عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

بوسي ابراهيم كتب:ميرسي ليكي كتير يا مريومة يا حبيبة قلبي ربنا يخاليكي ليا يارب علي تعبك دة
انا فعلا استخدمت ذيت الثوم هو ووصفة الصبار بقالي معاهم شعرين وفعلا الاتين تحفة وبيقوقفو تساقط الشعر الحمد لله انا شعري دلوقت بيقع المعدل الطبيعي مش بغباء زي الاول
انا نفسي بقي يتقل عشانة خفيف شوية الثوم منبتش معايا مش عارفة لية عشان كدة كنت عاوزة اخد رايك في الوصفات بتاعتي
انا الاسبوع اول مرة ازود علي اليوم بتاع التوم زيوت تانية زودت جرجير وخروع زي ما روان بتقول وكمان حطيت نقطة شطة
اليوم بتاع الصبار بحط خروع وزتون وجرجير ونقطة شطة
اية رايك احط صفار البيض معاهم والا هيبقي كتير وانا عارفة انك قلقانة من موضوع الشطة دة اوقفها والا اية رأيك انا اسفة جامدعارفة اني طولت عليكي يا مريومة

ياحبيبتى ولا طولتى ولا حاجة اسالى براحتك

طيب يابوسبوس قوليلى انتى خصصتى يوم معين للتوم؟؟يعنى مثلا لو كنتى استعملتيه سبت وتلات برضو تانى اسبوع استخدمتيه سبت وتلات؟؟؟افتكرى كويس عشان التوم زى المضاد الحيوى لازم تستعمليه فى نفس مواعيده اوعى تغيريها قوليلىى انتى استعملتى التوم ازاى واستعملتيه كام مرة عشان نعرف هو ليه منبتش شعرك

بالنسبة للوصفات حلوة اوى واستمرى عليها وهتلاقى النتيجة
بالنسبة لصفار البيض دا مغذى جدا وحلو اوى بس استعمليه اول مرة لو لقيتيه لبك شعرك ولقيتى زيادة فى تساقط شعرك يبقى بلاش صفار البي دلوقتى لغاية ماشعرك يتقول ويتقل
لو لقيتى صفار البيض كويس وشعرك بعد الغسل عادى نفس النسبة بتاعة كل مرة يبقى استعملى صفار البيض
ظبالنسبة للشطة صدقينى يابوسبوس بلاش تلعبى فى فروة راسك عشان لو التهبت هتعالجيها بصعوبة وشوفى بقى لما بتحطى نقطة شطه على لسانك بتلاقيه بقى نااااار امال بقى تخيلى تاثيره على فروة الراس؟؟؟؟مش اى حاجة تجربيها فى فروة راسك لانها عايزة اهتمام مش عايزة لخبطه

خنساء العصر الحديث كتب:ازيك يا قمر فكرانى ولا لا المهم انا عارفه انى تعبتك معايا اوووووووووووووووووووووى بس معلش استحملينى
المهم انا بقالى مده كبيره استعمل الخلطات اللى قولتيلى عليها داخله على شهر واكتر ده طبعا بعد ال12 يوم بتوع التوع
بس تخيلى لقيت اقاربى بيقوليلى ان شعرى بدا يقصر وكل واحده تشوفنى تقولى ايه ده انتى قصيتى شعرك ليه
وانا مش عارفه اعمل ايه خلاص تعبت مع انى بستعمل الخلطات علطول بانتظام ومش بغير المواعيد ولا اى حاجه
معلش يا قمر انا عارفه انى ضايقتك معايا

طبعا ياحبيبة قلبى فاكراكى هو القمر دا يتنسى!!!داانتى قمر المنتدى

بصى ياحبيبتى اول حاجة انا هتعبك واقولك قوليلى من الاول انتى استعملتى ايه وازاى قوليلى كل الوصفاااااااات اللى استعملتيها

