ساعدونى بجد تعبت من التفكير

اولا ربنا يهديهالك ويسعدك ويوفئك يارب حبيبتى صلى اكيد ربنا رايد ليكى الخير وطالما انتى شايفه ان خطيبك كويس ومتمسك بيكى فحاولى معاه تانى وباسلوب ناعم التكرار ممكن يغير حاجه بس من غير متظهرى اى كره او انزعاج من امه عشان مش يتضايق هى مهمها كانت امه ومهما كان اسلوبك غصب عنه لازم ينحاز ليها ولو انتى بعد الجواز باذن الله هتعدى لوحدك فى حياه مستقله بعيد عنها اكيد عيشتك هتبقى احسن واصبرى شويه فتره وهتعدى بس نصيحتى ليكى عشان زواجك يستمر مش تقعدى معاها ف بيت واحد عشان مش هترتاحى حتى لوفى شقه لوحدك يفضل انك تقوليله انك تاخدى شقه بره ولو رفض عشان الايجار والمصاريف قوليله ياجر الشقه والايجار تدفعوه ف شقه بره ولو هى مصمه تنزل تجيب معاكى الحاجه ممكن عشان والدتك مش معاكى فمش عايزاكى تحسى بالوحده او تزعلى لان اى وحده نفسها امها تبقى معاها ف اليوم ده ف ممكن عايزه تحسسك انها امك وتتقرب منك وعشان تريحى دماغك خلى خطيبك يبقى معاكى ولو اتدخلت ف حاجه قوليله براحه بينك وبينه انك عاوزه الحاجه دى وهو هيتعامل بطريقته وهيجبهالك وتجنبى اى مواجهه تماما وخليه هو اللى يبان ف الصوره هو ابنهم انما انتى لازلتى غريبه عنهم وربنا يتملك على خير ويززقك بالذريه الصالحه

الصراحة sarsora جابت من الاخر وادعو الله ان يهدى هذه الام المتسلطة وان تترك ابنها الوحيد يفرح بحياتة الجديدة مع شريكة حياتة ربنا يسعدك يارب ويتمم لك بخير وعليك بالصلاة واستخيرى الله وان كان خير يقربه منك شر يبعده عنك بس حلى عندك طولة بال وصبر وخليكى دبلوماسية وكلامك معها على شرط ان اللى انت عايزاه هو اللى يتنفذ بدون تنازل لان اللى بيتنازل فى الاول بيتنازل طووووووووول العمر ودى نصيحة وربنا معاك

الله يخليكم ويسعدكم يارب انا بشكركم لمشاركتكم لى فى مشكلتى حسستونى بجد انى مش لوحدى فعلا مفيش غير ربنا هو اللى حينورلى طريقى ادعولى لانى بجد محتاجة انى افرح قوى ولو فى جديد حبقى اطمنكم

طب انا عندى استفسار انا خطيبى لما قولتله طبعا وبطريقة مهذبة على تدخل والدته الشديد فى اختيارتنا كان معترف بالعيب ده بس قالى انه مش حينفع نقولهم على حاجات لا لان هما حيساعدوه انا حاسه ان هو بيسمع كلام والدته قوى مع انى ساعات بحس انه مش مقتنع بده فهل ده ضعف شخصية والا حب وطاعة لوالدته والا بيريحها انا مش عارفة احكم لان انا طبعا خبرتى مش قوى وهل ده بيتغير بعد الجواز هو على كلامه ان حيبقى لنا حياتنا الخاصة فهل بالوضع ده هو حيقدر ينفذ كلامه انا كنت حاسه بكلامه الصدق بس هل هو يقدر على كده

من شب علي شئ شاب عليه
محدش بيتغير الا اذا كان عاوز يتغير
ولو عاوز ييتغير يبقي يبدأ من دلوقتي
عشان بكرة مش ملكنا
ده ملك خالقه

