عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

emy ghanem كتب:ميرووووووووووو حياتى انا بقالى فترة اينعم مش مواظبة اوى بس اوقات بلتزم بعمل الشمر كل يوم عشان القشرة هى بسيطة بس فيه قشرة برضه وانا مش راضية اعمل الزيت التوم الا لما القشرة تروح عشان يبقى فيه مفعول زى ماقلتى ليا يا ميرووووووووو اعمل ايه مفيش حل تانى
اه صحيح ايه رايك احط فى زيت التوم اللى انا بعمله طبيعى فى البيت محلب مطحون وحلبة كمان ولا هيبوظه يا ميرو

بصى ياايمى ياحبيبتى
اولا ابداى بعمل زيت التوم من دلوقتى واستمرى على استخدام الزعتر عشان القشرة انا بدات اعمل كدا ومفيش مشاكل خالص
~~~~~~~~~~~~~~~~~~~~~~~~~~
تانى حاجة بلاش الحلبه لان ريحتها مش حلوة ومش هتقدرى تستحمليها انا جربتها ريحتها اوحش من ريحه زيت التوم
~~~~~~~~~~~~~~~~~~~~~~~~~~
تالت حاجة بدل ماتحطى محلب مطحون فى الزيوت لا استعملى الوصفة اللى فى اللينك دا
Http://www.wasafatcleopatra.com/t9965p30-topic
دى ممكن تحطيها فى الصبح قبل ماتنزلى الشغل وتلفى الطرحه عادى خالص دى ريحتها حلوة ولما ترجعى من الشغل اغسلى شعرى ولو بترجعى بدرى من الشغل يعنى الساعه2كدا ممكن تحطيها بالليل وتصحى تروحى الشغل وتروحى تغسلى شعرى

يبقى خصصى يومين متغيرهومش
مثلا يبقى السبت لزيت التوم والتلات للوصفة دى
بالنسبة للشامبو متستعمليش شامبو تقيل على شعرك يعنى ممكن تستعملى لونا للشعر الجاف دا حلو اوى

batot_batot511 كتب:السلام عليكم انا لسة جديدة فى المنتدى الجميل ده
وعندي مشكلة كبيرة فعلا هى ان شعري مهما عملت فيه دايمااا هايش ومقصف
ده غير طبعا انى لما ببل شعري وانا بتوضأ القصة بتاعتى مقصفة جدااااااااااااااااا

اريد حلااا

ولايهمك حبيبتى كله هيتحل ان شاءالله
بس استخدمى الوصفة دى
Http://www.wasafatcleopatra.com/t9965p30-topic
واغسلى شعرك بشامبو مرطب بيبقى للشعر الجاف واعملى حمام كريم للترطيب وممكن تستعملى حمام كريم بوناويل بالقمح وبروفيتامين ب5 دا بيرطب وحلو اوى

تسلميلى ياميرووووووو ياسكر يا احلى من السكر كمان
خلاص اوكى ماشى هبدأ اعمل ان شاء الله من اول الجمعة الجاية دى عارفة انا بستعمل شامبو سباركل بس انا شعرى دهنى تقريبا يا ميرو ينفع لونا ده لشعرى عادى لو ينفع اجيب لونا ده لو هيبقى حلو او لو فيه شامبو احسن قوليلى وانا استعمله اصل القشرة مش عارفة جت فى شعرى ليه كدة مع انى مش كان عندى قشرة كدة

انا مشكلتى بعد الشر عن كل البنات عندى تعلبه فى راسى بس شعرى بيطلع وكمان شعرى بيطول بس عايزة احافظ عليه اعمل ايه

انا مشكلة شعرى انه هايش على طول مع انه فتلته ناعمة بس مش ناعمة اوى يعنى وكمان متقصف انا عاوزة حاجة تخليه ناعم ومفرود على طول وانا لما بلفه وبيكون حلو اوى بس بكسل الفه كتير ياريت الاقى عندك الحل انا جربت زيت التوم وتقله وانا اساسا شعرى تقله كويس بس محتاجة انه يكون ناعم اوى ومفرود لانه لما بسرحه بيكون طويل واول ما ينشف بلاقيه قصير ياريت حل سريع

