رد: عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

03.03.11 1:24

yassmin كتب:انا شعرىكله مقصف جدا حتى التقصيف من اودام ومجعد و خفيف و مهما اقصه مش بيطول و بردو فى قشره و نفسى فى حل حتى سمعت عن زيت الحيه انه بيطول الشعر و ينعمه وكمان بيفك التكسيره بتاعت الشعر بس مش عارفه اذا كان كويس فعلا
على فكره انا كنت بعمل ماسك
كنت بقشر فصوص توم و اهرسها اضيف عليها زيت زيتون و خروع و لوز و صبار و جرجير و كنت احطه 8 ساعات بس ما حسيتش باى نتيجه خالص ياريت تساعدينى

امشى معايا بانتظام
اولا خصصى يومين ومتغيرهومش يعنى لوخصصتى سبت وتلات يبقى كل اسبوع سبت وتلات
ثانيا امشى بالترتيب يعنى السبت دا لوصفة معينة يبقى كل سبت لنفس الوصفة والتلات لوصفة معينة يبقى كل تلات لنفس الوصفة

اليوم الاول اللى هتخصصيه هيبقى لزيت التوم
هتجيبى زيت توم من عند العطار وتدهنى فروة راسك وتدلكى بالراحه خالص وبعدكدا البسى كيس وعليه ايشارب كبير وبعد ساعتين اغسلية
وتانى يوم انتى مخصصاه هتعملى الوصفة اللى فى اللينك دا
Http://www.wasafatcleopatra.com/t9965p30-topic
وكل اسبوع تستمرى على كدا يوم لزيت التوم ويوم للوصفة دى
~~~~~~~~~~~~~~~~~~~~~~~~
بالنسبة للقشرة
هاتى زعتر واملى ملعقة كبيرة على كوب ماء واغليهم على النار كتير وسبيهم لما يبردوا وحطيهم فى بخاخه او ازازة برفان وكل يوم صبح وليل ترشى منه على فروة راسك بس متنسيش بعدماترشى تدلكى فروة راسك بالراحه

03.03.11 1:24

ان شاء الله يا قمر انا الوقتي بعمل وصفه الزبادي بالعسل والزيوت
لما اخلصها ان شاء الله هبدا الكورس الجديد معاكي

03.03.11 1:32

روان كتب:ان شاء الله يا قمر انا الوقتي بعمل وصفه الزبادي بالعسل والزيوت
لما اخلصها ان شاء الله هبدا الكورس الجديد معاكي

ماشى يارورو ياقمر بس نسيت اقولك حكاية ان الشعر بيطول فى الصيف اكتر من الشتاء دا فعلا حقيقى وانا شوفت دا بعينى

03.03.11 1:36

انا لقيتها في مجله اولويز هههههههههههه لو تعرفيها بس الصراحه انا مش باخد بالي من موضوع طول الشعر دا
والله كان طويل لحد تالته ثانوي وجاتلي حاله نفسيه قبل الامتحانات
وقولت لمامتي قصيه ليا
ومن يومها معدتش باخد بالي من طوله اصلا

03.03.11 1:42

رحيق الجنة كتب:السلام عليكم
ازيكم يا بنانيت يارب تكونوا بخير
أنا عضوة جديدة معاكم وأول مالقيت الموضوع ده قولت الحمد لله
انا لفيت النت داير مايدور علشان وصفات الشعر لما زهقت فأتمننى ألاقى الحل معاكم

أنا شعرى كان طويل وناعم جدااا وتقيل قوى
فجأة إتقصف وبدأ يتساقط بغزارة قصيته ميت مره علشان يتصلحله حال لا فائدة
إستخدمت كل حاجه ممكن تتخيليها عصير جرجير وكحول أبيض وزيت زيتون وجاز أبيض
لا فاائدة
طبعا انا فى الموال ده بقالى 9 سنين
ودلوقتى شعرى ناشف جدا ومتكسر وخفيف وقصير
وأنا نفسى يرجع تقيل وطويل وناعم زى الأول
كمان لأن جوزى بيحب شعور الهنوود
إزاى شعرى يوصل لكده
يبقى كثيف وطوووويل وناااااعم
بس ياريت برنامج محدد أمشى عليه تقولهولى على بعضه
وجزاكم الله خيرااا

أرق أمنياتى

من عينيا ياحبيبتى
اول حاجة دا عشان شعرك يبقى احلى من الهنود كمان يبقى لازم متقصريش او تهملى فى اللى هقوله
خصصى يومين فى الاسبوع ومتغيرهومش
اول يوم هيبقى لوصفة زيت التوم
هتشترى زيت من عند العطار وتدهنى فروة راسك وتدلكى بالراحه وتلبسى كيس نايلون وتلفى طرحه او ايشارب كبير وبعدساعتين اغسليه
