التعامل مع الزوج من الالف للياء بمشاركات الاميرات الحائرات وتجاربهم

هههههههههههههههههههههههه
والله يا كوكى يا حبيبتى الموضوع ده اصله من فترة كبيرة وكنت حامل
ودالوقتى البيبى حضر خلاص
وانا كنت وقت الحمل كبرت دماغى مع ان الموضوع كان واخد حده اووووووى
اتصال ومكالمات طول الطريق وهو رايح الشغل طبعا هتوقلى بتعرفى منين ؟من الموبيل طبعا ولما الموضوع افور اوووى لدرجة انه بقىء عايزنى اضع مكياج زيها طبعا هو مكنش بيقول بصراحه بس انا كنت باخد بالى يعنى يقولى ليه متحطيش ابيض فوق عنيكى ليه متعمليش كذا فهمت وقولت عادى الاعجاب بالجمال عادى ولما حاولت اعمل كده الموضوع منفعش معايا لان كل ست ليها الجمال بتعها مش هطول عليكى ......مقدرتش حبه حبه بقيت اتكلم معاه واقصد اجيب سيرتها مع العلم انه مكنش يطيق يسمع اسمها ولما سالته قالى مطلقه بس انسه يعنى مدخلتش دنيا ..سالته حلوة قالى يعنى مناخيرها كبيره ...ولما شوفتها يا اختى يا كوكى لاقيتها حلوة ومدلعه نفسها على الاخر وميك اب كامل وهىء ومىء ودمها خفيف .................الخ
كمان عارف عنها كل حاجه ولما قولتله ليه المكالمات الطويله دى قالى شويه شغل وشويه حنكشه ...وطبعا نسيت اقولك ان الموضوع بدا لما كان مسافر برة وهيه راحت جبته من المطار وانا كنت على علم.....
شويه ولقيت كل المكالمات ليه اساله يقولى شغل
لحد ما عرف ان الموضوع بدا يضيقنى بقىء يفتح الاسبيكر لما يكلمها ...
شويه والمكلمات اختفت لفترة
وبعدين بدات تانى اليومين دول والله يا سارة
عملت مش واخدة بالى وادلعت عليه وقضيت ليله حلوة لحد الشريط ما سف والله
بس عايزة اخد موقف مش عايزة افضل ساكته لحد ما الموضوع يكبر وارجع اقول
يا ريت اللى جرى ما كان ومن ناحية شكلى بحاول اغير
بس انا مش عارفه اقول ولا اسكت
مش عارفه علشان كده متلخبطه اعمل ايه
اغير حاضر هغير معنديش مشكله المهم عندى اعامله ازاى
انا احيانا بتوصل انى مش عارفه ادلع عليه؟؟؟؟؟؟؟؟؟؟؟؟

اه نسيت اقولك يا كوكى
فعلا جوزى دايما يقولى دلعينى دايما بيكررها كتير
انا عايز ادلع مش عايز نكد عايز ست تضحك وتهزر
ايوة هو فعلا قالى كده تفتكرى الحل ده ينفع
رورو حبيبتى انا متشكرة لاهتمامك يا رورو بجد انا هحاول اعمل كل اللى قولتوا عليه

نسيت اقولك يا سارة ان المكالمات الطويله دى بتتم خارج البيت يعنى جوزى بيشتغل فى مكان بعيد عن البيت حوالى ساعتين يعنى طول الطريق طبعا عايز حد يونسه
المكالمات القصيرة تتم فى البيت لما جوزى يكون عنده اجازةمن شغله ممكن تكلمه 25 الف مرة كل مرة لا تتعدى الدقائق القليلة
كمان انا مرة صرحته بحاجه ضيقتنى جدا مقدرتش اسكت عليها وهى
اكتر من مرة اكون بكلمه وهو فى الشغل واسمع تكت اللكعب داخله المكتب يقوم يقولى طب سلام دالوقتى هكلمك بعدين ويقفل معايا وابقى عارفه انها هيه اتغاظ طبعا لما الموضوع اتكرر قولتله طبعا وكان رده انه مش واخد بالهولما اكلمه على الموبيل وميردش اعرف انها معه فى مكتبه وبعدها يتصل ويقولى اصلى كنت مشغول

