 يوم بعدين حطيهم عالفروه
وسيبيهم ساعتين واغسلي
كل 15 يوم اعمليلك برطمان علي نهايه الصيف هتلاقي شعرك طول جدا

انا عيزاكي تقوليلي بقا وصفه الحنه اللي عملتيها
علشان اعملها
لاني فردت شعري والحمد لله بيقع شكلي هرجع لزيت التوم تاني ههههههههههه

بصي بقي انا شعري طويل وكان تقيل بقي خفيف جدا ومعقد جامد لدرجه اني بعيط لما بمشطه وبينزل بطريقه مخيفه وكمان نشف جامد ياريت الاقي حل لاني مضايقه كتييييييييير عليه مش عايزه ااقصه مع العلم انه متقصف جامد

[b]أنا مشكلتي في شعري انه متقصف وبيقع جامد بس انا كنت عملتله حنة فرد بقالها دلوقتي سنتين ونصف وبعد كده حبيت أعمله صبغة فأنا شعري مش بيقبل الصبغة إلا لما أعمله تفتيح الأول بالأكسجين وبودرة التفتيح فحطيت عليه حوالي 3 أكياس بودرة تفتيح وعلبتين أكسجين ونشادر علشان يفتح لون شعري قبل الصبغة لغاية ما حسيت انه طلع ريحة بعدها على طول غسلته وصبغته طلع اللون فاتح أوي عملتله حنة جلوري نشفت شعري بطريقة فظيعة بعدها بيومين عملت فرد للجزء الأمامي ومن بعدها شعري وقع من قدام وبقى هايش ومتقصف جامد الكلام ده كله من سنة دلوقتي انا عايزة حاجة تطريه وتعالج التقصيف وتفرده لأنه بقى مجعد أوي أوي وناشف[/b]

السلام عليكم ...
انا مشكلتى ان شعري طويل و تقصف و هايش على الفاضى و ده بيخلينى مش عارفة اتحكم فيه
يا ريت تساعدينى

سلام عليكم لو سمحتى انا شعرى كان جميل جدا لغايه لما قصيته غلط من ساعتها مش عارفه ارجعه تانى من حوالى سنتين ودلوقتى مقصف اوىىىىىىىىىىىىىىىىىىىىىى وحاولت اقصه عشان اعالج التقصيف ده بس مفيش فايده وحاليا ومن 3 شهور بالظبط بيقع بطريقه غريبه بيقع بطوله لو حطيت ايدى على شعرى بينزل فى ايدى انا مش عارفه اعمل ايه بجد تعبت والموضوع ده تاعبنى نفسيا جدا يعنى مشكلتى دلوقتى التقصيف وسقوط الشعر شكرا