الفشه والكرشه على الطريقه الايطالى

الاول حتسلقى الفشه فى ميه فيها خل ونقطة ليمون وملح و ورق لورى ولما تستوى تطلعيها من الميه وتقشريها
وكمان حتسلقى الكرشه

وبعدين تجيبى شوية زيت وتحطى فيهم جزره مبشوره وبصله مبشوره وكرفس مبشور وتشوحيهم شويه على النار وبعدين تحطى فيهم الفشه والكرشه يتشوحو معاهم هما كمان وتحطى قرن شطه مع شوية صلصه وملح وتزودى شوية ميه وتسيبيهم يستوو مع بعض شويه وبعدين تقدميهم مع العيش او الرز

وبالهنا والشفا

ياجامد يا جامد كمان كمان هههههههههههههههه
اى حاجة تتعلميها عرفيها لينا عشان اجوازنا يدعولك ههههههههههههههههه

من عيونى يا احلى ايمى اول باول حمدك بالاكلات الايطالى
انا فى واحده بتعلمنى اليومين دول وكل ماتعلمنى حاجه حجبهالكم جرى ان شاء الله

واللهي شغل عالي لازم نستغل الاكل الايطالي طول ما انتى هناك يا فطومه تسلمى يارب

تسلميلى يارب ياقمر وانا عيونى ليكم