ملف شامل عن الاستعداد لرمضان باذن الله

مشكورررررررررررررررررررررا

موضوع اكثر من رائع جعله الله فى ميزن حسناتك

موضوع حلو حلو

بجد استفدت منة جدا بس للاسف مشفتوش فى وقتة كنت ساعتها لسة عروسة

بس سبحان الله من غير ما اشوفة عملت حاجات كتير منة السنة اللى فاتت جهزت حاجات كتير وخزنتها علشان انا بشتغل وبرجع مش بقدر اعمل حاجة

ام الحلوات كتب:ي

تسلميلى يارب ويسلملى مرورك

كليوباترا كتب:ربنا يمسيكي بالخير يا فطومه وحشتينا اوي اوي سبحان الله لما كنتي في ايطاليا كنتي معانا ولما جيتى مصر مش عارفين نوصلك الحمد لله علي كل حال يارب يرجعك لينا بالف سلامه

ربنا يخليكى ليا يا كليوباترا يارب ان شاء الله حبيبة قلبى حكون معاكم علطول ونرجع ايام زمان باذن الله والحمد لله انى لحقت اكون معاكم قبل رمضان عشان نلحق نستعد ليه سوا زى السنه الى فاتت ان شاء الله

هندادم كتب:مشكورررررررررررررررررررررا

ياقمر

قمرايه كتب:موضوع اكثر من رائع جعله الله فى ميزن حسناتك

يارب ياحبيبتى

oshi410 كتب:موضوع حلو حلو

بجد استفدت منة جدا بس للاسف مشفتوش فى وقتة كنت ساعتها لسة عروسة

بس سبحان الله من غير ما اشوفة عملت حاجات كتير منة السنة اللى فاتت جهزت حاجات كتير وخزنتها علشان انا بشتغل وبرجع مش بقدر اعمل حاجة

ربنا يعينك يارب يا اوشى يا حبيبة قلبى وعقبال كل سنه وانتى طيبه ياقمر

الجزء الاول


تنظيف البيت







طبعا احنا كل الى فاضل قدامنا شهر واحد عايزين نقسم فيه الشغل كله ونخلص كل الى ورانا
اول جزء حنتكلم عنه هو تنظيف البيت
عايزين نمسك البيت جزء وجزء ونظفه


اولا طبعا اهم جزء عايز نظافه هو المطبخ عشان يكون مستعد للشغل التقيل


حنمسك جدران المطبخ كلها ونغسلها كويس بالنسبه للسيراميك افضل طريقه لغسله وده كنت قرأته فى اكتر من موضوع هنا هو انك تغسليه بماء مضاف عليه خل وكحول وليمون بس قرأت فى موضوع اخر انك المفروض ماتضيفيش الكحول مع الخل فممكن تكتفى بخل وليمون

وكمان حنغسل الشباك والباب كويس

وكمان الشفاط فكيه وانقعى الاجزاء بتاعته الى الدهون لازقه فيها فى ميه وصابون او نفس المحلول الى استخدمتيه فى نظافة السيراميك وبعدين ادعكيه حينظف معاكى بسرعه ان شاء الله

الحنفيه والمقابض والحوض حتدعكيها كويس ولو الحوض اتسد حطى فيه بيكربونات صوديوم وصبى فوقه خل حيتسلك علطول انا كنت قرأت الطريقه دى فى موضوع هنا وجربته وفعلا ادانى نتيجه جميله

التلاجه حتفصليها وتفضيها وتطلعى الادراج والارفف كلها وتغسليها بالميه والصابون وتغسلى التلاجه من جوه وتمسحيها بميه وليمون عشان تكون ريحتها حلوه
وعشان الريحه ممكن تحطى فيها بيكربونات صوديوم او قطع من قشر ليمون وبرتقال او قطعه قماش مبلله وعليها فانيليا

التيربو حتفضيه وتنظفيه

وطبعا دواليب المظبخ من جوا ومن برا


البوتجاز حتفكى العيون وتدعكيه كويس حته حته والعيون بتاعته حتنقعيها فى ميه وليمون وخل
ممكن تفرشى عليه ورق المونيوم بيكون مخصص لكده وتغييريه كل فتره عشان تحافظى على نظافة البوتجاز

الحلل بتاعتك لازم تكون نظيفه كويس من جوا ومن برا كويس ادعكيها بالسلك مع ان اصلا الالمونيوم ده احنا المفروض نرميه ونستبدله بالاستلس لانه جزيئات الالمونيوم دى بتتفاعل مع الاكل وتترسب فى المخ وتدمر خلاياه وبتسبب الزهايمر والعياذ بالله ولو عندك طاسه اثار الزمن ظهرت عليها انا قرأت موضوع انك ممكن تحطيها على النار ساعتين لحد ماتتحرق وطبعا تفتحى الشفاط والشبابيك عشان الدخان وبعدين تدعكيها بالسلك حترجع جديده
وبراد الشاى عشان تنظفى الترسيبات الى فيه حطى فيه ميه وليمون بلاش خل عشان الريحه وسيبيه يغلى على النار وبمسحه خفيفه حينظف ان شاء الله
وقطاعة الخضار ادعكيها بليمون وسيبيها تلت ساعه قبل ماتغسليه
الليمون روعه وبينظف البقع الى موجوده فى المطبخ عموما وممكن تدعكى بيه الحنفيات كمان

وممكن تحكى فى الميه دى قرفه او قرنفل او قشر برتقال لو عايزه تدى ريحه حلوه لمطبخك وشقتك

الميكروويف حتحطى فيه اناء فيه ماء وليمون و بعد مالماء يتبخر منه حتدعكى الفرن من جوى كويس حينظف معاكى ان شاء الله

فرن الكهرباء وهو سخن جدا اول ماتقفليه حتشيلى الفيشه وتحطى فيه اناء فيه ميه وليمون وتقفليه ووبعد مايتبخر منه شويه حتفتحيه وتنظفيه كويس بس اوعى تشغليه بعدها علطول سيبيه شويه ينشف لحسن يكهربك
انا عمرى ماجربت الطريقه دى انا بستخدم البخاخات المخصصه لتنظيف الفرن والبوتجاز بس عيبها ان ريحتها نفاذه


وطبعا لازم تنشفى كويس بحته قطن نظيفه كل الحاجات الى انتى غسلتيها فوق دى من اول الجدران لحد الفرن لان دى اهم خطوه عندى كتير بينساها صحيح فى حاجات بيكون الافضل نسيبها تنشف لوحدها زى الاطباق والكوبايات
لكن كل الى فوق ده بيحتاج يتنشف بمجرد ماتغسليه وكمان الحمامات الى حندخل عليها دلوقتى

وطبعا ده كله مع الحفاظ على النظافه اليوميه الى بعد كده مش حتاخد مننا وقت ولا مجهود لان الحاجه بقت نظيفه وانتى بس حتنظفى الاوساخ البسيطه الى بتيجى عليها من الاستخدام اليومى لكن الحمد لله ماعدش فيه لادهون ولا اوساخ متراكمه






ثانيا الحمام

طبعا الحمام من الحاجات الى بتحتاج نظافه يوميه لكن طبعا انا مش حغسله كله يوميا فى حاجات بتتغسل اسبوعيا

حنغسله كله بس هو طبعا نظافته مش سعبه زى المطبخ لان مافيهوش دهون

حنغسل البانيو والقاعده الحنفيات والباب والشباك ومقابضهم وطبعا الجدران والارضيات




كمان لازم تنظفى النيش وكل الاطباق والكوبايات الى فيه عشان لو احتجتى اى حاجه منها فى عزومه تكون نظيفه وعلى مسحه خفيفه وخلاص

وكمان المراوح الى عندك فى البيت

الستاير والسجاد

كل ده لازم يكون نظيف عندى قبل رمضان عشان ما اضيعش اى وقت فى رمضان







الجزء الثانى


تجهيز الاكل وتخزينه





اولا طبعا تموين رمضان عايز ميزانيه لوحده عشان كده ممكن وانتى بتجيبى الطلبات كل اسبوع تزودى عليهم شوية حاجات من بتاعة رمضان شويه بشويه عشان ماتحسيش بيهم والراجل يقلبها نكد من كتر المصاريف واحده واحده ولا خبطه جامده





فى ناس بتحب انها توضب الاكل وتخزنه فى الفريزر وهو جاهز وفى ناس بتحب تعمل الاكل اول باول

حنتكلم عن الاتنين ان شاء الله للى عايزه تخزن فى الفريزر والى عايزه تعمله اول باول حنقولها ازاى تجهز معظم الحاجات الى توفر معاها وقت وماتخليش تحضير الفطار ياخد منها وقت طويل باذن الله
وكل واحده تختار الى يناسبها باذن الله






البلححيبقى جميل جدا لو كل يوم من دلوقتى لحد رمضان لو قعدتى تفصصى شويه بشويه لحد ماتخلصى الكميه الى بتقضيكى ط.ول رمضان تفصيص بحيث انه يكون جاهز على النقع علطوووووول


العصيرممكن تعمليه يبقى جاهز على الشرب وتعبيه فى ازايز وعلى الفريزر وتطلعيه على الشرب مش حيجراله اى حاجه
وممكن انك توضبى الماده الخام بتاعته وتخزنيها فى الفريزر وتطلعيها على الخلاط مع الميه والسكر
وحنتكلم عن انواع العصاير واحده واحده

التمر هندى حتنقعيه لمدة 8 ساعات وفى ناس بتغليه بس يادوبك يغلى شويه وتشيليه زى ماتحبى فى كميه ميه بسيطه عشان يكون مركز وبعدين تصفيه من الميه وتزوديه سكر وتحطيه فى الفريز ووقت الشرب تطلعيه وتزوديه ميه
كوب التمر هندى بيحتاج 8 كوبايات ماء ننقعه فى كوب او اتنين ونزود الباقى عند الشرب

قمر الدين حتنقعيه فى الميه لفه او اتنين بردو شويه مش كتير وتسيبيه لتانى يوم وبعدين تضربيه فى الخلاط حيكون تقيل قوى حنضيف عليه السكر ونعينه فى برطمانات ونطلعه يادوبك نزود ميه

وممكن نعمل عصير مشمش بدل قمر الدين حتفصصى المشمش وتطلعى البذر وبعدين تسلقيه كويس قى شوية ميه لحد مايكون طرى وبعدين تضربيه فى الخلاط مع الميه الى سلقتيه فيها والسكر وتخزينيه فى الفريزر

