حنه لفرد الشعر في خلال 24 ساعه ليصير كالحرير لمدة سنه بدون سشوار

اليوم حبيت اعرض عليكم منتج جديد ... ويفيد النساء خاصه لأنه بيريحهن من السشوار لمدة سنه كامله.. وهو عباره عن حنا...


مكونات الحنه:
الحنه تتكون من اعشاب طبيعيه معروفه بمفعولها في فرد الشعر كالقرنفل ..

طريقة استخدامها:

يفرد الشعر بالسشوار او الفير علي حسب خشونة الشعر و يفضل طبعا الفير

تعجن الحنه بالماء المغلي تماما كما نعجن الحنه العاديه او الي ان تفرد بسهول علي خصل الشعر

تأخذي عدة خصل من الشعر و تضعي الحنه عليهم بالكامل و تصل الحنه لجميع الشعر و تشدي الخصل الي الاسفل لكي يتم فرد الشعر
و هكذا الي ان تنتهي من الشعر تماما
و في النهايه تمسحي علي شعرك بالحنه لتصل الحنه الي كل شعرك من الامام

ثم تثبتي طرف شعرك ببنسه علشان ما تتعرض الحنه للسقوط و انتي فاتحه شعرج و تتركيها لمدة 24 ساعه ثم تغسلي شعرك ..

المميزات

# شعرك ما شاء الله مفرود كالحرير لمده سنه( ملحوظه انا مااستخدمته بس في ناس استخدموه من سنه واشكروا فيه لأنه شعرهم استوى سايح من دون استشوار)


# طبعا بالنسبه للي شعرها مموج جدا بتتفاجأ بعد فرد الشعر ان شعرها صار شكله طويل على غيرالعاده

# لن تعاني بعد الان من قرف السشوار او الفير

# هي غير البيرم لانها تعطي الشعر نعومه و فرد كانه طبيبعي غير البيرم اللي يبان ان الشعر معمول فير و كمان بعد فتره قليله تكون الاطراف واقفه و مدببه فضلا علي ان البيرم كله كيماويات

العيوب:

# تعطي الشعر لون اسود
# لن تقدري علي صبغ شعرك الا ان تقصي اجزاء شعرك المفرود لان يمنع وضع الاكسجين علي الحنه منعا باتا ( لا ينفع لراعيات الصبغه و تغير لون الشعر إلا إذا كنتي صابغه شعرك فتره ماتقل عن ست شهور)

# يجب الاهتمام بشعرك و تغذيته عشان يكون شعر صحي مب تقولين شعري استوى ناعم وسايح خلاص مااعتني فيه بالعكس لازم تعتنين فيه اكثر
لان شعرك مثل جسمك و بشرتك يحتاج لفيتامينات ما بتلاقيها في الاكل و بتعوضيها بعمل حمامات الكريم
منقوول

يا بنات انا حذرت من الحنه دي لاني كنت بعمل عليها سيرش ووجدت انها بتتكون من ماده البطاس والحديدوز

دا غير انها بتبقي اول شهر كويسه بعد كدا بتوقع الشعر بطريقه مش طبيعيه الفرد اللي احنا بنقول عليه خطر ارحم منها والله ولو عايزيني اطرح عليكم بعض اراء الناس عليها مستعده انقلهالكم

بس بعد موافقه الاداره

اه يا روان تسلم ايديكى كويس اوي ان مشمشه نزلتها علشان نحذر لانها اكيد عجبتها وعجبت بنات كتير فالافضل نزلى الاراء علي اننا بنجمع الراي والراي الاخر وتسلم ايديكى انتى ومشمشه القمر نزليه يا روان في مووضوع مستقل وبينى الاراء لتحذير البنات يا رب يكرمكم كلكم للافضل يا احلي اميرات بس نزليه

السلام عليكم ورحمة الله وبركاته
اولا انا بشكر مديرة المنتدى لانها سمحتلى بالرد على الموضوع لانه فعلا مهم
ثانيا بشكر كاتبه الموضوع لانها عرضته
ثالثا احب اعرفكم بنفسى
انا اسمى هبه واعمل فى مجال الحنه الفرد من سنين
احب اعرفكم بطريقه خلط الحنه وفوائدها واضرارها
اولا الحنه بتتخلط بميه مغليه وزيت زيتون فقط لاغير وانا بخلطها بايدى ( يعنى اكيد لو فيها بطاس هخاف على نفسى منها وعلى شغلى كمان )
ثانيا بعد وضعها على الشعر بتقعد لمده 24 ساعه بالضبط ( برضه لو فيها بطاس استحاله تستحميلها على شعرك ساعتين دا غير انك لما هتشيله الطرحه هتشيلة فروة راسك كمان معاها )
ثالثا بتتغسل بمياة فاترة فقط ويتم تغذية الشعر لمده 3 ايام متتاليه بزيت الزيتون ليحصل على افاده وتغذيه كامله متكامله
فوائد الحنه :
1- فرد الشعر طبيعيا
2- معالجه تقصف الشعر فوريا فور غسل الشعر بعد اربع ايام بالشامبو
3- فتله الشعر بيتم تضخيمها عن طريق الزيوت مما يعطى للشعره قوه ولمعان
4- الشعر بياخد منظر صحى طبيعى جدا
5- لا بيحتاج استشوار ولا مكواة ابدا مجرد لفه خفيفه لو عندك مناسبه و
هتكونى كانك طالعه من احسن كوافير حالا
6- عمر الحنه مش سنه ولا 6 شهور كما قالت كاتبة الموضوع الحنه دائمة فى الشعر الى ان يتم قصه كل ما فى الموضوع ان الشعر الى طالع جديد من منبته بيحتاج يتعمل وعلشان فى ناس حسب نمو شعرهم بيبقى سريع بيحتاجو تانى قبل المدة للشعر الجديد فقط
7- ((( اهم حاجه يابنات ان بيوقف سقوط الشعر )))

