عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

roaa2010 كتب:يا بنات انا شعري كويس جدا بس من كام يوم وهو ناشف جدا معرفش ليه وكل الناس قالولي انه اكيد اتحسد لان كان عندنا فرح وضيوف كتيير بس انا مش بعتقد في الكلام ده
المهم قولولي اعمل ايه بس حاجه ساهله لاني بزهق ولو حاجه صاعبه او عايزة وقت مش هعملها
ساعدوني بليييييييييييييييييييييييييز

بوسي ابراهيم كتب:بليييييييييييييييييييييز يا بناويت حد جرب زيت انوب اصل سامعة انه حلو وبيتقل الشعر يارييييييييييييييت تردو عليا دلوقت
واللي يعرف عنة حاجة يقولي ياريت لاني عايزة اجربو وخايفة يضرلي شعري

عناد الحب كتب:ميرسى اوى على الموضوع المفيد بس ليا سؤال يا بنات عن زيت الحية
بييجى اعلانه فى التلفزيون لو حد جربه يا بنات يا ريت يفيدنى ويقولى

roka mody كتب:سلام عليكم
انا شعرى بدا يقصف من قدام مش عارفه ليه بس متضايقه جداااااااا وقالولى من الشامبو محطهوش يعنى ع شعرى بطريقه مباشره بدات احطه الاول ف اى حاجه وعليه ميه دافيه وبعدين اغسل بيه شعرى ولسا برده زى ماهو
بالله عليكى ارجو الرد

اجمل سما كتب:انا بقا شعرى كويس اوى بس هايش جدااااااااااااااا واتخنقت اعمل اية وينفع النخاع احطة على شعرى بعد ما استوى على النار ارجوكم الرد

oshi410 كتب:انا شعرى كويس بس هايش وناشف ومقصف
وطبعا كدة ميبقاش كويس خالص
ومش عارفة اعمل اية وخصوصا ان فرحىالشهر الجاى
بس عملت وصفة كانت حلوة وفادت شعرى جدا بس ريحتها صعبة
عملت جاز وزيوت مع بعض
بس ريحتة فضلت فى شعرى اسبوع

love storm كتب:انا شعري بيهيش جامد اوي مجرد ما افرده وبنشف بيهيش وانا مش بعمله استشوار ولا مكواه ولا اي حاجه بلفه بس ياريت نصيحه من فضلكم....

sondoshassan كتب:[]انا مشكلتى ان شعرى تقيل وكما شعرك مموج ولما بينشف بعدالغسيل بيهيش جامد جدا وكمان مشكلة كسرته تعبانى اوووووووووووى[

kokomoko كتب:شعرى خفيف والارضية دهنى والاطراف هيشة وجافة وبشرب نسكافية مرة واحدة وبشرب شاى اخضر ومشعرفة اية العرقة بشرب الحاجات دى بالشعر وبس شعرى مكنش دهنى ولا جاف وكان تقيل وكل سنة بيقل ارجو ارسال الرد والحل

sarsora shabaan كتب:يا بنات للمعرفة عشان تحلو مشاكل شعركم بعد اذن مريانا طبعا
الشعر بيتأثر بتلات حاجات : الحالة النفسية و الاكل و طرق العناية
الحالة النفسية بتأثر علي كثافته
كل الحالة النفسية ماكانت جيدة الشعر بيبقي تقيل
طيب لو الحالة النفسية كويسة و الشعر مش بيتقل؟؟؟؟؟؟
يبقي تعملي حاجة بسيطة خالص
ادعكي فروة الرأس لمدة ربع ساعة كل 12 ساعة يعني مرتين فاليوم شيلي التوكة او البنسة او اي حاجة في شعرك و بصوابعك الخمسة ادعكي فروة الرأس بحركات دائرية في اتجاه واحد يعني اما مع اتجاه عقارب الساعة او العكس ده هيخلي الفروة فيها دورة دموية جيدة تكفي لإنبات شعيرات جديدة
الاكل بقي
الاكل بيأثر علي شكل الشعر
ازااااااااااااااااي؟؟؟؟
يعني الاكل اللي مليان موالح بيسحب المية من الجسم و كده الشعر مش هيبقي فيه مية كافية تخليه لين و حر في حركته و ياسلام لو الشعر ده دهني كمان ساعتها بتحسي ان شعرك ملزق و ده بيضايق كتير مننا
خلي اكلك متوازن يعني كتري من الخضروات و الفاكهة علي قد ماتقدري
ده هيساعدك علي ثبوت وزنك او وصوله للوزن المناسب و كمان هيغذي شعرك و يخليه ناعم و حر في حركته
طرق العناية
و ده بيأثر علي الشعر بيهيش ولا لا مطفي ولا بيلمع مقصف ولا سليم مجعد ولا مفرود
ازااااااااااي
الشعر لما يهيش او تحسي انه مطفي ده نقص زيوت فيه
و ده ناتج عن اختيار سئ لنوع الشامبو
يعني اختار شامبو للشعر الدهني وانا شعري جاف او عادي
هيخلي شعري جاف بزيادة
و يقصف بقي و يبقي حالته حالة
لان الشامبو بتاع الشعر الدهني بيبقي فيه مركبات تسحب الدهون شوية من الفروة عشان الشعر يبقي الدهون فيه اقل من المعتاد ف ده يخليه حر شوية فالحركة
و برضو اختار الشامبو للشعر الجاف وانا شعري دهني ده هيخلي شعري دهني اكترررررررررررررررررر و يخليه ملزق و ابقي نفسي لو اقصه احسن
عشان الشامبو ده بينبه الطبقة الدهنية اللي فالبشرة انها تفرز دهونها علي الفروة و تخلي الشعر الجاف لين فالحركة و مش يهيش فما بالك بالشعر الدهني اصلا؟
محتارة مش عارفة نوع شعرك ايه هاتي شامبو للشعر العادي
مش هيضرك
و كده انتي حليتي اهم تلات محاور يخصو الشعر
اقعدي راجعي مع نفسك انتي بتعملي ايه و راجعي مستحضراتك للعناية بشعرك هتعرفي ايه سبب مشكلتك
لانه عشان احل مشكلة الشعر لازم اعرف نظام يومك كله
و ده اللي كان بيعمله معايا الدكتور اللي كنت بروحله
وده اللي قالهولي و حبيت افيدكو بيه
و يارب اكون قدرت افيدكو بحاجة
اختكم : سارة