تمر هندى بالكركديهحتنقعى كمية من التمر هندى ومعاها كميه مساوية من الكركديه
ممكن تنقعيهم فى ميه مغليه اول ماتطفى عليها النار وتسيبيها لحد ماتبرد وتعبيها
الربع كيلو من كل نوع بيحتاجو لتر ماء مغلى
وتجهزى شربات زى بتاع الكنافه بس يكون خفيف عباره عن 2 كوب ماء وكوب ونص سكر وتعبيه هو كمان وتحطيه فى التلاجه ووقت الشرب تخلطيهم على البعض وترجى كويس عشان يمتزجو مع بعض


الفراوله حتغسليها وتشيلى الاوراق الخضرا منها وبعد ماتجف من الميه كويس تقطعيها وتعبيها فى اكياس بلاستك جافه وتخزنيها فى الفريزر وتطلعيها على الخلاط وتزوديها الميه والسكر


المانجا حنتقيها جامده وانتى بتشتريها وبعدين تقشريها وتقطعيها شرائح عريضه وترشى عليها عصير ليمون وبعدين تعبيها فى اكياس بلاستك جافه وفى الفريزر


الجوافه حتغسليها وبعدين تقطعيها وتشيلى البذر منها وترشى عليها ليمون وسكر وتعبيها فى اكياس بلاستك وفى الفريزر


التفاح حتغسليه وتقشريه وتقطعيه وترشى عليه ليمون وسكر وتعبى فى اكياس بلاستك وعلى الفريزر



الخوخ والمشمش حتغسليهم وبعدين تحطيهم فى ميه مغليه يادوبك ثوانى وتيليهم وتحطيهم فى ميه مثلجه وبعدين تقشريهم وتقطعيهم وتضيفى عليهم ليمون وسكر وتخزنيهم فى اكياس بلاستك فى الفريزر


كل انواع الفاكهه دى ممكن انك بعد ماتقطعيها تضربيها فى الخلاط مع شوية ميه وسكر وتخزنيها فى الفريزر وتبقى تطلعيها من الفريزر وتزوديها ميه زى ماتحبى


السوبيا
حتجيبى نص كوب لبن نيدو بودرة (ناشف من العلبة على طول او 2 الى 3 اكياس صغيرة )
ونص كيلو سكر
و2 باكو فانيليا
نصف كيلو حليب بارد
روح او ريحة جوز الهند الخام هنحتاج منها حوالى ثلاث من ملاعق صغيرة ( بتيجى فى ازازه صغيره من عند العطار )
10 كوب ماء

ضعى السكر و اللبن البودرة و الفانيليا فى الخلاط وهما زى ماهما جاففين وشغليه لدقائق عشان المكونات تخلط
ضعى الحليب السائل و كمية ريحة جوز الهند و شغلى الخلاط
وبعد كده ضيفى الماء كله واخلطى كله مع بعض كويس

الخروب حتجيبى كميه من الخروب وتضيفى عليها نفس الكميه من السكر يعني لو هتعملي كوبايتين خروب بتحطي معاهم كوبايتين سكر، وبتسيبيهم على النار لغاية ما تحسي إنهم بقوا شبه الكراميل شوية، وبعد كده ضيفي عليهم المية، بحيث إنك لو هتحطي كوب واحد من الخروب، تضيفي عليهم 3 أو 4 كوبايات مية، وسيبيهم لغاية ما يغلوا على النار وبعد كده شيليهم من على النار، وسيبيهم لغاية ما يبردوا وبعد كده صفّيهم، وقسّميهم على أكياس أو زجاجات بلاستيك وشيليهم في الفريزر.

الدوم بنفس طريقة الخروب

العرقسوس حتجيبى العرقسوس وتحطى عليه رشه بسيطه من بيكربونات الصوديوم وبعدين تحطى عليهم شويه صغيرين جدا ميه وتعجنيهم بيها وبعدين تحطيهم فى الشمس لحدمايغمقو بياخدو حوالى ساعتين وبعدين تعبيهم فى شاشه وتربطيها وتحطيها فى الميه وتسيبيها شويه وبعدين تعصرى الشاشه كويس بعد ماتطلعيها
بس اعتقد ان العرقسوس ماينفعش يتخزن يعنى على الشرب علطول

الليمون ممكن تعصريه وتحفظى عصيره عشان تعملى بيه عصير الليمون مع النعاع الاخضر بيكون منعش






الحلقه التانيه من الجزء التانى







انهارده ان شاء الله حنتكلم عن الخضار الى بحتاجه فى الطبيخ ازاى احفظه فى الفريزر عشان يكون جاهز عندى على الطبيخ علطول

حنتكلم اول حاجه عن اكنر حاجه بنستعملها وهى البصل

البصل ممكن انك تفرميه وبعدين تحطيه فى اكياس فى الفريزر زى ماهو
والافضل ودى طريقه ناس كتير جربتها وبتشكر فيها بس انا عن نفسى بصراحه ماجربتهاش هى انك تحمريه الاول فى شوية زيت وبعدين تحطيه فى الفريزر فى اكياس بلاستيك


الثوم طريقة حفظ التوم ودى متجربه كتير جدا فى رمضان وغيره لانها بتوفر وقت هو انك تقشريه وتفرميه وبعدين تحفظيه زى مكعبات التلج وممكن كمان انك تحفظيه وهو فصوص كامله زى ماهى من غير فرم يادوبك متقشر وتطلعيه يفك شويه وبعدين تفرميه


الطماطم فى ناس بتغسلها وتقطعها اربع وتحفظها فى اكياس بلاستك فى الفريزر
والطريقه الصحيحه لحفظها كده هى ان تغسل وتوضع في ماء مغلي ثوان لا تخليها تذوب ثم توضع في ماء مثلج ثم تقشر وتقطع وتحفظ







تشيلي البذور






لكن افضل طريقه لحفظها والى بتوفر وقت جدا معاكى وبنصيحة الجميع لازم تجربيها فى رمضان وغيره هو انك تعمليها صلصه وتحفظيها فى برطمانات
وطريقة عمل الصلصه هو انك تضربيها فى الخلاط كويس ولو عايزه تصفيها عشان القشر والبذر وفى ناس مابتصفيش وبتعملها زى ماهى زى ماتحبى وبعدين تحطى الطماطم فى حله كبيره وتسيبيها تتسبك كويس وماتنسيش تزودى ليها الملح والبهارات
وبعد ماتبرد تعبيها فى برطمانات وعلى الفريزر والبرطمان الى حتطلعيه وتحطيه فى الثلاجه عشان تستعملى منه ماتنسيش تزودى زيت على الوش وتبقى تنظفى حوافه كويس بعد كل استخدام


البقدونس والخضروات الورقيه عموما ممكن يقعد فى التلاجه لمدة اسبوع لما تحطيه فى كيس قماش من غير ماتغسليه عشان الكيس القماش بيمتص الرطوبه
ولو عايزه تحفظيه لفتره اطول ودى طريقه انا مجرباها وهى انك تغسليه وبعدين تنشفيه كويس وبعدين تفرميه وتعبيه فى اكياس بلاستك وتحطيه فى الفريزر
وفى طريقه تانيه لحفظه وهو انك تجففه بس انا ماجربتهاش لكن هى متحربه ومشكور فيها وهى انك تغسليها وتنشفيها من المية كويس ولازم تكونى جايباها خضره طش مصفره ولا دبلانه
وتخرطيها ناعم بالسكينة عادى
وتحطيها فى طبق واسع او اى حاجة عندك وتفرديها عليها
وتسيبيها تقريبا من 4 الى 5 ايام جمبك فى المطبخ وكل يوم تقلبيها تقليبة
وتسيبيها فى المطبخ لحد ما هتلاقيها نشفت زى الملوخية او النعناع
اوعى تحطيها فى الشمس لان الشمس هتصفر الورق
سيبيها تنشف طبيعى فى الجو العادى ويوم ورايوم قلبى تقليبة
وهتلاقيها نشفت واى ورق اصفر يظهر فيها شيليه حتلاقى حاجات بسيطه وتقدرى بعدها تفركيها بأيدك وهتبقى ناعمة جدا
بعد كدة حطيها فى علبة واقفلى عليها
ووقت ما تحتاجى تاخدى منها وتستعملى
الاحلى بقى فى الموضوع انك بمجرد ما تحطيه فى الاكل تلاقيه رجع اخضر ولونة جميل جدا
الطريقة دى تنفع مع كل انواع الخضرة الشبت البقدونس الكسبرة وطبعا هيستفيد منة اكتر اللى كانوا بيرموا كمية كبيرة من الخضرة
وكمان بتقعد فتره طويله لكن اوعى يجى عليها ميه


الملوخيهفى اكتر من طريقه لحفزها وكلهم نتايجهم هايله وفى الاكل بتكون زى الطازه بالظبط
ممكن تضربيها فى الخلاط مع شوية شوربه وليمون وتعبيها فى اكياس كل طبخه بطبختها وتحطيها فى الفريزر
وممكن تخرطيها وتعبيها علطول فى اكياس وفى الفريزر
وممكن تتطبيخها وتحطيها جاهزه فى الفريزر

الجزر تبشريه وتعبيه فى اكياس فى الفريزر عشان السلطه او تقطعيه مكعبات عشان البسله

البطاطس الطريقه دى لازم تجربيها طول السنه لانها بتدى احلى نتيجه للبطاطس المقليه وهى انك تقشرى البطاطس وتقطعيها صوابع وبعدين تحطيها فى ميه بتغلى مضاف ليها ربع كيلو خل وملح لمدة 5 او 6 دقائق بالظبط وبعدين تطلعيها من الميه وتسيبيها تتصفى وتبرد وبعدين تعبيها فى اكياس واوعى تكبسيها وتحطيها فى الفريزر وتطلعيهامن الفريزر تحطيها فى الزيت السخن علطول
من غير ماتفك حتكون مقرمشه وجميله جدا
وماتنسيش تغطى الاناء الى بتقلى فيه عشان الدخان والريحه وعشان يقلل من تأكسد الزيت وعشان يسرع السوى

ويفضل ان اى خضار عندك متجمد فى الفريزر تطلعيه فى الفريزر على النار علطول من غير ماتفك ماعدا الملوخيه بتحتاج انها تتفك وتتضرب فى شوية شوربه صغيره جدا قبل ماتسويها

ورق العنب فى ناس بتغسله وتنشفه كويس جدا وطبعا اى طريقة حفظ لورق العنب اوعى تشيلى قبلها العروق
العروق بتتشال عند الاستعمال وبعدين تفرد الورق وتلفه على بعض تبرمه وتعبيه فى علبه وتكبسه كويس وتقفلها كويس وتسيبه برا التلاجه وعند الاستخدام تطلعيه وتسلقيه بس انا بصراحه ماجربتش الطريقه دى ومش واثقه فيها
الطريقه الى انا اعرفها ومجرباها هو انك تسلقيها فى ميه مغليه عليها ملح وليمون وبعدين تحطيها فى ميه مثلجه وبعدين تعبيها فى اكياس بلاستك بعد ماتفردى كل ورقه كويس
او انك تعبيها فى برطمان وتكبسيه كويس وتزوديه ميه وملح زى المخلل بس تبقى تغسليه بشوية ميه لما تطلعيه قبل ماتستخدميه عشان ينزل الملح الزياده