الموضوع محتاج منك اهتمام
وشكل كده الست دى مش سهله
ماتديهاش فرصه
كلميه كتير فى الشغل
بس مش شغل مراقبه
لاه شويه وحشتنى
تحب اعمل ايه ع الغدا
ابعتيلوا رسايل رومانسيه على الموبيل
اعملى تورته واكتبى عليها بحبك
راقبيه من بعيد من غير مايحس
حاولى تعرفى اكتر عن الست دى
حاولى تخليكى زيها
يعنى انتى بتقولى حلوه ودمها خفيف ونغشه وكده
خليكى كده
شغلى موسيقى هاديه بالليل
اقولك على حاجه وبأذن الله ربنا يكرمك بيها
اجتمعوا مع بعض على طاعه الله
يعنى قوليلوا ايه رائيك نعمل جدول للطاعه
نقول الاذكار مع بعض
تصلى بيا جماعه
ايه رائيك ارقيك وانت ترقينى
وربنا يصلحلك الحال ويعد عنا كل شيطان
سواء من الانس او من الجن

الموضوع مش صعب زي ما البنات متخيلة انا متجوزة ومكنش عندي خبرة في اي حاجة بس طول ما انت ملتزمة بشئون بيتك ومحترمة زوجك ومحترمة اهله الامور هتبقى بسيطة ان شاء الله

تسلمي يارب يا روورو يا ام يوسف ساره ميمو ربنا يسعدنا جميعا


ميمو يا حبيبتى زي ما قلتلك من الاخر هي فاديه بلا مسئوليات فمظبطه نفسها و فرفوشه وبتناغشه كتير افضي ليه شويه المصارحه ممكن تكون بطريقه تانيه مش انك حسه انه معجب بحد اوعي بصي يا ستي قولي له انا حسه اننا بعدنا عن بعض الفتره اللي فاتت ووان الولاد شغلونى عنك بس هنعوض الايام اللي فاتت وكلمتين حلوين وحسه انك متضايق ومتغير فاهمانى بدون ذكر سبب نسائي هيفهم انك حاسه وهيخاف لو صارحتيه هيبقي غلط كبير لااااااااااازم حبه فرفشه وتبعدي عن النكد لانه دلوقتى في مرحله انه بيرفه عن نفسه فاهمه محتاجها حنكشه زي ما قال فاهمه اللي فيها زياده المكياج والحركات انا فاهمه يعنى ايه ام ومحتاسه وحامل وهكذا الوقت مش بيسعفنا وللاسف الرجاله انانيه سيبك بقي من اللي مش بيهمه وركزي في اللي بيهمه بانت يا ميمو وهوه قال لما يرجع يعاتبك هتندمي انا قريتها من كلامك انه محتاج دلع وده حقه وطبعا حقك بس نتكلم في حقك ده بعدين بقي لتن موضوع الست ده زي ما قالت رورو ديه مش سهله هتعودوا عليها بالجري وراه خدي بالك لاحقيه زيها زي ما رورو قالت ليكي طبعا مش شغل مراقبه اوعي بدلع وبعد المقدمه اللي بقولك عليها حاولي ترغي معاه في الطريق ومتقفليش لاي سبب مش متواصل طبعا ممكن متقدريش تدفعي بصي ااااااه هقولك انا مثلا عمله فودافون عندي بتكلم 3 دقايق اخد عليهم ساعتين هديه هاتوا انتم الخطين نفس النوع واعملي كده ايه يعنى جنيه ونص وسليه في الطريق وقولى له اصلك بتوحشنى وببقي عايزه ارغي معاك هيتعود عليكي انتى بدل ما يتعود عليها فاهمانى خدي مكانها بهدوء اوعي تصارحيه هتلفتى نظره ليها اكتر اسحبي السجاده من تحت رجلاها براحه وبعدين طيريها وصدقينى ما دام صارحك وطلب منك انك تدلعيه يبقي هوه بيواجه ضغوط منها يعنى هو خايف من الانجراف ناحيتها ساعديه