بس عايزة اقولك شعرك قصر لان الشعر الضعيف هو اللى وقع وهينبت مكانه شعر قوى واحلى بكتير لان دا نفس الحكاية اللى حصلت معايا لاحظت ان شعرى قصر وبعدكدا نبت وطول وبقى حلو جدا :رائع :

bascota89 كتب:انا شعري بيقع وبقا خفيف عاوزه اتقلو شويا

بصى ياحبيبتى الحل المضمون والسريع هو زيت التوم لانه بيمنع التساقط وبيطول وبيغزر الشعر
اشتريه من عند العطار وليه طريقتين استعمال

اول طريقة بتحطيه كل يوم على شعرك وتدهنى فرة راسك وتدلكيها بالراحه لمدة ربع ساعه وبعدككا تلفى فوطة سخنه وتسيبيه لمدة ساعه وبعدكدا تغسلى شعرك وتكررى الحكاية دى كل يوم لمدة 12يوم وبعدكدا بعدمايخلصوا ال12يوم تستعمليه مرة فى الاسبوع لمدة شهرين بس لازم تخصصى يوم معين يعنى لو استعملتيه يوم السبت يبقى تانى اسبوع تستعمليه يوم السبت وهكذا
بس خدى بالك لوهتستعمليه 12يوم يبقى يااما تغسليه بصابونة نابلسى زيت الزيتون من عند العطار او تستخدمى شامبو مناسب للاستعمال اليومى

تانى طريقة

تستخدميه مرتين فى الاسبوع لمدة شهر وبعدكدا تستعمليه مرة فى الاسبوع لمدة شهرين
بس اهم حاجى اليوم اللى هتستعملى فيه زيت التوم يبقى لازم تانى اسبوع تستعمليه فى نفس اليوم زى ماقولنا

خنساء العصر الحديث كتب:ربنا يوفقك فى الامتحانات وتخلصى ان شاء الله على خير وتجيبى امتياز وتطلعى من الاوائل ياااااااااااااااااااااارب وانا معاكى وجميع بنات المسلمين ااااااااااااااااااااااااااامين

دعوتك حلوة اوى ياحبيبة قلبى ربنا يخليكى ويجازيكى كل خير

Mograd Sodfa كتب:

انا فرحى فى شهر 9 اللى جاى و
شعرى شويه يبقى تقيل وشويه يبقى خفيف جدا هو ناعم
بطلت من فتره انى احطله اى كريمات او زيوت الا نادرا
لما اقعد فتره من غير كريمات وبالحجاب بيكون جميل جدا بس بيتقصف جدا جدا
عايزه اقويه اكتر لانه ضعيف اوى وكمان القشره مش عارفه اعمل فيها ايه
واحدد نوعه ازاى

الف مبروك ياحبيبتى وربنا يتمملك بخير

اول حاجة طبعا عشان تقوى سعرك وتمنعى سقوطة لازم تسعملى زيت التوم لانه اقوى زيت هيحمى شعرك ويقويه ويغزره ويطوله كمان

استعمليه مرتين فى الاسبوع لمدة شهر وبعدكدا مرة فى الاسبوع لمدة شهرين بس خدى بالك ان تخصصى يوم لزيت التوم متفيرهوش يعنى فى الاول لو استعملتيه سبت وتلات يبقى كل اسبوع تستعمليه سبت وتلات وبعدكدا لو استعملتيه السبت يبقى كل اسبوع تستعمليه السبت

