عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

mayaa ahmed كتب:هااااااااااااااااااااااااااااى انا بقالى كتير ما دخلتش بس بجد كل ما بدخل بستفاد اوى اوى
انا عندى مشكله فى شعرى ومش عارفه اعمل ايه لانى جربت كل حاجهوالمشكله انى مش فاضيه ونفسى فى حل سريعانا شعرى طويل وناعم وكان حلو بس انا كنت بعمل القصه بالسيشوار لحد ما تقريبا كدا اتحرق من قدام ,, بقى شعرى كله حلو وقدام الحته اللى باينه بايظه على الاخر ممكن تساعدينى ؟؟

بصى ياحبيبتى الحل سهل اوى متقلقيش
هتجيبى زعتر وتغليه كويس اوى وتسبيه يبرد وتصفيه عشان يبقى ميه بس من غير بذور الزعتر وبعدكدا تغسلى شعرك وفى الاخر لما تخلصى تشطفى شعرك بميه الزعتر وكل مرة تغسلى فيها شعرك تعملى كدا
ممكن حل تانى
تملى ملعقة زعتر وتغليها فى كوباية ميه وبعد مايغلى حطيها فى ازازة برفان فاضية ونضيفه وكل يوم صبح وليل رشى شعرك ودلكيه بالراحه وخصوصا شعرك من قدام
وكل شهر قصى طرف شعرك من قدام والحرق اللى فى شعرك هيختفى خااالص وربنا يوفقك

خنساء العصر الحديث كتب:بصى يا جميل انا كنت بستعمل شامبو دوف للإصلاح
انا منذ كنت صغيره كنت بستعمل بانتين وبعدين استعملت دوف وتقريبا بقالى اكتر من تلات سنين مش بستعنل غير دوف

بصى ياحبيبتى انتى فى حاجة غلط عملتيها لشعرك وانتى مش خدتى بالك
المفروض الشامو يتغير للشعر كل 6شهور على الاقل ولوبتحبى شامبو معين يبقى كل 5شهور كد هاتى شامبو غير اللى بتستعمليه واغسلى منه مرتين وارجعى للشامبو اللى بتحبيه
~~~~~~~~~~~~~~~~~~~~~~~~~
شعرك هيرجع احلى من الاول ودا عن تجربتى الشخصيه بس ياريت تمشى عليهم بانتظام
خصصى يوم السبت لزيت التوم
ويوم التلات للوصفة دى
كوب سمن روابى وكوب زيت عافيه وفنجان محلب مطحون وفنجان مطحون محموس نوى التمر[انتى خدى نوى التمر وحطيه فى الفرن ولما يتحمس اطحنيه
حطى السمن والزيت على النار وعليهم المحلب المطحون ونوى التمر المطحون وسبيهم على النار واول مايسخنوا اوى اطفى النار واستنى لما يبردوا وحطيهم فى برطمان ازازى فاضى ونضيف وسبيهم منقوعين لفترة 3اسابيع وبعد كدا استعمليه يوم الاتنين بالليل حطيى الوصفة دى على فروة راسك ودلكى بالراحه وبعدكدا اقسمى شعرك اربع اتجاهات وادهنى كل اتجاه واتنيه ببنسه والبسى كيس نايلون وعليهم شال كبير او طرحه المهم عشان تسخن ونامى ويوم التلات الصبح اغسلى شعرك
يبقى متنسيش يوم السبت زيت التوم والتلات للوصفة دى وياريت تنتظمى متغيريش الايام
وثولى وداعا للشعر التالف واهلا بالشعر الصحى الطويل

kahmed كتب:انا عارفة ان الجرجير بيمنع التساقط ومجربة خلطة الجرجير المعروفة اللى هى حزمة جرجير ونص كباية ميه واضربى فى الخلاط وصفيها وحطيها على شعرك ساعتين المهم ان امبارح دخلت على موقوع لقيت هى هى الوصفة بس البنت بتقول مش جرجير عادى بتقول حرف الجرجير (قرة العين) وانا مفهمتش النوع دة ممكن تقوليلى اجيبو منين من مصر وكمان ايه الفرق بينو وبين الجرجير العادى

دا ممكن تلاقيه عند اى عطار بس خدى بالك مش اى حاجة تسمعيها تجربيها خليكى فى الجرجير احسن بكتيييير اوى

yassmin كتب:انا شعرىكله مقصف جدا حتى التقصيف من اودام و خفيف و مش بيطول نفسى فى حل انل حتى سمعت عن زيت الحيه بس مش عارفه اذا كان كويس
ياريت تساعدينى

بصى ياحبيبتى زيت بيرفيكت حلو اوى
لومش هتجبيه خليكى فى زيت التوم بيتقل وينبت ويطول
تجبيه من عند العطار وتستعمليه مرتين فى الاسبوع لمدة شهر وبعدكدا تستعمليه مرة فى الاسبوع لمدة شهرين
بس اهم حاجة اليوم اللى تستعملى فيه زيت التوم متغيرهوش يعنى لو استعملتيه السبت يبقى كل سبت تستعمليه ولو استعملتيه الحد يبقى كل حد تستعمليه
طريقه استعماله
~~~~~~~~~~~
هتدهنى فروة راسك بالزيت وتدلكيها بالراحه وبعدكدا تلفى على شعرك فوطة سخنه وممكن بدل الفوطة السخنه تلبسى كيس نايلون وايشارب او طرحه كبيرة وبعد ساعه او ساعتين اغسلى شعرك