شوشوعامر كتب:انا شعرى خفيف ومقصف وبيتساقط ومش بيطول خاااااالص والموضوع ده مزهقنى جداااااااااا

بصى ياحبيبتى هاتى زيت توم من عند العطار وهو بيستعمل انك بتدهنى فروة راسك وتدلكى بالراحه ربع ساعه وبعد كدا تلفى فوطة سخنه او ممكن تلبسى كيس بلاستيك وتلفى ايشارب كبير وبعد ساعه تغسليه
ممكن تستعمليه10ايام كل يوم وبعد كدا تستخدميه مرة فى الاسبوع لمدة شهرين بس لازم اليوم اللى تستخدمى فيه متغيرهوش يعنى لواستخدمتيه السبت يبقى كل سبت تستخدميه[ودا حل سريع]

وممكن تستخدميه مرتين فى الاسبوع لمدة شهر وبعدكدا مرة فى الاسبوع لمدة شهرين
وبرضو الايام اللى هتستخدمى فيها زيت التوم متغيرهوش

مريومة انا عملت شعرى بزيت التوم بس مرة واحدة اهو الجمعة اللى فاتت دى وهعمل ان شاء الله كل جمعه بس انتى مش رديتى عليا انهو شامبو استعمله وخصوصا ان شعرى بتهيقلى دهنى وكمان ينفع زيت جنين القمح يستعمل كزيت للشعر زى الكريم كدة ولا ايه زيت التوم والزيوت اللى انا حاطتها عليه الخلطة دى لازم اسخنها قبل ما استعملها ولا عادى مريومة

المشكله عندي في بنتي عندها 3 سنين وهيه صغيره شعرها كان جميللغايه سنه وغير بعد كده انا ملعبتش فيه ولا قصيته دلوقتي مشكلته انه هايش وجاف اوي مهما اخد كريمات مش عارفه اعمل ايه كمان هيه داخله سن حضانه عايزالها حل

شكرا للافاده

jm. zaki كتب:السلام عليكم انا سعيده لاني انضمت الي الجروب الرائع ده وشكرا لمجهوداتكم الرائعه انا شعري خفيف اوي وطويل بس اقدر اقلك انه ريشه بس الشعر الخفيف ده وراثه عندنا بس انا بزياده وخصوصا لما طول وانا مش حب اقصه لاني كل مابقصه مش بيتقل فعايزه حاجه تديله كثافه وكمان متاثرش عليه لان فتلته ناعمه جدا وشكرا ليكي

احنا اسعد ياحبيبتى بانضمامك للمنتدى نورتينا ونتمنى تبقى معانا دايما
بصى ياحبيبتى هاتى زيت توم من عند العطار وتستعمليه انك تحطيه على فروة راسك وتدلكى بالراحه وتلبسى كيس نايلون وتلفى ايشارب كبير وبعد ساغه تغسليه
تستعمليه مرتين فى الاسبوع لمدة شهر وبعدكدا مرة ف الاسبوع لمدة شهرين
بس خدى بالك لواستعملتيه السبت يبقى كل سبت تستعمليه متغيريش لان دا زى المضاد الحيوى
~~~~~~~~~~~~~~~~~~~~~~~~
لنتيجة اسرع اخلطى زيت الخروع على زيت توم على زيت بصى بنفس الكميات وحطى عليهم برشام فيتامين وبرشام فيتامين [أ-هه]
لوبرشام تدقيه وتحطيه على الزيوت
برضو اليوم اللى هتستخدميه فيه متغيرهوش
تستخدميه بنفس طريقة استعمال زيت التوم عادى بس بدلماتخليه ساعه على شعرك لا تسبيه3ساعات على شعرك

Dr nermin mohamed كتب:شعرى خفيف جدا جدا من الامام

اشترى زيت توم من عند العطار
تستخدميه انك تحطيه على فروة راسك وتدلكيه بالراحه لمدة ربع ساعه وبعدكدا تلبسى كيس وتلفى ايشارب كبير وبعد ساعه اغسليه
تستعمليه مرتين فى الاسبوع لمده شهر وبعدكدا مرة فى الاسبوع لمدة شهرين
بس خدى بالك اليوم اللى هتستخدمى فيه زيت التوم متغيرهوش يعنى لواستخدمتيه السبت مثلا يبقى كل سبت تستعمليه