الارز على الطريقه الايطالى

الارز هنا بيختلف فى طريقة تسويته عن عندنا فى مصر هنا الارز لازم يكون معجن مش زى عندنا فى مصر لو شافوه كده يقولو عليكى ست بيت فاشله الرز لازم يكون مفلفل
بيسووه هنا ازاى لو مثلا انا عايزه اعمله بالسبانخ او بالجمبرى والكوسه او بفواكه البحر
بجيب زيت زيتون وفصين توم مبشورين اشوحهم فى الزيت وبعدين اضيف السبانخ مفرومه او اضيف الجمبرى والكوسه او اضيف فواكه البحر على حسب الى انا بعمله واشوحهم فى الزيت شويه وبعدين احط الرز وابتدى ازود ميه شويه شويه واقلب من غير ما اغطى على الرز وافضل اقلب وكل مالميه تنشف ازود الميه واقلب وافضل ازود ميه واقلب لحد مالرز يستوى بيكون فى الاخر معجن وكريمى كده ولو انا عاملاه بالسبانخ حزود شوية صلصه مع الميه وفى الاخر ازود شوية جبنه بارميجانو
وبالهنا والشفا

حرام عليكي يابطة فكرتيني وجوعتيني لبعتيلي طبق ريزوتو بقي

ايوه كده لازم بق ينستغلك وتجيبلنا احلي الاكلات تسلم يلينا يا فطومه يارب تصبحي علي الف خير

تسلم ايدك

ام جنة وفرحة كتب:حرام عليكي يابطة فكرتيني وجوعتيني لبعتيلي طبق ريزوتو بقي

من عيونى حالا يكون الطلب عندك ياقمر

كليوباترا كتب:ايوه كده لازم بق ينستغلك وتجيبلنا احلي الاكلات تسلم يلينا يا فطومه يارب تصبحي علي الف خير

وانتى من اهل الخير حبيبة قلبى
انا عيونى ليكم وان شاء الله كل ماتعلم حاجه جديده هنا حجبهلكم علطول

دوما توك كتب:تسلم ايدك

تسلمى ياقمر نورتينى

تمام انا بحب الاكلات الغريبة اووووووووى عايزة اتعلم كل الاكلات الغريبة مش عايزة افضل اطبخ لما اتجوز محشى وملوخية والحاجات التقليدية دى عايزة اتعلك اكلات غريبة عشان يعرف انى مميزة ههههههههههههههههههههههههه
تسلم ايدك يا احلى بطوط بس الرز بالسبانخ ده او مرة اسمع عنه على فكرة وعن كمان الرز بالجمبرى والكوسة بيبقى حلو والسبانخ بنسلقها وبس كدة ولا ايه؟