طريقتي في عمل حلقات اللحم المفروم المحشوه بالخضار بالصور

كيلو لحمه مفروم
بصلتين متوسطتين مفرومين
كسبره وشبت
بهارات عاديه
بهارات كفته
ملح


للحشو
4 بيض مسلوق
معلقه غرف جزر وبسله مسلوقه ومتبله بالملح والفلفل

الطريقه
تعجن كل المقادير مع بعض كويس جدا ويفضل في الكبه
ونحضر ورق المونيوم ربع متر
ونقسم اللحمه كورتين
ونبطط كل واحده زي رغيف العيش كويس
ونحط شويه بسله وبيضتين في اول الدائره
ونلف بالورقه لحد ما يبقي عندنا صابع كبير محشي بالحشو بتاعنا
ونلف الالمونيوم عليها كويس
ونجيب فتله ونلفها علي الالمونيوم والاطراف كويس ونربطها
ونحطها في الفرن ساعه او ساعتين وتوطي النار
هتنزل صوص في الصاج مش تحطيلها زيت وتابعيها علطول هتلاحظي ان الصابع بيكش في الفرن
وطلعيها سيبيها تبرد علشان مش تتهرد
وقطعيها حلقات وبالهنا والشفا

الموضوع حصري يا بنات
كالعاده هتلاقو قاصه الصوره لان المطبخ كان مبهدل كان عندنا عزومه
اللحمه دي من عمايل ماما
وعجبت حماتي وسلفتيني اوي طعمها يجنن
جربوها هتعجبكم جدااا
متنسوش التقييم حصررررررري

تسلم ايد ماما

يا روان وتسلم ايد مامتك

ميرسي يا بنات هبلغها بالكلام الحلو دا هههه

تسلم ايديكي يا روور ووو ديما متالقه بصراحه ربنا يجعله في ميزان حسناتك يارب

;)