عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

انا شعري بيهيش جامد اوي مجرد ما افرده وبنشف بيهيش وانا مش بعمله استشوار ولا مكواه ولا اي حاجه بلفه بس ياريت نصيحه من فضلكم....

[]انا مشكلتى ان شعرى تقيل وكما شعرك مموج ولما بينشف بعدالغسيل بيهيش جامد جدا وكمان مشكلة كسرته تعبانى اوووووووووووى[

شعرى خفيف والارضية دهنى والاطراف هيشة وجافة وبشرب نسكافية مرة واحدة وبشرب شاى اخضر ومشعرفة اية العرقة بشرب الحاجات دى بالشعر وبس شعرى مكنش دهنى ولا جاف وكان تقيل وكل سنة بيقل ارجو ارسال الرد والحل

يا بنات للمعرفة عشان تحلو مشاكل شعركم بعد اذن مريانا طبعا
الشعر بيتأثر بتلات حاجات : الحالة النفسية و الاكل و طرق العناية
الحالة النفسية بتأثر علي كثافته
كل الحالة النفسية ماكانت جيدة الشعر بيبقي تقيل
طيب لو الحالة النفسية كويسة و الشعر مش بيتقل؟؟؟؟؟؟
يبقي تعملي حاجة بسيطة خالص
ادعكي فروة الرأس لمدة ربع ساعة كل 12 ساعة يعني مرتين فاليوم شيلي التوكة او البنسة او اي حاجة في شعرك و بصوابعك الخمسة ادعكي فروة الرأس بحركات دائرية في اتجاه واحد يعني اما مع اتجاه عقارب الساعة او العكس ده هيخلي الفروة فيها دورة دموية جيدة تكفي لإنبات شعيرات جديدة
الاكل بقي
الاكل بيأثر علي شكل الشعر
ازااااااااااااااااي؟؟؟؟
يعني الاكل اللي مليان موالح بيسحب المية من الجسم و كده الشعر مش هيبقي فيه مية كافية تخليه لين و حر في حركته و ياسلام لو الشعر ده دهني كمان ساعتها بتحسي ان شعرك ملزق و ده بيضايق كتير مننا
خلي اكلك متوازن يعني كتري من الخضروات و الفاكهة علي قد ماتقدري
ده هيساعدك علي ثبوت وزنك او وصوله للوزن المناسب و كمان هيغذي شعرك و يخليه ناعم و حر في حركته
طرق العناية
و ده بيأثر علي الشعر بيهيش ولا لا مطفي ولا بيلمع مقصف ولا سليم مجعد ولا مفرود
ازااااااااااي
الشعر لما يهيش او تحسي انه مطفي ده نقص زيوت فيه
و ده ناتج عن اختيار سئ لنوع الشامبو
يعني اختار شامبو للشعر الدهني وانا شعري جاف او عادي
هيخلي شعري جاف بزيادة
و يقصف بقي و يبقي حالته حالة
لان الشامبو بتاع الشعر الدهني بيبقي فيه مركبات تسحب الدهون شوية من الفروة عشان الشعر يبقي الدهون فيه اقل من المعتاد ف ده يخليه حر شوية فالحركة
و برضو اختار الشامبو للشعر الجاف وانا شعري دهني ده هيخلي شعري دهني اكترررررررررررررررررر و يخليه ملزق و ابقي نفسي لو اقصه احسن
عشان الشامبو ده بينبه الطبقة الدهنية اللي فالبشرة انها تفرز دهونها علي الفروة و تخلي الشعر الجاف لين فالحركة و مش يهيش فما بالك بالشعر الدهني اصلا؟
محتارة مش عارفة نوع شعرك ايه هاتي شامبو للشعر العادي
مش هيضرك
و كده انتي حليتي اهم تلات محاور يخصو الشعر
اقعدي راجعي مع نفسك انتي بتعملي ايه و راجعي مستحضراتك للعناية بشعرك هتعرفي ايه سبب مشكلتك
لانه عشان احل مشكلة الشعر لازم اعرف نظام يومك كله
و ده اللي كان بيعمله معايا الدكتور اللي كنت بروحله
وده اللي قالهولي و حبيت افيدكو بيه
و يارب اكون قدرت افيدكو بحاجة
اختكم : سارة

