عندك اى مشكلة فى شعرك مضايقاكى؟؟؟ ادخلى واكتبى مشكلتك واحنا هنحاول نساعدك

aya ibrahim كتب:انا شعرى جاف ومقصف ومجعد بس هو تقيل قوى ما شاء اللة بستخدم شامبو بانتين برو فى والمشكلة ان المياة اللى بستخدمها فيها نسبة املاح عالية عند غسلة فبتخلية ينشف بس بدات استخدم حمام كريم فاشكول انا فكرت اعمل لة فرد اعشاب بس خايفة

بصي يا حبيبتي حاولي بعد ما تغسلي شعرك تجيبي زجاجه مياه معدنيه

وبخاخه او زجاجه عطر فارغه

وتمليها بالماء المعدني دا
وبتدأي ترشي علي شعرك المغسول بالماء المالح
وتعصري
كرري العمليه كذا مره بعد الاستحمام علشان نضمن ان نسبه كبيره من الملح نزلت من الشعر

وبالنسبه للفرد لو انتي متزوجه او مخطوبه وعايزه تعمليه فرد انصحك بفرد اسمه تشي
اما لو مش متزوجه او مخطوبه نصيحتي مش تجهدي شعرك من الوقتي خليه بطبيعته احسن
واستخدمي الوصفات الطبيعيه

السلام عليكم ورحمة الله وبركاته اولا احب اسلم عليكى كتير وعلى كل المنتدى ثانيا انا مشكلتى ان شعرى بيقع كتير وطبعا بقى خفيف وبيطول بصعوبه على الرغم من ان شعرى ناعم جدا الحمد لله بس نفسى يتقل ويطول ويتظبط كده ياريت يا حبيبتى تساعدينى وجزاكى الله كل خير ا

جميله كتب:السلام عليكم ورحمة الله وبركاته اولا احب اسلم عليكى كتير وعلى كل المنتدى ثانيا انا مشكلتى ان شعرى بيقع كتير وطبعا بقى خفيف وبيطول بصعوبه على الرغم من ان شعرى ناعم جدا الحمد لله بس نفسى يتقل ويطول ويتظبط كده ياريت يا حبيبتى تساعدينى وجزاكى الله كل خير ا

وعليكم السلام ورحمه الله وبركاته
اولا يا قمر قبل ما نعالج الشعر من الخارج لازم نشوف الاسباب
اسلوب التغذيه بتاعتك لازم يحتوي علي اطعمه مفيده
لازم تكتري من الجرجير والفلفل الاخضر وكوب حليب يوميا او زبادي حسب الرغبه
ولو عندك انيميا لازم تتخلصي منها لانها بجد اساس المصايب كلها
من الواضح ان شعرك مش محتاج وصفات تنعيم ولا حاجه الحمد لله كويس
يبقي نركز علي الطول هتستخدمي الزيت دا يوميا زيه زي كريم الشعر وهو مش للشعر هو بيوضع علي الفروه تفرقي شعرك وتضعي علي الجلد وتدلكي
اللينك اهه والله الزيت دا عن تجربه حلو
مفاجأه زيت بيرفكت لعلاج جميع انواع سقوط الشعرPERFECT

ومع دا هتعملي وصفه طبيعيه
زيت جرجير
زيت جوز هند
زيت سمسم
زيت خروع
زيت نخاع

هتجيبيهم من عند العطار
وتخلطيهم كلهم وقبل كل استحمام تعمليهم حمام زيت دافيء لشعرك وتسيبيهم من ساعه الي ساعه ونصف

لاحظي يا قمر اني بركز علي الحاجات اللي بتطول الشعر فقط لانك مش عندك شكوي غير منه
وربنا يوفقك وابقي طمنينا اول باول

انا رديت لان ماريانا مش دخلت الموضوع من فتره

السلام عليكم والرحمة والاكرام

طيب مشكلتي مع شعري انو جاف ومتقصف

ادا تقدرو تساعدوني بوصفة ياريت تكون سهلة شوي يعني ارجوكم من غير حلبة لاني منحبهاش

طبيعة شعري كرلي جد متمنية ونفسييييييييييييييي

يصير نااااعم وطووووووووويل


لاني جد جد جججججججججد


تعبت وزهقتتتتتتتتتت



اتمنى تساعدوني

وربي يجازيكم يارب

jouria كتب:السلام عليكم والرحمة والاكرام
طيب مشكلتي مع شعري انو جاف ومتقصف
ادا تقدرو تساعدوني بوصفة ياريت تكون سهلة شوي يعني ارجوكم من غير حلبة لاني منحبهاش
طبيعة شعري كرلي جد متمنية ونفسييييييييييييييي
يصير نااااعم وطووووووووويل
لاني جد جدجججججججججد
تعبت وزهقتتتتتتتتتت
اتمنى تساعدوني
وربي يجازيكم يارب

بصي يا قمر بالنسبه للتقصف فلازم تقصي اطراف شعرك مش هقولك كل شهر علشان كدا عمره ما هيطول تقصيها كل 60 يوم من الغره والاطراف السفليه ومش تتقص منها كتير يا دوب بس مساوه للشعر خفيفه
وانتي لان طبيعيه شعرك جاف لازم محتاج تغذيه جامده ممكن تستعملي وصفه ماريانا دي وهتبقي جاهزه كل مره مجرد تعمليلها تدفئه بس مفيهاش تعب يعني قبل كل استحمام حطيها
الوصفة القنبلة شعرك هيوصل لركبك وهيبقى ناعم حرير وكمان كثيييييف ودا عن تجربه

