عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

ازيك يا جميل والله وحشانى ىتعبتك انا عارفه بس المشكله عندى انى استعملت زيت التوم زى مقولتيلى بالضبط 12 يوم ورا بعض وبعدين استعملت خلطه الزيوت بالمحلب والحمد لله لقيته عند العطار ولقيت كل الزيوت وطبعا حطيتها بعد م سبتها 8 ايام وبقيت استعمل يوم السبت خلطه الزيوت واسيبها على راسى 7 او 8 ساعات ويوم الاربعا استعمل زيت التوم واستمريت حوالى شهر ونصف بصراحه كان فاضل مره واحده علشان اخلص الشهرين او مرتين مش متاكده بس الزيت خلط المشكله ان خلال الفتره دى بنات عمى او اى حد من اقاربنا كان بيقولى ايه اللى حصل لشعرك هو خف وقصر كده ليه اى حد كان بيقولى كده ومش ملاحظه فيه اى تغير والمشله انه بقى قصير ممكن فعلا زى ما انتى بتقولى علشان بينزل وهيطلع غيره وحاليا اللى ملاحظاه انه بقى ينزل اوووووووووووووووووووووووووووى مش عارفه ليه ممكن علشان بطلت زيت التوم بس انا استعملت كل المده اللى كنتى قيلالى عليها ولا كان المفروض مقطعوش ارجوكى تردى عليا بسرعه علشان كمان شهرين عندى فر ح

لو انتي عروسه يا قمر وهتتجوزي قريب لازم تجيبي حاجه تحل المشكله بسرعه

انصحك باسبراي شعر اسمه بيرفورمانس دا اللي بيستخدموه للصلع

لان الوقت بيجري بسرعه ولازم تلحقي ودا بيترش علي فروه الراس وبيطلع الشعر بسرعه جدا

عارفه كمان هو دا الللي الممثلين بيستخدموه علشان شعرهم يطول من فيلم للتاني

وهو المصري منه 55 جنيه
والامريكي 95 جنيه بس الامريكي غير متوافر بكل الصيدليات

mira_2600 كتب:

انا شعرى خفيف اووووى ومش عارف حل لية جربت حاجات كتييييييييييييير ورحت لدكاترة اكترومفيش فايدة حد يقولى اعمل اية

بصى ياحبيبتى اول حاجة لازم تستعملى زيت توم دا مهخ جدا وبينبت ويتقل ودا عن تجربه
دا ليه طريقتين استعمال اول حاجة استعمليه12يوم كل يوم وبعد مايخلصوا ال12يوم تستعمليه مرة فى الاسبوع لمدة شهرين

والطريقة التانيه
انك تستعمليه مرتين فى الاسبوع لمدة شهر وبعدكدا مرة فى الاسبوع لمدة شهرين
وتستعمليه انك دهنى فروة راسك وتدلكيها ربع ساعه بالراحه وبعدكدا تلفى فوطة سخنه لمدة ساعه او تلبسى كيس نايلون وتلفى شال كبير او ايشارب عشان شعرك يسخن وبعد كدا تغسليه
بس خدى بالك زيت التوم دا زى المضاد الح
يوى يعنى لو استعملتيه يوم السبت يبقى لازم تانى اسبوع تستعمليه السبت ولو استعملتيه السبت والتلات يبقى لازم تانى اسبوع تستعمليه السبت والتلات

