انا زهقت خلاص

انا بنت عندى 12 سنه مشكلتى هى علتى وخصوصا ماما لانها بتفرق بينى وبين اخواتى البنات ديما بتزعق ليا وما بتتكلمش معايا لغايه ما بقت كل فين وفين تيجى تكلم بكون انا تعبت منها باقفل فى المواضيع وامشى وكل ما اخواتى يعملوا حاجه غلط تقف فى صفهم ضدى انا خلاص زهقت والسبب من كده انى هما كبروا وانا لسه وكل ما يعملوا حاجه تقول هما الكبار ما ينفعش اعلمهم دلوقتى

 

لدرجه      استغفر الله العظيم فكرت فى الانتحار بس تراجعت عن الفكرة وانا زهقانه من حياتى وبعدين الموضوع وصل ان هما بيرقبونى فى كل حاجه بعملها

اولا يا حبيبتى انتى نورتينا بجد وكمان احب اقولك اننا كلنا هنا اخواتك يا حبيبتى حاولي تتفهمي الموضوع عمر ما الام هتكره حد عن حد ممكن يكون بتربي فيكم بس الاحترام لبعض وممكنتكون غلط في اسلوبها بصراحه الاصح انك تصارحيها بانك وصلتى للخانقه ديه علشان تحس وتبدا تفهم وممكن تقولي لحد من اخواتك يوصلها لو انتى مش قادره المصارحه احسن حاجه وممكن تكونى حساسه زياده لانك الصغيره وتكون هي مش مركزه في الموضوع ده فلازم تلفتى نظرها وبلغينا بالتطورات يا حبيبتى ضروري واوعي تفكر في الانتحار ده اسوا حاجه في الدنيا وشويه وهتكونى اسره وهتلاقي نفسك ممكن تتصرفي زيها التفكير مع السن بيختلف وتلاقي نفسك بتفكري بطريقه تانيه اعذرويها وشوفى هي رد فعلها ايه وبلغينا بالتطورات لو حسه ان نفسيتك لسه تعبانه الافضل تشوفي دكتوره نفسيه موثوق منها وتقدر ه يتصارح مامتك وطمنينا عليكي يا حبيبتى

لا انتحار ايه!!!!اصبرى ياحبيبتى وانا ف سنك كنت بحس انى مكروهه من البيت وانهم بيفضلو اختى الكبيرة عنى لكن خلاص لما كبرت فهمت ان الكبار بيبقى ليهم احتياجات اكتر
وانتى لسه صغيرة اصبرى وهتلاقى معاملتهم بقيت زى العسل معاكى

ياحبيبتى انتى لسة صغنتوتة على الكلام دا
زى م الاميرات قالوا ليك انه مافيش ام بتكره واى ام بتحب اولادها يكونوا احسن منها ولو لقيت واحد مش كويس بتتعب فى التاتى عشان يطلع احسن
عشان كدا هى بتزعق لك دايما
وانتى ممكن تفتحى لها قلبك حتلاقيها جات معاكى

انتى بس حاسه كده علشان انتى الصغيره لكن لما تكبرى هتعرفى ان مامتك كان عندها حق وكمان متفكريش فى حاجه اسمها الانتحار لان الانتحار ده كفر بالله وليعوذ بالله واستغفرى كده وزى ما كليوباترا قالت احسن حاجه انك تصارحيها بالموضوع ده واسمعى ردها

حبيبتي لا تقنطوا من رحمه الله

الامل كبير حاولي تصبري هي بس خايفه عليكي مش اكتر

حبيبتى مفيش ام بتكره ولده بس ده طبيعى انت لسه صغيره واخواتك اكبر فهى بتعمل كده عشان تربى الاحترام بنكوا وبعدين هى بتعامل كل واحد على حسب سنه وصدقينى انت بس شيلى الموضوع من عقلك ومتسيسيش نفسك بكد وكل ما هتكبرى هتلحظى التغير

انتى الى حاسه بكده بس صدقينى كل الى فى دماغك غلط ولانك الصغيره فطبيعى ان فى فرق بينك وبين اخواتك الكبار ماينفعش تعاملكم كلكم بنفس الطريقه
طلعى الكلام ده من دماغك وخلى حد من اخواتك يكلم ماما