ساعدونى بجد تعبت من التفكير

سؤال صغير
كان فيه صفة تانية فيه و كانت مضايقاكي و قدر يغيرها؟؟؟؟
كان مدخن و بطل
كان مابيصليش و بقي يصلي
؟؟؟؟؟

بصى هو الحمد لله بيصلى الوقت بوقته ومبيدخنش وبعدين انا خطوبتى من شهرين بس يعنى مفيش حاجة لسه باينة وانا خايفة اتعلق بيه اكتر من كده وتظهر عيوب اكتر من كده اكتر يعنى من عيب مامته يكون عيب فيه هو فاكون اتعلقت بيه ساعتها يبقى صعب عليه انى اسيبه انا مش حمل صدمات وجروح

خطبك من شهرين و بتدوروا من دلوقتي علي العفش ؟؟؟؟؟؟؟؟؟؟؟؟؟
ليه انتو متفقين مده الخطوبة تكون قصيرة ولا ايه؟؟؟؟

لا احنا متفقين على سنة وكده فات شهرين وكنا حنبتدى نشترى شوية حاجات قبل خطوة العفش

يبقي لسه قدامك وقت
استعيني بالله كده
و توكلي علي الله
و ابدئي مهمتك
في انك تعرفي حماتك انك بنتها
مش خطيبة ابنها
حتي الام المتسلطة ليها علاج
شوية حنية علي شوية ذكاء انثوي
مثلا خديها معاكي مرة وانتي بتشتري حاجتك
بس خليكي ذكية
انزلي لوحدك للمحلات اللي هتشتري منها قبل ماتنزلي معاها بيوم
و اتفقي مع صاحب المحل انك هتيجي بكرة تشتري حاجات من عنده بس حماتك معاكي و هي ست صعبة اوي
كل اللي هي هتختاره و مش عاجبك وافقي عليه قدامها و تاني يوم انزلي و بدليه بالحاجات اللي انتي عاوزاها
يعني هي هتدخل اوضتك تفتش وراكي؟
بس تبقي هديتي الموجة و اتصرفتي بذكاء
جربي و مش هتخسري
و علي ماتوصلي لنقطة العفش هتكون هي خلاص اعتقدت انها اتمكنت منك
و بكده حليتي المشكلة بدري

انت تعرفيه قبل الخطوبه
انت لو عارفها يبقا فين المشكله اكيد عارف تصرفاته ومفقين علي حاجات وعارف هو بيصلي بيدخن نصيحا مني اوعي تتعلقي بيه هتفرق معاكي لو لا قدر الله موضوعك ماتميش وممكن انت متفرقيش معاه حاولي توزني الامور صح قبل ما تتعلقي بيه وفجاه هتلاقي نفسك بتقدمي تنازلات غاص بنعنك عشان مايبعدش علي ففكره تنازلات في تصرفاته تعاديلو يعمل حاجات وميعتزركيش عليها وانت عادي عشان عوتي علي كده

لا مكنتش اعرفه قبل الخطوبة يا دوب هى فترة الخطوبة
سارسورا انا والله بحاول اوصلها الاحساس ده وبحاول اقرب منها اكتر بس هى صعبة شوية للاسف معندهاش مرونة خالص لما بتبقى عاوزة حاجة بتصم على رايها انا بحاول والله وربنا يصبرنى ويساعدنى ويمكن الفكرة اللى انتى قولتيها حلوة بس هى غريبة شوية وصعبة عليه شوية تنفيذها  انا متشكرة ليكى انك اهتميتى بيه وبتفكريلى

اهم حاجه شخصية خطيبك حاسه انه فعلا راجل يعتمد عليه ويقدر يبعد ويستقل لواحده ولا ما يعرفش يعمل حاجه الا بأمر ماما لو الاول اتمسكي بيه ولو التاني يبقي تسيبيه علي فكره مش شرط علشان هتسكنوا بره يبقي هتبعدي عنها وصلي برده صلاة استخلره اتمنالك التوفيق وقولي يارب لو خير لي كملي الموضوع ولو شر ابعده عني وربنا يقدملك ما فيه الخير

جربيها مش هتخسري حاجة
مش يمكن تطلع هي الحل؟
يا حبيبتي انا و غيري بنفكرلك في حل
و يهمنا ان كل اميرة هنا و كل بنت فالدنيا ماتتعبش او تحزن ابدا
ربنا معاكي

بصى هى المواقف لسه  مش كتيرة بينا ولسه بالتعامل والاحتكاك حيبان اكتر اذا كان فعلا يعتمد عليه او لأ هى مامته دلوقتى الى ظاهرة قوى وبتحاول تاخد مساحة كبيرة لما خطيبى بيزورنا لوحده بيبقى هادى الاعصاب وبيحاول يتكلم معايا ويفتح مجالات للكلام وبحس انه متكلم قوى لكن لما حماتى بتيجى معاه بيبقى مش متظبط بيبقى متوتر شوية وهى مش بتديلوا فرصة للكلام بتبقى هى اللى بتتكلم علطول وساعات لما هو بيتكلم بتكمل كلامها وبتقطع كلامه يعنى تحسى انها مبتبقاش عاوزة تديله فرصته وبحس انه مش بيبقى فى طبيعته بس خطيبى طموح جدا فى شغله وذكى قوى