انا هاتجنن مش عارفه اعمل ايه

السلام عليكم ورحمة الله بركاته
انا بجد محتاجه اخد رايكو فى موضوع مهم اوى بالنسبة ليا عشان انا خلاص مش عارفه افكر لوحدى ومش ليا غيركم بعد ربنا المهم هادخل فى الموضوع ومعلش استحملونى عشان الموضوع طويل شوية
انا اتخطبت من حوالى سنه وشهرين خطيبى فى الاول كان كويس بس لاحظت انه بياخد كل خطوه فى جوازنا بصعوبه ومش عارفه ليه لانى متاكده انه بيحبنى جدا فانا قولت يمكن عشان ظروفه المادية واستحملت كتير عمره ماجبلى هدية ولا ادانى عيدية زى بقيت البنات انا غصب عنى بلاقى نفسى اقل من اى بنت تانيه بس برجع وبقول كفايه انه بيحبنى وانا كمان بحبه وكمان وافقت انى اعيش بعيد عن اهلى فى شقه صغيره جدا وكل حاجة اخترتها للشقه عمل غيرها لانه بيفكر فى الاوفر ليه عشان ظروفه وحشه انا عارفه كده وعشان كده كنت بسكت وبقول لما نتجوز ابقى اغير براحتى ، المهم بقى هو المفروض كان متفق مع بابا الله يرحمه على سنة او اقل لو الشقه خلصت وكل ماستناه يعمل حاجة من نفسه مايعملش ابدا الا اذا عملت معاه مشكله ويعمل حاجة ويقف تانى وهكذا والحمدلله جهز الشقه بالعافيه ولسه كمان ناقص النجف مشتراهوش وكمان انا تقريبا اللى شايله الشقه كلها عشان كده مش قادره اطلب من اهلى يشيلو حاجة تانى من عليه عشان صعبو عليا وهما مش بيرضو يزعلونى بس انا ضغطت كتير عليهم عشان الموضوع يتم ، ودلوقتى السنة خلصت وهو لسه مخلصش اللاود ولا اشترى بقيت الحاجات اللى ناقصه ومش قادر يحدد حتى معاد للفرح وانا والدى اتوفى ودلوقتى عمامى واخواتى هما اللى فى الوش وخايفه يعملو مشكله والموضوع يبوظ بعد صبرى ده كله معاه وامى دلوقتى عايزه تتكلم معاه وعايزه تجبره انه يحدد معاد بس بجد انا خايفه ومش عارفه ايه الصح قوليلو اعمل ايه انا مش حاسه انى فرحانه ولاعمرى حسيت بالفرحه من اول الموضوع قوليلى ايه الصح معاه عشان اعرف اتصرف واسفه انى طولت عليكو

ربنا يتمملك علي خير يارب
بصي انا مش بفهم اوي في المشاكل العاطفية عشان انا كمان اي حاجة بتحصلي لازم اخد رايهم هنا في المنتدي
بس انا رايي تكلمي مامتك طولت العمر ليها تخليها هيا اللي تكلم معاه عشان هو عارف انك بتحبيه وعارف انك مش هتقدري تبعدي عنه ولا حاجة فتخلي مامتك تتكلم معاه وتخوفه مثلا ان ممكن بعد الشر ان اعمامك لو الوضوع طول ممكن يفسخو الموضوع مجرد تهديد وتقوله انك متعرفيش حاجة عن الكلام ده عشان ميزعلش منك ولا حاجة وبعدين موضوع الفلوس انتي ممكن تستحملي لغاية لما انشالله ربنا يكرمكو وتتجوزوا وبعد كده انتي تقدري تغيري منه طالما بتحبيه وهو بيحبك مش هيزعلك وعلي راي المثل جوزك علي ماتعوديه
وربنا يتمملك علي خير يارب ونفرح بيكي في اقرب وقت