تانى حاجة هتجيبى زعتر وتملى ملعقة كبيرة على كوباية ميه وتغليهم كويس على النار وتحطيهم فى ازازة برفان فاضية او بخاخه وكل يوم صبح وليل ترشى فروة راسك وتدلكيها بالراحه

روان كتب:

yassmin كتب:انا شعرى كله مقصف جدا حتى التقصيف من اودام و خفيف و مش بيطول نفسى فى حل انل حتى سمعت عن زيت الحيه بس مش عارفه اذا كان كويس
ياريت تساعدينى

خدي الوصفه دي يا جميل لتقصف مقدمه الشعر

وصفه للتخلص من تقصف مقدمة الشعر

الزيت دا حلو ادخلي علي اللينك واستعمليه لمده شهرين

مفاجأه زيت بيرفكت لعلاج جميع انواع سقوط الشعرPERFECT

ولما ماريانا تيجي تقولك بقيه العلاج

ميرسى ليكى يارورو على ردك

aya ibrahim كتب:انا شعرى جاف ومقصف ومجعد بس هو تقيل قوى ما شاء اللة بستخدم شامبو بانتين برو فى والمشكلة ان المياة اللى بستخدمها فيها نسبة املاح عالية عند غسلة فبتخلية ينشف بس بدات استخدم حمام كريم فاشكول انا فكرت اعمل لة فرد اعشاب بس خايفة

لا بلاش حكاية الفرد دى خااااالص
بصى اعملى الوصفة دى هتنعمه اوى
كوب سمن روابى وكوب زيت عافيه وفنجام محلب مطحون وفنجاب محموس نوى التمر مطحون
حطى السمن والزيت على النار وبعدكدا ضيفى عليهم المحلب المطحون ومحموس نوى التمر المطحون ولما يسخنوا اطفى النار وسبيه لما يبرد وبعدكدا حطيه فى رطمان ازاز فاضى ونضيف وسبيه لمدة شهر وبعد الشهر استخدميه على شعرك يعنى يوم الاتنين بالليل قبل ماتنامى حطى من الوصفة دى على فروة راسك ودلكى بالراحه وبعدكدا قسمى شعرك اربع اتجاهات وادهنى كل اتجاه والبسى كيس نايلون ولفى طرحه كبيرة ونامى ولما تصحى فى الصبح اغسلى شعرك بشامبو للشعر الجاف وبعدكدا اعملى حمام كريم بوناويل بالقمح وبروفيتامين ب5دا بينعم اوووووى
حاولى اخر شطفه لشعرك تشطفيه بمياه معدنيه او تغلى ميه وتسبيها لما تبرد لوحدها واول ماتخلصى غسل شعؤك اشطفى شعرك بالميه دى اللى انتى غلتيها وبكدا مش هيبقى فى املاح فى شعرك