الموضوع مش سهل انا عارفه بس الاهتمام هيفرق معاه كتير ديما الحلال بيبقي اصعب في نظره بس اريح نفسيا فهتكسيبه من جديد صدقينى بس ركزي معاه الايام ديه ضرروري لان هو مع انك نسيتيه ومش عن عمد وهي باللي بتعمله هتقلبوا عليكي بجد خدي بالك هوه لسه في المرحله اللي تتلحق ما دام بيلح عليكي صدقينى لو ملحقتيش المرحله الجيه ممكن يقولك اتجوزها انا مش بخوفك بس الحقي وعدلي من نفسك سيبك من عيوبه دلوقتى وركزي معاه وتغاضي وسامحيه علشان بيتك وولادك المشاكل الصغيره تتحل اما بقي الهانم اللي استغلت الموقف ديه هي اللي ملهاش حل عايزه انزلك شويه مواضيع ازاى تهتمي بجووزك الفتره الجيه علي المنتدي حاولى تتابعي قسم الحياه الزوجيه وكمان العلاقه الخاصه هتلاقي مواضيع وحركات وادعي ربنا كتير اوي تمر الازمه ديه وخدي الموضوع اصرار وغيري من نفسك زي ما قلتلك يالا انزلى بقي متكسليش لونى شعرك وحطي مكياج حلو وممكن متطرقع روج احمر او شوفي هوه طلب منك ايه اوعي تطنشي هترجعي تندمي كويس انه بيصرح ليكي بيحب ايه يا بنتى ده سهل اوي تنفذي طلباته لكن بقي الغامض اللي م بتبقي عارفه بيحب ايه بتضطري انك تتابعي نظراته وتشوفي بيحب ايه موال تانى المهم خلينا في اللي احنا فيه وهبدا انزلك مواضيع كتير عن استرجاع الزوج والحياه الزوجيه اهتمممممييييي بيييييييييييه من الاخر وبالاخص التعود التعود التعود احذروا من الكلمه ديه اهم من الجمال كمان الزن علي الودان امر من السحر

بصي كمان يا ميمو حاولي تعملي السيناريو ده

اتصلي بيه
و ماتقوليش اكتر من كلمة واحدة
واحشتني
و اقفلي تاني
بس مش بسرعة عشان نضمن انه سمعك

نص ساعة كده و اتصلي تاني
برضو كلمة واحدة
بحبك
و اقفلي

كمان نص ساعة
و نفس الحوار

اعملي ده لمدة يومين بس

و تالت يوم اتأخري شوية
يعني لو بدأتي الساعة 2 مثلا
تالت يوم ابدئي 2 و نص

لما هيلاقيكي اتأخرتي عن ميعاد السعادة بتاعه هيكلمك هو
و هنا هنبدأ نشده ليكي تاني

في خطة كمان
روحي للكوافيرة و اعملي نفس المكياج اللي كنتي عاملاه يوم الزفاف
و البسي نفس القميص
و حطي برفان جذاب
و مثير
و اعملي حاوار التليفون ده بس هتقولي مستنياك علي نار مثلا او اي كلمة هتكون دليل علي انك مستنياه

و ربنا هيسيب اللي وراه ويجيلك

سيبي يومين كده يكون شكلك فيهم غير معتاد
يعني مثلا هاتي الجلابية بتاعت نانسي عجرم في اغنية اه و نص
ههههههههههههههههههههههههه
بجد مش بهزر و شغلي اغاني رقص و ارقصيله

مثلا ابعتيله رسالة رومانسية و اختميها ب
مستنياك علي نار و في مفاجأة علشانك
او اي جملة من خيالك بس يبقي في مفاجأة

المفاجأة تغيير شامل في شكلك
و لبسك

مثلا هاتي لبس تنكري زي اللي هنا فالمنتدي
او هاتي بدلة رقص مثلا
المهم تلبسي حاجة مشافهاش عليكي قبل كده

مع الاستمرار في حوار المكالمات دي

خلال اسبوع هتلاقيه مابقاش قادر يعيش منغير مكالماتك دي
حتي لو بتقولي بس منغير ماتسمعي
هيتصل هو بيكي عشان يسمعك

في حركات كتير اوي ممكن تتعمل
و هترجعهولك بإذن الله
اهم حاجة
تروشيه
متخليهوش متوقع الحركة اللي جاية ليكي
خليه دايما في حالة اثارة
متشوق يعرف ايه خطوتك الجاية
و نوعي بقي

الافكار مابتخلصش

المهم انك تبدئي

رهيبه يا ساره بجد جامد اوي اللي قلتيه ده وده فكره التعود اللي بتكلم عليها جامده جدا يارب ميحرمنا من افكارك الجامده بجد برافو عليكي

ميرسيييييييييييييييييييييي يا كوكي يا حياتي
ماتحرمش من تشجيعيك يارب ابدا
ولا منك انتي شخصيا يااااااااااااااااااااااارب

مش هتصدقي انا بجيب الافكار دي منين
من القصص اللي قريتها هنا
و شوية خيال بقي
و الافكار تشتغل
ههههههههههههههههههههههههههههههههه

انا بحب استفيد من تجارب الاخرين عشان علي الاقل اتفادي الوقوع في نفس المطب

عشان كده بقرأ كتير
و ده اللي مضيعلي نظري
ههههههههههههههههههههههههههههههههههه
مع الكلية طبعا
هههههههههههههههههههه