انا زهقت منه

السلام عليكم ورحمة الله وبركاته

انا موضوعى غريب شويه يا بنات بس اعمل ايه انا والله العظيم زهقت

الاول احب اشكر المديره على القسم الحلو اوى ده علشان نقدر نلاقى حلول لمشاكلنا انا بنتى عندها حشرات كتير اوى فى شعرها لدرجة ان هى معدتش عايزه تروح المدرسه خالص لان شعرها بيوجعها من تحت الطرحه وهى صعبانه عليه اوى وانا جربت معاها كل حاجه وكل الوصفات بس مش عارفه ليه مش بيروح بليز ساعدونى لان بجد انا تعبت منه هى ذات نفسها زهقت منه وتعبت خالص فعشان خاطرى ياريت اللى تعرف حاجه جربتها تقولى عليها

وربنا يسهل يارب

اه يا حبيبتى ده مشكله يارب يشفيها ويعافيها يارب انتى نورتينا وشرفتينا يا حبيبتى انا احب انك تروحي لدكتور جلديه ممكن يديكي دهان علاجي وكمان تعمل شعرها مكوى عند كوافيره 3 مرات وري بعض بتقتل البيض وتموته وده اهم حاجه مع تسريحك للشعر 3 ايام بردوا يبقي بتموتى الصاحي والبيض جربي ده سمعت عنها كذا مره لحد ما يروح بس تعرفي الكوافيره علشان تتك بالمكوي وتكون سخنه وكمان في ليسيد والدهانات التانيه بس عايزه صبر وهشوف ليكي مووضوع كامل باذن الله بكره علشان اجمع ليكي كل التجارب باذن الله يا حبيبتى وهكتبلك هنا اللينك بتاعه يارب يفيدك يارب ونقدر نساعدها يارب

كان فيه موضوع لنورا هنا
منزلاه بتقول انه
زيت اليانسون حلو اوي
ومش منه مخاطر

ربنا يعافيها يارب
وحفزيها عالعلاج
قوليلها دي كذا جربت كذا ونفع معاها
وان شاء الله هيجيب نتيجه

بس خليها بعد ما يروح تحافظ علي غسيل شعرها مرتين اسبوعيا
ولازم كل فتره تفتشي في شعرها
علشان لو اتنقلها حاجه او كدا تلحقيها قبل ما تنتشر تاني

ربنا يشفيها ويعافيها

زى ماقالت كليوباترا وروان كلامهم صح
المكواة بتقضى علية انا سمعت كدة
وكمال ليسيد حلو قوى
وربنا معاكم

اه انا سمعت عن المكوى دى كتير جدا وانشاء الله اسالك وارد عليكى يا قمر

وربنا يسهلك يارب

ربنا يشفى بنتك
بس انا مع كل الللى هما بيقولوه بس لازم
تروحى لدكتور جلديه الاول
لان ممكن تكون دى
حراره فى فروة راسها
ولازم دكتور الجلديه هو اللى يعالجها ليها
طالما انك بتقولى انك جربتى كل الوسائل التقليديه اللى معروفه لنا ومجبتش معاها نتيجه
يبقه لازم دكتور مختص

فعلا لازم تروحى للدكتوره بدام جربتى حاجات كتير ومافيش فايده بتبقى محتاجه علاج لانى اعرف حاله ماراحش من شعرها غير لما راحت للدكتور وان شاء الله ربنا يصرفه عنها يارب وده ابتلاء من ربنا ربنا يصبرك

بصى ياحبيبتى اول خطوة لازم تعمليها انك تقصى شعر بنتك
لان الحشرات استحاله تتعالج وهو الشعر طويل خدى بالك معلش الشعرهيطول تانى بس يطول على نضافة احسن
تانى حاجة هتجيبى جاز معزل وتدهنى بيه كل يوم هيطول وكمان بيموت الحشرات ومتنسيش بالليل تغسليلها شعرها وفى لصبح تدهنى لايسيد كوقاية عشان متتعديش تانى
هتغسلى شعرها بمطهر من الصيدليه بلاش الشامبو والصابون لا مطهر من الصيدليه عشان الجروح وكدا تتطهر
اهم حاجة ترشى خل ابيض على المشط وانتى بتسرحى شعرها وبعد ماتخلصى تغسلى المشط وتتكررى كل مرة تسرحى شعرها فيها
وكل يوم اغسليلها فوطتها بمطهر وكمان كيس المخده بتاعها

http://www.wasafatcleopatra.com/t16849-topic بصي يا حبيبتى الموضوع ده كمان

بصى انا مش عارفة حل الموضوع ده بس اكيد هيكون ف اللينك اللى كوكى كاتباه بس نصيحة منى حاولى متخليش الوضوع ده ياثر ع نفسيتها عشان ممكن يعمالها مشكلة كبيرة وتخاف من الظهور وسط الناس كمان يقلل من ثقتها بنفسها حسسيها انها مشكلة بسيطة وهتعدى وان شاء الله تبقى كده