الفاصوليا الخضراء
اولا تغسل وتقطع اطرافها ثم تقطع اجزاء






تغلى قليلا في ماء وملح

\


توضع في ماء مثلج
على فكره يابنات هى بتوضع فى ماء مثلج بعد الماء المغلى مباشرة عشان نحافظ على اللون الاخضر



تصفى ثم توضع في اكياس وتوضع في الفريزر



الباميه زى الفاصوليا بالظبط

الباذنجان او الكوسه حتقطعيهم شرايح وتحمريهم فى الزيت وبعدين تصفيهم كويس من الزيت ولما يبردو تعبيها فى اكياس وتحطيهم فى الفريزر




ملحوظه
من المفضل سلق الخضار قبل تجميدها لكي تحتفظ بنكهتها
ثم ضعيها في أكياس من النايلون وفرغيه من الهواء
ثم اغلقيه باحكام
الاكياس الى يتم الحفظ فيه لازم تكون متينه وفى اكياس مخصصه لكده
زى ماقلت فوق الميه المثلجه للاحتفاز باللون الاخضر
والليمون عشان الاسمرار

أطول مدة ممكنة لحفظ الخضار هي:
12 شهر


الفاكهة:

الفاكهة الناضجة كثيراً أو المرضوضة يجب أن لا تجلد
الفاكهة الكبيرة يجب أن تنزعي بذورها وقشريها قبل التجليد
الفاكهة الطرية مثل التوت والفريز (الفراولة) يمكنك تجليدها بعد رشها بالسكر الناعم
أو بدون سكر أو مع الشراب

أطول مدة ممكنة لحفظ الفاكهة هي:
الفاكهة مع السكر (أي المحلاة بالسكر) 12 شهر
الفاكهة المهروسة أو الفاكهة بدون سكر 6 أشهر







الفووووووووووووووووووووووووووووووووووووول

الفول المدمس




طريقة تدميس الفول






الاول لازم تختارى حبة الفول

لونها فاتح
كبيره ومكوره كده وجميله
عليها القيمه يعنى

اول خطوه تنقعى الفول من 6 ساعات مش اقل من 4 ساعات على اقل تقدير ويفضل ان الميه الى تنقيعها فيه تكون سخنه جدا وكميه كفايه

النقع مهم جدا لان الحبوب الناشفه زى الفول والترمس بيكون فيها مواد سامه بتذوب فى الماء
والميه السخنه يقال انها السبب فى انه مايسمرش


تانى خطوه حتصفيه من ميته وتحطيه فى حله وتحطى عليه ميه سخنه تانى وتسيبيه يغلى غلوتين وبعدين تصفيه من الميه دى وتسيبيه يبرد

ثالث خطوة تحطيه فى اناء عمييييييييييييييق زى مثلا غلاية لبن كبيره وتضيفى عليه لو هو ربع كيلو فول معلقة رز ومعلقة عدس
وتضيفى اضافتك الى تحبيها طماطم ثوم شرايح ليمون فى ناس بتضيف بصل او جزر
وتزوديله ميه سخنه بتغلى
وتعلقيه على النار على اقل نار عندك لازم تكون هاديه جداااااااااااااااااااااااا
وفى ناس بتجيب سخان مخصوص للتدميس




حتسيبيه يستوى على مهله فى انواع بيوصل سواها ل 10 ساعات وكل مايحتاج ميه حتزوديه ميه سخنه بتغلى

زى ماقلنا فى ناس بتقول عشان مايسودش
وكمان لو لقيتى حاجه بنى على الوش شيليه بردو بيقولو انك لو سبتيها حتخليه يسود
ويقال انك لو زودتيه بيكنج بودر او بيكربونات صوديوم معلقه صغيره حيخليه يستووى بسرعه وقشرته تكون طريه
عشان يكون ابيض زودى على الفول فول مدشوش



بعد مايبرد حتعبيه فى اكياس وتحطيه فى الفريزر وتطلعيه كيس بكيس وتعمليه بالطريقه الى تحبيها





وبالهنا والشفا



أطباق الفول اللذيذة

لعيون احلى اميرات جبت شوية اطباق فول يارب تعجبكم



فول بالرمان

نسخن الفول مع شوية ميه وزيت ونضيف الملح والتوابل والليمون وبعدين نغرفه فى طبق التقديم ونضيف عليه
بصل مفروم ناعم
بقدونس مفروم ناعم
حب رمان
وطماطم
وثوم حسب الرغبه



طاجن الفول بالبيض

نجيب طاسه كبيره نحط فيها زيت ونحطها على النار ونقطع بصل ونسيبه يصفر نحط ثوم مفروم ونقلب وبعدين نحط طماطم مقطعه مكعبات ونحط صلصة طماطم مع فلفل اخضر ونحط الملح والتوابل ونسيبها على النار لحد ماتتسبك وبعد مانشيلها من على النار نضيف بقدونس اخضر مفروم ناعم وكزيره خضراء وشبت ونضيف الفول نقلب كويس وبعدين نجيب طاجن او صينيه نحطهم فيه ونكسر البيض على الوش بيضه فى كل ناحيه من الصينيه واوعى تقلبى ترشى على البيض رشة فلفل ويدخل الفرن لحد مالبيض يستوى



الفول بالبيض

حنسوى البيض فى الزبده عادى زى مابنعمله وبعدين نضيف الفول والملح والبهارات



فول باللحمه المفرومه

نحط فى الطاسه شوية زيت ونحطها على النار ونحط فيها فلفل رومى مقطع وثوم مفروم وبعدين نحط الصلصه مع البهارات ثم اللحمه المفرومه ولما تستوى نحط الفول والملح



الفول بالزيت الحار ( زيت بذرة الكتان )

حنسخن الفول الاول على النار وبعدين نضيف الزيت الحار والملح والبهارات وممكن نزود بقدونس لو عايزيين



فول بالخلطه

نحط فى طاسه على النار زيت مع بصل نحمره ثم ثوم ثم طماطم ومعجون طماطم وبعد ماتتسبك نضيف الفول والملح والبهارات ونشيله من على النار ونجهز الخلطه
الخلطه عباره عن معلقة جبنه سايله او معلقة زبادى بدل الجبنه مع 3 معالق طحينه وشوية ميه نقلبهم كويس ونحطهم على وش الفول بعد مانغرفه فى طبق التقديم



فول بالثوم والصلصه

نحمر الثوم المفروم فى شوية زيت وبعدين نضيف الصلصه تتسبك وبعدين نضيف الفول والملح والبهارات والليمون



فول بالكمون

حنسخن الفول وبعدين نضيف الزيت والملح والكمون والليمون



فول بالدقه

حنسخن الفول ونكون محضرين الدقه وهى عباره عن ثوم مفروم وملح وكمون وشطه وليمون وكركم وزيت وخل
وبعدين نضيف الدقه على الفول ونقلب



فول بالطماطم

الاول نسخن الفول وبعدين نضيف عليه طماطم مقطعه مكعبات صغبره ونضيف الملح والهارات



فول بالطحينه والزيت

حنسخن الفول ونضيف عليه الزيت والملح والكمون والطحينه



فول بالبشاميل

نسخن الفول ونحط عليه ملح وفلفل وبعدين نحطه فى الصينيه ونحط على الوش البشاميل وندخله الفرن لحد مالبشاميل يتحمر



فول بالحمص

حنحمر فى طاسه ثوم مفروم وبعدين نضيف عليه مقدار متساوى من الفول والحمص وبعدين نضيف الملح والبهارات والليمون وياريت لو زيت زيتون كمان



فول بالسلطه

حنسجن الفول ونضيفله الملح والبهارات والليمون ونغرفه فى طبق ونضيف عليه طماطم مقطع وفلفل اخضر وبقدونس وممكن كمان خيار وخس لو عايزين



فول بالبسطرمه

نقطع البسطرمه قطع صغيره ونشوحها فى البصل الى متشوح فى الزيت وبعدين نضيف البقدونس والصلصه ومكعبات الطماطم والبهارات ونسيبهم يتسبكو ثم نضيف الفول ونقلب



فول بالزبده

نسخن الفول ونضيفله حتة زبده وملح وفلفل اسمر



فول بالليه

حنستخدم الليه بدل الزيت او الزبده



فول بالفلفل الاخضر

نحمر فص ثوم ونضيف مكعبات الفلفل وبعدين نضيف الفول والملح والبهارات وممكن نزود صلصه وليمون



فول بالسجق

يقطع السجق الى شرائح سمك نص سم ويسخن الزيت ونضيف له السجق ويحمر لمدة 5 دقائق ويضاف اليه الفول والملح والفلفل ويترك 5 دقائق اخرى ثم يرفع من على النار ونضيف عصير الليمون



الفول النابت


حنجيب الفول الناشف وهو حب زى ماهو



ننقعه فى ميه طول الليل وبعدين تطلعيه فى ميه وتحطيه فى حتة قماش مبلوله لحد ماينبت



وبعدين تقشريه وفصصيه او لا زى ماتحبى وتحطيه فى الشوربه يستوى وتزودى فصين توم مفرومين
وماتنسيش الملح والكمون وياسلام لو زودتى عند الاكل الليمون والزيت الحار او زيت الزيتون




أطباق الفول الاخضر



فى الوصفات دى ممكن نستخدمه بقشره لو هو طرى بس بعد مانزيل الاطراف والخيط الجانبى وبعدين نقطعه حتت

او ممكن نفصصه




الفول الاخضر باللحم والصلصة :

المقادير:
لحم مسلوق نصف سلق
فول أخضر مجهز
بصلة مخروطة ناعم
2 فص ثوم مفروم ناعم
عصير طماطم
سمن
ملح وتوابل وكمون
مقدار من الشوربة
الطريقة :
تقلب البصلة في السمن ومع الفول ويضاف الثوم ويقلب الجميع حتى يذبل قليلا
يضاف عصير الطماطم ويترك يتسبك قليلا
تضاف الشوربة والتوابل ويترك ليكمل النضج مع اللحم .