بصى هو ممكن دلوقتى يقولك انه هيتغير وكل حاجة بس لما تبقى مراته مش هيعمل حاجة زى دلوقتى عشان خلا بقيتى مراته حاولى تعالجى الموضوع دهمن دلوقتى متستنش بعد الجواز

بصى يا حبيبتى انا مش عايزه اصدمك بس للاسف دى كانت مشكلتى مع اللى كنت مخطوباله انا اول ما قريت افتكرته هو خطب تانى والله وللاسف العيب ده بالذات مش بيتغير عن تجربه لان الام مش بتسمح اصلا انه يتغير انا خطيبى لما مامته لقته ابتدى يبعد عن سيطرتها واحنا كنا هنسكن برده بعيد عنهم حكمت عليه يغير الشقه عشان نسكن معاها تقريبا عشان شافت انه ابتدى يعتمد ع نفسه ولانها كانت بتساعده زى مامة خطيبك مش قدر يتكلم وبرده قعد يقولى عديها ومعلش ولحد ما نتجوز ومحدش بعد كده هيتدخل بس طبعا مكنش ينفع لانها كان وصل تدخلها انها بتدخل حتى فى احلامنا اللى جيه بجد لو مش خد خطوة من دلوقتى يبقى عليه العوض هتعيشى فى جحيم ربنا معاكى ويخترلك الصالح انا مكنتش عايزه ارد بس قولت دى شهاده وهتحاسب عليها عشان تبقى كل الخيوط واضحه قدامك وتختارى وانتى ع نور وياريتنى لقيت اللى يقولى قبل ما اى حاجه تحصل

ياربييييييييييييييييييييييي
نفس المشكلة بتاعتي
حدش عنده عريس يكون يتيم و ابن حلال
هههههههههههههههههههههههههههههههههههههه
الاهل بقوا متحكمين اوي

بصى يا قمر الاول سورى انى اتخرت فى الرد لانى لسه داخله تقريبا انبارح بعد كده انا عايزه اقولك اللى انتى شوفى نفسك الاول مع خطيبك لو فعلا حاسه ان هو كويس زى ما انتى بتقولى يبقى ملكيش دعوه بمامته دلوقتى زى ما هو قلك انكوا بعد الجواز هتبعدوا عنها او يعنى بمعنى اصح العلاقه هتبقى سطحيه الا حد ما واستحملى الشويه دول وحاولى تخدى معاكى اى حد قريبك ويكونوا بنات ويقدروا ينقوا معاكى حتى لو كانت هى معاكى مش مشكله بس على الاقل متسبيلهاش كل حاجه وهى تنقيها وحاولى تقوليلها بس بحداقه شويه يعغنى مثلا انا بحب دى وهيبقى شكلها حلو فى الشقه كده يعنى واهم حاجه انك تكونى مرتاحه مع خطيبك وربنا يقدملك اللى فيه الخير يارب

ومتتاخريش علينا

اولا انا بشكركم على صراحتكم لانى بجد مش حبقى فرحانه لما تقولولى حاجة كويسة عشان متزعلونيش بجد بشكركم اصل انا كل اللى مخوفنى انه يفضل بعد الجواز يسمع كلامها ديه تبقى كارثة انا كنت اتصلت بواحدة قريبتى هى ست كبيرة وعندها خبرة فى الحياة وحكيت لها وسالتها هى بصراحة طمنتنى شوية وقالتلى ان كل ده بيتغير بعد الجواز بس الموضوع محتاج شوية صبر وذكاء بصوا انا حاسه انه عنده استعداد يتغير خصوصا زى مقولتلكم انه مش موافق على تصرفات والدته بس المقلق انى برضه مش حساه بيعملها حاجة ويقولى بعد الجواز الوضع حيتغير وخصوصا انه حيبقى مستقل ماديا انا طبعا قولتله يحاول من دلوقتى لان انا ايه ضمنى بعد الجواز انا طبعا مستنيه اشوف تصرفاته انا خايفة من حاجة ان هو ميتغيرش بعد الجواز ويكون احساسى بانه عنده استعداد يتغير نابع من ان انا عاوزة كده فعلا