ساعدونى بجد تعبت من التفكير

انا عارفة انا دوشتكم معايا بس اعمل ايه مليش غير ربنا ثم انتم بارائكم ونصايحكم لانى فعلا تنقصنى الخبرة واكيد كلامكم ححاول اطبقه بس ربنا يهديها عليه ويهديلى خطيبى ويهدينى انا كمان ادعولى ربنا يقف جنبى ويرشدنى للخير

خليكم متابعين مشكلتى وان شاء الله ابلغكم بالتطورات بس اقدر اقولكم انكم بجد كلامكم ريحنى شوية وادعولى ربنا يصلح الحال

شوفتى الموضوع بسيط ازاى انتى لما اختارتى الشبكة هى كانت عايزة تفرض رايها عليكى بس فى الاخر اخدتى اللى انتى حبتيه ولما حسيتى انها زعلت لما اخدتى الحاجة اللى انتى اختارتيها حاولتى ترضيها بس ماخدتش اللى هى قالتلك عليه انتى اعملى كدا فى الوقت الحالى خدى اللى انتى عيزاه وفى نفس الوقت ارضيها بكلمتين واللى يسئلك بعد كدا ردى الرد البسيط اللى ميزعلش حد وفى نفس الوقت تكونى رضيتى اللى حوليكى خليها تنزل معاكم وافرضى رايك انتى بس باسلوب كويس وميزعلش حد منك

واحنا هنفضل دايمن متابعين معاكى وهنشوف انتى وصلتى لحد فين وانشاء الله ربنا هيصبرك ويصلح احوالك

يارب يسهلى الحال لان اعصابى تعبت من التفكير وللاسف بقيت عصبية قوى بس هيه ترضى عننا وتسيب خطيبى ينزل معانا لان انا عاوزاه يبقى متواجد من الاول ميتلغيش فاهمانى

فهماكى ياحبيبتى وانشاء الله ربنا يهديها وتخليه ينزل معاكى وتشترو حاجتكم وانتم مبسوطين وربنا يهديها ياااااارب

الله يخليكى ويبسطك انتى كمان ويبسط كل البنات وشكرا ليكم كلكم وادعوا لى ربنا يسهل لى اللى فيه الخير وسوف نوافيكم بالجديد ان شاء الله

ربنا يسهل لك ويتمم لك على خير

معليش انا يادوب شفت الموضوع لكن الاميرات ردوا عليكى وما قصروا

وصلاة الاستخارة مهمة جدا وبتخلى الواحد يكون مرتاح

التنازل طبعا مش حلو لانو صح كلامك اذا تنازلتى فى الاول معناها حتعديها تنازلات لكن انتى بذكاء منك وبهداوة حتكسبى انشالله

الله يخليكى يا ام انتصار ويسعدك بس ادعيلى ربنا يسهل الحال بس انا برضه فى سوال محيرنى هل الام المتسلطة ممكن تتغير ولا حتفضل متعبة علطول

والله الام المتسلطة دي بتتغير او لا ده متوقف علي حاجتين اتنين
انتي و خطيبيك
انتي: تحاولي تكسبيها لصفك و تحسسيها انك مبتسرقيش ابنها منها و انها زي والدتك تمام
خطيبيك: انه يفهمها و يعرفها انك مابتسرقيهوش منها و انها الغالية و هتفضل كده علي طول بس في حدود لازم نقف عندها
والله قدرتوا علي الخطوتين دول يبقي هي هتتغير
ماقدرتوش او حاولتوا و فشلتوا يبقي ربنا يصبرك