واستعملي كريم دابر املا او فاتيكا الاتنين حلوين

انا شعرىكله مقصف جدا حتى التقصيف من اودام ومجعد و خفيف و مهما اقصه مش بيطول و بردو فى قشره و نفسى فى حل حتى سمعت عن زيت الحيه انه بيطول الشعر و ينعمه وكمان بيفك التكسيره بتاعت الشعر بس مش عارفه اذا كان كويس فعلا
على فكره انا كنت بعمل ماسك
كنت بقشر فصوص توم و اهرسها اضيف عليها زيت زيتون و خروع و لوز و صبار و جرجير و كنت احطه 8 ساعات بس ما حسيتش باى نتيجه خالص ياريت تساعدينى

yassmin كتب:انا شعرىكله مقصف جدا حتى التقصيف من اودام ومجعد و خفيف و مهما اقصه مش بيطول و بردو فى قشره و نفسى فى حل حتى سمعت عن زيت الحيه انه بيطول الشعر و ينعمه وكمان بيفك التكسيره بتاعت الشعر بس مش عارفه اذا كان كويس فعلا
على فكره انا كنت بعمل ماسك
كنت بقشر فصوص توم و اهرسها اضيف عليها زيت زيتون و خروع و لوز و صبار و جرجير و كنت احطه 8 ساعات بس ما حسيتش باى نتيجه خالص ياريت تساعدينى

بصي يا قمر استخدمي زيت بيرفيكت اللي قولتلك عليه هو زيت علاج وفي نفس الوقت بيخلصك من القشره وبينبت الشعر وينعمه

السلام عليكم
ازيكم يا بنانيت يارب تكونوا بخير
أنا عضوة جديدة معاكم وأول مالقيت الموضوع ده قولت الحمد لله
انا لفيت النت داير مايدور علشان وصفات الشعر لما زهقت فأتمننى ألاقى الحل معاكم

أنا شعرى كان طويل وناعم جدااا وتقيل قوى
فجأة إتقصف وبدأ يتساقط بغزارة قصيته ميت مره علشان يتصلحله حال لا فائدة
إستخدمت كل حاجه ممكن تتخيليها عصير جرجير وكحول أبيض وزيت زيتون وجاز أبيض
لا فاائدة
طبعا انا فى الموال ده بقالى 9 سنين
ودلوقتى شعرى ناشف جدا ومتكسر وخفيف وقصير
وأنا نفسى يرجع تقيل وطويل وناعم زى الأول
كمان لأن جوزى بيحب شعور الهنوود
إزاى شعرى يوصل لكده
يبقى كثيف وطوووويل وناااااعم
بس ياريت برنامج محدد أمشى عليه تقولهولى على بعضه
وجزاكم الله خيرااا

أرق أمنياتى

شكرا ياروان جزيلا


ممكن تقوليلي اي دابر املا او فاتيكا لازم احط

لاني بصراحة محتارة عند العطار انواع كثيرةةةةة ومش عارفة اي واحد احسن فيهم


وشكرا لاهتمامك وردك

jouria كتب:شكرا ياروان جزيلا
ممكن تقوليلي اي دابر املا او فاتيكا لازم احط
لاني بصراحة محتارة عند العطار انواع كثيرةةةةة ومش عارفة اي واحد احسن فيهم
وشكرا لاهتمامك وردك

زيت دابر أملا الذهبي


شكل الزيت:
الزيت لونه اخضر غامق زيتوني رائحتها قوية بعض الشي
وهي في علبة زجاجيه او البلاستيك كلها مفعولها واحد
انما الزجاجيه هي المعروفه اكثر شي وتباع في الهند كثيرا
وتباع عندنا بقله ويتم تصديرها معباه بالبلاستيك لعدم
تعرضها للكسر اثناء الشحن ومكونتها مستخلصه من نباتات اللوز والزيون
فائدتها
2- تغميق لونه مع عدة استخدام
3- منع تساقط الشعر
4- كثافة الشعر
5- القضاء على التقصف وانعدام الشعر
6- المحافظه على لمعان الشعر
كيفية استخدام هذا الزيت
- الزيت بنفسه فيه خلطات قويه فيفضل عدم خلطه مع الزيوت
الاخرى حتى لا يتم حرق البصيلات وارهاق الشعر واختناق الفروه
- تستخدميه في اليوم مره واحده كفايه نظرا لقوه مفعوله
وحتى تستطيع الفروه التنفس

زيت دابر فاتيكا باللوز

شكل الزيت:
الزيت لونه اصفر فاتح مايل للاصفرار رائحته خفيفه جدا
وهي في علبة بلاستيك ومكونتها مستخلصه
من النباتات والجوز والليمون
فائدتها: 1-
تطويل الشعر
2- منع تساقط الشعر
3- كثافة الشعر
4- القضاء على القشره
5- المحافظه على لمعان الشعر
كيفية استخدام هذا الزيت
- تستخدميه 3 مرات في الاسبوع كفايه نظرا لخفته
- تستطيعين خلطه مع الزيوت اخرى الخفيفه مثل الخروع وحبة البركه

ودا كريم دابر املا الاحمر


ودا كريم دابر فاتيكا باللوز اللي بالزيتون مش هيناسب شعرك لازم تركزي وانتي بتشتريه علشان اللخبطه


بصي انا قولتلك علي الاتنين حلوين اللي تلاقيه هاتيه هما نفس الشركه ولازم لو هتجيبي فاتيكا لازم اللي باللوز لان اللي بالزيتون مش حلو لنوعيه شعرك
وزيت دابر املا جولداحلي من املا العادي ولازم وانتي بتشتريه تتاكدي انه دابر املا او فاتيكا الاماراتي مش مصري ولا كلام تاني
علشان يجيب مفعول معاكي
والصراحه انا بفضل املا جولد الاماراتي اوي وربنا معاكي
انما في الكريم بفضل دابر فاتيكا باللوز