طريقتي في عمل كيكه البرتقال الهشه بالصور

نبدأ بالمقادير باسم الله الرحمن الرحيم :
2 كوب دقيق فاخر .
2 ملعقة صغيرة بيكنج بودر
قشور برتقال
1 ملعقة فانيليا
رشة ملح صغيره
1 كوب سكر
3/4 كوب زيت
1/4 1 كوب عصير برتقال متصفي
4 بيض حجم كبير ولو الي عندك صغير يبقى حطي 5

صينية لخبز الكيك وندهنها بحبة زيت وبطنيها بورق الزبدة وممكن تدهنيها زيت وترشيها بالدقيق برده بدل ورق الزبده وممكن تستخدمي أي قالب تحبيه سواء مدور او مربع أو على شكل وردة أو مفتوحة من المنتصف زي ما تحبي .

طريق عمل الكيكة
في الأول ننخل الدقيق ونحط علية البيكنج بودر ورشة الملح
وحنط معاهم الفانيليا ونسيبهم على جنب .

وفي خلاط العصير نحط البيض والسكر ونخلطهم كويس لحد ما السكر يذوب نحط قشر البرتقال والزيت

ونحط برضو عصير البرتقال ونخلطهم كويس لحد ما قشر البرتقال تبقى حتت صغيرة مش باينة .

حنلاحظ اني قشور البرتقال مش باينة خالص بس ريحتها طالعة بطريقة رهيبة
حنصب الخليط ده على خليط الدقيق والبيكنج بودر والملح .

نقلب وحيبقى قوام خليط الكيك كثيف بس بينزل بسهولة و نصبة في الصينية .

طريقة الخبز :
نولع الفرن على حرارة 190 ولما يسخن نحط الكيكة ونسيبها لمدة 10 دقايق بعدين أوطي النار على 140 وأسبيها 25 دقيقة . حتكون اتحمرت من تحت أولع الفرن من فوق علشان تحمر


دي من تنفيذي يا بنات




دي من تنفيذ اختي الكبيره اللي في قطر




يلا قولولي مين الاحلي هههههههههههه


الصور حصري يا بنات في كيكه من تنفيذ اختي وفيه كيكه من تنفيذي
والاتنين بنفس الطريقه بالظبط
جربوها هتعجبكم جداااااااااا

قماميييييييييييييير

UPPPPPPPPPPPPPPPPPPPP

ما شاء الله عليكم يا رورو بجد تحفه انتى واختك اجمد من بعض اللهم لا حسد يارب يحفظكم يا حبيبي ويبارك فيكم يارب

ميرسي يا كوكي ربنا يخليكي رافعه من معنوياتي

الاتنين احلى من بعض بصراحة ماشاء الله


بس انا فاشلة فى الكيكة خالص ديما بتهبط منى وتبقا ساكعة ههههههههههههههه

الاثنين اجمل من بعض ربنا يخليكى يا روان انتى و اختك و تمتعونا

:سلمت يداكى:

طيب جربي الطريقه دي هتلاقيها سهله اوي اهم حاجه متفتحيش الفرن عليها وهي بتتخبز

منوريني يا بنات

ان شاء الله هجربها

ما شاء الله حلوين الاتنين عاشت ايديكم