مسقعة بالبشاميل

01.11.16 23:12

مكونات : بتنجان - لحمه مفرومه - طماطم مقشره ومقطعه مكعبات صغيره -فلفل اخضر قطع صغيره - فصين توم مهروسين ناعم - بصله صغيره - ملح - فلفل -كمون - كسبره ناشفه مطحونه -ملعقة زيت
صلصة باشميل

الطريقه : يقشر البتنجان ويوضع عليه ملح ويترك حتى يصفى الميه

يوضع البتنجان فى الدقيق ونفضه من الدقيق ويقلى فى الزيتويوضع على مناديل المطبخ - وعلى فكره مش هتلاقيه شارب زيت

نشوح البصل فى معلقة الزيت وبعدين نحط الفلفل والتوم والكسبره والكمون والطماطم المقشره والمقطعه مكعبات صغيره وبعد كده نضيف اللحمه ونقلب لحد ما تستوى وتشرب ميتها وتضيفى الملح والفلفل

نعمل صلصله الباشميل : 3 ملاعق كبيره دقيق و3 ملاعق سمنه او زبده - ملح -فلفل -

ونحمر الدقيق فى السمنه وبعدين نضيف اللبن المغلى انا بحط اللبن بالقشطه بتاعته ونقلب لحد ما يصبح قوام الباشميل وسط لا سميك ولا خفيف

ندهن الصينيه زبده ورشة بقسماط وبعدين شوية باشميل
ونرص كميه من البتنجان وبعدين اللحمه وممكن جبنه بس أنا بحبها كده
وبعدين طبقة بتنجان وبعدين الباشميل

وندخلها الفرن لحد ماالوش يتحمر