في المواقف الشائكه ديه يا حبيبتى لاززم تصلي استخاره ولازم مامتك تكلموا يا حبيبتى مينفعشي الدنيا تبقي سبهلله وكمان يحس ام في حد مهتم بطريقه لطيفه وفكري كويس هتقدري تكملي بنفس الضغط ده ولا ظروفه ممكن تاثر عليكي وخاصه مع الاولاد لازم تعرفي انك هتتضغطي يا بنات بعد الجواز المسئوليات كبيره ولازم تعرفي انك هتضحي وده اختيارك ومترجعيش تعاتبيه وربنا يوسع عليه باذن الله بس لازم كمان تفرقي بين البخل وبين الضغط المادي يعنى هوه مزنزق ولما بتفك عليه طول الفتره ديه مفيش اي هديه ده مش طبيعي فاهمانى حتى لو رمزيه وصلي استخاره وخلي مامتك تتكلم بهدوء وتشوف ايه الاخبار يارب يتمم ليكي علي خير يارب يا حبيبتى ويهدي لك الحال يارب

ربنا يتمم لك على خير فعلا كلام كوكى صح انك لازم تصلى استخارة لانو الجواز مش حب وبس فى مسئوليات كتيرة وحاجات كتيرة

فغلا لازم مامتك تتكلم معاه بالهداوة

اللفىيه خير ربنا يسهل لك

بصي هو طبعا اولا استخاااااااااااااااااااارة و ثانيا ماما تكلمه و تنبهه انه لو منفذش الكلام ده اعمامك هيتدخلوا
ثانيا بقي و ده الاهم
تجيبي ورقة و قلم كده و تقعدي مع نفسك
تحددي فالورقة دي هو جابلك ايه و انتي جبتي ايه
لو طلعتي انتي جبتي اكتر بكتيييييييييييييييييييييييييييييييييييييييييييييييييييييييير منه
احذري
هو كده بخيل
عشان ولا حتي هدية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا حتي عيدية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كده كتير فعلا دي ابسط حاجة هدية و عدية
ده السنة يادوب عيدين و عيد ميلادك و عيد الام و خلصنا
4 مناسبات فالسنننننننننننننننننننننننة
و ولا هدية واحدة؟؟؟؟؟؟؟
لا راجعي نفسك بجد
و بلاااااااااااااااااااااااااااااااااااااااااااااااااااااش هجيب بعد الجواز دي
مافيش حاجة بتيجي والله
هتقولي هحوش و هجيب النجف بعد الجواز
هتلاقي بعد الجواز بتقولي لا احوشهم اامن بيهم مستقبلنا ولو جه طفل هتقولي لا البيبي احسن
و مافيش حاجة بتيجي والله
انا مجربة ده
الحل يا حبيبتي
راااااااااااااااااااااااااااااااااااااااااااااااااااااااااااااااااااااااجعي نفسك قبل الفاس ماتقع فالراس و يفوت الوقت

فعلا كلام كل الاميرات صح جدا جدا
مفيش حاجة بتيجى بعد الجواز
لازم تراجعى نفسك وتتاكدى ليكون دة بخل مش ظروف مادية
انا جوزى فى فترة الخطوبة كانت ظروفة صعبة بس كان بيدينى عدية حتى لو رمزية

بصى يا قمر انا عايزاكى تكلميه هو فى الاول براحه من غير مشاكل زى ما انتى بتقولى يعنى اصبرى الشويه دول كمان يعنى انا اقصد اللى يخليكى تستنى العمر ده كله يخليكى تصبرى الشويه دول يمكن ربنا يهديه ولو كلامك معاه مجابش نتيجه خلى مامتك باه اللى تتكلم معاه وتشد عليه شويه لان هو عامل كده علشان عارف انك بتحبيه وعمرك ما هتتخلى عنه بس انا عايزاكى تغيرى اليومين دول يعنى مثلا:تقللى من الكلام معاه يعنى تعملى انك زعلانه منه علشان انتى نفسك ان الشقه تكمل طبعا ده طبعا بعد ما تكلميه فى الاول وخدى منه موقف لحد ما يحس بغلطه وان هو اتاخر عليكى وعلى اهلك اوى وانك استحملتيه وصبرتى كل ده علشان خاطره

ويارب اكون افدك شويه وربنا يهديه يارب وتكمله على خير ومتنسيش تعزمينا على الفرح انشاء الله