بوسي ابراهيم كتب:مرايانا انا بستخدم وصفة الثوم يوم الاحد مبغيروش ويوم الخميس بقيت بستخدم صفار البيض علية زيت سمسم وزيت خروع وعسل هو بيلبك الشعر فعلا وشعري وقع شوية صغيرة اية رأيك اعمل اية
عايزة كمان استخدم زيت بيرفكت اعمل اية بالظبط يا روان يعني بالاضافة للخلطات احطة علي فروة الراس الصبح وبالليل عادي مش هيكون شعري مزيت اوي والا اية

طب بصى يابوسبوس
خليكى يوم الحد فى زيت التوم ويوم الخميس فى الوصفة دى وعلى ضمانتى
كوب سمن روابى وكوب زيت عافيه وفنجان محلب مطحون وفنجان محموس نوى ااتمر المطحون[انتى خدى نوى تمر وحطيه فى الفرن ولمايتحمس اطحنيه]
حطى السمن والزيت فى طاسة على النار وبعدكدا ضيفى عليهم المحلب المطحون ومحموس نوى التمرالمطحون ولما يسخنوا اطفى النار وسبيهم لما يبردوا وحطيهم فى برطمان ازاز فاضى وسبيهم شهر منقوعين وبعدكدا يوم الاربع بالليل حطى البرطمان فى ميه سخنه عشان يسيح وبعدكدا لما تلاقيه بارد حطى على فروة راسك ودلكيه بالراحه وبعدكدا قسمى شعرك اربع اتجاهات وادهنى كل اتجاه والبسى كيس نايلون ولفى شعرك بشال كبير اوى عشان يسخن ولما تصحى الصبح اغسليه بشامبو للشعر الجاف
وبرضو متنسيش تجيبى زعتر وتملى ملعقة كبيرة على كوباية ميه وتغليهم على النار وحطيهم فى بخاخه او ازازة برفان فاضيه ورشى فروة راسك ودلكى بالراحه كل يوم صبح وليل

روان كتب:

aya ibrahim كتب:انا شعرى جاف ومقصف ومجعد بس هو تقيل قوى ما شاء اللة بستخدم شامبو بانتين برو فى والمشكلة ان المياة اللى بستخدمها فيها نسبة املاح عالية عند غسلة فبتخلية ينشف بس بدات استخدم حمام كريم فاشكول انا فكرت اعمل لة فرد اعشاب بس خايفة

بصي يا حبيبتي حاولي بعد ما تغسلي شعرك تجيبي زجاجه مياه معدنيه

وبخاخه او زجاجه عطر فارغه

وتمليها بالماء المعدني دا
وبتدأي ترشي علي شعرك المغسول بالماء المالح
وتعصري
كرري العمليه كذا مره بعد الاستحمام علشان نضمن ان نسبه كبيره من الملح نزلت من الشعر

وبالنسبه للفرد لو انتي متزوجه او مخطوبه وعايزه تعمليه فرد انصحك بفرد اسمه تشي
اما لو مش متزوجه او مخطوبه نصيحتي مش تجهدي شعرك من الوقتي خليه بطبيعته احسن
واستخدمي الوصفات الطبيعيه

ميرسى يارورو عىلى ردك ياقمر

جميله كتب:السلام عليكم ورحمة الله وبركاته اولا احب اسلم عليكى كتير وعلى كل المنتدى ثانيا انا مشكلتى ان شعرى بيقع كتير وطبعا بقى خفيف وبيطول بصعوبه على الرغم من ان شعرى ناعم جدا الحمد لله بس نفسى يتقل ويطول ويتظبط كده ياريت يا حبيبتى تساعدينى وجزاكى الله كل خير ا