ولوهتستعملى ال12يوم خدى بالك لازم تغسليه بشامبو ملطف مناسب للاستعمال اليومى

بعدماتخلصى حكاية زيت التوم اكتبيلى هنا واقولك تعملى ايه تانى

fiore rosa كتب:السلام عليكم ورحمه الله وبركاته

دى اول مشاركه ليا فى المنتدى

وطبعا بما انى بدأت بمشاكل الشعر يبقى دى حاجه معذبانى جدا

المهم
انا عندى 23 سنه
شعرى ناعم وبيطول بسرعه الحمد لله

بس عندى مشكلتين منهم واحده عاملالى عقده من وانا صغيره

العقده الاولى ان شعرى خفيف جدا وبيبان قوى لان شعرى ناعم ومش بيهيش ولا بيدى اى كثافه
نايم ومفيهوش الحيويه الطبيعيه ونتيجه لده فروه راسى بتبان
نفسى شعرى يبقى كثيف
وعلى فكره شعرى مش بيقع بكميات كبيره
التساقط العادى يعنى
ده يبقى طبيعه شعرى ولا عندى مشكله اقدر اعالجها
ودايما بعمل تحاليل وبيطلع النتيجه الى حد ما كويسه
لو دى طبيعه شعرى اعمل ايه علشان يتقل ؟؟؟؟؟؟؟؟؟؟


المشكله الاكبر عندى هى ان جبهتى عريضه وعاليه
واخده مساحه من وشى
وطبعا القوره الكبيره مع الشعر الخفيف والنايم عذاب بالنسبه ليا
ومبحبش حد يشوفنى من غير حجاب لان الناس دايما يقولولى شكلى بالحجاب احسن لان قورتى كبيره
بجد دى حاجه تعبانى نفسيا جدا
ونفسى فى حل

ولو الحل عمليه زرع شعر
عايزه اعرف نتائجها مضمونه ولا لا ؟
الشعر ممكن يقع تانى ولا لا ؟
ولو فى اسم( لدكتوره) تقدر تعمل العمليه دى اكون متشكره جدا لكى

بصى ياحبيبتى سيبك من زرع الشعر والكلام الفاضى دا خليكى فى الحاجات الطبيعيه احسن

اول حاجة لازم تستعملى زيت توم لانه بينبت وحلو جدا

وليه طريقتين استعمال
اول طريقة
انك تستعمليه12يوم ورا بعض وبعدكدا تستعمليه مرة فى الاسبوع لمدة شهرين
وتانى طريقة
انك تستعملي مرتين فى الاسبوع لمدة شهر وبعدكدا مرتين فى الاسبوع لمدة شهر
انتى تحطيه على فروة راسك وتدلكى فروة راسك لمدة ربع ساعه وبعد كدا تلفى فوطة سخنه لمدة ساعه او تلبسى كيس نايلون وتلفى عليه ايشارب او شال كبير عشان فروة راسك تسخن لمدة ساعه وبعدكدا تغسليه

بس خدى بالك زيت التوم دا زى المضاد الحيوى يعنى اواستعملتيه يوم السبت يبقى لازم تانى اسبوع تستعمليه السبت ولو استعملتيه سبت وتلات مثلا يبقى لازم تلنى اسبوع تستعمليه سبت وتلات
لواستعملتى زيت التوم ال12يوم ورا بعض يبقى لازم تختارى شامبو ملطف مناسب للاستعمال اليومى زى لونا للشعر الجاف او تغسلى شعرك بصابونة نابلسى من عند العطار

بعد ماتخلصى فترة زيت التوم
تخلطى زيت توم على زيت بصل على زيت خروع على اى زيوت تانى عندك
وتشترى فيتامينات من الصيدليه زى برشام توم وبرشام خميرة وبرشام فيتامين ب5 وبرشام فيتامين[أ]
لوكان كبسول فضيه على الزيوت ولوكان برشام دقيه لغاية مايتفتفت خالص واخلطية على الزيوت وتسيبهم منقوعين كام يوم
وبعد كدا تخصصى يوم السبت مثلا يعنى كل سبت تعملى الخلطة دى
تدهنى فروة راسك وشعرك وتدلكى فروة راسك بالراحه عشر دقايق وبعدكدا البسى كيس نايلون ولفى شعرك بشال كبير وسبيه على شعرك6ساعات وبعدكدا اغسليه وادهنى من خلطة الزيوت دى حته صغيرة على شعرك وسبيه على شعرك للسبت الجاى ولما يجى السبت تكررى نفس الحكايه
وان شاءالله فى3شهورشعرك هينبت
خدى بالك علاج الشعر بياخد وقت يعنى متستعجليش النتيجة وربنا يوفقك

