ملف شامل عن الاستعداد لرمضان باذن الله

آمين يارب
تسلمى يا امانى ياحبيبتى يارب

مجهووووووود رائع يا فطوم يا قمر بجد تسلم ايديكي الحلوين

وربنا يكرمك انتي واسرتك يارب ورمضان كريم عليكي يا رب

جزاكم الله خيرا يافاطمة ونفعنا به نعم الاختيار كملي في انتظارك

تسلمى يابطوطة هااااااااااااااااايلة والقائمة الاولى عجبانى قوووى يسلم تعبك

الله ينور عليكى يا حبيبتى مجهود جبااااااااااااار ماشاء الله عليكى ربنا يبرك لك فى بناتك يارب وكل سنة وانت طيبة يابطة وكفاية كده اكل وانتظار الجزء الخاص بالعبادات وده الاهم بارك الله فيكى

mishmisha2 كتب:مجهووووووود رائع يا فطوم يا قمر بجد تسلم ايديكي الحلوين

وربنا يكرمك انتي واسرتك يارب ورمضان كريم عليكي يا رب

الله اكرم
تسلميلى يارب يامشمشه ياحبيبتى ربنا يكرمك يارب ومنورانى دايما ياقمر

ام جنة وفرحة كتب:جزاكم الله خيرا يافاطمة ونفعنا به نعم الاختيار كملي في انتظارك

تسلميلى يا ام جنه يارب على المتابعه ربنا يجازيكى خير وينفعنا كلنا بيه يارب

mervat ebrahim mohamed كتب:تسلمى يابطوطة هااااااااااااااااايلة والقائمة الاولى عجبانى قوووى يسلم تعبك

تسلميلى يارب

mervat ebrahim mohamed كتب:الله ينور عليكى يا حبيبتى مجهود جبااااااااااااار ماشاء الله عليكى ربنا يبرك لك فى بناتك يارب وكل سنة وانت طيبة يابطة وكفاية كده اكل وانتظار الجزء الخاص بالعبادات وده الاهم بارك الله فيكى

وانتى طيبه حبيبة قلبى وانا فعلا ابتديت فى الجزء الخاص بالعبادات واتكلمت عن الصلاه فى الصفحه ال23 و ال24 حتلاقيه
وان شاء الله نكمل مع بعض عشان نلحق قبل رمضان مايبتدى نكزن عملنا خطه للعبادات باذن الله

تسلم ايدك يا قمر وربنا يباركلك يارب يا طتى يا حبيبتى وانا همشى على اللى انتى بتقوليه ان شاء الله بس ربنا يقدرنى وربنا يخليكى لينا يارب

ربنا يقدرك يا ايمى ياحبيبة قلبى يارب

نكمل موضوع الصلاة

وياترى الاول طبقنا الى قلناه فى المره الى فاتت ولا لا

انهارده ان شاء الله عايزين نتكلم عن موضوع مهم جدا هو

الخشوع فى الصلاة

قال تعالى ( أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقً )

ححاول اتكلم فيه على قد ماقدر لانه موضوع كبير وانا مش الخبيره ولا العالمه ولكن بحاول اذكر نفسى واذكركم وربنا ينفعنا يارب

طبعا فى مواضيع كتير جدا بتتكلم عن الخشوع فى الصلاه معناه واسبابه وطرق الوصول اليه

لكن انا انهارده حتكلم عن الموضوع بشكل بسيط جدا

اولا احنا عارفين ايه معنى الخشوع فى الصلاه بشكل بسيط جدا هو انى اكون مركزه فى صلاتى قلبى وعقلى وكل جوارحى خاشعه لله تعالى ومابفكرش فى حاجه غير فى الصلاه ومستشعره عظمة الله سبحانه وتعالى الى واقفه بين ايديه وبأدى العباده دى ليه


طيب ليه انا المفروض اخشع فى الصلاه ؟

اولا لانها لذه لازم ماضيعهاش على نفسى بتريح نفسى من هموم الدنيا كان صلى الله عليه وسلم بيقول ( اريحنا بها يابلال )