انا شعرى خفيف جدا من قدام
وبشوف فروة الراس ياريت لو فى وصفة لتقوية الشعر عشان هو لونه خفيف مش باين بنى ولا اسود

لامورية
انتي حالتك النفسية مستقرة ولا لا
اكلك متوازن؟؟؟
اعتناءك بشعرك صح؟؟؟؟
فالغالب النصايح هتبقي ادعكي المنطقة الخفيفة بالثوم
بس عشان يجيب نتيجة لازم تجاوبي علي ال 3 اسئلة دول

تسللمى يا ساره ربنا يجازيكيى الف خير بجد معلشي يا بنات هي ميريانه مشغوله علشان الامتحانات انا هرد بالنيابه عنها يا قمرات ان شاء الله ترجع لنا بالف سلامه باذن الله

بصوا السقوط حلكم في الزيوووووووووت معلشي بتنشف بس هنعمل بعدها حمامات كريم بمعنى نعمل اسبوع حمام زيت واسبوع حمام كريم بحيث نغذي ونطري السقوط والحتت الفاضيه اللي قدام بالاخص حاله نفسيه وتغذيه لازم الحاجات ديه تتحل الاول تماموبعدين الثوووووووووم لدرجه انه بيعالج الثعلبه كمان في ناس في التعلبه بتجرح الثعلبه وتدعكها بالثوم وفعلا بتخف سبحان الله فالحل اننا نستخدم مجموعه زيوت مغذيه

اما بقي الهيشان واللمعان والتقل والطول فالنخاع يا اميرات الحل الرهيب بس مش مره طبعا بالاستمرار ضرورى جداااااااااااااااا الكلام عام يا اميرات للكل النخاع من عند الجزار اللي تستحمله هيفرق معاها كتير بيطول جدا وبيتقل جدااااااااااااا وبيغذى ده عن تجارب ناس كتير بس اللي تستحمله ولازم لو خفيف اوي ممكن يكون في قشره خدوا بالكم بتدمر الشعر كمان لازم استشاره دكتور لو بيقع جامد اوى خدوا بالكم

انا شعرى خفيف جدا وجاف جدا وهايش باستمرار ومش عارفة اعمل اية وبعمل حمام زيت مرتين فى الاسبوع زى ما قولتى وفى الصيف مش عارفة اية اللى بيحصلةوكمان عندى قشرةفى شعرى ممكن تقوللى حل بالله عليكى ضرورى والدهان للشعر حلو ولا لاسواء كان (زيت -كريم).جزاكى الله خيرا

انا شعرى مجعد وخشن وكمان قصيرومقصف وبيتساقط<br>ومش عارفه اعمل ايه<br>بعمله حمام كريم مرتين فى الاسبوع بقى طرى شويه بس مش عايز يطول ابدا ياريت تشوفيولى حل وتبعتبولى وجزاكم الله خيرا<br>&nbsp;<img src="https://2img.net/u/3314/37/50/74/smiles/364243.gif" smilieid="17" border="0">&nbsp; <br>

السلام عليكم مشكله شعرى انه مموج وبيتساقط وكمان ناشف حتى لما بحط كريم بعد تسريحه تانى يوم ايرجع تانى زى مكان هوكان الاول مقصف بس انا روحت اللدكتور ادنى ادويه وانا قصيت اطرافه حسيت ان التقصيف والحمد لله راح بس طبعا الكسل وحش اوى لكن اكتر حاجه مضيقنى انه ناشف
ارجوكى قولىىى اعمل ايه وبجد ميرسى ع هذا المنتدى اللى اكثر من روعه ومفيد جدا وجزال الله خيرا