يخنة الفول الاخضر باللحم :

المقادير

كيلو فول اخضر
نصف كيلو لحمة موزات غنم
10 أكواب ماء لسلق اللحمة
8فصوص ثوم
كزبرة خضراء
ملعقه صغيرة ملح
نصف ملعقه صغيره بهار
نصف كوب سمنه او زيت نباتي

طريقة التحضير :

نغسل الفول وننقعه بالماء حتى لا يسود لونه
ندق الثوم دقاً ناعماً مع رشة ملح
ننقي الكزبره الخضراء ونفرمها فرما ناعما ونغسلها ونصفيها جيدا
ندق الكزبرة مع الثوم
نغسل اللحمه
نضع اللحمه في الحله ونضيف الماء ونتركها على نار قويه حتى تغلي
ثم نتركها على نار متوسطة الحرارة حتى يتم استواء اللحمه
نصفي الفول من الماء
نضع السمن او الزيت على نار هادئة ونقلي الثوم والكزبرة ثم نضيف الفول الأخضر ونغطيه
نترك الفول حتى حتى ينشف الماء
نضيف اللحمة والملح والبهار ونحرك
نضيف ماء اللحمة تدريجيا حسب الحاجه ثم نتركه على نار هادئة حتى ينضج الفول



الطبق الثالث :الفول الاخضر المقلي بالزيت:

المقادير
كيلوغرام من الفول الأخضر.
رأس كبير من الثوم.
بصلتان متوسّطتان.
ربع كوب من زيت الزيتون.
ملعقة طعام من معجون الطماطم.
نصف ملعقة صغيرة من الفلفل الحلو.
رشّة من الملح والفلفل والبهار الحلو.
ماء لطهو الفول.

طريقة الطهي :
يغسل الفول ويقطع إلى 3 أو4 أجزاء حسب حجمه ويصفى في مصفاة.
يوضع زيت الزيتون في قدر ويسخن جيدا.
يضاف إليه الثوم المقشّر إلى فصوص ويقلى في الزيت، وفي منتصف عملية القلي يضاف البصل المفروم ويتابع القلي مع التحريك حتى يصبح البصل شفافا وشاحبا.
يضاف الفول إلى القدر ويقلى الكل.
يضاف معجون الطماطم والملح والبهار الحلو والفلفل الحلو ويخلط الكل جيّدا.
يسخن بعض الماء ويضاف إلى الخضار أثناء طهوها حتى يغمرها تماما.
تترك القدر لمدة 10 دقائق فوق نار متوسطة، ثم يترك محتواها يغلي برفق لمدة نصف ساعة حتى ينضج الفول ويصبح طريا عند لمسه.
إذا كان الماء رقيقا جدا، يجب فتح غطاء القدر وطهو المزيج لبعض الوقت حتى تصبح الصلصة كثيفة.
يقدم الطبق باردا أو فاترا.



الطبق الرابع الفول الاخضر باللبن الزبادي

المقادير
كيلو فول اخضر
نصف كيلو مكعبات لحم مع العظم
5 علب زبادى
مكعب ماجى
بيضه
ملعقة طعام نشا
ملح
ليمون

الطريقه
نسلق اللحم مع البصل
نغلى الفول مع ماء وملح
فى طبق اخر نضع الزبادى والبيض والنشا والليمون والماجى والملح ونضربهم فى الخلاط او بالمضرب ثم نضعهم على النار ونزود شوربة لحمه مع استمرار التقليب الى ان يغلى
ثم نزودلهم الفول واللحمه بعد تمام سواهم









حفظ اللحوم والاسماك




انهارده ان شاء الله حنتكلم عن اللحوم سواء الفراخ او اللحمه او الاسماك ازاى نحفظها فى الفريزر


الاسماك

حنجيب كام اكلة سمك كده من قبل رمضان وتقعدى تنظفيها كويس قوى ولازم تراعى

لا يمكنك تجليد السمك الا اذا كان فعلاً طازج
السمك الكبير يجب أن يقطّع الى شرائح
ثم غلفي كل قطعة على حدة
ثم ضعيها في علبة الحفظ أو في ورقة ألمنيوم

أطول مدة ممكنة لحفظ السمك هي:
السمك الأبيض 6 أشهر
السردين والقريدس (الشريمب) 3 أشهر
أطباق السمك المطبوخة 3 أشهر

بس طبعا لازم نتبل السمك قبل مانحطه فى الفريزر
حنتبله بثوم وفلفل وكزبرة خضراء وملح وبهارات وليمون
نحشيه كويس وننغزه بالسكينه كويس من كل حته عشان لحمته كلها تتبل كويس



اللحوم

اللحوم المفروض انها مابتتغسلش عشان كده لازم تشتريها من جزار انتى واثقه من نظافته
حتقطعيها وتقسميها فى الاكياس اكله باكله

الدجاج

الطيور عموما لازم تغسليها كويس بملح ودقيق وليمون عشان ريحتها تكون حلوه
حنقطعها او تحفظيها كامله زى ماهى

وطبعا لازم نطلعها تفك كويس قبل السوى مش زى الخضار
ولازم نراعى

لتجليد شرائح اللحم (العجل أو الضأن أو قطع الهمبرغر)
لفي كل قطعة بالورق المشمع الخاص باللحم أو بورق الألمنيوم
المدة المطلوبة لتذويب كل قطعة مجلدة هي ساعة أو ساعتين
قطع اللحم الكبيرة النيئة المجلدة تحتاج مدة 24 ساعة في القسم السفلي من الثلاجة (البراد) لتذوب
لتجليد الدواجن وهي صحيحة يتوجب عليك أن تفرّغيها قبل تجليدها
الطير لا يحشى قبل التجليد

أطول مدة ممكنة لحفظ اللحم والدواجن هي:
البقر والضأن 6- 9 شهر
العجل 3 - 4 شهر
لحوم متنوعة 1 - 2 شهر
اللحم المفروم والنقانق 1 - 2 شهر
أطباق اللحم المطبوخة 2 - 3 شهر


وفى طرق كتير وتتبيلات كتير للحوم والدجاج عشان اتبلها قبل ما احفظها فى الفريزر


تتبيلات مختلفه للحوم والدجاج



زبادي , ملعقة صغيرة معجون طماطم , 2 فص ثوم , نص بصلة صغيرة , زنجبيل , ملعقة صغيرة خل أو عصير نص ليمونة , كاري , فلفل أسود ,ملح ,هيل ناعم , قرفة ( دارسين ) , بابريكا , تخلط المقادير كلها بالخلاط وتخمري فيها قطع الدجاج 6 ساعات



طماطمة ,بصلة صغيرة , بقدونس , لبن منزوع الدسم ,جميع انواع البهارات اللي موجودة عندك وملح وفلفل أسود , وبصل ,ثوم ,فلفل حار ,صوص الصويا ,وليمونة مقطعه




ربع كوب زبادى ,ربع كوب شطه حاره ,خليط من توابل مطحونه(كمون كزبره فلفل اسود هيل وقرفه قرنفل بابريكا) , ملعقتين صويا صوص , عصير ليمونه , ملح ,بصله مفرومه ناعم ,5 فصوص ثوم مدقوقين , ملعقتين معجون طماطم ,ملعقه من صلصه باربكيو , ملعقتين مايونيز , ملعقه زيت
طريقه التحضير
تدق قطع الدجاج بالمدقه لتليين الانسجه وتكسير العظام تخلط كل مقادير التتتبيله وتنقع بها قطع الدجاج لمده من ساعه الى يوم كامل ثم تنفض عنها التتبيله وتوضع على حله شوايه الغاز وتغطى وتترك لتحمر من الجنبين وتقدم مع صلصه الثوم



تتبيلة شيش طاوق
ربع كوب من صلصه حاره , ملعقتين من صلصه طماطم ,كمون وكزبره وبابريكا فلفل اسود وفلفل ابيض , خل وليمون وملح , زبادى , كركم,قرنفل وقرفه وهيل مطحون ,مايونيز , زيت , مسطرده ,باربكيو ,بقدونس وثوم وفلفل اخضر مفرومين
تخلط كل مقادير التتبيله
ونحضر قطع طماطم وبصل وفلفل اخضر
اسياخ خشب او معدن
طريقه التحضير
تنقع قطع الدجاج قى التتبيله السابقه وتنقع لمده يوم كامل ثم تشك فى الاسياخ بالتبادل مع الفلفل والبصل والطماطم وتشوى



1 معلقه كبيره مستردة , 1معلقه كبيرة كاتشاب , 1معلقه كبيرة خل , 2 معلقه كبيرة صويا صوص, زيت زيتون (حسب الرغبة) , ملح - فلفل - بصل - ثوم - زعتر - ليمون, جوزة الطيب (اختياري)



كمان ممكن تتبليه ببصل وطماطم وثوم وفلفل اخضر وملح وليمون وبهارات



او تتبليه بزبادى وصلصة طماطم وخل وماستردا وثوم وملح وليمون وبهارات


حنلاحظ ان الزبادى بيتكرر فى معظم التتبيلات لانه بيساعد على ان اللحمه تكون طريه ومش ناشفه لما تشويها







الحلويات




حنجيب كام كيلو كنافه ونقسمه ونحطه فى الفريزر

وكمان كام لفة جلاش

والقطايف حنعملها ونحشيها ونحطها فى الفريزر ونطلعها على القليه

اما بالنسبه للشربات فحنجهز منه كميه كبيره ونعينه وهو ممكن يقعد فتره طويله من غير مايتغير
طريقته
كوب سكر نص كوب ماء وليمون

وكمان حنجهز المكسرات






دى طريقة القطايف ياجماعه عشان الى عايزه منكم تعملها فى البيت بتبقى جميله جدا زى الى بتيجى من برا واحلى كمان انا بعملها واحشيها واحطها فى الفريزر محشيه زى ماقولنا

القطايف



كوب وربع دقيق
نصف كوب حليب
كوب ماء
معلقة سكر
معلقة خميره
وملعقه صغيره بيكنج بودر



نعجن المقادير بمضرب البيض على السرعه الاولى

ثم تترك لتخمر
نحضر طاسه او صينيه ندهنها بالزيت ونتركها على النار حتى تصبح ساخنه
وبمغرفه اضع كميه من العجين فى الصينيه

( حصب العجين فى نقطه واحده وهى حتفرش وتبقى دايره والعجينه بيكون سمكها تقيل والكميه تكون بسيطه عشان تعملى دايره صغيره ممكن اعمل اكتر من دايره فى الصينيه )

حنسبها تستوى من ناحيه واحده فقط

ونشيلها ولما تبرد نحشيها بالمكسرات

وطبعا لما تطلعيها من الفريزر حتقليها فى الزيت وبعد ماتصفيها من الزيت كويس حتحطيها فى الشربات

وبالهنا والشفا ياقمرات




اخواتنا المغاربه بيضيفو على العجينه دقيق ذره ويسوها من الناحيتين ومابيحشوهاش
وهى زى ماهى بيسقوها زبده وعسل وياكلوها وبتبقى جميله جدا واسمها عندهم ( بغرير )