روان كتب:بصوا يا بنات انا كنت مره بدور علي زيت حلو كان حد قايلي عليه المهم روحت الصيدليه ومن هبلي نسيت اسم الزيت وافتكرت اسم زيت اسمه بيرفيكت واقله هاتلي اسبراي بيرفيكت للشعر يقلي والله يا انسه ما فيه منه اسبراي وانا بقا اتشاكل واقوله ازاي هههههههه
بعد كدا اخدت الزيت اللي اسمه بيرفيكت اللي بيقولي عليه دا بيعالج جميع حالات سقوط الشعر وبينبته

قلتله بكام قالي ب 20 جنيه قلت اجربه مش مشكله سعره مش هيفرق يعني
خلال شهر والله يا بنات شعري نبت حتي الكوافير لاحظت وقالتلي انتي بتستخدمي علاج لشعرك قلتلها ايوه قالتلي شعرك كله منبت ما شاء الله
وغير كدا وكدا ريحته حلوه ممكن تستخدميه كزيت يومي عادي وبينعم الشعر جدا حتي لو كان خشن
هنزلكم النهارده موضوع بصورته وفوائده انتظروني

يسلم مرورك يارورو ياحبيبتى ميرسى ليكى خالص وان شاءالله هبقى انصح بيه بنات كتير ودا على ضمانتك طبعا هههههههههه

emy ghanem كتب:ىىىىىىىىىىىىىىىىىىىىىىىىىىىىى ياقمر معلشى فهمت غلط اصل ما بصدق اعمل حاجة الشغل مكسلنى هو والسقعة

هههههههههه ربنا يعينك ياايمى ياحبيبتى بس نسيت اسالك فى نتيجة ظهرت على شعرك ولا لسه؟؟

fiore rosa

عيزاكي تجاوبيني علي حاجه كدا

بصي يا قمر الشعر الناعم عامه نسبه الصلع فيه كبيره عن الخشن ودا طبعا بنلاحظه في الاجانب
والجين دا عند الراجل اسمه الصلع وعند المراه اسمه جين تساقط الشعر
Androgenic alopecia
الجين دا لو والدك عنده جين الصلع يبقي انتي ورثتي منه جين تساقط الشعر وممكن والدتك يكون عندها جين تساقط الشعر حدديلي ؟

وياريت اعرف برده استخدمتي هير باك او اي حاجه للتساقط دا وقوليلنا النتيجه علشان نعرف نحدد ؟

خنساء العصر الحديث كتب:ازيك يا جميل والله وحشانى ىتعبتك انا عارفه بس المشكله عندى انى استعملت زيت التوم زى مقولتيلى بالضبط 12 يوم ورا بعض وبعدين استعملت خلطه الزيوت بالمحلب والحمد لله لقيته عند العطار ولقيت كل الزيوت وطبعا حطيتها بعد م سبتها 8 ايام وبقيت استعمل يوم السبت خلطه الزيوت واسيبها على راسى 7 او 8 ساعات ويوم الاربعا استعمل زيت التوم واستمريت حوالى شهر ونصف بصراحه كان فاضل مره واحده علشان اخلص الشهرين او مرتين مش متاكده بس الزيت خلط المشكله ان خلال الفتره دى بنات عمى او اى حد من اقاربنا كان بيقولى ايه اللى حصل لشعرك هو خف وقصر كده ليه اى حد كان بيقولى كده ومش ملاحظه فيه اى تغير والمشله انه بقى قصير ممكن فعلا زى ما انتى بتقولى علشان بينزل وهيطلع غيره وحاليا اللى ملاحظاه انه بقى ينزل اوووووووووووووووووووووووووووى مش عارفه ليه ممكن علشان بطلت زيت التوم بس انا استعملت كل المده اللى كنتى قيلالى عليها ولا كان المفروض مقطعوش ارجوكى تردى عليا بسرعه علشان كمان شهرين عندى فر ح

بصى ياحبيبتى معلش انا اللى تعبتك معايا وعطلتك كمان
افهمينى كويس وركزى استعملى شهر كامل زيت التوم بس خصصى السبت والتلات تستعملى فيهم زيت التوم بعدماتحطية على فروة راسك حطى كيس نايلون وايشارب كبير عشان تسخن وبعد ساعتين اغسلى شعرك بصابونة نابلسى زيت زيتون من عند العطار

