المكدوس السوري من مطبخي

بسم الله الرحمن الرحيم

أولا بتجيبي باذنجان زي ما انت عاوزة انا جربت في كيلو او اقل عشان أول مرة اعمله

اختي اكلته في السعودية وقالت تحفة وقالتلي طريقته قلت اجربه

بتحوشي كاس الباذنجان وتسلقيه مش اوي وتتطلعيه وتفتحيه بسكينة وتحطي ملح من جوة ويره وترصيه في مصفاة على طبق يوم كامل في الثلاجة يصفي مايته وهم بيحطوا حاجة تقيله عليه بس انا خفت يتفعص ما اهو اكيد كدة هيصفي برده






وبعدين تجيبي جوز تتطحنيه وراس توم وفلفل احمر تفرميهم في الكبة وتحشي الباذنجان بصراحة كان عندي بندق وانا مش عندي صبر قلت اجرب بيه لانه ممكن بعين الجمل برده





هنا خلطت البندق على التوم انا طحنت نص كيلوا بندق بس طبعا كمية الباذنجان بسيطة فأخدت تلت الكمية تقريبا









حشيت الباذنجان



نرصه في برطمان ونغمره في زيت زيتون اخد تقريبا نص لتر



نحفظه في الثلاجة اسبوع وبعدين نطلع منه



بس كدة
ام يوسف

يارب يعجبكم

انا هنقله للمسابقه يا حبيبتى ايوه كده رجعتينى الله لايام زمان تسلم ايديكي يا احلي ام يوسف

انا قلبت الدنيا اما وصلت له

دا بيبقي مسكر ولا طعمه ايه بالظبط يا ام يوسف ؟

ايه يا روني ده توم وفلفل وشطة هحط عليهم سكر

انا اقصد البندق مش مسكر

لا البندق مش مسكر يا حبيبتي

:سلمت يداكى:

تسلمي يا ام عزيز

اقول لماما تجربهالنا
لاننا بنموت في اي حاجه فيها باذنجان
تسلمي يا جميل