مسابقه جديده ملكه الرشاقه لكل اللي عايزه تخس

مسابقه جديده يا احلي بنااااات واللي هتتقدم بجد مش عايزين هزار ومنافسه شرسه تماااااااام

اولا
عايزين 10 متسابقات

ثانيا
هتصور الميزان قبل المسابقه وهى واقفه غليه الرقم وطبعا حد هو اللي هيصورلها وصوره واضحه واللي صورتها لازم الرقم واضح

ثالثا
هتتصور بعد اسبوع الميزان طبعا مش هى واللي هتخس اكتر هتكمل بالتدريج واللي مش هتخس هنخرج واحده واحده كل اسبوع لغايه ما نوصل لملكه الرشاقه

الاخيره هتفوز كمان انها تكمل المسابقه اللي بعدها
وهنزل ريجيم كل اسبوع جديد
علي ان ما يكنش عندك اى امراض قلب سكر ضغط انيميا ده تحذير
والمشي لازم وكل واحده هتدخل تكتب لخبطت ايه وعملت ايه كل يوم ومشيت اد ايه

والفائزه هتفوز بوسام ملكه الرشاقه في المنتدي وهنحطه باذن الله في اوسمتها الوسام لسه بنجهزه الاول نجمع عشره بس
المطلوووووووووووب


السن
الوزن الحالي
الوزن اللي بتتمناه
الطول

الهدف من المسابقه التشجيع والمنافسه لو نجحت هنكملها تاني

عايزه رايكم واول عشره هيتقدموا وياريت يحطوا الصوره

اول عشر بنات هيتقدموا وبعد كده هنقفل باب التقدييم

انا اول واحده :]
هيييييييييييييييييه
بس حكايه التصوير دي المشكله انهم مقتنعييين اني مجنونه كده هتزيييد اوووي مش مشكله بجمله
انا عندي 26 سنه
طولي 176
وزني 88
نفسي اوصل ل70

وانا هبه الله
24 سنة
الطول 160
الوزن 70
ونفسى اوصل 60 كيلو لان خطيبى معقدنى فى حياتى بسبب جسمى

الحمد لله لحقت هييييييييييييييييييييه
انا بقى اللى تقدرو تقولو عليها معقده
كان وزنى من سنتين 72 كيلو ودلوقتى 97
نفسى ارجع للوزن ده تانى
انا هبه 24 سنه
170سم

انا كمااااااااااااااان بس محتاجة تشجيع لاني في النازل خالص ومش عايزة اضيع اللي عملته سابق ومحبطة جدا بصراحة يمكن يكون السبب علي ايديك
المهم
الطول 168
الوزن 77.50
السن 20
حكاية التصوير طبعا صعب عشان بوزن برة البيت وابقي قولي حتبدي امتي

طيب نتاكد ازاى لو مفيش تصوير علشان متزوغوش منى اعرف ازاى ها عندكم فكره غير التصوير ها قولولى انا بحب الافكار شوفوا طريق تانيه طيب وانا معاكم ومستنيه
معانا اربعه وفاضل سته هاااااااااااااااا يالا مستنياكم وكمان هنحط في توقيعكم يا بنات انا مشتركه في مسابقه ملكه رشاقه وصفات كليوباترا بس بجهز الصور للتوقيع وهحطها ليكم قولولى فكره غير التصوير لو لقيتوا قولولي

خدوا بالكم تقرير يومى ان شاء الله من كلمتين بس حتى علشان نشجع بعض تدخلي تكتبي مشيتى اد ايه لازم مشي وكمان الاكل عكيتى ولا لا كتانيب لضميرك علشان تشجعى نفسك وتكتبوا كل اللي كلتوه واخر اليوم مش تكتبوه ليه ليكم انتم فى ورقه علشان تعرفي اد ايه مشيه صح وتكتبي هنا بس انك مشيتى كويس في الاكل ولا لا طول اليوم لااااااااااازم

انا ممكن اكون معاكم
انا عندى 21 سنة
وطولى176 سم
ووزنى110 كجم :oops:
ونفسى اوصل ل80-85 كجم يعنى ياريت يارب بس معلش عندى مشكلة معنديش ميزان وباوزن عند الدكتور بتاعى كل اسبوع بس محتاجة تشجيعكوا
فكده ينفع اشترك ولا لأ

حلو اوى الموضوععع بس يا رب ينفع ههههههههههههه
الاسم : روزى
السن 22
الطول 175
الوزن 84
الوزن المطلوب 74 :flower:

honest كتب:انا ممكن اكون معاكم
انا عندى 21 سنة
وطولى176 سم
ووزنى110 كجم :oops:
ونفسى اوصل ل80-85 كجم يعنى ياريت يارب بس معلش عندى مشكلة معنديش ميزان وباوزن عند الدكتور بتاعى كل اسبوع بس محتاجة تشجيعكوا
فكده ينفع اشترك ولا لأ

ينفع طبعا طبعا ونورتينا انتى هتمشي علي دايت مع الدكتور وبس تشجعي نفسك معانا هنا متمشيش علي الدايت اللي هنزله واى حد ماشي مع دكتور حلو اوى تماااااام يمشي علي الدايت ويكتب بس مذكراته اليوميه هنا بس المشكله نتاكد من قصه الوزن ازاى انه قل حد يدينا فكره

rozeta كتب:
حلو اوى الموضوععع بس يا رب ينفع ههههههههههههه
الاسم : روزى
السن 22
الطول 175
الوزن 84
الوزن المطلوب 74 :flower:

يارب باصرار وتحدي ما بينكم واحساسكم انكم في مسابقه هينفع ان شاء الله