نماذج قوائم للفطار فى رمضان







عشان تساعدنا لما نكون محتارين ومش عارفين نعمل ايه للفطار تدينا بعض الافكار


القائمه الاولى


1- بلح - عرقسوس - مكرونة بالباشميل - بانية - سلطة - كنافة
فول بالزيت والليمون - جبن - شرائح طماطم وخيار - زبادي

2- بلح - دوم - بطاطس محشية - سلطة - باقي الكنافة
فول - سلطة الجبن القريش - شرائح طماطم وخيار - زبادي

3- بلح - خروب - سمك - أرز - سلطة خضراء وطحينة - مهلبية قمر الدين
طاجن فول - جبن - شرائح طماطم وخيار - زبادي

4- بلح - سوبيا - ورق عنب - ملوخية - فراخ - سلطة زبادي - باقي مهلبية قمر الدين
فول بالطحينة - بطاطس محمرة - شرائح خيار - زبادي

5- بلح - كركدية - أصابع الكفتة بالباذنجان - سلطة - فاكهة
فول بالبيض - سلطة الجبن القريش - شرائح خيار - زبادي

6- بلح - تمر هندي - صينية بطاطس - أرز معمر - فراخ - سلطة - أرز باللبن
بيض اومليت - جبن - شرائح خيار - زبادي

7- بلح - عصير برتقال - مكرونة - كبدة بانية - سلطة خضراء وطحينة - باقي الأرز باللبن
بطاطس مسلوقة محمرة - جبن - شرائح خيار - زبادي

8- بلح - عصير جوافة - كباب حلة - أرز بسمتي - سلطة - قطايف بالمكسرات
توست بالجبن والخضار - زبادي

9- بلح - عصير مانجو - صينية بفتيك في الفرن - أرز بسمتي - سلطة - سلطة فواكة
جلاش بالجبن - شرائح طماطم وخيار - زبادي

10- بلح - عرقسوس - كفتة داوود باشا - أرز - سلطة - قطايف بالقشطة
فول بالسجق - جبن - شرائح خيار - زبادي

11- بلح - عصير ليمون بالنعناع - محشي كوسة وباذنجان وفلفل - فراخ - كريم كراميل
قطايف بالجبن - شرائح خيار - زبادي

12- بلح - موز باللبن - كفتة أرز - رز - سلطة - صينية بسبوسة
كفتة بطاطس - خيار - جرجير - زبادي

13- بلح - جوافة باللبن - بامية - لحمة - أرز - باذنجان مخلل
بيض أومليت - جبن - خيار - زبادي

14- بلح - عرقسوس - سمك مقلي - أرز - سلطة - فاكهة
بطاطس محمرة - جبن - شرائح خيار - زبادي

15- بلح - سوبيا - مسقعة بالباشميل - سلطة - كنافة
فول - سلطة الجبن - جرجير - زبادي

16- بلح - عصير فراولة - كفتة مشوية - أرز بسمتي - سلطة خضراء وطحينة - باقي
الكنافة
فول بالسجق - جبن - خيار - جرجير

17- بلح - دوم - كفتة البيض المسلوق - صينية جلاش بالجبن - سلطة - جلاش
بالمكسرات
فول بالصلصة - جبن - خيار - زبادي

18- بلح - خروب - صينية سمك - أرز - سلطة - باقي الجلاش
فول بالطحينة - جبن - شرائح طماطم وخيار - زبادي

19- بلح – عصير مانجو - فاصوليا - لحمة - أرز - سلطة - شوربة - كوكتيل فواكة
فول بالطماطم - بيض مسلوق - لبن رائب

20- بلح - عصير مشمش - صينية جلاش - بانية - سلطة - مهلبية قمر الدين
طاجن فول بالصلصة - سلطة الجبن - زبادو بالموز

21- بلح - كركدية - لوبيا - لحمة - أزر - شوربة - سلطة - باقي المهلبية
فول - جبن قريش بالطماطم - خيار - زبادي

22- بلح - موز باللبن - كبدة اسكندراني - مكرونة - سلطة - كنافة بالقشطة والفستق
فول - سلطة الجبن - جرجير - زبادي

23- بلح - عصير ليمون بالنعناع - صينية كوسة بالباشميل - رز - سلطة - باقي الكنافة
فول بالطماطم - بيض مسلوق - لبن رايب

24- بلح - دوم - محشي كرنب - فراخ - شوربة - قطايف بالمكسرات
فول بالطحينة - شيبسي - خيار - جرجير - زبادي

25- بلح - عرقسوس - بسلة - لحمة - أرز - سلطة - كنافة بالموز
ميني بيتزا - جبن - زبادي

26- بلح - خروب - كفتة فراخ - مكرونة - سلطة - باقي الكنافة
بطاطس مهروسة بالبيض - جبن - خيار - زبادي

27- بلح - برتقال - بانية - بطاطس محمرة - سلطة خضراء وطحينة - فاكهة
فول - جبن - شرائح طماطم وخيار - زبادي

28- بلح - جوافة باللبن - كفتة محمرة - مكرونة - سلطة - جلاش بالكسترد
طاجن فول بالصلصة - سلطة الجبن - زبادو بالموز

29- بلح - عصير مانجة - صينية بطاطس - فراخ - أرز - شوربة - باقي الجلاش
فول بالطحينة - شيبسي - خيار - جرجير - زبادي

30- بلح - عرقسوس - محشي ورق عنب - فراخ - سلطة - فاكهة





القائمه الثانيه


1:ارز بالشعريه و صنية بطاطس بالاجنحه والرقاب وفراخ والفراخ بقى نسلقها وتبقى عندنا شوربه ونحمر الفراخ
تحت الشوايه وخروب وفراوله بلبن والحلو كنافه بالقشطه

2:سمك بلطى مقلى وممكن نحط جزء فى الصلصه او نعمله سنجارى زى مانحب ومعاه رز ببصله وبطاطس مقليه
وسلطه خضرا وبابا غنوج وتمر هندى وسوبيا والحلو بسبووووووووووسه

3:مكرونه بشاميل وجلاش باللحمه المفرومه وفراخ بانيه وكول سلو وسلطة مايونيز وعصير برتقال وخروب والحلو
قطايق بالكريم شانتيه

4:ممكن نقضى اليوم ده كشرى مصرى حيبقى فى وسط الايام تغير حلو اوى ومعاه عصير خروب وفراوله
والحلو كنافه بالمكسرات

5:محشى كوسه وباذنجان وورق عنب ممكن نعمل معاه صنية فراخ مقطعين الفرخ قطع مش كبيره وممكن من غير فراخ نكتفى بالمحشى وعندنا شوربه من قبل كده بتاعة اول يوم ممكن نسقى بيها لمحشى وعصير قمر الدين وبلح بلبن
الحلو قطايف بالمكسرات

6:شيش طاووق فراخ وكفته شامى وصنية كوسه بشاميل زغننه وشوربه كنور وعصير برتقال وسوبيا والحلو كنافه

7:بسله باللحمه وجزء من اللحمه نعمله شوربه ورز وباذنجان مخلل وعصير دوم وقمر الدين والحلو جيلى بالكريم شانتيه او ساده

8:بط ورز مدسوس وملوخيه وورق عنب وعصير برتقال و وفراوله والحلو كريم كراميل

9:مكرونه بالصلصه وفراخ كنتاكى وبطاطس مقليه وكاتشب ومسترده ومايونيز مع الاكل عصير بلح بلبن وتمر هندى
والحلو كنافه بالزبده والمكسرات

10: كبسه بالمكسرات واللحم ويفضل الضانى وشوربه و سوبيا وخروب والحلو بسبوسه بالقشطه والبندق

11:كانيلونى بالفراخ وسلطه كول سلو وصنية بطاطس مهروسه باللحمه المفرومه بيوريه وسلطه خضرا ومخلل وعصير برتقال وخروب والحلو كريم كراميل

12:سمك بورى صينيه ومعاه بطاطس ورز بالبصله وسلطه خضرا وعصير فراوله وتمر هندى والحلو كيكه بالشيكولاته وعليها صوص شيكولاته

13: باميه باللحمه ورز وشوربه وباذنجان مخلل ولمون مخلل عصير دوم وبرتقال والحلو قطايق

14:كبده اسكندرانى ومكرونه بلصلصه وبطاطس مقليه وسلطه خضرا وعصير موز باللبن وخروب
والحلو رز بلين بالمكسرات

15:صينية كوسه باللحمه شرائح ورز بالشعريه و تمر هندى وسوبيا والحو كنافه بالكريمه

16:سمبوسك باللحمه وفراخ مشويه ومكرونه بشاميل وعصير برتقال وسوبيا والحلو كيكه بالبرتقال

17:محشى فلفل وصنية بطاطس محشيه باللحمه المفرومه وفراخ بانيه وعصير مانجا وخروب والحلوو قطايف بالكريم شانتيه

18:فاصوليا بيضا باللحمه ورز وباذنجان مخلل وعصير دوم وخروب والحلو كنافه بالكستر

19:سمك بلطى مشوى ورز اصفر وسلطه خضرا وبطاطس مقليه وبابا غنوج ودوم وتمر هندى والحلو جيلى

20:كفته مشويه ولحمه مشويه ومكرونه وبطاطس مقليه وسلطه شوربه وعصير موز بلبن

القائمه الثالثه

الاسبوع 7 ايام هنقسمهم 3 ايام لحمة اوفراخ و3 ايام من غير (بالتبادل يوم ويوم ) او 3 و3 والجمعة سمك

ودي الوجبات اللي ممكن تعمليها بلحمة او فراخ

خضار (بطاطس بامية ملوخية كوسة فاصوليا بتنجان ....) ورز وفراخ او لحم
مكرونة باشميل وسلطة
محشي ولحمة محمرة
مكرونة وكفتة( لحمة او فراخ) وسلطة
رز بالخلطة وفراخ بانيه او مشوية وسلطة
كوسة او مسقعة بالباشميل وسلطة وعيش
طاجن لسان عصفور بالعصاج وسلطة وشيبسي
شيش طااوق اوكفتة فراخ او برجر فراخ وسلطة وعيش
كباب حلة بالصوص بتاعه ومكرونة بيضا وسلطة
فتة لحم ز

الجزء الثالث


العبادات



بسم الله الرحمن الرحيم نبتدى اهم جزء فى الموضوع

طبعا كلنا عارفين فضل شهر شعبان وفى احاديث كتير ذكرت فى الموضوع ده منها

حديث أسامة بن زيد ـ رضي الله عنهما ـ قال: «لم يكن (يعني النبي صلى الله عليه وسلم) يصوم من الشهر ما يصوم من شعبان»، فقال له: لم أرك تصوم من الشهر ما تصوم من شعبان قال: «ذاك شهر يغفل الناس عنه بين رجب ورمضان، وهو شهر ترفع فيه الأعمال إلى رب العالمين عز وجل فأحب أن يرفع عملي وأنا صائم» قال في الفروع (ص 120 ج 3 ط آل ثاني): والإسناد جيد.