اضرا الحنه :
1- اولا هتتعودى على لونه ولمعته لانه اللون الاسود بتاع الهنود بالضبط
2- فى ماده من ضمن المواد الى بتدخل فى الحنه بيتم تحميصها جيدا وهذا هو سبب اللون اسود ولذلك الحنه لا يوجد منها الا اللون الاسود فقط


ملحوظه للاخت العزيزة الى كانت بتحذر من الحنه انا متاسفه جدا بس هضطر اضربلك مثل انتى لو رحتى مكان تشترى منه بطيخه ولما روحتى البيت طلعت قرعه هل معنى ذلك ان كل البياعين البطيخ الى عندهم مش حلو ارجوكى جربى الفرق ما بين الحنتين علشان تعرفى الفرق ايه واكيد انتى بنفسك الى هتشكرى فيها ولكى جزيل الشكر على الرد بس مش معنى كلامى ان الى انتى قولته غلط بالعكس هو فيه ناس فعلا بيعملو بالبطاس بس مش بيعجنو بايديهم او يخلوها فترة طويله على الشعر والا هيكونوا مشرفين فى الكراكون بسبب القضيه الى انتى رفعاها عليهم وشكرا تانى لردك


يابنات والله جربوا الحنه دى ولن تندموا ابد (((( للمحجبات فقط ))))

وعلى فكرة زباينى الى قروا الموضوع الاول وكلمونى بسرعه من الامارات لان اغلب زباينى من الدول العربيه والحمد لله


ولكم جزيل الشكر جميعا وانا اسفه جدا انى طولت عليكم وهنتظر ردودكو
والى عايز يستفسر منى على اى حاجه فى موضوع الحنه او يراسلنى بسببه على الخاص

والسلام عليكم ورحمة الله وبركاته

انا لم اعارض فكره الفرد بالحنه بل انا كنت ببحث عنها علشان والدتي وخفت من الكلام بتاع السيرش اللي كله قال عليها

ساعدوني رواااااان هاام وضرووووووري

الوقتي السوال هل حضرتك تقصدي الحنه اللي الكيس ب 75 جنيه دا

ولا حنه طبيعي وبتخلطيها بالمكونات اللي انتي قلتي عليها دي

لاني محتاره بجد

انا عايزه افهم هيه الحنه دى العاديه ولا دى حنه تانيه طيب ممكن اشتريها منين مكان مضمون وبكام لو سمحتى بس ردى عليا بسرعه

لسلام عليكم ورحمة الله وبركاته
انا فعلا اقصد الحنة الى الكيس بتاعها ب 75 والكميه فى الكيس حوالى 150 جرام وهى بتيجى بمكوناتها كلها مش ناقص بس غير عجنها ساعة الاستعمال بالماء وزيت الزيتون
اما عن اماكن وجود الحنه فانا شخصيا لا اعرف انا احضرها من رجل يتعامل معرفه شخصيه ياتى بها بكميات هائله ويوزعها فلذالك لا استطيع ان اخبركم عن مكانه اما اذا احتاجتها اى اميره من الاميرات فمن الممكن ان تخبرنى بذلك واذا احبت احضر لها الحنه او اعملهالها كما تريد
اما عن مكان وجودى فانا فى القاهره يعنى لو واحده عايزه ممكن تقولى على الايميل وانا ابعتلها طلبها كما تريد وياريت يابنات تبعتولى من الميل بتاعكو مباشره علشان اعرف ارد عليكو
وشكرا للاستفسار والى عايز حاجه انا تحت امره

بوه ياريت تنزلى الموضوع بتاعك يا قمر على المول هيبقي اوضح كتير وهتبقي معروف مكانك فهمانى نزلى موضوع بداخل المول عندنا هنا وحطى رقم تليفونك فى بياناتك الشخصيه يا قمر نورتينا

معلش يابنات نسيت اقولكو ان متوسط الشعر بياخد 4 اكياس ممكن اقل او اكتر حسب طول الشعر وكثافته
بالنسبه للجميله روان ممكن تقوليلى انت منين واحاول اجيبهالك انا لو تحبى وتعمليها لمامتك او اعملهالها انا زى ماتحبى برضو يا جميل

حبيبتى كيلو باترا استسمحك بس تقوليلى ازاى انزله على المول لانى مش عرفاه وشكرا ليكى يا جميل