ساعدونى بجد تعبت من التفكير

بصى ياحبيبتى اولا كلام كليونتر حلو جدا وكمان انتى بتقولى ان خطيبك محترم وبيصلى وهو يمكن بيسمع كلام مامته فى حجات كتير دا يمكن علشان هما هيساعدوه ومشهينفع انه يقف ضدهم حاليا علشان محتاج لمساعدتهم والحياه بعد الجواز بتختلف وفى ايدك انتى اللى تخليها مختلفة هو هيبقى مسئول عن بيته ومامته هتبقى بعيدة عنكم ومش هتتدخل فى حياتكم وخلى خطيبك ينزل معاكى وانتم بتشترو العفش يتاعكم ودخليه فى كل حاجة تختاريها ومتخليش حماتك تفرض رئيها عليكى لو قالتلك خدى دى ومش عجباكى خلاص اختارى حاجة تانيا دا هيبقى بيتك انتى وماملكتك انتى وبس محدش ليه دخل فى اختيارك لازم يبقى ليك راى وقرار مستقر بينك وبين اهل زوجك وبالاخص حماتك هى يمكن يتعمل كدا بسبب الخطوبة الاولى لابنها بس برده مينفعش تبقى المتسلطة فى كل حاجة ومدام خطيبك عارف تصرفتها واكيد مش عجباه فانتى استحملى لحد بعد جوزكم وانشاء الله خطيبك هيبقى احسن وهيبقى ملك ليكى انتى وبس وحاولى متضغطيش عليه فى الفترة دى وانشاء الله ربنا هيصلحلك الاحوال وهتبقى حياتك حلوة وتفائلى خير

خطيبى كمان كان عاوز يسرع فى الجواز وانا طبعا رفضت ده لانى انا كمان لسه ماخدتش عليه قوى ولازم برضه ناخد فرصتنا نتعرف على بعض اكتر انا بس بحول انقل لكم الصورة كاملة لعلى اجد بين سطور كلماتكم ما يصبرنى ويساعدنى تخطى المحنة بامان وبما يرضى الله جزاكم الله عنى كل الخير

انا قريت كلامك الاخير دا بعد ما كتب ردى بس لو خطيبك ليه مش عايز ينزل معاكم وليه مامته بس ولو انتى هتنزلى معاهم مين اللى هينزل معاكى انتى , انا بحاول اوصلك معاكى لحل بس اللى هقلهولك ان مدام خطيبك كويس وانك مرتحاله متخليش عواقب الدنيا تقف فى طريقك انتى وهو ويمكن هو عايز يسرع فى الجواز بسبب المشاكل دى وبعد جوازكم هتاخدم على بعض حاولى ترضى الطرفين بباكى وانتى وخطيبك ومامته

عطر الروح كلامك مريح قوى انا تقريبا بحلم بنفس السيناريو ده بس المشكلة انها مش سمحه بنزوله معانا اصلا وده كله سبب المشكلة وعشان كده عملت اللى بابا قالى عليه بس انا بسال نفسى هو فى ست تعمل فى ابنها كده لان حبها ليه الزائد ده ممكن يكون له نتيجة عكسية لانها عاوزة هى اللى تحكم وتؤمر وعاوزة تلغى رائية ليه كل ده ممكن عشان حست منه شوية اهتمام بيه مع العلم طبعا اننا لسنا موصلناش لدرجة الحب امال لو حست انه بيحبنى حتعمل ايه يا لهوى ديه تقتلنى كل اللى انا حساه من ناحيته انه مهتم بيه زى مانا برضه بدات اتعلق بيه مش عارفة جننتنى الست ديه والله خلتنى اكلم نفسى

انا كنت عاوزة الموضوع يمشى شبابى يعنى حد من اخواتى البنات كان حينزل معانا لانى طبعا مبخرجش معاه لوحدى  حتى عشان لو كنت قولتله بابا هو اللى حينزل فتواجد مامته عادى وانا والله مكنت رافضة وجودها مهى برضه حقها تفرح بابنها بس انا كنت عاوزة افهمه ان الراى لينا احنا الاتنين ويعنى اللى حينزل معانا حيدى رايه عادى بس الراى الاول والاخير لينا احنا الاتنين بس هيه عاوزة تمشى رايها فى كل حاجة رغم انه مقتنع بكلامى بس هل حيقدر ينفذ ولو مش دلوقتى حيقدر بعد كده بس انا من كتر ماتخدعت فى الناس القريبين بقيت بحكم الظروف شكاكه والمشكلة الناس هى اللى خلتنى  ابقى شكاكه وبينى وبينك نخلينا فى الواقع محدش ليه امان فانا خايفة الثقة ديه تبقى مش فى محلها تعبت والله دماغى حتنفجر من التفكير