ثانيا لان المؤمن ليس له من صلاته الا ماعقل يعنى ايه ؟
يعنى انه مابيحسبش ليه من صلاته الا الى الجزء الى كان خاشع ومركز فيه مش سرحان
يعنى صلاتى كده تبقى غلط لو ماخشعتش فى الصلاه ؟
لا احنا مانقدرش نقول كده هى بس بتسقط عنك ذنب ترك الفرض لكن لاتثاب عليها
بل ان والعياذ بالله الى بيأدى صلاته مجرد حركات بتلقى صلاته فى وجهه



طيب ازاى اقدر اخشع فى صلاتى؟

اولا لازم قبل مابتدى صلاه استحضر عظمة الله سبحانه وتعالى الذى سوف اقف بين يديه سبحانه وتعالى لازم استشعر حاجه زى دى
واستشعر عظمة العباده الى انا سوف أؤديها

واعد نفسى تماما لاداه عباده زى دى يعنى أهيئ نفسى و المكان الى انا حأدى فيه الصلاه على قد ماقدر ماخليش حواليا اىة حاجه تشغلنى

احاول اطلع اى حاجه فى دماغى من امور الدنيا بمجرد تكبيرة الاحرام انسى كل حاجه واحاول واجاهد نفسى الاماره بالسوء على انى اركز فى صلاتى بس

ثانيا أقرأ بصوت اسمع بيه نفسى وببطء واحاول اركز فى كل كلمه كلمه بقولها استشعر معناها
وحيفدنى فى كده انى اقرأ تفسير سورة الفاتحه والسور والايات الى بقرأها فى الصلاة واعرف معانى الاذكار الى بقولها فى صلاتى

ولازم اعرف ان ربنا سبحان الله وتعالى بيرد عليا وانا بقرأ سورة الفاتحه فلازم أقرأها بتمهل وتركيز


بِسْمِ ٱللَّهِ ٱلرَّحْمَـٰنِ ٱلرَّحِيمِ ﴿1﴾
ٱلْحَمْدُ لِلَّهِ رَبِّ ٱلْعَـٰلَمِينَ ﴿2﴾ ٱلرَّحْمَـٰنِ ٱلرَّحِيمِ ﴿3﴾ مَـٰلِكِ يَوْمِ ٱلدِّينِ ﴿4﴾
إِيَّاكَ نَعْبُدُ وَإِيَّاكَ نَسْتَعِينُ ﴿5﴾ ٱهْدِنَا ٱلصِّرَ‌ٰطَ ٱلْمُسْتَقِيمَ ﴿6﴾
صِرَ‌ٰطَ ٱلَّذِينَ أَنْعَمْتَ عَلَيْهِمْ غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ ﴿7﴾

ثم نقرأ المعانى التالية ونضعها فى فكرنا (نفكر فيها)


( ربّ العالمين) مربّيهم ومالكهم ومدبر أمورهم
4- ( يوم الدّين) يوم الجزاء
6- ( اهدنا الصّراط المستقيم) وفّقنا للثّبات على الطريق الواضح الذي لا اعوجاج فيه وهو الإسلام
7- ( المغضوب عليهم) اليهود
( الضّالين) النصارى وكذا أشباههم في الضلال



ثم نأتى على كل آيه نقرأها هى والتفسير الميسر لها(قراءه سريعة بفهم) كالأتى:.


بِسْمِ اللَّهِ الرَّحْمَٰنِ الرَّحِيمِ

سورة الفاتحة سميت هذه السورة بالفاتحة; لأنه يفتتح بها القرآن العظيم, وتسمى المثاني; لأنها تقرأ في كل ركعة, ولها أسماء أخر. أبتدئ قراءة القرآن باسم الله مستعينا به, (اللهِ) علم على الرب -تبارك وتعالى- المعبود بحق دون سواه, وهو أخص أسماء الله تعالى, ولا يسمى به غيره سبحانه. (الرَّحْمَنِ) ذي الرحمة العامة الذي وسعت رحمته جميع الخلق, (الرَّحِيمِ) بالمؤمنين, وهما اسمان من أسمائه تعالى، يتضمنان إثبات صفة الرحمة لله تعالى كما يليق بجلاله.