وتانى يوم للوصفة اللى فى اللينك دا
Http://www.wasafatcleopatra.com/t9965p30-topic
ومتنسيش تجيبى شامبو للشعر الجاف زى شامبو لونا بالبانثينول للشعر الجاف لانه بيغذى ويطول وكمان حمام كريم بوناويل بالقمح وبروفيتامين ب5لانه بيغذى وينعم

03.03.11 1:48

روان كتب:انا لقيتها في مجله اولويز هههههههههههه لو تعرفيها بس الصراحه انا مش باخد بالي من موضوع طول الشعر دا
والله كان طويل لحد تالته ثانوي وجاتلي حاله نفسيه قبل الامتحانات
وقولت لمامتي قصيه ليا
ومن يومها معدتش باخد بالي من طوله اصلا

هههههههههههههههه لا معرفهاش دى
نفس مشكلتى يارورو بس الحمدلله شعرى رجع زى الاول واحلى كمان
بصى يارور تعالى فى شهر8بيبقى حر اوى اغسلى شعرك مرة كل اسبوعين وانتى هتشوفى طول ازاى بس عموما من اول الصيف اغسليه قليل وانتى هتشوفى ان شعرك طول بسررررعه
بس حكاية شهر8دى انا عرفتها ان واحدة كان شعرها طولى وكان فرحها قرب فكانت ف شهر 8بتجهز وكانت مش فاضيه تغسل شعرها وسابته مغسلتهوش او غسلته مره واحدة فى الشهر ومقولكيش اللى حصل شعرها بقى طلى مرتين لما كنت قربت اتشل لما شوفته ههههههههه يعنى ان شاءالله فى شهر8مش هغسله بس المصيبه لو روحت فرح اى حد هضطر اغسلة طبعا

03.03.11 1:53

بصي يا ماريان النهارده 3 مارس
اعلان مسابقه قسم الشعر
شوفي مين اللي فازت لان بكره اعلان جميع المسابقات ضروري قوليلي علشان نحط الاوسمه

03.03.11 2:00

زهور الندي كتب: ازيكم يا حلوات انا عضوة جديدة واتمني اني استفيد منكم وكمان افيدكم ..بس لازم استفيد الاول هههه ياااه من زمان نفسي اسأل عن حل لشعري واخيرا لقيتكم شعري جاف من تحت بس والحمد لله مفهوش تقصف بس بسبب القص فيه وعدم الخبرة "لا يوجد شعرة في طول اختها" كنت بتعلم فيه وكمان مشكلة القشرة ..نفسي شعري يطول ويبقي مفرود لانه كمان مجعد وبستخدم السشوار علشان افرده تنصحيني بايه اه وكمان عايزة استفسر عن حاجة في ناس بتقول اني مش لازم احط زيت او كريم علي شعري قبل ما استخدم السشوار لاني ده بيضره؟
بس كده .. انا عارفة اني دي اطول واغلس مشكلة معلش ده انا ماصدقت الاقيكم وشكرا لكم مقدما

اول حاجة استعملى الوصفة دى وهى هتحل كل مشاكل شعرك
Http://www.wasafatcleopatra.com/t9965p30-topic
وبالنسبة للقشرة هاتى زعتر واملى ملعقة على كوب ماء واغليهم واستنى لما يبردوا وحطيهم فى بخاخه او ازازة برفان فاضيه وكل يوم صبح وليل ترشى على فرة راسك وتدلكى
~~~~~~~~~~~~~
بالنسبة للسيشوار انتى بعد ماتسشوريه حطى حته كريم صغيرة اوى

03.03.11 2:02

روان كتب:بصي يا ماريان النهارده 3 مارس
اعلان مسابقه قسم الشعر
شوفي مين اللي فازت لان بكره اعلان جميع المسابقات ضروري قوليلي علشان نحط الاوسمه

من عييا يارورو بكرة هبعتلك النتيجة قبل اعلان المسابقة

03.03.11 2:11

malakmohamed كتب:حبيبتى ممكن تقوليلى على حل لشعرى هو مقصف وخفيف وجاف شويه بليز ضرورى

بصى ياحبيبتى اول حاجة لازم زيت التوم عشان ينبت
هتخصصى يومين مثلا السبت والتلات
السبت لزيت التوم
هتدهنى فروة راسك وتدلكى بالراحه وتلبسى كيس نايلون وتلفى ايشارب او طرحه عشان فروة راسك تسخن وبعد ساعتين اغسليه
ويوم التلات للوصفة دى
Http://www.wasafatcleopatra.com/t9965p30-topic
بس انتظمى ومتقصريش فى الوصفات