عشان كده لازم نعمل خطه للعباده فى شهر شعبان استعدادا لشهر رمضان

احنا طبعا اتأخرنا بس مش مشكله ملحوقه ان شاء الله الى مابتداش يبتدى معانا لان خلاص كلها ايام بسيطه ورمضان يهل علينا



اول عباده حنتكلم عنها فى خطتنا هى



طبعا لازم نحافظ على صلواتنا الخمسه فى ميعادها

قال الله تعالى فى سورة الماعون ( فويل للمصلين اللذين هم عن صلاتهم ساهون )

الويل ده وادى فى جهنم والعياذ بالله
الساهون عن الصلاه هما اللذين يؤخرونها عن ميعادها ويغفلون عنها

والحمد لله ان ربنا سبحانه وتعالى لم يقل الساهون فى الصلاه والا كان معظمنا له الويل والعياذ بالله

كمان حنحافظ على صلاة السنه وهى

ركعتى الفجر قبل صلاة الصبح

4 ركعات قبل صلاة الظهر وركعتين بعد الظهر

ركعتين بعد المغرب

وركعتين بعد العشاء

والوتر

وياسلام كمان لو صلينا الضحى و وقتها ممتد من بعد شروق الشمس بنصف ساعه الى قبل صلاة الظهر بنصف ساعه

السنه دى مؤكده عن رسول الله صلى الله عليه وسلم وهى مهمه جدا ياجماعه لانها بتعوض اى تقصير فى صلاة الفرض باذن الله تعالى

وكمان نحافظ على اذكار الصلاه

والاذكار كمان مهمه جدا ياجماعه ومؤكده عن الرسول وكان صلى الله عليه وسلم بيوصى بيها الصحابه رضوان الله عليهم

اذكار قبل السلام وبعد التشهد

وهى ادعيه الرسول وصى بيها صلى الله عليه وسلم لان ده وقت اجابه

اسمعوا لقول النبي - صلى الله عليه وسلم - لما قيل له: أي الدعاء أسمع؟
قال : "جوف الليل الآخر و دبر الصلوات المكتوبات"

وهى

1-اللهم أعني على ذكرك و شكرك ، و حسن عبادتك

2-اللهم إني أعوذ بك من الكفر والفقر وعذاب القبر

3-اللهم إني أسألك فعل الخيرات وترك المنكرات وحب المساكين وإذا أردت بعبادك فتنة فاقبضني إليك غير مفتون

4-رب قني عذابك يوم تبعث ( أو تجمع ) عبادك

5-اللهم إني أعوذ بك من الجبن ، وأعوذ بك من البخل ، وأعوذ بك من أن أرد إلى أرذل العمر ، وأعوذ بك من فتنة الدنيا ، وعذاب القبر


ياترى بقى حتعملى بوصية الحبيب عليه افضل الصلاة واتم السلام


أذكار بعد السلام

1- أستغفر الله ،أستغفر الله ، أستغفر الله ، اللهم أنت السلام ومنك السلام تباركت يا ذا الجلال والإكرام .

2- لا إله إلا الله وحده لا شريك له ، له الملك وله الحمد وهو على كل شئ قدير ، لا حول ولا قوة إلا بالله ، لا إله إلا الله ، ولا نعبد إلا إياه ، له النعمة وله الفضل ، وله الثناء الحسن ، لا إله إلا الله مخلصين له الدين ولو كره الكافرون .

3- لا إله إلا الله وحده لا شريك له ، له الملك ، وله الحمد ، وهو على كل شيء قدير . اللهم لا مانع لما أعطيت ، ولا معطي لما منعت ، ولا ينفع ذا الجد منك الجد .

4- سبحان الله (33 مرة ) ،
الحمد لله ( 33 مرة ) ،
الله أكبر ( 33 مرة ) ،
ثم يتم المائة بقوله :
" لا إله إلا الله وحده لاشريك له ، له الملك وله الحمد وهو على كل شيئ قدير " .

وانظروا إلى الثواب!...

قال رسول الله - صلى الله عليه وسلم -:
"من سبح الله في دبر كل صلاة ثلاثا وثلاثين . وحمد الله ثلاثا وثلاثين . وكبر الله ثلاثا وثلاثين . فتلك تسعة وتسعون . وقال ، تمام المائة : لا إله إلا الله وحده لا شريك له . له الملك وله الحمد وهو على كل شيء قدير - غفرت خطاياه وإن كانت مثل زبد البحر " صحيح مسلم

5- قراءة سورة الإخلاص ( قل هو الله أحد ) ،
سورة الفلق ( قل أعوذ برب الفلق ) ،
سورة الناس ( قل أعوذ برب الناس ) .
( مره واحدة بعد كل صلاة.. إلا بعد صلاتي الفجر والمغرب فتقرأ ثلاث مرات ) .

6- قراءة آية الكرسي ، قال تعالى :" اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا! شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيم"

قال رسول الله - صلى الله عليه وسلم -:
"من قرأ آية الكرسي دبر كل صلاة ؛ لم يمنعه من دخول الجنة إلا أن يموت . "
صححه الألباني

ممكن ياجماعه ننقلهم عندنا فى ورقه وكل مره نحفظ واحده ولما نتعود نطبقها نحفظ التانيه وهكذا لحد مانحفظهم كلهم وهما سهلين جدا ان شاء الله
والاذكار دى ياجماعه تقال بعد صلاة الفريضه وانتى لسه مكانك على السجاده ولم يثبت عن رسول الله صلى الله عليه وسلم انه كان يقولها بعد صلاة السنه








الخشوع فى الصلاة

قال تعالى ( أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقً )

ححاول اتكلم فيه على قد ماقدر لانه موضوع كبير وانا مش الخبيره ولا العالمه ولكن بحاول اذكر نفسى واذكركم وربنا ينفعنا يارب

طبعا فى مواضيع كتير جدا بتتكلم عن الخشوع فى الصلاه معناه واسبابه وطرق الوصول اليه

لكن انا انهارده حتكلم عن الموضوع بشكل بسيط جدا

اولا احنا عارفين ايه معنى الخشوع فى الصلاه بشكل بسيط جدا هو انى اكون مركزه فى صلاتى قلبى وعقلى وكل جوارحى خاشعه لله تعالى ومابفكرش فى حاجه غير فى الصلاه ومستشعره عظمة الله سبحانه وتعالى الى واقفه بين ايديه وبأدى العباده دى ليه


طيب ليه انا المفروض اخشع فى الصلاه ؟

اولا لانها لذه لازم ماضيعهاش على نفسى بتريح نفسى من هموم الدنيا كان صلى الله عليه وسلم بيقول ( اريحنا بها يابلال )

ثانيا لان المؤمن ليس له من صلاته الا ماعقل يعنى ايه ؟
يعنى انه مابيحسبش ليه من صلاته الا الى الجزء الى كان خاشع ومركز فيه مش سرحان
يعنى صلاتى كده تبقى غلط لو ماخشعتش فى الصلاه ؟
لا احنا مانقدرش نقول كده هى بس بتسقط عنك ذنب ترك الفرض لكن لاتثاب عليها
بل ان والعياذ بالله الى بيأدى صلاته مجرد حركات بتلقى صلاته فى وجهه



طيب ازاى اقدر اخشع فى صلاتى؟

اولا لازم قبل مابتدى صلاه استحضر عظمة الله سبحانه وتعالى الذى سوف اقف بين يديه سبحانه وتعالى لازم استشعر حاجه زى دى
واستشعر عظمة العباده الى انا سوف أؤديها

واعد نفسى تماما لاداه عباده زى دى يعنى أهيئ نفسى و المكان الى انا حأدى فيه الصلاه على قد ماقدر ماخليش حواليا اىة حاجه تشغلنى

احاول اطلع اى حاجه فى دماغى من امور الدنيا بمجرد تكبيرة الاحرام انسى كل حاجه واحاول واجاهد نفسى الاماره بالسوء على انى اركز فى صلاتى بس

ثانيا أقرأ بصوت اسمع بيه نفسى وببطء واحاول اركز فى كل كلمه كلمه بقولها استشعر معناها
وحيفدنى فى كده انى اقرأ تفسير سورة الفاتحه والسور والايات الى بقرأها فى الصلاة واعرف معانى الاذكار الى بقولها فى صلاتى

ولازم اعرف ان ربنا سبحان الله وتعالى بيرد عليا وانا بقرأ سورة الفاتحه فلازم أقرأها بتمهل وتركيز


بِسْمِ ٱللَّهِ ٱلرَّحْمَـٰنِ ٱلرَّحِيمِ ﴿1﴾
ٱلْحَمْدُ لِلَّهِ رَبِّ ٱلْعَـٰلَمِينَ ﴿2﴾ ٱلرَّحْمَـٰنِ ٱلرَّحِيمِ ﴿3﴾ مَـٰلِكِ يَوْمِ ٱلدِّينِ ﴿4﴾
إِيَّاكَ نَعْبُدُ وَإِيَّاكَ نَسْتَعِينُ ﴿5﴾ ٱهْدِنَا ٱلصِّرَ‌ٰطَ ٱلْمُسْتَقِيمَ ﴿6﴾
صِرَ‌ٰطَ ٱلَّذِينَ أَنْعَمْتَ عَلَيْهِمْ غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ ﴿7﴾

ثم نقرأ المعانى التالية ونضعها فى فكرنا (نفكر فيها)


( ربّ العالمين) مربّيهم ومالكهم ومدبر أمورهم
4- ( يوم الدّين) يوم الجزاء
6- ( اهدنا الصّراط المستقيم) وفّقنا للثّبات على الطريق الواضح الذي لا اعوجاج فيه وهو الإسلام
7- ( المغضوب عليهم) اليهود
( الضّالين) النصارى وكذا أشباههم في الضلال



ثم نأتى على كل آيه نقرأها هى والتفسير الميسر لها(قراءه سريعة بفهم) كالأتى:.


بِسْمِ اللَّهِ الرَّحْمَٰنِ الرَّحِيمِ

سورة الفاتحة سميت هذه السورة بالفاتحة; لأنه يفتتح بها القرآن العظيم, وتسمى المثاني; لأنها تقرأ في كل ركعة, ولها أسماء أخر. أبتدئ قراءة القرآن باسم الله مستعينا به, (اللهِ) علم على الرب -تبارك وتعالى- المعبود بحق دون سواه, وهو أخص أسماء الله تعالى, ولا يسمى به غيره سبحانه. (الرَّحْمَنِ) ذي الرحمة العامة الذي وسعت رحمته جميع الخلق, (الرَّحِيمِ) بالمؤمنين, وهما اسمان من أسمائه تعالى، يتضمنان إثبات صفة الرحمة لله تعالى كما يليق بجلاله.