الكلام ده فى الحاجات البسيطة لكن فى العفش اكيد بابا واهله حينزلوا معانا

مش عارفه انتى هتصدقينى ولا لا كل الامهات الحموات بالاخص في الاول بتبق بتتعامل بعنف لحد ما يثبت منك العكس من شده الخوف والقلق بس طبعا في ناس بتبقي اوفر زي الام اللي بتحكي عليها لازم ينزل معاكم مفيش حاجه اسمها انتم الاتنين لوحدكم وهاتيها قدامها قولي ليها يا طنط انا بحب اوي انه يبقي معايا في كل حاجه وباباكي ينزل معاكي ومامته انا مش شايفه مشكله في المقابل تختاري زي ما قلتلك السيطره مش سهله علي الولد اوي بس اجمدي يا حبيبتى وجريي تصري علي رايك بمعنى انك هتنزل معاكي عادي بس اختيارك واختياره هوه اللي يمشي وبعدين افرضي انتى اختارتى اوده عجباكي والتانيه مش عجباه قسمي الدنيا اتنين يعنى هوه ينقي واحده وانتى واحده حتى لو حساتى انه تاثير من مامته فاهمانى بس بالعقل اعتبريه هوه اللي نقاهه الموضوع صدقينى بسيط بشويه حنكه منك وتميلي مع الريح بس متتكسريش فى حاجات بلا تنازل ولاحظي سيبك من العفش هي مسيطره عليه علشان هتدفع طيب باقي التفاصيل ايه نظامها بتمشي كلامها بردوا ولا هوه ليه راي بيمشيه حاولى تجسي الموضوع في مواضيع تانيه بعيد عن العفش والجهاز بس لازم ينزل اصرارك في محله ده مش هزار امال ايه وقولي ليها لازم يبقي معانا راجل احرجيها فاهمانى وكبري في ابنها عليها يعنى هوه الراجل بتاعي اللي كلامه يمشي فبالتالي باباكي كمان يقول كده معنى الكلمه انه الراجل ولا يجوز يمشي كلام امه عليه خاصه في الجواز واحنا معاكي لو المشكله ليها ابعاد تانيه يا حبيبتى قولي وان شاء الله نحل الموضوع سوي

متخافيش من اى حاجة متزعليش منى بس هاقولك حاولى وجربى ومش هتخسرى حاجة انزلى معاهم وحاولى متديش فرصة ليها يعنى انتى خليكى الاول افرضى رايك انتى شوفى الحاجة اللى انتى نفسك فيها وقوللها انا هاخد دى متتردديش انك تقولى انا عايزة دى لانها لو شافتك ساكتة هتفرض رايها جربى فى يوم لقتيها ساكتة ومشيت تمام خلاص مش هتخسرى وبعدين انتى لسة صغيرة والحياه ياما هتعلمك متفقديش الثقة فى اى حد ولا فى كل اللى حوليكى يا ما هتشوفى وتقابلى مواقف كتير خليكى متفائلة وسيريها على قد متقدرى هى يمكن بتعمل كدا لانه ابنها الوحيد وبكرة انشاء الله تعرفى خوف الام احساسه ايه متزعليش من كلامى لو ضايقك وانشاء الله امورك تتيسر

خلاص ما دام الحاجات الكبيره مع بعض ملهاش لازمه الاحتكاك الزايد بيها وعوديها علي انك ليكي خصوصيه ومش بتحبي الاختلاط كتير ومع الوقت صدقيتنى هتتعود بس اصبري ديما المشاكل في الاول وبعد كده الدنيا بتهدي لما الناس بتعرف طباع بعض بس متقوليش مباشر طبعا قوليليها بس اصلي نسيت المره ديه والمره اللي بعدها اصل نزلت مع بابا والمره اللي بعدها اصلي ملخقتش اقولك فاهمه بهدوء هتفهم ولو استمرت بقي في القلق بلغي خطيبك يقولها

مهى المشكلة انها متحكمة لابعد حد يعنى هيه اللى اختارت المكان اللى عملنا فيه الشبكة وانا سبتها تختار وكبرت دماغى قولت ديه حاجة صغيرة سبيهالها مش مشكلة ولما نزلنا نجيب الشبكة انا يعجبنى حاجة تقولى التانية احلى ولما تلاقى حاجة عجبانى خلاص تقولى اللى يعجبك وتتلوى وانا طبعا بحاول بلطف ولين اتعامل معاه عادى عشان الموقف يعدى ودايما انا باتصل اسال عليها عشان العلاقة تبقى كويسة بس الجديد انها مش عاوزاه ينزل معانا يمكن عشان ادامه بتتحرج وتخلينى اختار اللى انا عاوزاه مع العلم اننا كنا متفقين على تمن الشبكة يعنى الاختلاف ازواق ومع كده ديه شبكتى انا اللى حلبسها وخلت خطيبى يسالنى بعد كده ليه اختارتى ديه وماخدتيش ديه وكان ردى بسيط لانى بحب الحاجات السيمبل وده كان الحقيقى فعلا واحنا عملنا الخطوبة من غير رقص يعنى كانت محترمة عشان طبعا احنا لسه مكتبناش الكتاب والنظام ده متاح وهى اللى قالت النظام ده وده طبعا كان احسن لى كتير