رد: عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

30.03.11 21:43

emy ghanem كتب:سورى ميرو الزعتر مش الشمر معلشى بتلخبط بينهم

ولايهمك ياحبيبتى انا فهمت انك كنتى تقصدى على الزعتر

20.04.11 12:55

RanaMohamed كتب:merciiii awee 3ala al mwade3 al gamila deee
bas ana 3ndy moshkela r5ma aweeee
ana sha3ry mn 2odam byn7eel aweeee,,5afeeef mooot w shkly w7sh aweee bsbbo
w fara7y kaman 8 shohor 23ml aaaaaaaa ?????

نورتينا ياحبيبتى بوجودك معانا
بصى ياحبيبتى اشترى زيت توم من عند العطار واستخدميه مرتين فى الاسبوع لمدة شهر وبعد كدا مرة فى الاسبوع لمدو شهرين بس لواستعملتيه مثلا سبت وتلات يبقى كل اسبوع لازم تستعمليه سبت وتلات عشان زيت التوم زى المضاد الحيوى

طريقة استعماله
بتدهنى فروة راسك وتدلكيها بالراحه لمدة ريع ساعه وبعدكدا تلفى فوطة سخنه وتغسليه بعد ساعه
وممكن بدل الفوطة السخنه تلبسى كيس نايلون وتلفى طرحه اوشال كبير عشان شعرك يسخن وبعد ساعه اغسليه

ولازم كل شهر تقطى اطراف شعرك من قدام

20.04.11 13:07

تقوى كمال مسعد كتب:لو سمحتم حد يعرف حاجة عن حمام كريم فاشكول

حمام كريم فاشكول حلو اوى وخصوصا فاشكول بالتوم روووووعة
تغسلى شعرك وبعد كدا تدهنى فاشكول وتلبسى بونيه او كيس نايلون وبعد ربع ساعه تغسليه

20.04.11 13:12

emy ghanem كتب:تسلميلى ياميرووووووو ياسكر يا احلى من السكر كمان
خلاص اوكى ماشى هبدأ اعمل ان شاء الله من اول الجمعة الجاية دى عارفة انا بستعمل شامبو سباركل بس انا شعرى دهنى تقريبا يا ميرو ينفع لونا ده لشعرى عادى لو ينفع اجيب لونا ده لو هيبقى حلو او لو فيه شامبو احسن قوليلى وانا استعمله اصل القشرة مش عارفة جت فى شعرى ليه كدة مع انى مش كان عندى قشرة كدة

يسلملى ذوقك يااحلى ايمى فى الدنيا
اسباركل حلو بس مشكلته انه شامبو وبلسم ودا كدا بيزود القشرة ولونا حلو بس فى لونا للشعر الدهنى وفى للشعر الجاف لةاستعملتر الدهنى هينشف شعرك ثنه لكن لونا الجاف هيحافظ على نعومة شعرك

20.04.11 13:17

اسماء وسام كتب:انا مشكلتى بعد الشر عن كل البنات عندى تعلبه فى راسى بس شعرى بيطلع وكمان شعرى بيطول بس عايزة احافظ عليه اعمل ايه

بصى ياحبيبتى هاتى زيت بصل وزيت توم واخلطيهم على بعض بكميات متساويه واستعمليه مرتين فى الاسبوع وممكن مرة واحدة بس فى الاسبوع بس اليوم اللى هتستعمليه فيه لازم كل مرة تستعملى يعنى لو استعملتيه السبت يبقى كل اسبوع تستعمليه السبت

هتدهنى فروة راسك وتدلكيها بالراحه وبعد كدا البسى كيس نايلون ولفى شال كبير عشان يسخن وبعد3ساعات اغسليه

20.04.11 13:22

roka٢٠٠٠ كتب:انا مشكلة شعرى انه هايش على طول مع انه فتلته ناعمة بس مش ناعمة اوى يعنى وكمان متقصف انا عاوزة حاجة تخليه ناعم ومفرود على طول وانا لما بلفه وبيكون حلو اوى بس بكسل الفه كتير ياريت الاقى عندك الحل انا جربت زيت التوم وتقله وانا اساسا شعرى تقله كويس بس محتاجة انه يكون ناعم اوى ومفرود لانه لما بسرحه بيكون طويل واول ما ينشف بلاقيه قصير ياريت حل سريع

لا لازم تلفيه ياحبيبتى يعنى لو عايزة تحافظى على جمال شعرك لازم متكسليش عنه
الوصفة دى حلوة اوى وهتفرد وتنعم شعرك
Http://www.wasafatcleopatra.com/t9965p30-topic

20.04.11 13:31

emy ghanem كتب:مريومة انا عملت شعرى بزيت التوم بس مرة واحدة اهو الجمعة اللى فاتت دى وهعمل ان شاء الله كل جمعه بس انتى مش رديتى عليا انهو شامبو استعمله وخصوصا ان شعرى بتهيقلى دهنى وكمان ينفع زيت جنين القمح يستعمل كزيت للشعر زى الكريم كدة ولا ايه زيت التوم والزيوت اللى انا حاطتها عليه الخلطة دى لازم اسخنها قبل ما استعملها ولا عادى مريومة

يايمى ياقلبى جربى لونا لومعجبكيش ارجعى لسباركل بس انا خوفى انا سباركل يزود القشرة لانه شامبو وبلسم مع بعض
~~~~~~~~~~~~~~~~~~~~~~~~~~~~
لوشعرك بيحب الزيوت استعملى دابر املا حلو وممكن زيت فاتيكا صاحبتى بتستعمله حلو اوى
~~~~~~~~~~~~~~~~~~~~~~~~~~~
لايايمى متحطيش زيت سخن على راسك انتى كل مرة قبل ماتستعمليها رجى الازازة كويس اوى لغاية ماتحسى ان الزيوت اتخلطت مع بعض وادهنى

20.04.11 13:36

ماريو حبيبتى كل سنة وانتى طيبة معلش متاخرة شوية بس غصب عنى والله

20.04.11 13:37

nourahmed كتب:المشكله عندي في بنتي عندها 3 سنين وهيه صغيره شعرها كان جميللغايه سنه وغير بعد كده انا ملعبتش فيه ولا قصيته دلوقتي مشكلته انه هايش وجاف اوي مهما اخد كريمات مش عارفه اعمل ايه كمان هيه داخله سن حضانه عايزالها حل

شكرا للافاده

بصى ياقلبى استعمليلها زيت خروع حلو اوى للاطفال
ادهنيلها شعرها وبعد ساعه اغسليه بشامبو جونسون للاطفال
واستعمليه مرتين فى الاسبوع

20.04.11 13:43

nodaa كتب:ماريو حبيبتى كل سنة وانتى طيبة معلش متاخرة شوية بس غصب عنى والله

وانتى بالف خير يانودا ياروح قلبى