الْحَمْدُ لِلَّهِ رَبِّ الْعَالَمِينَ

(الحَمْدُ للهِ رَبِّ العَالَمِينَ) الثناء على الله بصفاته التي كلُّها أوصاف كمال, وبنعمه الظاهرة والباطنة، الدينية والدنيوية، وفي ضمنه أَمْرٌ لعباده أن يحمدوه, فهو المستحق له وحده, وهو سبحانه المنشئ للخلق, القائم بأمورهم, المربي لجميع خلقه بنعمه, ولأوليائه بالإيمان والعمل الصالح.


الرَّحْمَٰنِ الرَّحِيمِ


(الرَّحْمَنِ) الذي وسعت رحمته جميع الخلق, (الرَّحِيمِ), بالمؤمنين, وهما اسمان من أسماء الله تعالى.
مَالِكِ يَوْمِ الدِّينِ

وهو سبحانه وحده مالك يوم القيامة, وهو يوم الجزاء على الأعمال. وفي قراءة المسلم لهذه الآية في كل ركعة من صلواته تذكير له باليوم الآخر, وحثٌّ له على الاستعداد بالعمل الصالح, والكف عن المعاصي والسيئات.


إِيَّاكَ نَعْبُدُ وَإِيَّاكَ نَسْتَعِينُ

إنا نخصك وحدك بالعبادة, ونستعين بك وحدك في جميع أمورنا, فالأمر كله بيدك, لا يملك منه أحد مثقال ذرة. وفي هذه الآية دليل على أن العبد لا يجوز له أن يصرف شيئًا من أنواع العبادة كالدعاء والاستغاثة والذبح والطواف إلا لله وحده, وفيها شفاء القلوب من داء التعلق بغير الله, ومن أمراض الرياء والعجب, والكبرياء.


اهْدِنَا الصِّرَاطَ الْمُسْتَقِيمَ

دُلَّنا, وأرشدنا, ووفقنا إلى الطريق المستقيم, وثبتنا عليه حتى نلقاك, وهو الإسلام، الذي هو الطريق الواضح الموصل إلى رضوان الله وإلى جنته, الذي دلّ عليه خاتم رسله وأنبيائه محمد صلى الله عليه وسلم, فلا سبيل إلى سعادة العبد إلا بالاستقامة عليه.


صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ

طريق الذين أنعمت عليهم من النبيين والصدِّيقين والشهداء والصالحين, فهم أهل الهداية والاستقامة, ولا تجعلنا ممن سلك طريق المغضوب عليهم, الذين عرفوا الحق ولم يعملوا به, وهم اليهود, ومن كان على شاكلتهم, والضالين, وهم الذين لم يهتدوا, فضلوا الطريق, وهم النصارى, ومن اتبع سنتهم. وفي هذا الدعاء شفاء لقلب المسلم من مرض الجحود والجهل والضلال, ودلالة على أن أعظم نعمة على الإطلاق هي نعمة الإسلام, فمن كان أعرف للحق وأتبع له, كان أولى بالصراط المستقيم, ولا ريب أن أصحاب رسول الله صلى الله عليه وسلم هم أولى الناس بذلك بعد الأنبياء عليهم السلام, فدلت الآية على فضلهم, وعظيم منزلتهم, رضي الله عنهم.
ويستحب للقارئ أن يقول في الصلاة بعد قراءة الفاتحة: (آمين), ومعناها: اللهم استجب, وليست آية من سورة الفاتحة باتفاق العلماء; ولهذا أجمعوا على عدم كتابتها في المصاحف.

التفسير ده كانت امانى جزاها الله خير جابتهولنا فى موضوعها بتاع تفسير جزء عم ربنا يجعله فى ميزان حسناتها يارب

ثالثا واهم حاجه لازم احس ان انا وانا واقفه اصلى انى بكلم ربنا سبحانه وتعالى مباشرة منى ليه اناجيه واطلب منه الى انا عايزاه احمده على نعمه واشكر فضله واشتيكيله همى
بجد لو حطيت النقطه دى فى دماغى واستشعرتها حيكون لصلاتى طعم تانى خالص


وربنا يرزقنا ويرزقكم الخشوع فى الصلاة




الاذكار




عايزين نكون من الذاكرين الله كثيرا والذاكرات

ونجعل لسانا رطبا دائما بذكر الله

اولا حنحافظ على

اذكار الصباح والمساء

الفاتحه
اول 5 ايات من سورة البقرة
اية الكرسى
اخر ايتين من سورة البقرة
سورة الاخلاص 3 مرات
سورة الفلق 3 مرات
سورة الناس 3 مرات

أعوذ بكلمات الله التامات من شر ما خلق 3 مرات

اللهم صلى على سيدنا محمد كما صليت على سيدنا ابراهيم انك حميد مجيد وبارك على سيدنا محمد كما باركت على سيدنا ابراهيم انك حميد مجيد 10 مرات

يارب لك الحمد كما ينبغى لجلال وجهك و عظيم سلطانك

رضيت بالله ربا ، و بالإسلام دينا ، و بمحمد صلى الله عليه و سلم نبيا و رسولا 3 مرات

سبحان الله و بحمده عدد خلقه ، و رضا نفسه ، و زنه عرشه ، و مداد كلمته 3 مرات

بسم الله الذى لا يضر معه إسمه شيئ فى الأرض و لا فى السماء و هو السميع العليم

اللهم إنا نعوذ أن نشرك بك شيئا نعلمه و نستغفرك لما لا نعلمه

اللهم إنى أعوذ بك من الهم و الحزن و أعوذ بك من العجز و الكسل ، و أعوذ بك من الجبن و البخل ، و أعوذ بك من غلبه الدين و قهر الرجال

اللهم عافنى فى بدنى ، اللهم عافنى فى سمعى ، اللهم عافنى فى بصرى لا إله إلا أنت
اللهم إنى أعوذ بك من الكفر و الفقر، و أعوذ بك من عذاب القبر ، لا إله إلا أنت

اللهم أنت ربى لا إله إلا أنت ، خلقتنى و أنا عبدك ، و أنا على عهدك ووعدك ما إستطعت..أعوذ بك من شر ما صنعت ، أبوء لك بنعمتك على ، و أبوء بذنبى ، فإغفر لى فإنه لا يغفر الذنوب إلا أنت

اللهم اجرنى من النار 7 مرات

اللهم انى اشهدك واشهد حملت عرشك وملائكتك وجميع خلقك انك انت الله لا اله الانت وحدك لاشريك لك وان محمدا عبدك ورسولك 4 مرات

عند الصباح

أصبحنا و أصبح الملك لله..لا شريك له..لا إله إلا هو و إليه النشور-

اللهم ما أصبح بى من نعمه أو بأحد من خلقك فمنك وحدك لا شريك لك ، فلك الحمد و لك الشكر

أصبحنا على فطره الإسلام و كلمه الإخلاص و على دين نبيننا محمد صلى الله عليه وسلم.. و على مله إبراهيم حنيفا و ما كان من المشركين

اللهم إنى أصبحت منك فى نعمه و عافيه و ستر..فأتمم نعمتك على و عافيتك و سترك فى الدنيا و الأخره

و عند المساء

أمسينا و أمسى الملك لله.. و إليه المصير اللهم ما أمسى بى من نعمه أو بأحد من خلقك فمنك وحدك لا شريك لك ، فلك الحمد و لك الشكر

أمسينا على فطره الإسلام و كلمه الإخلاص و على دين نبيننا محمد (ص).. و على مله إبراهيم حنيفا و ما كان من المشركين

اللهم إنى أمسيت منك فى نعمه و عافيه و ستر..فأتمم نعمتك على و عافيتك و سترك فى الدنيا و الأخره



اذكار عند سماع الاذان

1- يقول مثل يقول المؤذن الا عند الحيعلتين يقول ( لاحول ولا قوة الا بالله ) . من قالها من قلبه دخل الجنه .
...
2- ثم يقول بعد الاذان : ( وانا اشهد ان لا اله الا الله وحده لاشريك له ، وان محمدا عبده ورسوله ، رضيت بالله ربا وبمحمد رسولا وبالاسلام دينا . من قالها غفر له ذنبه .
...
3- ثم يصلي على النبي صلى الله عليه وسلم ، فيقول : ( اللهم صلي على محمد وعلى آل كما صليت على ابراهم وعلى ابراهيم انك حميد مجيد ، اللهم بارك على محمد وعلى آل محمد ، كما باركت على ابراهيم وعلى آل ابراهيم انك حميد مجيد ). من قالها تُحط عنه 10 خطيئات ويرفع له عشر درجات ويصلي الله عليه عشرا وتعرض على الرسول.
...
4- ثم يقول اللهم رب هذه الدعوة التامه والصلاة القائمة ، آت محمد الوسيله والفضيلة وابعثه مقاما محمودا الذي وعدته . من قالها حلت له شفاعة الرسول صلى الله عليه وسلم .
...
5- ثم يدعوا لنفسة بما شاء . فالدعاء مجاب .

اذكار بعد الصلاة

ودى ذكرناها
وممكن نزود عليها كمان 20 مره استغفار
و20 مره صلاه على النبى



اذكار عامه

1- سبحان الله . (100 مره ) ( تكتب له الف حسنة وتحط عنه الف سيئه )

2- الحمد لله . (تملأ الميزان ).

3- سبحان الله والحمد لله . ( تملأ مابين السماوات والارض).

4- . سبحان الله وبحمده ( حطت خاياه ، ولم يات احد يوم القيامة افضل مما جاء به ).

5- سبحان الله وبحمده سبحان الله العظيم . ( ثقيلتان في الميزان حبيبتان الى الرحمان ).

6 -سبحان الله والحمد لله ولا اله الا الله والله اكبر ولاحول ولاقوة الا بالله . (هن احب الكلام الي الله والي الرسول صلى الله عليه وسلم وهن خير الكلام وهن الباقيات الصالحات ).

7- لا اله الا الله وحدة لا شريك له ، له الملك وله الحمد وهو على كل شيئ قدير.
(100 مره ) ( كانت له عد عتق عشر رقاب ويكتب له مائة حسنه ويمحي عنه مائة سيئه وحرزا له من الشيطان ( 10 مرات تعادل 4 رقاب )

8- بسم الله ولا حول ولا قوة الا بالله . ( عند البدء باي عمل خاصة الشاق منها ).