وطريقة استعماله
انك تدهنى فروة راسك وتدلكى فروة راسك بالراحه لمدة ربع ساعه وبعدكدا تلفى فوطة سخنه لمدة ساعه او ممكن تلبسى بونيه او كيس نايلون وتلفى شعرك بشال او ايشارب كبير عشان تسخن لمدة ساعة وبعدكدا تغسلى شعرك وياريت بعدماتغسليه تعملى حمام كريم بوناويل بالقمح وبروفيتامين ب5لانه هيغذى شعرك اوى
~~~~~~~~~~~~~~~~~~~~~~~~~~~

بالنسبة للقشرة

املى كوباية ميه وحطى فيها ملعقة كبيرة زعتر واغليهم على النا لغاية ماتقطعى نفسهم يعنى كل مايغلى ويفور ارفعيه ثنه من النار وبعدكدا حطيه2على النار تانى وبعدمايبرد حطيه ف ازازة برفان نضيفه وكل يوم صبح وليل رشى فروة راسك ودلكيها بالراحه وفى اسبوع واحد هتلاقى القشرةاختفت تماما

كليوباترا كتب:تسلم ايديكى يا مريومه يا قمر يارب يوفقك وينجحك امين يارب يا بنات لسه في بنات عندها امتحانات معلش لازم نصبر وندعي ليهم يخلصوا مجهود رائع يا مريومه يا قمر

يسلم مرورك ياكوكى وانا فعلا بعتذر لكل الاميرات انا قصرت اوى معاهم بس بجد كان غصب عنى عشان الامتحانات لكن ان شاء الله انا مش هتاخر عليهم تانى فى الرد 8)

بصوا يا بنات انا كنت مره بدور علي زيت حلو كان حد قايلي عليه المهم روحت الصيدليه ومن هبلي نسيت اسم الزيت وافتكرت اسم زيت اسمه بيرفيكت واقله هاتلي اسبراي بيرفيكت للشعر يقلي والله يا انسه ما فيه منه اسبراي وانا بقا اتشاكل واقوله ازاي هههههههه
بعد كدا اخدت الزيت اللي اسمه بيرفيكت اللي بيقولي عليه دا بيعالج جميع حالات سقوط الشعر وبينبته

قلتله بكام قالي ب 20 جنيه قلت اجربه مش مشكله سعره مش هيفرق يعني
خلال شهر والله يا بنات شعري نبت حتي الكوافير لاحظت وقالتلي انتي بتستخدمي علاج لشعرك قلتلها ايوه قالتلي شعرك كله منبت ما شاء الله
وغير كدا وكدا ريحته حلوه ممكن تستخدميه كزيت يومي عادي وبينعم الشعر جدا حتي لو كان خشن
هنزلكم النهارده موضوع بصورته وفوائده انتظروني

لالالالالالالالالالالالالا قلبى ايه اللى انا شيفاه ده مش انتى قلتيلى ياميرو انقعى الزعتر فى الميه لمدة 24 ساعة وبعدين حطيه فى ازازة برفان واستعمليه كل يوم بليل امال ايه الطريق دى بقى اسخنه ليه واللى كنت بعمله قبل كدة مش هيعمل مفعول ولا ايه

emy ghanem كتب:لالالالالالالالالالالالالا قلبى ايه اللى انا شيفاه ده مش انتى قلتيلى ياميرو انقعى الزعتر فى الميه لمدة 24 ساعة وبعدين حطيه فى ازازة برفان واستعمليه كل يوم بليل امال ايه الطريق دى بقى اسخنه ليه واللى كنت بعمله قبل كدة مش هيعمل مفعول ولا ايه

لا ياايمى ياقلبى هو هو المفعول وبيمنع التساقط والقشرة بس انتى استعمليه عادى بالليل انا كنت بستعمله كدا لكن ف فترة الامتحانات شعرى كان بيقع جامد ومكنتش فضياله ومكنتش هصبر24ساعه ففضلت اغلى فى الزعتر لغاية ماقطعت نفسه وبعد مابرد حطيته ف ازازة برفان وبقيت ارش منه صبح وليل حسيت نتيجته اسرع نتى بعد ماتخلصى الزعتراللى عندك اغليه وكل يوم اعمليه صبح وليل وهتلاقى نتيجته اسرع بكتييييير

ىىىىىىىىىىىىىىىىىىىىىىىىىىىىى ياقمر معلشى فهمت غلط اصل ما بصدق اعمل حاجة الشغل مكسلنى هو والسقعة