وم النهردة اعملى الخلطة دى انا كتبتها ف قسم الشر بس محدش جربها وانا جربتهالكم
تخلطى كوباية صغيرة سمن روابى ونفس الكوباية اللى عملتى بيها السمن اعملى بيها زيت عافيه وحطيهم فى طاسه وحطيهم على النار دقيقتين وبعدكدا هاتى فنجان قهوة امليه بنوى التمر المحمس[انا جيبت بلح وفصصته واخدت النوى بتاعه ونشفته وبعدكدا حطيته فى الفرن وطحنته بقى ناعم خالص]حطى منه فنجان قهوه على الزيت والسمن اللى فى الطاسة وحطى بنفس الفنجان اللى عملتي بيه محموس نوى التمر امليه بيه محلب مطحون وحطيه على الزيت والسمن ونوى التمر واخلطيهم على النار لغاية مايغلوا واول مايغلوا على النار سبيهم لما يبردوا شوية وحطيهم فى برطمان ازاز وسبيهم لمدة شهر منقوعين اللى هو هتستعملى فيه زيت لتوم
بعد مايخلص الشهر
تخصصى برضو السبت والتلات تخلى السبت لزيت التوم ويوم الاتنين بالليل تذهنى خلطة السمن دى بالليل وتصحى الصبح تغسلى شعرك بشامبو للشغر الجاف وياريت لوتجيبى شامبو لونا للشعر الجاف يبقى كويس خالص تحطى ميه وفيها شامبو وترغيها كويس وتعملى بيها شعرك
انا دى اللى بعمله دلوقتى شعرى بطل يقع وطول عن الاول لدرجة ان البنات بيقولولى انتى كويتى شعرك ولا مسشوراه
اهم حاجة قبل ماتبداى تاكديلى انك فهمتى وهتعملى بالظبط عشان متلغبيطيش الايام وتزعلى لا امشى على الطريقة بالظبط
وياريت تقوليلى انتى كنتى بتغسلى شعرك بشامبو ايه الايام اللى فاتت؟

فعلا يا خنساء زي ما ماريو قالت مينفعش تغسلي شعرك باي شامبو لو هتستخدمي وصفه يوميه
لازم صابون بدون كيماويات اما صابون نابولسي او شامبو جونسون للاطفال
ولو حسيتي ان ريحه التوم ظاهره في شعرك هاتي باكو جيلي
فراوله دريم اللي في الصوره دا



وهاتي شويه بودره من الباكو وافركيهم في شعرك هيدو ريحه حلوه تغطي علي التوم ومش مضر خالص لانه شويه جيلاتين

روان كتب:لو انتي عروسه يا قمر وهتتجوزي قريب لازم تجيبي حاجه تحل المشكله بسرعه

انصحك باسبراي شعر اسمه بيرفورمانس دا اللي بيستخدموه للصلع

لان الوقت بيجري بسرعه ولازم تلحقي ودا بيترش علي فروه الراس وبيطلع الشعر بسرعه جدا

عارفه كمان هو دا الللي الممثلين بيستخدموه علشان شعرهم يطول من فيلم للتاني

وهو المصري منه 55 جنيه
والامريكي 95 جنيه بس الامريكي غير متوافر بكل الصيدليات

لايارورو ياحبيبتى خدى بالك اى حاجة بتنبت وتطول بسرعه اعرفى انك اول ماتبطليها هتوقع شعرك وترجعه اوحش من الاول
عشان انا اعرف واحدة شعرها كان قصير وخفيف جدا وكشفت عند دكتوىة وقالتلها هاكتبلك على بخاخه هتطول شعرك وتعزرة فى اقل من شهر وفعلا البنت استعملتها اسبوع ولقيت شعرها طول وغزر شوية فراحت كشفت عند دكتور فقالها لازم توقفى استعمال البخاخه دى بسرعه وبما وقفتها كل الشعر اللى طول ونبت وقعوا تانى
فلازم تاخدى بالك قبل ماتستعملى اى حاجة زى كدا