9- استغفر الله واتوب اليه . ( تكفر الخطايا ).

10- اللهم صلي على محمد وعلى آل محمد كما صليت على ابراهيم وعلى آل ابراخيم انك حميد مجيد ، اللهم بارك على محمد وعلى آل محمد كما باركت على ابرهيم وعلى آل ابراهيم انك حميد مجيد .. (اي عدد ) ( في كل مره تحط عنه 10 خطايا ويرفع له 10 درجات ويصلي الله عليه عشرا وتعرض على الرسول صلى الله عليه وسلم .

11- لا اله الا انت سبحانك انى كنت من الظالمين



اذكار دخول الخلاء

عند الدخول اللهم انى اعوذ بك من الخبث والخبائث

عند الخروج غفرانك



اذكار الطعام

عند البدء بسم الله

عند الانتهاء الحمد لله




اذكار صعود السلم

عند الصعود الله اكبر

عند الهبوط سبحان الله




أذكار النوم

1- آية الكرسي

2- اخر ايتين من سورة البقره

3- سورة الاخلاص وسورة الفلق وسورة الناس كل منهم 3 مرات
" مع النفث في الكفين في كل مره ومسح جسده ابتداء من راسه ووجهه "

4- باسمك ربي وضعت جنبي وبك ارفعه فان امسكت نفسي فارحمها وان ارسلتها فاحفظها بما تحفظ به عبادك الصالحين .

5- اللهم باسمك اموت واحيا .

6- اللهم قني عذابك يوم تبعث عبادك .

7- سبحان الله .(33مره ) و الحمد لله (33مره ) و الله اكبر ( 34مره ) .
...
8- اللهم اسلمت نفسي اليك ووجهت وجهي اليك وفوضت امري اليك والجات ظهري اليك رغبة ورهبة اليك لا ملجأ ولا منجا منك الا اليك امنت بكتابك الذي انزلت وبنيك الذي ارسلت .

9- اللهم رب الارض ورب العرش العظيم ربنا ورب كل شيئ مليكة فالق الحب والنوى ومنزل التوراة والانجيل والفرقان اعوذ بك من شر كل دابة انت اخذ بناصيتها

10- من آداب النوم : الوضوء - النوم على الحبن الايمن - جعل اليد اليمينى تحت خده .

11- اذا رأى في نومه ما يكره من الاحلام يقول : اعوذ بالله من شرها ومن شر الشيطان 3 مع تفله عن يسارة في كل مره ثم يتحول عن الجبن الذي كان عليه ينام ولا يخبر احدا بهذه الرؤيا فانها لا تضره باذن الله تعالى .

12- اما اذا رأى ما يحب فانه يحمد الله عليها ولا يحدث بها الا من يحب .



اذكار الاستيقاظ

اذا ذكر الله ثم توضأ ثم صلى انحلت عقد الشيطان الثلاث فاصبح نشيطا طيب النفس والا اصبح خبيث النفس كسلان .

الحمد لله الذي احيانا بعد ما اماتنا واليه النشور .
-
لا اله الا الله وحده لاشريك له لك الملك واله الحمد وهو على كل شيئ قدير سبحان اله والحمد لله ولا اله الا الله والله اكبر ولا حول ولا قوة الا بالله . ان دعاء بعد الذكر استجيب له ، وان صلى قبلت صلاته .



كفارة المجلس

سبحانك اللهم وبحمدك ، أشهد ان الا الــة الا انت استغفرك واتــوب اليك .



عند الخروج من المنزل

بسم الله توكلت على الله ولا حول ولا قوة الا بالله . اللهم اني اعوذ بك ان أضٍل او اضل او ازل او ازل ، او ظلم او اظلم او اجهل او يُجهل علي . عند الخروج من المنزل

وعند الدخول يقول: بسم الله ويسلم على من بالمنزل وان لم يكن احد بالمنزل يقول السلام علينا ورحمة اله وبركاته



عند ركوب المواصلات

بسم الله (مره واحده ) . الله اكبر (ثلاث مرات ) .
" سبحان الله الذي سخر لنا هذا وما كنا له مقرنين وانا الى ربنا لمنقلبون " (مره واحده).



اذكار دخول المسجد

1- عند الدخول : اللهم افتح لي أبواب رحمتك .

2- عند الخروج : اللهم إني أسألك من فضلك .



عند لبس الثوب

الذكر عند لبس الثوب
( الحَمْدُ لله الذِي كَساني هذا الثوب ورَزَقَنِيه مِنْ غَيْرِ حَوْلٍ مِنّي ولا قُوةٍ ) أهل السنن إلا النسائي

دعاء لبس الثوب الجديد
( اللَّهُمَّ لَكَ الحَمْدُ أَنْتَ كَسَوتَنِيه ، أسْألك مِنْ خَيرِهِ وخَيْرَ ما صُنع لَهُ،وأعُوذُ بِكَ مِنْ شرِّه وشَرَّ ما صُنِعَ لَهُ ) ابو داود والترمذي



[color=olive]ياريت يابنات نحاول نحفظهم واحده واحده


قراءة القرأن



لازم يابنات ان شاء الله يكون لينا من يومنا كل يوم وقت مع كتاب الله

وماتقوليش انا ماعنديش وقت

لا

لازم تشجعى نفسك وحتلاقى وقت ان شاء الله

بس انتى ماتقوليش لنفسك كلمات سلبيه تحبطك

وفى رمضان طبعا لازم نختم القرأن باذن الله اكتر من مره

ووقتنا مع كتاب الله ده مش بس تلاوه

لا

لازم يكون لينا وقت كمان للحفظ ومش الحفظ كده وخلاص

لا

الحفظ مع معرفة التفسير وتدبر المعانى

وربنا يجعلنا من اهل القرأن يارب


الصدقه

والصدقه مش بس بالمال

وكمان تبسمك فى وجه اخيك صدقه

اماطة الاذى عن الطريق صدقه

اى حاجه بس لازم يكون لينا من عمل الخير نصيب

زيارة المريض

صلة الارحام

السؤال عن صديق

شغل البيت

ايوه شغل البيت هو كمان حاخد عليه اجر باذن الله بس اهم حاجه نشتغل على

النيه

النيه دى المفتاح السحرى البسيط جدا الى لو حددته صح حفتح لنفسى ابواب من الاجر والثواب كتيره جدا جدا

لازم اخد نيه عند كل عمل واجدد نيتى دى باستمرار فى كل عمل بعمله فى حياتى

اخد نيه قبل النوم انى حنام عشان اريح جسدى واكون قادره على عبادة الله والتعمير فى الارض بما يرضى الله

وكذلك الاكل

شغل البيت اخد نيه انى بعمله عشان النظافه من الايمان وعشان جوزى او اهلى يكونو راضيين عنى

اى مشوار حخرجه او وانا راحه الشغل اخد نيه

لما اجى اكلم واحده صاحبتى اخد نيه

وهكذا فى كل عمل بعمله فى حياتى اليوميه عشان احولها لعباده واخد اجر عليه طول مانا بعمله



وفى ختام الموضوع حنعمل جدول يومى بالعبادات دى بالدرجات عشان اخر اليوم نقدر نقيم نفسنا ويشجعنا على اننا نعمل اكتر فى اليوم الى بعده عشان نزود درجاتنا

وطبعا فى رمضان حنزود على قد مانقدر على الجدول ده

1- ركعتى الفجر 5 درجات

2-صلاة الصبح 5 درجات وفى ميعادها طبعا

3-الاذكار بعد الصلاه 5 درجات

4- الصلاة على النبى 20 مره 5 درجات

5- الاستفغار 20 مره 5 درجات

6- اذكار الصباح 5 درجات

7-صلاة الضحى 5 درجات

8-سنة الظهر القبليه 5درجات

9-صلاة الظهر 5 درجات

10-سنة الظهر البعديه 5 درجات

11-اذكار الصلاة 5 درجات

12-الصلاة على النبى 20 مره 5 درجات

13-الاستغفار 20 مره 5 درجات

14-صلاة العصر 5 درجات

15-اذكار الصلاه 5 درجات

16-الصلاة على النبى20 مره 5 درجات

17-الاستغفار 20 مره 5 درجات

18-اذكار المساء 5 درجات

19-صلاة المغرب 5 درجات

20-سنة المغرب 5 درجات

21-اذكار الصلاه 5 درجات

22-الاستغفار 20 مره 5 درجات

23- الصلاة على النبى 20 مره 5 درجات

24صلاة العشاء 5 درجات

25-سنة العشاء 5 درجات

26-اذكار الصلاه 5 درجات

27-الاستغفار 20 مره 5 درجات

28-الصلاة على النبى 20 مره 5 درجات

29- صلاة الوتر 5 درجات

30-ورد من القرأن تلاوة 10 درجات

31-اى عمل خير او صدقه 10 درجات

32-قيام ليل على الاقل ركعتين 10 درجات

33-حفظ جزء من القرأن مع تفسيره 10 درجات

34-المحافظه على تجديد نيتى والاذكار اليوميه زى اذكار الخلاء والخروج والاذان وغيرها
وذكر الله بالتسبيح والحمد 15 درجه


وبكده حيكون المجموع 200 درجه فى اليوم

كل يوم نقعد نجمع درجاتنا ونشوف جبنا كام درجه من ال200 [/quote]

تمت بحمد الله

كده نكون خلصنا والحمد لله

وربنا يجعله عمل خالص لوجهه تعالى

انا قلت اجمع الموضوع كله على بعض بدل ماهو مفرق فى الصفحات عشان يسهل علينا
يارب نستفاد منه خاصة ان دى ايامه وخلاص ماعدش فاضل حاجه على رمضان
كل سنه وانتم طيبين

موضوووووووووووووووووووووع ممتااااااااااااااااااااااااااااااااااز
تسلم ايديكي يا فطومه
وجزاكي الله الف خير علي هذا الموضوع القيم

بسم الله ماشاء الله

سمعت عما يسمى بالموضوع المتكامل

وده موضوع كامل متكامل فعلا وفي وقته فعلا فعلا

تشكري جدا على الموضوع المتميز

وتسلمي ياحبييبتنا

شريكة العمر كتب:موضوووووووووووووووووووووع ممتااااااااااااااااااااااااااااااااااز
تسلم ايديكي يا فطومه
وجزاكي الله الف خير علي هذا الموضوع القيم

ربنا يخليكى يارب ياحبيبة قلبى ويباركلك

اميرة من آخر زمن كتب:بسم الله ماشاء الله

سمعت عما يسمى بالموضوع المتكامل

وده موضوع كامل متكامل فعلا وفي وقته فعلا فعلا

تشكري جدا على الموضوع المتميز

وتسلمي ياحبييبتنا

انتى الى ياقمر على كلامك الجميل