مسابقه جديده من اول 15 سبتمبر وجوائز ماديه

مسابقه جديده من اول 15 سبتمبر وجوائز ماديه

ازيكم يا احلي اميرات نطلع بقي من الوخم شويه ههههههههههههه ونبدا المسابقه الجديده المسابقه اللي فاتت اتاجلت بناءا عن رغبتكم بس لازم نبدا مسابقه جديده يالا علشان يشارك ونرجع ننشط المنتدي من جديد

شروط المسابقه هتكون مسابقه لاكتر عدد مواضيع غير منقوله علشان نرجع لحمله لا للمنقول وطبعا اي حد هيشارك هيتم مراجعه مواضيعه وهنعمل قسم خاص بمواضيع المسابقه وهنرجع نوزعها علي المواضيع المميزه في الاقسام يالا نبدا واللي هتشارك تترك اسمها يا بنات وهنزلكم اللينك الخاص بمكان مواضيع المسابقه

الفائزه هتكون باكبر عدد مواضيع وهتفوز ب كارت موبيل شحن موبينيل او اتصالا ت او فودافون ب








50 جنيه يالا يا بنات عايزين الهمه والنشاط ونعمل احلي مواضيع

طبعا لحفظ موضوعك ومجهودك ياريت ترفعوا لوجو المنتدي علي صور الموضوع مع اسمك كمان

ويارب يوفق الفائزه والنتيجه هتكون 15 اكتوبر والمسابقه هتبدا من 15 سبتمبر

الرابط الخاص باضافه المواضيع

http://www.wasafatcleopatra.com/f137-montada

اللي هتشارك باي موضوع يا بنات تضيفه في القسم ده
طبعا لازم يكون موضوع كامل مش مجرد سؤال او اقتراح او مناقشات ممكن نجمع ونقص ونلصق يعنى نعمل زي بحث لموضوع من الالف للياء صدقونى بتبقي مواضيع رائعه وبتفيدنا كلنا وممكن تعملوها علي حلقات زي موضوع الديكور والاتيكيت والمكياج في افكار كتير ممكن عن التنظيف المنزل العنايه بالاطفال عماله اغششكم اهه هههههههههههههههه ربنا يوفقكم جميعا يا احلي اخوات

يا كوكى انا معاكى


ان شاء الله


ربنا يقدرنا ونفيد المنتدى

شوشو يا حبيبتى تنورى المسابقه وطبعا مواضيعك يا شوشو ديما مواضيعك مفيده يا حبيبتى ربنا يكرمكم كلكم يا بنات ويوقكم ان شاء الله

تسلميلنا يا كوكى يا مجمعانا


يسلم ذوقك ولسانك اللى بينقط سكر

تقريبا مشتركه معاكم
هاكد عليكم كمان يومين

تسلمولي يا حبيبي يارب ويارب يا رورو تقدري تشتركي بتنورى المنتدي يا حبيبتى وكل الاميرات بتوحشونى يا بنات بجد يارب يجعل تجمعنا ديما تجمع خير يارب

وانا ان شاء الله معاكم

يا سلام علي الجمال فطومه حبيبه قلبي منوره المسابقه ديما يارب ومنوره المنتدي يا حبيبتى تسلمي يارب يوفقكم يا بنات ويجعل كل حرف في ميزان حسناتنا يارب

تسلميلى يارب حبيبة قلبى ربنا يجعل اعمالنا جميعا خالصه لوجهه يارب

يارب يا فطومه انا حسه انكم وحشنى اوي مش عارفه الواحد ماله بقي مش مركز ونفسيتى مش مظبوطه ربنا يفك كربنا جميعا يارب ويسعدنا ويجعل اعمالنا يارب خالصه لوجه الله تسلميلي يا حبيبتى يارب