خلاص هاتجنن

السلام عليكم ورحمة الله وبركاته
انا في حاجة بتحصلي هاتجنني مش عارفة ده عادي ولا ايه انا بابايا متوفي من حوالي اربع شهور والموضوع ده اكبر صدمة في حياتي ومش قادره انساه وكل حاجة في حياتي بتفكرني بيه وكل ماقعد لوحدي اعيط المهم بقي والغريب اني كل مانام احلم بيه ويكون معايا طول مانا نايمه وبيكون في الحلم انه مامتش واحنا فهمنا غلط وبيفضل معايا وكاننا في حياتنا العادية خالص وانا ببقي مبسوطة اوي بس اللي بيتعبني لما اصحي من النوم ومالاقيهوش بحس ان الحزن بيتجدد تاني ومبقتش مستحمله اعمل ايه انا هاتجنن

حبيبتي دا من شده تعلقك بيه
وهو مات من فتره قريبه برده
يعني اثار الحدث لسه مستمريه معاكي
ربنا يصلحلك الحال
وعامه لو الموضوع طول عن كدا استشيري اخصائي نفسي يا جميل

غيرى مكانك سافرى لأى مكان ولو حتى لأسبوع واحد لأن المكان اللى إنتى عايشه فيه بيفكرك بيه فلازم تسافرى بعيد عنه شويه علشان تريحى أعصابك

ربنا يرحمه يارب ويغفرله كل ما تفكرى فيه وتحسى بيه ادعيله يا حبيبتى كتير وحاولى تعمليله صدقة جاريه و ان شاء الله تبقى كويسه هو علشان لسه متوفى قريب اوى انتى حاسه كده بس الحمد لله ان كل حاجه بتتولد صغيرة وتكبر الا الحزن يتولد كبير ويصغر وربنا يصبرك ياااااااااااااااااااااااااارب

معلشى يا حبيبتى ده من اثر الصدمه عليكى ومن حبك الشديد ليه وتعلقك بيه والحاجه الوحيده اللى تقدرى عليها انك تدعيله بالمغفره والرحمه وكمان انتى المفروض تفرحى ان هو بيجيلك علطول بالاحلام كده معناه ان الله يرحمه كان بيحبك اوى وكمان انا نفس الكلام زيك بس انا باه ماما اللى ماتت اله يرحمها وكمان مش بتجيلى الا قليل وده سبب زعلى الاوى والحمد لله انا عايشه على الهامش كده يلا الله يرحمهم يارب ويصبرك حبيبتى يارب ويباركلك فى باقلى اهلك

ربنا يصبرك ويقويكى ويثبتك
ادعيلة
واصبرى

ربنا يصبرك ويقويكى اهم حاجة الدعاء له وفعلا انتى بحصللك كدا
لانك كنتى متعلقة به