اول حاجة خصصى يومين فى الاسبوع اول يوم استعملى زيت التوم لانه روعه وبيتقل ويطول وينبت
تحطى زيت التوم على فروة راسك وتدلكيه بالراحه لمدة ربع ساعه وبعدكدا لفى فوطة سخنه او تلبسى كيس نايلون وتلفى ايشارب كبير وبعدساعه تغسلى شعرك
واليوم التانى اللى انتى مخصصاه للوصفات تستعملى الوصفة دى
كوباية سمن روابى وكوب زيت عافيه وفنجان محلب مطحون وفنجان محموس نوى تمر مطحون وتحطى السمن والزيت فى طاسه وبعدكدا تضيفى المحلب ومحموس نوى التمر المطحون وتقلبيهم على النار وتسخنيهم على النار ولما يسخنوا اطفى النار وسبيهم لما يبردوا وبعدكدا حطيهم فى برطمان ازاز فاضى وسبيهم شهر وبعد الشهر تخصصيلها يوم وتدهنى الوصفة بالليل تحطى على فروة راسك وتدلكى بالراحه وبعدكدا تقسمى شعرك اربع اتجاهات وتدهنى كل اتجاه وتلبسى كيس نايلون وتلفى طرحه كبيرة ولماتصحى الصبح اغسليه

كمان هاتى زعتر وحطى ملئ ملعقة كبيرة زعتر على كوباية مبه واغليهم على النار وبعدكدا حطبهم فى بخاخه او ازازة برفان فاضيه ورشى على فروة راسك كل يوم صبح وليل ودلكى فروة راسك بالراحه

روان كتب:

جميله كتب:السلام عليكم ورحمة الله وبركاته اولا احب اسلم عليكى كتير وعلى كل المنتدى ثانيا انا مشكلتى ان شعرى بيقع كتير وطبعا بقى خفيف وبيطول بصعوبه على الرغم من ان شعرى ناعم جدا الحمد لله بس نفسى يتقل ويطول ويتظبط كده ياريت يا حبيبتى تساعدينى وجزاكى الله كل خير ا

وعليكم السلام ورحمه الله وبركاته
اولا يا قمر قبل ما نعالج الشعر من الخارج لازم نشوف الاسباب
اسلوب التغذيه بتاعتك لازم يحتوي علي اطعمه مفيده
لازم تكتري من الجرجير والفلفل الاخضر وكوب حليب يوميا او زبادي حسب الرغبه
ولو عندك انيميا لازم تتخلصي منها لانها بجد اساس المصايب كلها
من الواضح ان شعرك مش محتاج وصفات تنعيم ولا حاجه الحمد لله كويس
يبقي نركز علي الطول هتستخدمي الزيت دا يوميا زيه زي كريم الشعر وهو مش للشعر هو بيوضع علي الفروه تفرقي شعرك وتضعي علي الجلد وتدلكي
اللينك اهه والله الزيت دا عن تجربه حلو
مفاجأه زيت بيرفكت لعلاج جميع انواع سقوط الشعرPERFECT

ومع دا هتعملي وصفه طبيعيه
زيت جرجير
زيت جوز هند
زيت سمسم
زيت خروع
زيت نخاع

هتجيبيهم من عند العطار
وتخلطيهم كلهم وقبل كل استحمام تعمليهم حمام زيت دافيء لشعرك وتسيبيهم من ساعه الي ساعه ونصف

لاحظي يا قمر اني بركز علي الحاجات اللي بتطول الشعر فقط لانك مش عندك شكوي غير منه
وربنا يوفقك وابقي طمنينا اول باول

انا رديت لان ماريانا مش دخلت الموضوع من فتره

ميرسى ليكى يارورو ومعلش ياحبيبتى تعبتك معايا اوى