الْحَمْدُ لِلَّهِ رَبِّ الْعَالَمِينَ

(الحَمْدُ للهِ رَبِّ العَالَمِينَ) الثناء على الله بصفاته التي كلُّها أوصاف كمال, وبنعمه الظاهرة والباطنة، الدينية والدنيوية، وفي ضمنه أَمْرٌ لعباده أن يحمدوه, فهو المستحق له وحده, وهو سبحانه المنشئ للخلق, القائم بأمورهم, المربي لجميع خلقه بنعمه, ولأوليائه بالإيمان والعمل الصالح.


الرَّحْمَٰنِ الرَّحِيمِ


(الرَّحْمَنِ) الذي وسعت رحمته جميع الخلق, (الرَّحِيمِ), بالمؤمنين, وهما اسمان من أسماء الله تعالى.
مَالِكِ يَوْمِ الدِّينِ

وهو سبحانه وحده مالك يوم القيامة, وهو يوم الجزاء على الأعمال. وفي قراءة المسلم لهذه الآية في كل ركعة من صلواته تذكير له باليوم الآخر, وحثٌّ له على الاستعداد بالعمل الصالح, والكف عن المعاصي والسيئات.


إِيَّاكَ نَعْبُدُ وَإِيَّاكَ نَسْتَعِينُ

إنا نخصك وحدك بالعبادة, ونستعين بك وحدك في جميع أمورنا, فالأمر كله بيدك, لا يملك منه أحد مثقال ذرة. وفي هذه الآية دليل على أن العبد لا يجوز له أن يصرف شيئًا من أنواع العبادة كالدعاء والاستغاثة والذبح والطواف إلا لله وحده, وفيها شفاء القلوب من داء التعلق بغير الله, ومن أمراض الرياء والعجب, والكبرياء.


اهْدِنَا الصِّرَاطَ الْمُسْتَقِيمَ

دُلَّنا, وأرشدنا, ووفقنا إلى الطريق المستقيم, وثبتنا عليه حتى نلقاك, وهو الإسلام، الذي هو الطريق الواضح الموصل إلى رضوان الله وإلى جنته, الذي دلّ عليه خاتم رسله وأنبيائه محمد صلى الله عليه وسلم, فلا سبيل إلى سعادة العبد إلا بالاستقامة عليه.


صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ

طريق الذين أنعمت عليهم من النبيين والصدِّيقين والشهداء والصالحين, فهم أهل الهداية والاستقامة, ولا تجعلنا ممن سلك طريق المغضوب عليهم, الذين عرفوا الحق ولم يعملوا به, وهم اليهود, ومن كان على شاكلتهم, والضالين, وهم الذين لم يهتدوا, فضلوا الطريق, وهم النصارى, ومن اتبع سنتهم. وفي هذا الدعاء شفاء لقلب المسلم من مرض الجحود والجهل والضلال, ودلالة على أن أعظم نعمة على الإطلاق هي نعمة الإسلام, فمن كان أعرف للحق وأتبع له, كان أولى بالصراط المستقيم, ولا ريب أن أصحاب رسول الله صلى الله عليه وسلم هم أولى الناس بذلك بعد الأنبياء عليهم السلام, فدلت الآية على فضلهم, وعظيم منزلتهم, رضي الله عنهم.
ويستحب للقارئ أن يقول في الصلاة بعد قراءة الفاتحة: (آمين), ومعناها: اللهم استجب, وليست آية من سورة الفاتحة باتفاق العلماء; ولهذا أجمعوا على عدم كتابتها في المصاحف.

التفسير ده كانت امانى جزاها الله خير جابتهولنا فى موضوعها بتاع تفسير جزء عم ربنا يجعله فى ميزان حسناتها يارب

ثالثا واهم حاجه لازم احس ان انا وانا واقفه اصلى انى بكلم ربنا سبحانه وتعالى مباشرة منى ليه اناجيه واطلب منه الى انا عايزاه احمده على نعمه واشكر فضله واشتيكيله همى
بجد لو حطيت النقطه دى فى دماغى واستشعرتها حيكون لصلاتى طعم تانى خالص


وربنا يرزقنا ويرزقكم الخشوع فى الصلاة



المره الجايه ان شاء الله حنتكلم عن عباده تانيه من العبادات الى حتبقى فى خطتنا باذن الله استعدادا لرمضان

تابعونى

بارك الله فيكي يافاطمة